بالله عليكم............. أفيدونى

[سمسومة2011]

أختكم جديده فى المنتدى عندى مشكله بس مش عارفه أحلها
وهى أنا وزوجى الحمد لله متفقين ومتزوجين من 11سنه عندى منه أولاد
المشكله إنه قليل الكلام وأنا مرحه وبحب الهزار والرغى وحاولت كتير بس هو مش بيحاول يتغير كل أجازه لازم تضيع فى شويه زعل.... مه يا إما هو نايم .....يا عالكمبيوتر ....يا بيتفرج عالتليفزيون مش بيحاول يكون معانا خالص ساعات بعدى الحاجات دى وساعات بكون محتجاه يتكلم معانا... يتدخل فى تربيه الأولاد نفسى أحس إنه بيحاول يعوضنا بعده وإنشغاله عننا طول الإسبوع بسبب شغله
والله عملت محاولات كتير وياما كلمته وياما حاولت أشوف هو بيعمل كده ليه
هو طيب وبيحبنا أنا وولادى عارفه كده بس مشكلته إنه ممممش بيحسسنا إننا أهم حاجه فى حياته
ساعات بقول يمكن عايز يقضى يومين الأجازه فى راحه من الشغل
بس حقنا عليه نحس منه بشويه إهتمام


وكمان هو مش ملتزم دينيا وده بينعكس على ولادى لإنهم ذكور وبيقلدوه وأنا نفسى أشوف ولادى ملتزمين بحاول ...بس هما وخدينه قدوه وحاولت أكلمه فى كده وأقوله إنى مثلا لما أقو لهم روحو صلو فى المسجد مش بيرضو ويقولولى مابابا مش بيروح ببقى مش عارفه أقولهم إيه إدعولى

 

[سكن القلوب]

الله يهدي قلبه ويسخره لكم