باجر عندي meeting مع مديرتي سابقا ومديري الحالي وانا ما اعرف اتصرف

[بياعة_الورد]

السلام عليكم ورحمة الله وبركاته

اليوم يلست مع مديرتي (سابقا) الي صارة Director حاليا وعينت واحد يديد مكانها وهو مديري اليديد..
المهم هذا المدير اليديد وااااااااااااااااااااااايد يتفلسف ووايد يعتمد على فريق عملي وخرب الفريق فيه منهم استقال وفي منهم طاح مريض بسبته وفي منهم خرب الشغل وكل هذا حصل يوم كنت انا طالعه اجازه ويوم رجعت انصدمت بتغيرات والعفسات الي صارت.. :dunno:

اليوم زقرتني مديرتي سابقا وما قدرت اتمالك نفسي فاشتكيت عليه.. وقالت لي انا معاج لانه بالفعل افكر اطرده.. صدقوني ان قلتلكم شو يسوي بتقولولي احسن تطرده..:shutup:

المهم قتلها خلنا نعطي فرصه بس في شغلات بدون ليخبرني ويتفق معاي يروح عندها ويقولي قررت كذا؟؟
قتلها هالشي يضيق فيني لان لازم قبل ليعطيني اي شي يشاركني ويشوف ان كان هالشي يرضيني ومش كل شي بغصب..

قالت لي باجر بسوي meeting مستعده تقولين كل شي جدامه.. قتلها مستعده لاني صادقه فمش خايفه..

ف باجر موعدي..

خبروني كيف ابدء وشو اقول بالضبط لاني ما ابغي اجرحه..

 

[nada]

اهلا يا بياعه الورد

اهم شيء انج تخلين كلامج رسمي ومهني جدا

بمعنى انك تخلين اسلوبك بروفيشنال يخص اساليب العمل
وليس توجيه اتهامات تمسك

يعني مثلا تقولين: عند اعتماد اي قرار يخص يعملي اريد ان اناقش فيه قبل التوجه الى الاداره لاعتماده :sly:

:shutup:بدلا من قول : انت تروح تقرر قرارات وانا ما ادري عنها ومن غير ما تناقشني ما يصير كذا:shutup:

وهكذا ...........:icon30:

اتمنى لك التوفيق

تحياتي

:icon26:​

 

[ೋ دلع قطــر ೋ]

اختي بشري عسى الامور مشت مثل ماتشتهين...؟؟

كنت بفيدج بسالفة شفتها جدامي..بس شفت التاريخ وايد متاخر.. قلت هذول خلصوا اجتماعهم وانتهى الموضوع...^_^

 

[ياسمينه]

دلع قطر قوليها حبيبتي ( في غير هالأخت ممكن يستفيد )