بدأت اذبل ..ولاحياه لمن تنادي!!

ترانيم بلا وتر

ترانيم بلا وتر

New member
إنضم
2010/03/01
المشاركات
3
السلام عليكم ورحمه الله وبركاته..
انا عضوه جديده بينكم ..
دخلت هنا بعد ان احسست اني بحاجه لأن اخرج مخزون 8 سنوات من الألم النفسي..
دخلت لاني بحاجه لقلوبكم البيضاء ونصائحكم المفيده..


انا امراه عامله تزوجت منذ 8 سنوات تقريبا ..انجبت 3 اطفال
مشكلتي صعب ان احصرها في كلمات او اشرحها بعده جمل
زوجي يحبني جدا ..طيب ..حنون ..لايتحمل ان ازعل عليه او آخذ بخاطري عليه
لكنه مختلف عني جدا في الطباع ..يحب اجواء الضوضاء بل ويصنعها حتى اكره نفسي
الجيران الفوا صوته العالي جدا يعرفون مايقول ومايريد
تعامله مع اولاده بالصوت العالي والعصبيه مافيه ارشاد ولاتوجيه ولاتعليم بالرغم انه يحبهم جدا ويدللهم لكن لايتحمل ازعاجهم ؟؟
ونحن مضطرون لتحمل ازعاجه وصوته العالي...يعني لو نطلع مشوار هوشات بالسياره لاتفه الاسباب
ارجع واقول ليتني مارحت ..
صار يصرخ وانا اصرخ والاولاد يصرخون والتعامل في البيت صراخ في صراااخ
اسلوب تربوي مافي ابدا
ثمان سنوات احاول معه يغير اسلوبه واشرح له ان نفسيتي تعبت ويقول ابشري ومن عيوني
بكره والحال يرجع زي ماهو!!

هذا احد عيوبه ..
وايضا عجزت اتاقلم معه في فراش الزوجيه لااعلم مالسبب يمكن الطبائع المختلفه..
عمري ماشعرت معه باي شعور لدرجه مدري انا احبه ام اعتدت عليه..بالرغم انه مبسوط جدا
ودائما يكرر اني ماراح القى مثلك وانك كذا وكذا..

في الحقيقه انا صارحته كثيرا وحاولنا نحل المشكله بالرغم ان العيب مو فيه ..انا اللي مااشعر معه باستجابه رغم سعيه الحثيث..
لاادري هل انا من النوع الذي لاانسى تنكيد النهار او اني اكون مقهوره من تصرفاته ..

تكلمنا كثيييييييييييييير بهذا الموضوع بس بلا جدوى
تصرفاته كلها ترفع الضغط لدرجه صرت اركز بكل شيء يقوله او يفعله
فازيد همي..

لايفهمني مطلقا مهما تحدثت ...يفسره شيء ثاني ويفهمه شيء ثاني
عجزت اوضح واشرح
وصلت لمرحله ماابي اتكلم معاه لان كلامه كله ماله داعي
يعني لو قلت له مشكله صارت لاخوي او اختي
بدل مايساعدني يعصب ويقول هي اصلا كذا وكذا ويتنرفز ويعصب ويلقي عليهم التهم مثل هم اصلا المفروض يسوون كذا وكذا يعني ماله داعي العصبيه الزايده والموضوع مايخصه؟؟؟

صار يعصب لاي خبر يقال ..فصرت مااقول له شيء
يعني مااحسه قريب مني نفسيا ..بالرغم اني انا كل حياته
عمره ماقصر معي كل مابغيت شيء وداني وجاب لي ..
مايسهر كثير واذا سهر فمع اخواني او اقاربي
لاعلاقات ولاخيانات ابدا
بس مدري ليش انا كرهته من تصرفاته..

ابيه يفهم احساسي ابي انسان يحتويني
اذا قلت له هالكلام فسره شيء ثاني
صرت اهرب منه في الفراش واحيانا اشتاق لان احس بانوثتي فاجيبه
لكن...بلا احساس

من تصرفاته: كثير الحديث في الجوال مع زملاءه وبصوت عالي واذا كان عندهم مشاكل ياساتر صراخ
وعدم حكمه ونرفزه بلا مبرر..
كثير مايبذل نفسه للاخرين يعني يخدمهم يشتري سياره لهذا ويحجز لهذا ويجيب هذا ويعرض خدماته
ادري ان هذا شيء حلو بس يوقعه بالمشاكل..
مثلا : يقولون السياره اللي اخترتها اخربت
والحجوزات غاليه ومن هالكلام

اهلي يحبونه جدا لانه خدوم وحبوب
وهو اجتماعي جدا
بس مدري ليش انا كذا
والله نفسيتي تعبت
ابيه يعقل ويتصرف بهدوء ويترك الضوضاء
يمكن احس بكياني وذاتي معه

وللامانه : انه شخص يقدر المرأه والكل يحسدني عليه ودائما يوضح حبه وتقديره له
وماعليه من احد

وانا ولله الحمد عمري ماقلت شيء عنه لاهلي ولاشكيت لاحد وعلاقتي باهله فوق الممتازه
واهله وامه مره يحبوني لاني قايمه بواجبهم ومقدرتهم ..
الكل يرانا عائله سعيده بس الواقع انا من يعاني
والا هو جدا سعيد ..؟؟؟
ومو ملاحظ نفسيتي..


لاتبخلوا علي بنصائحكم لعلي احس بكينونتي...

انا اعترف مقصره بحقوقه جدا بس هو السبب
مره تعبت نفسيتي معاه

​
 
زوجي دائم الصراخ مثل زوجك

و يرفع صوته لأتفه الأسباب

أتمنى أن نجد حلا للتعامل معهم

لأني صرت أشتكي من صداع الرأس

طيلة الوقت

​
 
هونيها وتهوووووون
ولا اذبل ولا اهتم علشان له
واعيش حياتي مثل ما ابغى
 
اختي الكريمة تذكري اننا في الدنيا من المستحيل ان نجمع كل رغباتنا فيها والرسول عليه الصلاة والسلام وصفها بدار ممر وعبور وليست للسكنى والاقامة ..

ومن الصعب ان تسعي الى ان توفري كل امانيك الرااائعه في زوجك وكفافكي ما امتاز عن غيره الكثيرين من الازواج

وتلفتي يمين وبسار .. بل ابحثي في هذة المملكة الرااائعه فسوف تجدين اللالاف من القصص المأساويه والظلم

الذي تشكو منه الزوجات وسوء العشرة معهن لسوء اخلاق بعض الازواج فأحمدي الله على ما اعطاك ووهبك واتم عليك من نعمه .. وتغاضي عما يقللك تجاه زوجك وحاولي الاقتراب منه اكثر واخبريه بكثرة تأذيك من الصوت والصراخ وانه قد يكون السبب في عدم انسجامك معاه في الفراش ..

دعواااااتي لك
 
اختي ترانيم بلا وتر
الرجال انواع واشكال
كمان انا زوجي من النوع اللي يحب الكلام بصوت عالي
في المستشفى 000
في الشارع000
في كل مكان
وكثير الصراخ
حتى عيالي في البدايه كان اذا صرخ عليهم يبكون
بس انا فهمتهم ان ابوكم حنجرته كبيره
واشر لهم على عظمه الحنجره البارزه واقول لهم ان ابوكم بهالسبب صوته عالي
ولا تزعلون ولا تصيحون اذا صوت عليكم
بس ولله الحمد راضيه بنصيبي لانه فيه نوع من الحنان
واحيانا يجيني شعور ان انا مانام اتحجج بالعيال
واحيانا نعطيه حقه
وانا صار لي 14 سنه متزوجه وماشي حالي
حاولي ان انتي تشيلين هاي الفكره من راسك
وبالعكس اذا كان فيه هالصفات الحلوه تتحملينه وتتحمدين الله انه مب شي ثاني
لان الرجال اشكال والوان
بس علينا ان احنا نتحملهم ونعيش حياتنا طبيعيه
وعلى قولة المثل
طنش تعش
 
بيه ذكرتيني باول ايام زواج كان اذا اتكلم معاه وسمع صوته اقعد ابجي اقوله ليش تصارخ علي
بس الريال طلع صوته جذي عااالي ولما يعصب شوي فيرتفع اكثر ونا ماتحمل احد يصارخ علي
فالبدايه عانيت وايد مع صوته الحين تعودت عليه
صرت اكلمه بنبره كلش واااطيه عشان هو يوطي بعد
اختي دامه انسان خلوق وزين لاتخلين هاي المشكله تؤثر عليج
واصلي حياتج واهمممممممم شي اذا هو معصب ويصارخ انتي صيري كوول وسسسسكتي ومع الوقت ان شاء الله يخفف
 
الصراحه انك اتسرعتي عشان تحكمين عليه....لأن فيه صفاااااااااااات كثييييييييييييره تفقدها بعضنا في زوجها...

فأقولك اولاً احمدي ربك على هالزوج...ثانياً حاولي تتأقلمين على صوته وازعاجه واقنعي نفسك ان هالشي طبيعي

لأنك من كثر ماتنرفزين صارت تجيك ردة فعل ضغط نفسي وعدم استقرار....ثالثاً..حاولي تهدّين الوضع قبل ما يدخل

البيت عشان هالشي يساعده يكون اكثر هدوء وسيطره على نفسه وعلى نبرة صوته...مثلآ تقولين لعيالك ينفذون

اوامره على طول ويكونون هادئين بوجوده...ورابعاً....الله يسخركم لبعض ماشاء الله تبارك الله
 
اغلبهم يالغاليه يصااااااااارخون وزوجي منهم مع عياله..
داامه مقدرك ومحترمك كفااااااااااااااااااااااااااااااايه
 
الواضح ان زوجج طيب وخدووم واندفاعي لهذا السبب تجدين نبرة صوته عاليه وقد يكون سمعه خفيف او عنده مشكله في اعصاب الاذن
 
اول شي تعوذي من ابليس هو اللي مكبر الموضوع براسك
ثاني شي عشان يتغير لازم انتي تتغيري
اولا مسألة الصوت ابدئي من نفسك ودربيها على الهدوء حتى لما تنادي اولادك ودربي اولادك علىالصوت الواطي
اعرف في البداية صعب اسألي مجرب بس بعدين تتعودي
ثانيا علاقتك انتي وزوجك تأكدي هذا من عمل الشيطان هو اللي محسسك ان الموضوع اكبر من حجمه استهدي بالله وخلي كل اعمالك لوجه الله
وزي ما قلت في البداية يبدأ التغيير منك واولادك الان صغار بأمكانك تأثري عليهم وبسهولة
(ان الله لا يغير بقوم حتى يغيروا ما بأنفسهم)
 
سبحان الله هذا حال اكثر الرجال الله المستعان اشرحي له عزيزتي أن منظره وهو رافع صوته ومعصب منظر

بشع اطلبي منه ان ينظر لنفسه في المرأة كيف يتغير وجهه لعل الله أن يقنعه ليغير اسلوبه ويترك رفع الصوت والأزعاج ..​
 
عزيزتي ترانيم بلاوتر

حياكِ الله بين أخواتك في مملكتنا الرائعة

جميل جدا أنك ذكرتِ محاسن زوجك أيضا........

وأما الصوت العالي..........وماذا به الصوت العالي عزيزتي

أتدرين :أنتِ من يبغاله فرمته وإعادة صياغة ....هههههههههه

فكي عن نفسك عزيزتي وانزلي عن البرج العاجي الذي تقنطين فيه

استمتعي مثل زوجك بما تمتلكين فقط واتركي ملاتمتلكينه

الصوت العالي غير الصراخ تماما

امزحي........فرفشي عندما تسمعينه...وقولي مازحة:وااااااااي ماشاءالله عليك ماأعلى صوتك.........ماتخاف على نفسك من العين؟؟؟
الفتي نظره أن هناك شيء غير محبوب
وأن الصوت العالي مكروه في الإسلام والصوت الوسط هو القريب للنفس وهكذا

آآآآآآآآآآه ياالجنوبية يازوجة الغربي
مستغربة من كلامي ادخلي هالموضوع وتأكدي من شخصيتك وشخصية زوجك الرائعة
دعواتي
لاتزعلي من أي كلمة كتبتها هاااااااااا *-^

http://www.niswh.com/vb/showthread.php?t=109230
 
والله ردودكم اضحكتني الله يفرج همكم وينزل على رجالكم الهدوء والسكينه
 
طيب مو مشكله عندي لك حل ... صيري مثله وسوي رجه بالبيت بيستغرب منك وقولي بصير مثلك .. وبعدها ينتبه لنفسه هههههههههههههههه امزح ترى ..بس والله احيان نسويها في البيت ..يعني مثلا لو الواحد يحط سماعه باذنه ويجي احد يكلمه يقوم يرد بصوت عالي مره نضحك ونكلمه بنفس الصوت العالي ويستغرب يقول ليش تصايحين اقوله انت كذا صوتك .. يضحك ويتكلم بشويش ..
 
يابنت الحلال مادام محاسنه تغطي على عيوبه تحملي واصبري وحاولي انك تاخذين على طبعه
 
الواضح يا اختي ان زوجك جنوبي و انتي شمالية

و هو نمطه بصري و انتي نمطك سمعي و العلم عند الله

و هذه مشكلة اختلاف الانماط اذا لم نعرف التعامل معها تولد لنا مشاكل

اظن و الله اعلم ان الصوت العالي موجود في بيت اهل زوجك... لعلهم عندما يجتمعون تظنين انهم يتقاتلون و هم في الواقع يتبادلون اطراف الحديث...

طيب اختي هل انتي الان في فترة الحيض او ما قبل الحيض؟؟؟ لان مشاعر المرأة تتأثر جدا في هذه الفترة و ترى عيوب زوجها تحت المجهر...

في حين انك لم تقصري و ذكرتي حسناته اكثر من عيوبه و لكن انزعاجك كان واضح في سطورك...

ماهو المستوى التعليمي لكلاكما؟؟؟ لانني لمست من كلامك انه هناك اختلاف واضح في التصرف مع بعض او مع الاطفال !!!!!
 
يمكن انتي ياعسل مهتمه بالذوق والاتيكت ومن هالاشياء وهذا من حقك بس لاتزودينها
تلقين تربيته هي السبب احنا كذا فبيت ابوي امي وابوي اصواتهم عاليه فالنقاش فالهواش ماااااااااافي شي اسمه تفاهم

ابد وماتتخيلين كيف عانيييييييييييييت والا الان مع زوجي زوجي شرقي يحب الهدوء وانا شماليه صوتي عاااااااااالي ومع التربيه
وصار لي 7سنوات احااااااااااااااااااااااااول اوطي صووووووووووتي عجزت سويت تماااااااااااااارين وفشلت والى الان ماااااااااااااااااااااااااااااااازالت الحاله مستمره
بس كوني على ثقه ان اولادك رح يصيرون زي ابوهم
كل اهلي بنات و اولاد اصواتنا عااااااااااليه ونعاني مع ازواجنا
================
اكيييييييييييييد زوووووووووووووجك عند اهله كاااااانت الاصوات عاااااااااااااااااااليه فطبيعي صار زيهم
 
والله يا أخواتي الهواش الكثير على الفاضيه والمليان مزعج مزعج جداً

يثير التوتر في البيت ويرفع الضغط والي متعود على الصوت العالي والشجار حتى
وهو صاحي من النوم يصحى بقلقه وازعاجه ما تقولين إلى يا الله صباح خير وش هالقلق من الصباح وبدون مبرر وبالذات عند الشخص الي إذا صحا من النوم مابيكلم احد ،، الله يعين بس ..​
 
اشكركم حبيباتي على تفاعلكم وردودكم ..
وجزاكم الله خير الجزاء..
ودعاءكم لكم مثله باذن الله..


بصراحه وقتي ضيق ومن الصعب ارد على كل وحده لحالها
بالنسبه لمستواي التعليمي جامعي وهو ثانوي لكن عمري ماحسسته بذلك
وهو اساسا ماعنده هالعقده لدرجه انه يقنعني اكمل ماجستير لاني كنت جدا متفوقه..
واللي تقول حاولي معه...اقولها 8 سنوات وانا احاول واقوله واشرح له واتاثر وابكي ويقول ابشري
دقائق ويرجع لحاله ..ياناس والله احس ماصار لي خصوصيه يكلمني بغرفه النوم كانه يكلم واحد ببلد ثاني
ازعاج بكل مكان ...
اما بالنسبه لاهله عاديين وبالعكس ينزعجون منه لانه اذا جاهم هاتوا كذا جيبوا كذا حطوا كذا <قلق دائم
الحين لما احط مثلا الغداء او العشاء لازم يقول وين كذا هاتوا كذا حتى لو هو موجود قدامه يعني مقلق..
بصراحه ماحد حاس باللي احسه .. وعلى فكره انا مو في فتره حرجه لاحيض لانفاس ولاحمل..
ابي احد يفهمني ..يفهم شعوري يحتويني
اقولكم صرت مدري انا فعلا احبه والا لا
الزواج ماهو؟؟
اليس سكن وموده ؟
اليس الفه ومحبه؟
اليس تفاهم ومشاركه؟
كل هذا مااحس فيه..
والاخطر ان علاقتنا اخذت لها منحى اخر
يعني صار اذا تضايقت من تصرفاته زعل
واصبح يهرب من البيت..
ماقول انه مقاطعني بس صار مايجالسني كثير ..
ولايتحدث معي زي الاول ..واذا جاء من برا حط راسه ونام
لاصار يمتدح اويعبر عن رغبته..
وانا اصبحت اطنش وجوده ..
غصب عني ..حتى كلمه حلوه ماصارت تطلع مني..
يمكن انا احتاج علاج نفسي؟؟


مدري صراحه بس احس بحرقه وأسى ..
​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل