بديت اكرهه مالحل

[بدور الوحده]

السلام عليكم ورحمة الله وبركاته
اخواتي ابغى الحل ساعدوني ابتديت اكره زوجي من سواياه وياي احنا لسا مملكين وهاذي تصرفاته كيف بعدين من اربعة ايام دق لي وقال ليش انا الي دايم ادق وانتي عمرك مادقيتي مع اني ادق عليه لو حصلته داق عالجوال وانا مو موجوده وعمري مااهملت المهم تكلم شوي وقال انه دايم يدق وانه طيب وياي عشان كذا انا استغله قلت له ولايهمك تبغاني ادق دقيت قال لا تتعبين نفسك مو كل شي لازم انا اقولك سوي كذا وكذا خلاص انا ماراح ادق وانتي بعد لاتدقين سكت وقفل الخط هو طالب مني اصحيه يوميا دقيت لقيت جواله مغلق ارسلت مسج عشان يصحى وبعدين نمت المهم صحيت دقيت له مارد دقيت ثانيه عشان يفهم اني احبه لانه يقول انتي ماتحبيني ولو ماادق عليك شهر ماراح تفكرين تدقين علي ويغار من اخواني وخواتي مارد بعد ارسلت مسج وقلت اسفه عالازعاج وتركته بس مقهوره من تصرفه كيف اتصرف معه اليوم رابع وهو مادق والا ارسل وانا ماني عارفه وش قلبه علي صراحه بديت اكرهه وماني عارف كيف اتصرف يمكن عيبي اني عمري ماخالفته في شي فحس اني طيبه اكثر من اللازم ارجوكم ساعدوني

 

[الباحثة عن الحب]

اختي الفاضلة الله يوفقك ويسخر لك زوج المستقبل ولكن نصيحة حاولي اخذ رأي الاخوات العزيزات اللواتي استفدن من مشورة الاستاذة ناعمة واقرأي ملف القصص وخاصة قصة اثير وام الوليد وام بسمة والعذراء والمتسلط واستفيدي من قصصهن واعتبري وحاولي الاشتراك في دورات المركز وفقك الله ورعاك

 

[ام شوق]

أعانك الله

اذا هذي اولها ينعاف تاليها, حاولي تتفاهمين معاها

والله يكتب لج اللي فيه الخير ان شاء الله

وفقك الله

 

[Pink Dove]

ياأختي الله يهديكي ... شوفي حبيبتي الرجل في فترة المالكة بيكون حساس بزيادة لانه زوجك بس مابتكوني جنبه .. فبيهتم جدا بموضوع التليفون والمسدجات ودي الامور .. هو نفسه يحس باهتمامك وانك بتحبيه .. وفي نفس الوقت يكره يقولك أفعلي ده الشئ بيحس انه بيتحايل عليكي عشان تعبري عن حبك له .. وليه بديتي تكرهيه ؟؟؟ ايه خطأه ؟؟؟

حبيبتي ده زوجك ومافعله ليس سيئا وليس مؤشر مقلق لما بعد الزواج بالعكس زوجك انسان عاطفي ويحبك ويحب يرى اهتمامك بيه .. ولو مااتصل أو أغلق موبايله فهو بس محرج لانه لا يريد منك تأدية واجب والسلام .. لا هو يريدك تهتمي بيه لما يكون الاهتمام نابع من داخلك .. حبيبتي الله يعينك ويوفقك ان شاءالله وطمنينا عليكي