بسرعة ذبحني الحزن

[تعبت من أحزاني]

السلام عليكم ..كل وحدة تدخل الموضوع تعطيني رايها باللي صار وشو اسوي الحين
عزيزاتي اليوم طلعنا للمول خذيت عيالي ورحت للالعاب وريلي راح الكوفي وايسوي شوبنق..المهم انا تعبت وانا مع العيال عشان يطلعون من الالعاب ماقدر اتركهم مع الشغالة بروحهم عشان الحق اشتري للي شي لان نفسيتي تعبانة من البيت..المهم طلعت العيال حرام ماخليتهم يلعبون ورحت للمحل اللي جايه له مخصوص وماليقت الغرض,,المهم دقيت ع زوجي قلت له ماحصلت الغرض قاله خلاص يله ع السيارة انا هنيه عصبت وعلا صوتي اشوي قلت له حرام عليك انا ماتمشيت ولا شريت شي كل وقتي مع عيالك قال ليش اتعلين صوتج قلت له ماحد جنبي قال المهم ماترفعين صوتج قلت له خلاص انا ماني رايحة للسيارة بروح اشوف للي كم غرض المهم هالمكالمة كانت في الاسنسير وماعرفت شو رد قلت له مع السلامة وسكرت..اتخيلوا شو سوا,,آآآآآآآآآآه المهم انا كملت وبروحي معصبة ومب متحملة شي قلت بيني وبين نفسي خلاص اخذ للعيال وأكل وأيسكريم واطلع شكله اليوم مب مبين انه وجه خير استفغر الله ..المهم يمكن خذيت نص ساعه اول 20 دقيقة طلعت ادق عليه مايرد 3 مرات ادق ارسلت له مسج قلت لها احنا برا بس ماشوف سيارتك..مارد
بعد
تتوقعون شو صار؟

تدرون خلاني فالمول وطلع سودت الدنيا في عيني معقولة هنت عليه ارجع في تكسي انا وعيالي صدق ماعنده أحساس,,
المهم ارسلت ثاني مرة مسج مارد

خلاص فهمت الموضوع مع انه اول مرة ايسويها..
خذيت تكسي ورديت البيت وانا في الطريق طلعت روحي من الحزن ودموعي غرقتني ..حسيت ان مالي احد فالدنيا
تمت افكر طول الطريق شو اسوي اطنشه وأثأر لكرامتي لان اللي سواه بالنسبة للي كبير جدا
بس هذا لو ازعل دهر عمره ماحس ولا راضاني .. وصلت البيت ان الحبيب وصل قبلي ومتغدي ورايق ..قلت اتعوذ من الشيطان وروح وانزل من نفسي واتكلم فالموضوع..قلت له زين اللي سويته خليت الخدامة تعرف خليت اللي مايدري يدري
مارد علي
قلت انا ماقصدت اطول صوتي عليك انا متضايقة من العيال وجو البيت مايحق للي اتعب انا مب انسانة قال مادخلني اذا انتي معصبة ع عيالج انتي ماتحترميني قلت له ليش وطول هالايام وهالشهور انا اراددك الكلام؟
المهم يا بنات النقاش معه عقيم خذيت نفسي وطلعت عزت علي نفسي بموت من القهر والحزن احس الدنيا سودت في ويهي اليوم يعني عاااااااااادي وبكل بساطة ايبيعني انا ولا شي عنده معقولة يخليني فالمول مع عيالي ويرد وين غيرته وين احساسه بعياله زعلان مني اوكي بس كيف ترضى اتخلي عيالك؟!\

المهم يا خواتي بعد هالكلام اللي وياه الظهرنام وانا نمت عند عيالي وطلع ع المغرب واذا بغى شغلة ارسل مسج ماتصلي..وبعد العشى طبعا راح لغرفة النوم ايتابع التلفزون انا رقدت عيالي واتسبحت ورحت غرفتنا البس ولا كأني موجودة ابد مطنشني ويتابع التلفزون ورجعت الصالة اجلس ع النت..حسيت اني زوجة بلا زوج وين الحنان وين الانسان اللي يحتويك والله حاسه اني مب متزوجة بموت حززززززززززززززززززززززن
قلت خلني ارجع الغرفة عساس اني اسية شي خذيت الغرض وطلعت وبعد مطنش,,الحين برجع انام عند عيالي والحبيب متهني نايم بروحه,,انا ماقدر اشل بعضي ونام عنده لان ولدي الصغير يصحى بالليل ويزعجه ويتم الصبح يتشكى ولدج ماخلاني انام ومادري شو خلاص والله كرهت حياتي لو اطلق أحسن للي ماحس اني متزوجةآآآآآآآآآآآآآآآآآه
وربي كل وحده تعطيني رايها ترى انتظركم بإي كلمة أتبرد على قلبي.ترى حزني ذبحني

 

[احاسيس منسيه]

عاااادي مثل هالمشاااكل ما توصل للطلااااق ..مشااكل يوميه يمكن تحصل بين اي اثنين وسوء الفهم وااارد بين اي طرفيييين ... بس المفروض انتي تفهمين ريلك الموضوووع بهدوء مب بصراخ وعناد.. وموقف ريلك استغربه ؟!!
عالعموم مثل هالمواقف بتعدي مع الايااام وراح ترجع المياه لمجاريها تطمني حبيبتي ولا تضايقين نفسك

 

[صبيه شقيه]

اختي لاتزعلين مني بس انتي غلطانه مفروض ماتعلين صوتك مافيها شي لو قلتيله بشويه هدوء ربي يسعدك خليني شويه اتسوق الله يوفقك من هالكلاام
وبعدين يعني ايش تاخذين عيالج وتلعبينهم مفروض هو معاكم في كل مكان في المول يعني عوديه انه هو يلعب عياله بنفسه من اول ماتدخلون السوق اكبر غلط يروح زوجك لوحده يتسوق وش اللي يخليك ضامنه انه ماكان يغازل البناتوين غيرتج عليه
انتي غلطتي فلاتكبرين السالفه ممكن تدورين وقت يكون فيها رايق وسولفي معاه وفهميه قوليله ماتوقعت منك يااابو فلان تتركني انا وعيالك للسوق لو شفت كيف خفت من اصحاب التكاسي وشلون يتكلمون معي عشاني حرمه من دون رجال
قوليله مو قصدي اعلى صوتي عليك بس انتي اتحملني مره ثانيه لو علي عليك صوتي اذا حنا مانتحمل بعض شلون تمشي حياتنا
اللله يسخره لج يارب

 

[أوركـيد]

الله يعينك ويسخره لك,,,,بس انا من رأيي خليك طيبيعيه وانهي المشكله,,لانك بالاخير انتي اللي بتطلعين غلطانه في نظره ....
وبعد كم يوم الا راق رجلك عاتبيه بلطف على ترككم في المول وخليه يأنبه ضميره بدون ماتصارخين,,والله يعينك

 

[من يفهمني؟]

شوفي ياغالية صح أنك غلطت عليه بس أنت بينت سبب غضبك له.. أحس أنه متحسف على اللي سواااه بس الرجااااال ما يعترفون بسهولة.. أنت خليك عادية وتعاملي معه بشكل طبيعي ولا تفتحين الموضوع معه إلا إذا هو بدا.. المشكلة سهلة وما تسوى كل الزعل هذاههههه.

 

[تعبت من أحزاني]

اشكركم خووواتي والله ان ردودكم ارفعت من معنوياتي..بس بعد ماكتبت مشكلتي انفعلت وبكيت ماقدرت اتحمل رحت له الغرفة وقلت له شو رايك نتطلق وخلاص بعد اللي سويته اليوم انا خلاص عرفت اني رخيصة عندك وكلالالام وايد بس وبكييييييت بس طلعني غلطااااااااااااااااااااااااااااااااااانة وقال انا ماتحمل انفعالاتج لازم تحترميني قلت ليش مايسوا الموقف اتروح واتخليني قال اذا احنا بالغرفة عادي سوي اللي تبينه بس برا انا للي احترامي وحشمتي قلت ليش انا اذا تعبت وانفعت مالي حد يحتويني بس علي اتحمل واتحمل ليمتى من لي يتحملني طبعاً هالكلام مايمشي معاه..قال كان بإمكانج اتكلميني بهدوء قلت له انت حرقت دمي لما قلت يالله قال اوكي اعتبريها زلة لسان بس مالج الحق اتقولين يالله ومع السلامة واتسكرين التليفون قلت له انا كنت طالعه بالاسنسير وماركزت وشو كنت اقول لاني كنت خايفة يفصل الخط..قال قلت لج بوديج يوم ثاني واخذي راحتج مب شرط اليوم خلينا انرد البيت,,وانا عاد كارههة البيت صار لللي محكورة نص شهرت كرهت الروتين آآآآآآآآآآآآه ياقلبي

المهم رضاني وقال مالي غيرج ومن هالكلام...بس والله بعدي تعبااااااااااااااااااااااااااااانة,,

واللي قالت ليش اتخلينه ايروح يتمشى لحاله ..انا واااااااااثقة فييه واعرف طبعه لانه بعد طبيعة شغله حكر اشوي فيحب ياخذ راحته..واي موقف ايصير له ايخبرني ع طول مع انه نادر اتصير مواقف,,وبعدين هو متزوجني ع كبر خلاص يبا الاستقرار مايفكر في النزولات والمغامرات
وبعض امرات انخلي العيال في مكان مسكر فالالعاب ونطلع انا وياه نتمشى بس انا احب بروحي واذا انا تأخرت سبقني ع العيال بس اليوم اللي كنت احطهم فييه ويقفلون عليهم قالوا مايفتح الا بعد العصر فماقدرت اتركهم لحالهم...........حدي نفسيتي زززفت