بالتاسع وعندي وسواس الموت!!

  • بادئ الموضوع بادئ الموضوع جمانه222
  • تاريخ البدء تاريخ البدء
ج

جمانه222

New member
إنضم
2009/06/26
المشاركات
617
السلام عليكم,,,
مبرووك عليكم الشهر وكل عام وانتم بخير,,,
يالغاليات انا حامل ودخل شهري ومقررين علي عمليه بإذن الله,,مشكلتي الخوف من الموت ماتتصورون كيف مع اني الحمدلله مجهزه نفسي للولاده واحيانا تكون نفسيتي زينه الحمدلله واحيانا يجيني الخوف وتجيني ضيقه واطالع بعيالي واحس اني بموت واتركهم,,واذا قعدوا يبوسوني ويقولوا ماما نحبك اوسوس اقول لاني بموت!!!
انا عارفه ان الموت والحياه بيد الله,,لكن الخوف متعبني ومضيق علي,,
مين مرت بهالتجربه وعدتها على خير؟؟
لاتنسوني من دعواتكم,,الله يقومني بالسلامه ويحفظني ويحفظ عيالي ويخليني لهم وجميع المسلمين.
 
انا مريت ومالومك شي فضيع بس كثري من قراءه سورة الناس وحدثي نفسك ؟؟يعني مثلا اذا جاك الوسواس تعوذي منه وقولي لوبموت مت امس يوم توسوسلي فهمتي فتحي مخك واستوعبي انه وسواس مايقدر يسويلك شي وشغلي سورة البقره في بيتك واقريها والله يكون بعونك .....صدقيني انا طلعت من نفاس وانا كنت موسوسه لدرجة اني اقطع صلاتي احس ملك الموت وراي ...صار يوسوسلي في العبادات يعني اذا صليت قال هذي اخر صلاة اذا كلمت احد قال هذا وداع الموت بس كللللللله خرابيط الشيطان مايقدر يسويك شيء فتحي مخك وثقي بالله ورددي حسبي الله لااله الا هو عليه توكلت وهو رب العرش العظيم سبع مرات بتيقن وماتشوفين شر حبيبتي
 
يعطيك الف عافيه اختي ساره الجميله,,,انا يجيني هالسواس حتى وانا مو حامل واحيانا اتغلب عليه الحمدلله,,لكن الحين دخل علي من جهة الولاده واكثر خوفي من البنج يوسوس لي اني مابقوم من البنج اعوذ بالله,,
الله يشفيني ويشفيك ويشفي مرضى المسلمين.
 
صدقيني انت اللي راح توقفين هذا الشي بعد الله سبحانه بعزيمتك وثقتك بالله لو هالوسواس صادق كان من زمااااااااااااااااااااان متي بس كذاب وانت انشاءالله قويه وراح تتغلبين عليه
 
الله يسمع منك يااختي,,,بس تنبيه يالغاليه ان شاء الله تكتب هكذا وليس انشاء الله,,
كلامك ريحني والله يقومني لعيالي بالسلامه ويسهل علي وعلى المسلمااات.
 
انا مثلك صار لي اسبــوع داخل التاسع افــكر بالموت وربي مت من الوســاوس بس اقــول لزوجي ياربيه انا خايفه انا بموت انتبه لبنتي و وو اشغلته بالوســاوس اه الله يعيننا بس
 
السلام عليكم
لاتصغي لوسوست الشيطاان
لا اله الا الله
علاجك باذن الله القران والذكر
ولاتنسي صورة البقره
طول اليوم في بيتك
تبعث الطمناينه في قلبك وبيتك
ومافيه مره ماتجيها وسوسهاثناء الحمل
واستمري حتى بعد الولاده
وطمنينا علييك
وبلاش دلع نسسسوان
ههه​
 
ياجماعه انا كنت حامل وكنت اوسوس كثير ان بنتي راح تموت ف بطني وفعلا ماتت سرت خااااايفه من هذا الموضوع
 
يعطيكم الف عافيه,,والورده رودين الله يعوضك خير ويشفع ببنتك,,,
 
انا كمان يجيني هالاحساس كثير بس احاول اتغلب عليه وابين اني قوية وما اخاف واتعوذ بالله من الشيطان الرجيم
 
وايش يعني نمووووووووت اكيد راح يجي يوم ونموت ...لاتتعلقون بهالدنيا زوجك راح يموت وعيالك يموتون ونتي شي طبيعي .....وباي سببب يجي الموت استودعي نفسك وزوجك وعيالك عند الله
واحسني الضن بالله ...ولا تتعلقي بالدنيا كثير ​
 
يعطيكم العافيه,,قاعده احاول اني ماالتفت لهالوساوس,,والله يسهل علي وعلى المسلمات ويخليني لعيالي ويخليهم لي يارب.ولكم مثل ذلك بإذن الله.
 
حبيبتي ان شاءالله مافيك الا العافيه
وهاذي وساويس
وزي ماقالو لك البنات كثري من قراءه القران
 
أعتقد الكل مر عليه هالخوف من الموت سواء بحمل أو سفر أو حتى ركوب العاب مخيفة أتوقع شئ طبيعي بأبن آدم

وحتى بعض الاحيان لما يبوسوك أطفالك او تحلمي حلو مش ولابد تقومي تفكري أكيد انا بموت وغيروو من وساويس الشيطان ...

تعوذي من الشيطان وابن آدم له يوم لاراح يقدم ولايؤخر واللي كاتبه الله بيصير

وحاولي تشغلي وقتك وفراغك لتبعدي عن الوساوس

والله يسهل عليك وتفرحي بالمولود وتشوفين ان شاء الله احفاده ..

 
هذي كلها وساوس شيطان لاتخلينها تسيطر عليك انا كنت افكر بااشياء في حملي بالشهر التاسع والحمدلله ماصار ولاشي من هاللاشياء
 
الله يجزاكم خير ريحتوني الله يريح بالكم ويحفظكم لغاليكم ومن كل مكروووه.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل