برأيي...مافي شي اسمه (هذي خصوصياتي-مااحب تطلعين عليها) بين المتزوجين...اعطوني رايكم!

الحُرّه

الحُرّه

مشرفة ركن احلى البنات
إنضم
2007/07/12
المشاركات
1,151
السلام عليكم حبيباتي ال(بلقيسيات)...

أكون صريحه معاكم انا حاليا أحب اخذ من تجربتكم في الحياه وخبرتكم

واعطيكم رايي. من خلال المواضيع والدورات اللي قرأتها...

وحابه اعرف هل أنا رايي صح ولا غلطانه ...!

أعتقد ان مافي شي اسمه هذا امر خاص فيني ومااحب تتطلعين عليه!

لمن الزوج يقول لك هالكلمه ...لابد ان تضعي تحتها الف خط!

وحتى لو ان زوجك بريء ...ومسكين ومافي شي يسويه غلط...

لكن صدقيني الخصوصيه الزايده عن حدها تجلب الاخطاء و=الخيانه بحد ذاتها!

فمفروض انتي كبنت مابعد تتزوجين او كزوجه حديثه

ان تعودين زوجك ان مافي شي اسمه امر خاص فيني

(جوالي وهذا امر خصوصي مااحب تتطلعين عليه)؟!!!

(اميلي ومااحب تتطلعين عليه)!!!!

واظن مافي ابدا اي تساهل بهالنقطه وكوني حازمه معاه

ليش ماتبيني ادخل على اميلك او جوالك اكيد تخفي عني شي...

مدام ان انت ارتبطت بهالرباط الشرعي المقدس....مافي شي اسمه ماتخشين اميلي

انا زوجتك مو بنت الجيران ...شنو هالشي الخصوصي اللي ماتبيني اعرفه؟!!!!


ويكون افضل لو يكون الحل سلمي ...

بانه تعطينه رقمك السري وتاخذين رقمه السري

واذا احتاجت السالفه حرب شوي....عادي خل نتسلح ونوريهم العين الحمره

قبل مايتعودون على الخصوصيه ويتمادون!

صح ولا لا؟؟؟:blow:


وعلى قولة المثال

(من خاف _سلم)
 
غليتي الحره


سلمت الايادي والافكااار الرائعه

الخصوصيه بين الزوجين
انا صار لي متزوجه اربع سنوااااات
في اول زواجي كان زوجي ما عنده خصوصيه بيننا كان جواله بيدى كل الوقت

بعدمرور سنتين دخل النت حياتنا واصبح يقولي ايميلي خاص بي وما ابغاك تشوفيه

ولم يعطيني الباسبورد ويمنعني اشوفه حتى وهو فاتح المسنجر يسكره عني
بعد فتره وبعد عودتي من اول مولود اكتشفت انه معاه بنات بالمسنجر طبعا انا عرفة من خلال الدخول على الابتوب حقه
عبر سجل المحادثه بعدها جن جنوني واجهته انك ما تعطيني الايميل عشان كذا ما صدق كلامي وصرخ على وقال حتى جوالي ما ابغاك تشوفيه الجوال ما يعنيني لانه كله رسائل من اهله وهوشاتهم وما احب ادخل نفسي فيها
انا الان محتاره لايه في اول حياتنا ما كان فيه خصوصيات بيننا والان تغير كل شي
انا ضد انه يكون بين الازواج خصوصيات لانه بيزرع الشك فيهم

واعجبني كلامك انا بنت الجيران

وبعدين فيه واحده من قريباتي تقول لازم بين الازواج خصوصيات انا عادي يفتح ايميلي وجوالي لكن انا ما افتح له شي لانها تعتبره من خصوصياته وهذا غلط ليه هو يشوف الي يبغى وانا لا

راح نشوف رد الباقيات

اللهم اصلح لي شأني كله
 
لا يااختي..
اكبر غلط انك تعطين زوجك فرصه ياخذ هالعذر الواهي ان عنده خصوصيه

حتى لو كان انسان ماينوي خيانه _او نيته سليمه

الخصوصيه الزايده ...ينخاف منها والله

لان النفس أماره بالسوء...


في محلات الذهب والشركات العالميه يدارون حلالهم ويراجعون الاوراق...والصادر والوارد

هل معناه ان اللي يشتغلون عندهم حراميه

لكن شي طبيعي ان الواحد يداري حلاله...

ولو تركوا الحلال وبس ثقتهم بالناس اهي الي تديره

صدق ان نص الحلال ينباق!

الناس ينخاف منهم والله...

وبالتأكيد لازم كل وحده تداري حلالها الثمين=زوجها!
 
انا لسى متزوجه وزوجي هذي حالته يقول هذي خصوصياتي ومثل ماانا ماطلع على خصوصياتك ماابيك تتطلعين
 
الخصوصيه ...في اشياء ممكن نقول عنها امر خاص

مثل امور العائله ...عائلته امه ابوه اخواته ومشاكلهم

هذي امور خصوصيه وفعلا مالي اي حق اني اتناقش وياه فيهم او اجبره انه يخبرني بهالشي!...



انتبهوا جدا من هالشي...

وكل وحده تسأل نفسها (اللي زوجها يخونها ) ومن خلال القصص اللي تقرونها في هالطرح الرائع

بتشوفون ان 99% من المواضيع

بداية خيانة الزوج هي الخصوصيه الزايده!

كل وحده تكون صريحه مع نفسها ومعانا!

:icon26:احبكم:icon26:
 
غاليتي انا دائما اقول له ا نا ما عندي شي اسمه خصوصيااات جوالي وايميلي يفتحه متى ما ارد لاني ماعندي شي
لكن هو يرفض حاولة اقنعه لكن مافيه فائده يقول الحرمه مو كل شي تعرفه عن زوجهههههههها
 
ممكن يكون هالموضوع المجال اللي نستفيد فيه من أراء البنات عطونا رايكم!

شالحل؟
 
احب اشكرك غاليتى اولاو
اشارك بوجهة نظري...
انا معاك ميه الميه مافي خصوصيه بين الزوجين اذا الزوج يتعرى امام وجته وهى حلال احله الله عزوجل فهل هنالك خصوصيه بعدها؟؟؟؟
هاذي اسليب ملتويه من الزوج
وبصراحه
اشوف انه الانسان الواضح في حياته صادق ماعنده لف او دوران ماتهمه هاذي الامور ابدا ابدا
بس الي عنده علاقات مشبوها نسائيا محرمه هو الي يخاف على اطلاع زوجته وفضح امره
فا يجلس يتحجج هاذي خصوصيه هاذي ماعرف ايش !!!وهاذا اكبر غلط ماحد يعرف العلاقات الهاتفيه توصل لفين؟؟
بعدين خلونا نتكلم بصراحه وموضوعيه اكثر عشان نستفيد ونتفتح وماعتقد في وحده مغمضه هاليومين خلاص كثر الدق يفك الحام على ماقالو..
الان الرجل المتزوج والغير متزوج يعنى بصفه عامه ليش يتعرف على بنات ويكلمهم؟؟
تتوقعون ليش بس عشان صوتها يعنى ولا جالسين يحلون قضية فلسطين ولا شو بضبط؟؟
طبعا عشان يوصلها يوصل لمبتغاه منها والمطلوب معروف لا يعرف....
لا تسمحى بوقوع هاذا الجرم بحقك وبطيبتك وانتى ماتدرين وبدون قصد منك...
وعندى نقطه نفسي اضيفها موعشانى انا ادركها جيدا والحمدلله وتعديتها من ز مااااااااان الحمدلله الي هى
السفر والله ليش بتسافر بروحك؟؟
خصوصيه ابي اغير جو مع الشباب ولا وحدى..!!!!
سفر الزوج او الشاب مع اصحابه او وحده لتغير الجو هاذي يجب ان تقف امامها الزوجه!!!!!!!
تفكر جيدا لماذا؟؟؟
كشافه هو؟؟
داعيه من دعوات الاسلام ؟؟؟
انا اعترض وبشدده على هانقطتين بذات لو سلمت منها الزوجه ومحتها من حياتها عمرها ما تندم ولا عمره يفكر يتجرئ عليها
قرينا كثير وشفنا اكثر بكثير ايش خرب البيوت
الخصوصيه بالجوال المسن او يعنى يازوجى العزيز ماعندك خصوصيه تتجرد من ملابسك امامى وعندك الخصوصيه الي تلف وتدور فيها علي؟؟
العب بعيد ياشاطر..(في نفسها)
و تقولها بمكر تقولها وهى رافعه حاجب ومنزله حاجب وكانها تقول له كما تدين تودان طبعا بينها وبين نفسها من باب التخويف فقط
بينا خصوصيه تقول
بعدين ممكن تهمس في اذنه ترا انت الخسران وبيجى يوم تندم وهى وشطارتها وطريقتها مع زوجها
السفر هاذا عندى في لائحة المحضورات في حياتى طبعا ماتجى بين يوم وليله يبلها وقت وحــــــزم ودهاء ومن البدايه من بداية الزواج او بدية الفلم الهندى المكسيكى
عندما يقول الزاوج حبيبتى انا احبك انا اخاف الله ماسوى شي بس اغير جو هاذي عافى عليها الدهر الاسطوانه ونكش المستور وخربت البيوت وخلصنا...
انتبهووو اخواتى خططو لحياه زوجيه صحيه طبيعيه عشان تسعدى بحياتك
وتقبلي مرورى يالغلا​
 
يـا حـلات الصـراحة و الأخـذ والعـطا بين الزوجين بس بدون شن حـرب والسـوالف هذي .. :busted_red:

إذا الزوجـه عـودت زوجـها على إنـها ما تخش عليه شي ،، راح يتعود تلقائياً على جذي ،، و إذا نسـى يقولها شي تذكره بدلع ( صـرت تخش عليّ ،، أو ،، صـار بينـا أسـرار .. إلـخ ) و من هالأمـور مـرة على مـرة راح يقولها ..

و فـي أزواج يمـكن يحـبون يكون في جـانب ما يـطلع عليه أحـد بحـياتهم عشـان يحسـون بـنوع من الخـصوصيه ،، إذا كـان جذي حـاولي تغيرين في هالصفة وإذا ما تغيرت و إنتي واثقه في خليه يسناتس بهالخصوصيه .. :shiny:

و الله يوفقكم ..​
 
والله اشوف بكيفه لو بخون مو مستني انك
تشوفيه

ويمسح كل رساله تجيه

ولا يخلي ممسك عليه

دائما زكريه بالله وان كما تدين تدان

والله يمهل ولا يهمل

واولاده بيجيهم زي ما يسوي ببنات الناس
 
زهور فرنسيه كلامك مره عجبني وانا كذاااا دائما اقوله من طق بيت الناس طقووووووووو بابه انت غدا بيجونك اولاد ولكل خوات خف الله بالناس

بس الي يقهر ان بنات هالزمان هما الي يرسلو ايميلاتهم للرجااااااااااله
 
صحيح كلامكم حت انا ياهمس فضي زيك ماخبي عليه بس بعد ماشفته كذا صرت اخبي عليه وماخليه يفتح ايميلي ولاعلمته الرقم السري حقي حتى جوالي هو اساسا مايهتم يفتحه وانا اصلاا مااخليه يفتحه لان احيان صديقاتي يرسلون لي مشاكلهم
وهو يقولي ان اللي بجواله رسايل من اصدقائه وماتصلح لي اقراها لانها نكت جريئه شوي
شرايكم شلون اتصرف معاه
 
انا لايهمنى هزا الموضوع ابدا فله خصوصياته كاملة فانا لاساله لاوين رحت ولامن وين اجيت لامين كلمت ولامين قابلت لايهمنى جواله ولاالمسيجات التى تاتيه من نساء او رجال لايهمنى ان سافر لوحده او اخزنى معه بصراحة انا اشتريت راحة راسى وبعدين واثقة فى نفسى لاننى اشتغل على جسمى وشكلى يوميا ولاننى اثق به انه مو حمل زوجة تانية ولاتالتة لاننى هاريتو طلبات وماصة دمه
 
السلام عليكم
احب اشاركم الموضوع
شوفوا اول سنين زواجنا ماكان في بيننا خصوصيات لدرجة يقل لي اروح ارسل لأهله او اصحابه ايميلات لانه الكيبورد حقنا انجليزي وهو مايعرف مكان الحروف العربيه
ولكن بعد يمكن 3 سنين زواج اعتقد تغير كل شيء وصار كل شيء في حياته خاص فيه وغير البسورد وحرم علي اني افتح المحفظه او تلفونه ولكن صدقيني مادام الزوج حرم عليكي الشيء هذا صدقيني انه يكون في شيء مخبيه عليكي
وانتوا اقرءو ويش صار معايا لمن فتحت التلفون حقه طبعا حصلت رسايل من بنات واااااااااااااهههههههههههه منهم بنات الحرام ربنا ينتقم منهن يارب وينتقم من علم زوجي على هذه الأشياء .
السلام عليكم
 
انا ارى انه لابد من الخصوصية لحد ما والا اصبحت ولا شي او اي شي وهذا كلام نعومتنا.
 
نعم برأيي الرجل اللي يخبي على زوجته ارقام سرية تلفون برقم سري ايميل مكالمات يروح فيها بعيد عنها .فيه شئ يخاف أنك تعرفينه ويسبب له ازعاج منك .الحمد لله زوجي مش من النوعية هاذي اختبرته عدة اختبارات ونجح . بس برأيي الزوجة تحاول ماتخلية يعرف انها تعرف وما تعطيه هاذيك الأهمية حتى يرتدع يعني ماتخلي الشئ هذا محور اهتمامها ,الله يعين على الرجال وبس.
 
فعلا المفروض ما يكون فيه خصوصيات بين الزوجين ويكونون من بداية الزواج كتاب مفتوح لبعض والاليش الارتباط وتعذيب بنات الناس ما دام لك علاقات ولا تبي تتركها ما اقول الا حسبي الله عليهم هالرجال الغامضين
 
ندى الاوركيدا قال:
انا ارى انه لابد من الخصوصية لحد ما والا اصبحت ولا شي او اي شي وهذا كلام نعومتنا.
أنقر للتوسيع...

انا رايي من راي ندى الاوركيدا لابد من وجود نوع من الخصوصية المعقولة مو يخبي عني اشياء لازم اعرفها ويقول خصوصية لا.. واوال من يطالب بالخصوصية انا مو عشانه انا طبعي مااحب احد يفتح جوالي ويفتش فيه اتنرفز وبرضوا المحمول حقي مااحبه يلمسه مو معناه عندي شي مخبيته لا بس مهما ن لي خصوصياتي -اخبار اهلي ومشاكلهم برضوا اعتبرها خصوصيات وبالمقابل مااطالبه يعطيني اخبار اهله هو حر وهذي خصوصيات

هذا رايي
وبس
 
موضوع مهم عزيزتي وألف شكر لكم لطرحه .........


بخصوص الخصوصية احب ان نوه ان يتم النظر للامر من ناحيتكِ انتِ الزوجه .......

نعم انه زواج مقدس ......... وأجمل شيء ان يكون الزوجين متفاهمين ......

لكـــــــــــــن

عندما اعطي زوجي باسورد إيميلي ما القصد من هذا هل هذا مفتاح الامان فقط لكي ارضيه وارضي غروري ......

لكي ارضي معرفتي وامنعه من التمادي

لا عزيزتي ،،،،، ليس كل شيء يذكر للزوج وهكذا ينظر لكي الزوج ايضاً .....

عند التعويد بأن تكوني جالسه معه في اوقات النت مثلاً أو تلهينه عن الدخول
وتنصحينه بأن يدخل مواقف اسلاميه
بأن تراقبينه من بعيد
تعرفين باسورد إيميله بطريقه هادئه منه او في الاماكن التي من الممكن ان يخبئ بها

افضل بأن تتبادلي معه خصوصياتكِ

ارني هذا الشيء لكي اريك هذا الشيء......

هذا منطق خاطئ عزيزتي مع احترامي لكي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل