باقي 20 يوم واتطلق ادعولي

[أم الوردتين]

اتفقنا على الطلاق بعد 20 يوم وبياخذ البنات وحتى الي في بطني بياخذه ماهمني الي في بطني كثر بناتي تعبانات نفسيا ومريضات وبحاجتي .
والسبب قلت له بروح اقضي البيت قال انا اجيب كالعادة:sly: قلت ورقة اغراض البيت معك لها اكثر من اسبوع وماراح تجيب شئ قال روحي لأهلك وقضي عندهم قلت اكيد ماراح اجلس طول عمري على هالحال

انا يابنات فيني اكتئاب من فترة طويلة من معاملتة واهمالة ومادري وش الي بيصير بس من جد خايفة من فراق بناتي ومن كلمت طلاق لو اني مرتاحة نسي ولا ذرفت دمعة واحده بس خايفة يمكن لأن دموعي نشفت :dunno:

ادعولي ارجوكم ان الله يهدية ولايفرقني عن بناتي

 

[ام ناصرخطابه]

اختي ليه تتنازلي عن عيالك اذا في الشرع ربي اعطاكي اياهم ليه ترميهم عليه
بالمحكمه تجيبينهم
وبعدين عشان شي تافه مقاظي واغراض للبيت تطلقي
اختي والي تبي تسويه تخربي بيتك عشان مقاظي ؟؟؟؟؟؟؟؟؟؟؟؟؟؟؟؟؟؟؟
صلي استخاره واطلبي من ربنا الخير لكن لا تتركي بيتك عشان مشكله تافه تبعدي عن بناتك
كلمي اهلك او اهله خلهم يتكلم معه وش ذا والبنات وين بيجلسهم

 

[وصيت قلبي~~]

اللهم يا مسخر القوي للضعيف ومسخر الشياطين والجن والريح لنبينا سليمان ومسخر الطير والحديد لنبينا داود
ومسخر النار لنبينا ابراهيم اللهم سخر لها زوجها بحولك وقوتك وعزتك وقدرتك انت القادرعلى ذلك وحدك
لا شريك لك اللهم يا حنان يا منان يا ذا الجلال والاكرام يا بديع السماوات والارض يا حي يا قيوم اللهم حنن قلبه زوجها عليها
ولاتحرمها من بناتها اللهم آمين

 

[جروح الروح]

حبيبتي تعوذي من ابليس

ولاتجيبين طاري طلاق على شنو محددين عشرين يوم ؟؟ لانكم تبون بعض


تصالحوا وخلوا زعلكم ببيتكم بينكم وردتين والثالث بالطريج تحملي تتطلقين حبيبتي لاتحرمين بناتج منه هذا ابوهم سندهم

غيري من طريقتته باسلوب ثاني
الطلاق مو حل

كتبي مشكلتج وخل يساعدونج بس الطلاق عمره ماصار حل
عسى الله يهديه لج يارب

 

[نفيلة]

المشكلة دائما انه الي يقصم ظهر البعير هو قشة

عزيزتي انا ما بتكلم عن مشكلتك الحين فما هي الا نتاج مشاكل كثيرة قبلها

الرجل الي مستعد يحذف زوجته لبيت اهلها يكون واصل لاخر مراحل التحمل و ما عادت تفرق معاه بقيتي ولا رحتي
بس ببشرك زوجك لسى يحبك بدليل ما قالك خذي عيالك خليني اشوف حياتي لا قالك باخذ العيال عندي مع انه عارف و اذا ما عارف بيعرف انه ماله حق في العيال لغاية عمر معين .

عزيزتي كثيرا نظن اننا على صواب و نفتقد الحكمة في حل امورنا و مشاكلنا راجعي نفسك ايش الي وصلكم لهنا
كيف تصرفاتك و كلامك معاه ؟
انت اكثر وحدة تدري عن زوجك هل هو يحبك بس سام من حاجة معينة فيك او في حياتكم
لا تهدمي بيتك بسهولة صعب تتجاوزي الموقف بعد كذا و راح تظلي تقولي يا ريت و يا ريت

الله يوفقك

 

[تقوي الهجر]

الله يكون في عونك والله لايجيب الطلاق يا اختي نار زوجك ولا جنة اهلك صدقيني ماللمره غير بيتها تعوذي من ابليس وهدي الامور من عندك وادعي ال ماتنام عينه انه يهدي زوجك لك

 

[ملكة الرووح]

صدمنى هدا الخبر لاحول ولاقوة الا بالله لالالا الطلاق حل مؤقت تفاهموا انت وياة وغيروا حياتكم والعيال امانة في رقبتكم لاتضيعوهم اللهم سخر لك زوجك كما سخر البحر لموسى ويهدى سركم

 

[سحايب مطر]

الله يسخره لك عاجلا غير اجل ويتراجع عن قراره
انا متاكدة انه ماراح يحصل بينكم طلاق وان زوجك ما يتمنى هذا الحل بس بيخوفك قولي لي ليش؟
انا اقولك ليش
لو بيطلقك كان طلق على طول ما حط مدة(قصده يخوفك)
ثانيا قالك بياخذ بناتك علشان يهددك فيهم او بخليك ترحمينهم وتترجينه يخليك بذمته علشانهم
وتشوفين بعدين ان كلامي اللي بيصير الله يهديه ويسخرة لك ويخليك لبناتك

 

[وجع الايام]

صدقيني الحياه حلوه حلوه مع بناتك هم اللي بينسونك كل الالم
لالالالالالالالالالالا تتخلين عنهم
ضحي بقلبك وكل حياتك عشانهم

تري هم الحب الحقيقي 0000000000000000000لاتسيبينهم لبلاوي الدنيا

 

[غربة]

البنات من حقك بالقانون

والمحكمه مو بكيفه ياخذهم

ولا انتي متنازله عنهم هذا شي ثاني


اتصلي اسالي اي محامي وشوفي شيقول لك

 

[أم الوردتين]

حبيباتي اشكر لكم كلماتكم وحرصكم وجعل الله لدعواتكم لي مثلها واكثر

اولا مو هو يبي يحذفني الا انا ودي احذفة من حياتي .. ليش ؟ لأنه مايقوم بأي حق من حقوقي .. لا مستشفى ولا نزهات ولا كلمة طيبة وفوق هذا يبغاني امسك دورة بالبيت.
بناتي متضررات له فترة مايطلعهم وينزههم لأنه بدون سيارة له 7 شهور
انا زهقت منه نفسيتي تعبانة حيل وعصبية ومكتئبة
ماأبرئ نفسي اني عصبية لكن هو يقصر وكثيييييير بعد ولا يهدي الأمور اذا زعلت او يحاول يهديني .
انا ماافكر الا ببناتي الحين والا هو من جد اتمنى اتخلص منه او يتعدل حالة ..
انا مو بايعه بناتي لكن اهلي ماراح ياخذونهم زعل عليه وهو ماراح يعطيني اياهم وانا وش حيلتي او وش بيدي بين هالرجال كلهم رافضين وجود بناتي معي ..

والله دمعة واحده ماذرفتها مادري هي نشفت والا من اثر الصدمة لكن احس براحة نفسية ومايكدرها الا اناشيد بناتي حولي " امي تلون عمري " و " أمي ربة بيت ماأحلاها "