بسافر وبخلي زوجي في البيت << ابي افكاااار

[مناكير حمراء]

مراحب بنات
اخباركم

انا حامل وبسافر لهلي لاني قربت اولد
وهذا اول حمل لي يعني بكر

ابي افكار اسويها له في البيت
يعني اذا وداني للمطار ورجع البيت
يلاقي حركات مسويتها

يلا تكفوووون ابي ابداعاتكم

 

[حبيبي دودي]

على إييييييدك تكفين انا بعد مسافره بعد اسبوعين وبتركه وديي بأفكاااار

افكر اني طبعا الله لايحرمنا من هالورق بحط له في كل مكااان الثلاجه تحت المخدااات في الاب توب في شنطة الجامعه الله يعزك الحمام بين فوط الترويش وجيب البنطلون حقه ....الخ

بس عندي لك سؤال كيف راح تتصرفين مع زوجك اذا غبتي عنه يعني انا مره رحت وخليته شهر فاهو مشتاق لي ومايبي يقول
وجلس ينكد علي كل يوم يختلق المشاكل لانه حاس اني مبسوطه بدونه ولاهيه عنه وهو جالس لحاله وكيذا
ايش رايك كيف اتصرف معه وانتي كيف بتتصرفين معه

انا ماادري زوجك وين وانتي وين بس انا مغتربه وعندهم حركه ترسلين باقة ورد للعنوان الي تبينه ويكتبون لك الكلام الي تبينه ويوصل بالوقت الي تبينه وكيذا افكر اسويها اول مايخلص اختبارات

تقدرين تحطين تحت المفرش قميص النوم الي هو يحبه وتعطرينه بس المشكله كل الي بتسوينه بيشوفها بيوم وااحد وخلاص

 

[لمعةالماسه]

رفع لعيونكم..

​

 

[هيفاالسلطان]

ياحبي اترك له شو كولاته وكتب دينيه واعملي حلا بالثلاجه واشياء اخرى من اللي يحبها والله يسهل عليك وتقومين بالسلامه وتجيبياحلا نونو ودعواتك الله يرزقني ببنت موووقفات

 

[قهوه الصباح]

مره سافرت وتركت في دولاب الغرفه بوكس صغير فيه علاقه مفاتيح بسيطه ومعاها ورقه كتبت فيها كلام حلوو

وبعد مدة كان يكلمني وصفتله المكان قلت افتح الدولاب بتلاقي علاقه ملابس فيها كيس صغير افتح الكيس

تلاقي بوكس صغير افتح البوكس وهكدا <<<<<< وبس

 

[السحر الحلال]

ممكن تحضرين رسائل باوراق صغيرة
تكتبين فيها اشواق ومدح منك ومن البيبي
وكمان خلي اغراض للبيبي في البيت تقع عليها عينه

الله يسهلك ويوفقك ويبارك لك في ذريتك ااامين

 

[ودرد بلا أوراق]

ماشاءالله افكار حلوه