بسكويت التمر بالشوفان ..صحي ولذيذ

[راجيه الرضا]

? بسكوت التمر بالشوفان ?
(أولكر بالتمر)

يلا بينا نجهز المقادير ?‍?:

▪كوب و ربع دقيق شوفان ?
▪١ معلقة كبيرة نشا ?
▪ربع معلقة بيكنج صودا ?
▪ذرة ملح ?
▪فانيليا ?
▪بيضة ?
▪ربع كوب زيت جوز هند ?
▪١ معلقة كبيرة عسل?
▪١ معلقة كبيرة مايه أو حليب جوز هند أو حليب بقري ?
▪تمر عجوة للحشو ?

نبدأ التحضير ?:

▪هنضيف المكونات الجافة لدقيق الشوفان و نقلبهم كويس ?

▪هنضرب البيضة مع الفانيليا والزيت والعسل بالمضرب اليدوي لحد ما يمتزج ?

▪هنضيف المكونات السائلة لخليط الدقيق ونجمعهم وأخيرا هنضيف معلقة السائل حسب الرغبة هنختار نحط مايه أو حليب ?

المطلوب يكون قوام العجينة بيلزق شوية?

▪هنغطي العجينة ونسيبها ترتاح ١٠ دقايق لحد ما يتشرب الشوفان كل السوايل و نشتغل فيها علطول ?

وفـ الوقت ده هنجهز الفرن على حرارة ١٨٠ ندهن صينية الخبز بمسحة خفيفة جداً من زيت جوز الهند

▪نجهز الحشو:
لو كان التمر مفروم فكدة تمام
لو مش متوفر هنفصصه ونضيف ليه كمية مايه سخنة صغيرة ونضبرهم في الكبة
وممكن نضيف رشة قرفة أو هيل بيدي نكهة تحفة ?

▪بعد مرور ال ١٠ دقايق هنفرد العجينة بشكل طولي مستطيل بعرض ٤ أصابع ونتحكم في سمك طبقة العجين حسب الرغبة ?

▪هنشكل العجوة على شكل أصابع ونبططها خفيف وهنحطها في منتصف العجينة ونقفل العجينة من الأطراف بحيث نغطي الحشوة تماما

▪جه خطوة التزيين ببصامة بسكوت متوفرة أو شوكة أو مصفاه سلك هنشكل وش العجين ونقسمه بالسكينة ونرصه في صينية الخبر ?

▪هيدخل الفرن على حرارة ١٨٠ على الرف الاوسط لمدة ١٠ دقايق وأول ما يطلع هنسيبة لحد ما يبرد تماما وبعدين نشيله من الصينية ?

وبكدة معانا أحلى وألذ بسكويت ?

#مطبخ_تحويلة