بسألكم سؤال .. عادي هالشي ؟! .. مب سرقة .. ترظين استاذة ناعمة ؟

[براءة جنون]

بسم الله الرحمن الرحيم

السلاااام عليكم ورحمة الله وبركاته

بالبداية أنا اشكر كل كل كل العضوات

:icon30:

ادري انكم كلكم تبون تفيدون بعض بس في سؤال دوم في بالي

أنا وايد أجوف عضوات منزلين كتب هني

كتب لناس ثانيين

وهالشي يحتاج مجهود كبير يزاهم الله خير

بس بسألكم شي

هل هالشي عادي هل يجوز

استاذة ناعمة لو طرحتي كتابج

بترظين ان حد يحط كتابج بالمنتدى

ويتناقله الاعضاء

صح انت تهمج ان الفايدة تعم

بس اكيد تبين تاخذين حق تعبج

:icon31:

وانا اقول

كل وحدة جافت كتاب وايد عيبها ممكن تكتبلنا رايه فيه مب تحطه بكبره

حتى يسترزق الكاتب

:bigsmile:

اتمنى ان الفكرة وصلت

ولي له رايي ثاني يتفضل

:showoff:

 

[mmr]

يزاج الله خير حبوبه ..
بصراحه ما مر علييه ولا كتاب لين احين
ممكن اعرف في اي قسم

 

[الأسطـــــورة]

اية كتب وبأي قسم؟؟؟

 

[ضحكتي دموع]

للرفع ....................؟ ؟ ؟

 

[مربوشه]

وانا للحين مامر علي بس يزاج الله خير وتسلمين

 

[~دلـع الـكــون~]

مشكوره اختي رأيك صحيح ميه بالميه....
دام مكتوب ع الكتاب حقوق الطبع محفوظه...
ما يجوز نقله لان فيه ضرر ع الكاتب........

 

[نور البدر]

أنا ما أعرف الإجراء القانوني والحكم الشرعي بالنسبة لتنزيله .. بس أعتقد والله أعلم انه ما يجوز .. لأن كل الكتب مكتوب عليها جملة (حقوق الطبع محفوظة) ..

انا عن نفسي جربت تنزيل بعض الكتب على الكمبيوتر وأشوف ان القراءة عن طريق الكمبيوتر ما فيه لذة مسك الكتاب والتقليب فيه والإنتقال بين صفحاته .. فقمت أنزل أول جزء من الكتاب وأقراه شوي وإذا شدني بعد 10 صفحات سرت المكتبة وأشتريه وبعدين أقراه على مهل وعلى رواق .. وبجذيه ما تكون سرقة بالنسبة لي .. لأن الغرض من تنزيلي له اني أقرأ المقدمة منه وبعدين احذفه من عندي ..

 

[رتاج عبدالله]

أنا أعتقد ان الموضوع عادي ، لان الرزاق هو رب العالمين ، وليش مانخلى الفايدة اتعم ، مثلا كتاب مادري عنه ،يفيدوني الخوات فيه ليش لا ، وبعض الخوات مايعرفون انجلنزي وجزاها الله خير من بترجم لهم ، وفوق هذا كله ترا كل هاذي الكتب ممكن تنزلها مجانا من الانترنت ، يعني لاقطع أرزاق ولا شى.

 

[براءة جنون]

mmr الاسطورة

هههههههههههههه

احين انا يايه اواجه هالضاهرة ولا انشرها لول

...........

ضحكتي دموع شكرا على الرفع

..........

مربوشه شكرا حبيبتي

...........

دلع الكون فديتج والله مشكورة على التأاييد

^^

...........

نور البدر

بالفعل القراية بالكتاب وااااااااايد اريح

بحيث يكون متوافر معاج على طول

وترومين تخططين عليه وتمشين بالهايلات على الي يعيبج

^^

.........

رتاج

ترا نحن الي نرفعها

وها طبعا بدون اذن الكاتب

اتخيلي بنتج

كتبت كتاب وتعبت عليه وااااايد

وتمت تراكظ شرق وغرب حتى تنجزه

واخييييييييييرا طلع للنور

واتوزع بالمكاتب

واخر شي ينعرض بالنت

وتقل نسبة الناس الي يشترونه

تقل الاحصائية للي شروه

اتمنى تفكرين بالموضوع مرة ثانية

^^