معلومات راجيه الرضا
- إنضم
- 18 فبراير 2017
- المشاركات
- 14,541
- مستوى التفاعل
- 9,665
- النقاط
- 113
بشروا ولا تنفروا ..قصة السيدة بعيادة الطبيب
هاحكيلكم عن الست اللي قابلتها في العيادة إمبارح ?
الأول صباح الخيييير ?
خلال رحلة علاجي أنا شوفت نماذج كتيييير من الناس كل واحد فيهم قصه لوحده...
اميارح كان عندي متابعه مع الدكتور...دخلت العياده وكانت لسه فاضيه خالص مفيش غيري...الدكتور اتصل واعتذر لأنه هيتأخر ساعتين...قولت مفيش مشكله في حاجات كتير محتاج اقراها علي الموبايل...شويه و دخل راجل وست سنهم فوق ال ٦٠ تقريباً...الست دخلت تصلي والراجل قعد قريب مني وسألني (هو الدكتور دا كويس؟)...قولتله (ممتاز)...قالي (انت بتتعامل معاه من زمان؟)...قولتله (هو اللي كان مشرف علي عملية زرع النخاع اللي عملتها)... الراجل زاد انتباهه وقالي (هو انت عملت زرع نخاع؟)... قولتله (ايوه الحمد لله من سنه تقريباً)...قالي (طيب هو حاجه صعبه ولا بسيطه؟)...قولتله (بسيطه بعون الله)... قالي (طيب والنبي ممكن تقول للحاجه وتطمنها لأن بنتها عندها ٣٥ سنه وفي الكويت واكتشفوا ان عندها المرض دا في الدم ومحجوزه في المستشفي هناك وقالولها انها لازم تعمل زرع نخاع والبنت منهاره والحاجه امها هتموت من الخوف عليها)...قولتله (حاضر)...نده الراجل علي الحاجه اول ما خلصت صلاه وقالها (اطمني يا حاجه الأستاذ أهو عمل زرع نخاع وطمني والله)...الست جت قعدت جنبي وقالتلي ( يابني بجد؟ يعني بنتي هتخف...أستغفر الله العظيم...الشفا من عند الله...بس دي هتموت من الخوف هناك وأنا لو أقدر ابوس رجل السفير يوديني ليها دلوقتي)
الست كانت في حاله صعبه فعلاً وحاولت أطمنها بقدر الإمكان والحمد لله اتطمنت وضحكت وبكل عفويه قالتلي (طيب والنبي يابني ممكن اطلبها في التليفون وتكلمها تطمنها؟)...قولتلها (حاضر تحت أمرك)...طلعت التليفون وطلبتها وفتحت السبيكر...فضلت تعيط والبنت تعيط وإدتني التليفون...
احساس البنت انا عارفه وحسيت بيه في بداية المرض... احساس الخوف من المجهول مش بس من المرض... ولأني علي يقين إن المريض بيكون عاوز يطمن أكتر من إنه يعرف تفاصيل مرضه... ولأني مش متخصص لكن مجرب قررت أطمنها...
سألت أسئلة كتير في كل حاجه...جلسات الكيماوي وتأثيرها ومدتها وعددها والزرع وطريقته وأعراضه ومدته...كنت بجاوبها من خلال تجربتي وكان كل هدفي انها تطمن وإنهم يضحكوا بعد ما كانوا بيعيطوا كلهم...كنت ببسط لها المعلومات علي أد ما أقدر وأحياناً أقولها المعلومة بشكل مضحك شويه...
المهم البنت الحمد لله اتغيرت حالتها النفسيه لأن الصوره وضحت كتير بالنسبالها وبدأت تضحك هي ووالدتها...
بعد ما والدتها قفلت معاه السكه بشويه البنت بعتت لها رساله انها مبسوطه من المكالمه ومتفائله ?
شوية الدعوات اللي أخدتهم من الست والراجل بسطوني جداااااااااااااااا والله...لدرجة انهم نسوني زعلي علي فلوس الكشف ?
يومكم جميل ?
الأول صباح الخيييير ?
خلال رحلة علاجي أنا شوفت نماذج كتيييير من الناس كل واحد فيهم قصه لوحده...
اميارح كان عندي متابعه مع الدكتور...دخلت العياده وكانت لسه فاضيه خالص مفيش غيري...الدكتور اتصل واعتذر لأنه هيتأخر ساعتين...قولت مفيش مشكله في حاجات كتير محتاج اقراها علي الموبايل...شويه و دخل راجل وست سنهم فوق ال ٦٠ تقريباً...الست دخلت تصلي والراجل قعد قريب مني وسألني (هو الدكتور دا كويس؟)...قولتله (ممتاز)...قالي (انت بتتعامل معاه من زمان؟)...قولتله (هو اللي كان مشرف علي عملية زرع النخاع اللي عملتها)... الراجل زاد انتباهه وقالي (هو انت عملت زرع نخاع؟)... قولتله (ايوه الحمد لله من سنه تقريباً)...قالي (طيب هو حاجه صعبه ولا بسيطه؟)...قولتله (بسيطه بعون الله)... قالي (طيب والنبي ممكن تقول للحاجه وتطمنها لأن بنتها عندها ٣٥ سنه وفي الكويت واكتشفوا ان عندها المرض دا في الدم ومحجوزه في المستشفي هناك وقالولها انها لازم تعمل زرع نخاع والبنت منهاره والحاجه امها هتموت من الخوف عليها)...قولتله (حاضر)...نده الراجل علي الحاجه اول ما خلصت صلاه وقالها (اطمني يا حاجه الأستاذ أهو عمل زرع نخاع وطمني والله)...الست جت قعدت جنبي وقالتلي ( يابني بجد؟ يعني بنتي هتخف...أستغفر الله العظيم...الشفا من عند الله...بس دي هتموت من الخوف هناك وأنا لو أقدر ابوس رجل السفير يوديني ليها دلوقتي)
الست كانت في حاله صعبه فعلاً وحاولت أطمنها بقدر الإمكان والحمد لله اتطمنت وضحكت وبكل عفويه قالتلي (طيب والنبي يابني ممكن اطلبها في التليفون وتكلمها تطمنها؟)...قولتلها (حاضر تحت أمرك)...طلعت التليفون وطلبتها وفتحت السبيكر...فضلت تعيط والبنت تعيط وإدتني التليفون...
احساس البنت انا عارفه وحسيت بيه في بداية المرض... احساس الخوف من المجهول مش بس من المرض... ولأني علي يقين إن المريض بيكون عاوز يطمن أكتر من إنه يعرف تفاصيل مرضه... ولأني مش متخصص لكن مجرب قررت أطمنها...
سألت أسئلة كتير في كل حاجه...جلسات الكيماوي وتأثيرها ومدتها وعددها والزرع وطريقته وأعراضه ومدته...كنت بجاوبها من خلال تجربتي وكان كل هدفي انها تطمن وإنهم يضحكوا بعد ما كانوا بيعيطوا كلهم...كنت ببسط لها المعلومات علي أد ما أقدر وأحياناً أقولها المعلومة بشكل مضحك شويه...
المهم البنت الحمد لله اتغيرت حالتها النفسيه لأن الصوره وضحت كتير بالنسبالها وبدأت تضحك هي ووالدتها...
بعد ما والدتها قفلت معاه السكه بشويه البنت بعتت لها رساله انها مبسوطه من المكالمه ومتفائله ?
شوية الدعوات اللي أخدتهم من الست والراجل بسطوني جداااااااااااااااا والله...لدرجة انهم نسوني زعلي علي فلوس الكشف ?
يومكم جميل ?
اسم الموضوع : بشروا ولا تنفروا ..قصة السيدة بعيادة الطبيب
|
المصدر : القصص والروايات الواقعية
