بالارادة نتحدي المستحيل قصص واقعيه

احصائياتى
الردود
8
المشاهدات
711

أنثى بعطر الورد

مراقبه سابقة / متميزات نسوة
معلومات أنثى بعطر الورد
إنضم
11 يوليو 2014
المشاركات
4,110
مستوى التفاعل
2,154
النقاط
113
بالارادة نتحدي المستحيل قصص واقعيه
نام في محاضرة رياضيات غصب عنه وصحي على صوت الطلبة لما المحاضرة خلصت.. لقى الدكتور كاتب على السبورة مسألتين.. قال دول أكيد مسائل الواجب ونقلهم في كشكوله عشان يروح يحلهم..
لما روح حاول يحلهم لقاهم مسائل صعبة جدااا.. بس فضل يحاول ويحاول ويروح المكتبة يجيب مراجع ويدور ويبحث لحد ما قدر بالعاااافية يحل مسألة واحدة منهم بس..
في المحاضرة اللي بعدها لقى الدكتور ما سألش على الواجب!
فقام وسأله: يا دكتور حضرتك ما سألتش على مسألتين الواجب بتوع المحاضرة اللي فاتت اللي كتبتهم على السبورة في آخر المحاضرة!..
الدكتور قاله: واجب!!.. دول ما كانوش واجب.. دا أنا كنت بضربلكم أمثلة على المسائل الرياضية اللي عجز العلم عن حلها!
اندهش الطالب وقاله: بس أنا حليت واحدة منهم!
واتسجل حل المسألة في جامعة كولومبيا واتعرفت باسمه لحد النهارده.
الطالب ده حل المسألة لسبب واحد بس.. إنه ما سمعش الدكتور وهو بيقول "مفيش حد عرف يحلها"..
أقنع نفسه إنها لازم تتحل.. فلما جرب طلع بيعرف.
ماتسمعش لحد يقولك مش هتقدر
انت تقدر تعمل كل حاجه مهما كانت الصعوبات
خليك مؤمن بالله وبقدراتك اللي وهبهالك،؟
كافح عشان حلمك.اتعب عشان توصل .?

96526321-9839-4A92-8A22-94D9569EE538.jpeg
 

أنثى بعطر الورد

مراقبه سابقة / متميزات نسوة
معلومات أنثى بعطر الورد
إنضم
11 يوليو 2014
المشاركات
4,110
مستوى التفاعل
2,154
النقاط
113
أسميته رفيقي
من طفولتي المبكرة و ألم الرأس يصاحبني
بإعتبار أني طبيعية عندي يدين وقدمين ولسان وشعر وصداع
تخيلت يوما أن كل الناس عندها صداع لأنهم عندهم يدين وقدمين ولسان وشعر زيي
لما كان عمري ٤-٥ سنوات لاحظت أن الكبار بيطلبوا أقراص لعلاج الصداع الطاريء
وسمعتهم بيقولوا جالي النهاردة صداع
طيب إيه اللي عندي ده مش بيفارقني يوميا؟!!!
أذكر وأنا فأولي ابتدائي أني قررت أني أقضي عليه تماما
طالما الكبار بياخدوا قرص لما الصداع يزورهم
فبما أن صداعي مقيم لا يرتحل فأنا هاخد شريطين تلاتة أكيد مش هيرجع تاني
وفعلا
خدت ٥ شرايط اسبرين دفعة واحدة
وبعدها حموضة معدتي تسببت في القيىء
ومر الأمر بسلام و
سراً
بسبب الصداع فكان لي فترات دورية شديدة التقارب اعتزل البشر فيها وانزوي في ركن مظلم هاديء اسبح واستغفر و اتوسل إلى الله أن يرحمني و يصرفها عني لحد ما النوبة الشديدة تروح
و اصبر نفسي
إيييه يعني
سويعات و هيزول
تجلدي
الأجر عظيم

وكان ده من أسباب التدريب على الصبر على المكاره والصعاب اللي لاقيتها في حياتي بعد كده

الألم رفيقي كان سبب لخيرات و رحمات كتير في حياتي

تعلمت أني لا أطول أمام التليفزيون عن حد محدد وإلا فالصداع الرهيب ينتظر
فرغم صغري أسحب نفسي من وسط الكل و اروح في غرفة ضلمة وهادية ودي رحمة

من طفولتي لا أحتمل مجالس النساء لو فيها صخب و وش و ضحك ولا أحتمل العزومات والمناسبات الصاخبة ودي رحمة ما بعدها رحمة

ليال طويلة وكل الناس نايمة أنا سهرانة بحاول أهدهد الألم كأنه طفل بيصرخ مش عارفة أعمل فيه إيه بس مجبرة أتحمله
دعيت الله كتير يسكنه و يأجرني و يدلني على علاج
كان عندي يقين رهيب أني هلاقي علاج يوما ما
و الأمل رحمة

خلال سهر الليالي كان عندي فرص عظيمة للتفكر في أشياء كتير و فلسفة الأمور و غريب الشعور
و كنت بخرج من نوبة العزلة بقرارات ترتيب لحياتي و باللي نويت أقراه وأعمله قبل ما تزورني النوبة الجاية
وده خير ورحمة

حتي الألم النفسي
بقيت أقول الله بيربينا
تأملي إيه المراد منك
كوني مراد الله

و زاد يقني ان كل محنة في قلبها منحة مش هينالها إلا اللي يصبر ويرضي

تعلمت ازاي اتأقلم مع الألم وابتسم كمان
اللي حواليا لو تفهموا واستحملوا مرة مرتين سنة
بس طول العمر؟!!!

تعلمت اواجه ظروفي واحاربها
و استعين بالله وبالصبر والصلاة و اكمل حياتي وانجح
الصداع و الألم كان من أسباب أن طول فترة المذاكرة والأمتحانات سجادة الصلاة مش بتنطوي
لأن الانتباه ضعيف والتركيز منعدم بسبب الألم
فلازم استعين برب كل شيء عليه
ودي أكبر رحمة
كبرت معاه
ذاكرت معاه
نجحت معاه
تزوجت معاه
حملت وولدت وربيت معاه
كان سبب في ذكر الله كل لحظة
لاني ضعيفة ومحتارة ومافيش بيدي شيء اعمله

كان سبب في ذكر الله و مناجاته والتوسل اليه و عيالي بيعيطوا وراسي هينفجر
ودي رحمة
بسبب الألم كان عندي شفقة رهيبة ناحية أصحاب أي ألم عضوي أو نفسي
و شفت بعيني و قلبي قسوة اللي اتحرموا من نعمة الآلام أغلب حياتهم
الناس اللي ما بتمرضش دي بتبقي متحجرة
والرحمة؟!!! سبب للرحمة
كنت بقرأ كتير في المجال الطبي من وأنا في ابتدائي يمكن الاقي حل أكيد فيه حل
القراءة من سن مبكرة خلتني مختلفة عن كل اللي فسني واللي أكبر كمان
و دي رحمة

ولما دخلت كلية الطب في المدينة الجامعية كنت معروفة جدا بان الصداع ملازمني
فكانت غرفتي مقصد لطلب اقراص للي صابهم صداع
فك الكربات رحمة

تخيلت أني خلال دراستي هلاقي حل لكن للأسف كل الحلول الدوائية كان لها أعراض جانبية تستلزم مزيد من الحلول الدوائية وبكده دخلت دايرة مفرغة ما فقتش منها إلا وأنا عندي ذبحة صدرية بسبب تجاوزي جرعة أقراص علاج الصداع النصفي واللي بتسبب انقباض الأوعية الدموية لأني كنت في فترة امتحانات خامسة طب و المواد كتير وصعبة فبدون وعي تجاوزت الجرعة
قررت اتوقف عن الأدوية دي مهما كلف الأمر والبديل كان له عيوبه
مافترت عن دعوة يا رب ما خلقت من داء إلا وخلقت له الدواء فدلني عليه
ربي أكرمني ومنَّ علي بتعلم الحجامة بترتيب أقدار لطيف عجيب غريب
ودي رحمة ورحمة ورحمة
سبحانك ربي ما أكرمك
تحسن الصداع جدا بعدها و تباعدت نوباته لكن ما اختفي
و بعدها تعلمت الأعشاب والتغذية والتدليك والأبر الصينية والموكسا
فتحسن أكتر بفضل الله

أوقن ان ده مما عُجِل لي من جزاء الصبر
و مازلت أرجو من الله عليه حسن ثواب الصابرين في حياتي الآخرة
طول عمري موقنة أن لولا الألم ما كنت ما أنا عليه
وأن الألم نعمة من الله
و سبب لخير في الدنيا و أجر في الآخرة

بنتي الرابعة ورثت مني الصداع
كان عمرها سنة ونص وتشاور لي على نقطة بعينها في الراس وتقول يح او تمسك عين بجزء من الجبهة وتعيط وتقول واوا
فبرحمة من الله عرفت انها زيي و قدرت اتعامل بالتدليك مع نوبات صداعها

مازال الصداع يحن لصحبتي و يرجع لي
لعهد الوفا بيننا بحسن استقباله
واعتبره منة من الله لي لأنسحب قليلا من صخب حياتي
و عذر لي للإنفراد بذاتي
و فرصة للتفكر وترتيب الأمور المبعثرة بداخلي
و أسأل الله أن يتقبلنا في المؤمنين الصابرين

( عَجَباً لأمْرِ الْمُؤْمِنِ إِنَّ أَمْرَهُ كُلَّهُ لَهُ خَيْرٌ،
وَلَيْسَ ذَلِكَ لأِحَدٍ إِلاَّ للْمُؤْمِن:
إِنْ أَصَابَتْهُ سَرَّاءُ شَكَرَ فَكَانَ خَيْراً لَهُ،
وَإِنْ أَصَابَتْهُ ضَرَّاءُ صَبَرَ فَكَانَ خيْراً لَهُ) .
رواه مسلم.

٤٢سنةصداع

8FC4C6BE-84BD-4D41-920B-1C0B85966EA6.jpeg
 

أنثى بعطر الورد

مراقبه سابقة / متميزات نسوة
معلومات أنثى بعطر الورد
إنضم
11 يوليو 2014
المشاركات
4,110
مستوى التفاعل
2,154
النقاط
113
من عجائب البدع والمقولات والمعتقدات الخاطئة: " تبسم فإن الله ما أشقاك إلا ليسعدك"
لا أدري من اخترع هذة المقولة الخطيرة التى تنتشر في كل إتجاه، إسقاط أن الله هو الذي يشقيك يعتبر كارثة و سوء أدب مع الله، لأن الله عز و جل قال:
"يريد الله بكم اليسر "
" يريد الله أن يخفف عنك"
" و ما من سيئة الا من انفسكم"
الخ
ثانيا ربط السعادة بالشقاء كارثة أخرى ..السعادة لا ترتبط أبدا بالشقاء حسب قانون التضادد الكوني ..الشقاء دائما يصحبه الضيق والهم والحزن
الأصح "تبسم فإن الله ما خلقك الا ليسعدك و ما أسعدك إلا ليريحك "

المدرب حسين التاج
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه