بإختصار.. ماذا تفعلين يوم إجازة زوجك العزيز؟؟!!..

[حبيبة رامي]

بسم الله الرحمن ارحيم..​

السلام عليكم ورحمة الله وبكاته...​

سؤال فعلا حيرني وحير حياتي معايا...وخصووووووووصا الشمالي:flex:..​

إللي يحب كل شيء بالورق والقلم وعلى الخريطة:crazy:..​

طيب...​

ماذا تفعلين يوم اجازة زوجك؟؟؟...​

ياليت كل وحدة منا تطرح مافي جعبتها هنااا...​

ونبي نفيد ونستفيييييييييييد...​

لأنه بصراحة ...أحسه يوم ملل صار ماله مكان بجدولنا خصوصا اذا كانت الاجازة يوم واحد بسسسسسسسسسسسسس زي حالاتي...​

...​

يعني نساعد بعض كيف نخطط للخرجات...
كيف نقضي هاليووووم بدون ما يمل الزوج أو حتى احنا...
كيف نحاول ننسيه هالعالم والاصحاب؟؟...
...​

مثال لحياتي.. ..​

يوم اجازة زوجي كلللللللللللللللله نوووم أوكي:icon1366:واقول معذور مسكين يشقى طول الاسبوع...​

وانا طبعا في شغل البيت كالعادة اللهم انه بدووون صوت..:nosweat:​

وبعدين يصحى على طووووووووووووووول الجملة المعتادة مافي غدا انا جيعان...​

اقوله ياللا نتغدى برا..اذا كان المزاج:bye1: طلعنا واذا كان العكس:shutup:واطبخ..

وطبعا اذا ماطلع عندي مشاوييييييير..
القاه رايح عند اصحااابه...
وانا اجلس بالبيت..أو اروح عند اهلي..مثل باقي الايام


وبعدها نرجع وقدااام التلفزيون لين ننام...​

وهكذا تواليك...:dunno:​

مليتو...:in_love:الله يعين...​

وياللا طولت والشارع فاضي..:msn-wink:​

نبي نشوف تجاربكم ...​

 

[طيف الروح]

مثل حياتي

ملل ونوم واكل << قلبتهاااا

مافيه شي جديد

حتى جيررران اقوووووووول كل يوم بعزمهم ماعزمتهممم


مافيه امل من تغير الروتين

 

[خياليه]

والله مافي شي جديد روتيييييييييييييييييييييين

حتى يوم الاجازه تكون راحه له من تعب الاسبوع كله ولو لنا شغله طلعنا شوي ورجعنا

نقابل شاشه التلفااااااااااااااااااااااااااااااااااز اففففففففففففف

 

[خياليه]

ونسيت اقول شي

انا لو بيدي بسوي جدول حافل بالنشاطات والمغامرات

لكن هو مايساعد كل مااقول له شي يقول ان شاء الله لما يصير عندنا او لما العيال يكبرون ...الخ

 

[همس الاحاسيس]

كله نوم واكل

 

[×دلوعة زوجها×]

نوم واكل وصيااااح لاني بعيدة عن اهلين واهله والجن والعفاريت كمان انا ف منطقة نائية لان عمله هناك

ادعووو لي تكفوووون

 

[حبيبة رامي]

بكررررررررررة برد عليكم لانه كبس وقت النووووووووووووووووووووم..

<<<مضيعة تركيزها...

 

[!.روح.!]

موضوعك روعة حبيبتي ..


عندي أفكار ممكن تسسووهاا او تستنتجوا منها افكااار ثانية ..


ممكن يوم الاجازة تغيرووا مكان الجلسة في البيت ..

مثلاً تصلحوا جلسة ارضية ولعب كيرم ورق وقهوة وشاي وحلى ومكسرااات..



ممكن يكون يوم لشوي في البر او في الحوش او في السطح .. انتو والمكان اللي تشوفونه ماااسب

وترى جلسات السطح في الليل روووعة ممكن تصلحو جلسة رومنسية مع كاسة عصير تحت النجووم ..


ممكن تشوفين الافلام او البرامج اللي يحبها زوجك وتسوي سهرة مع فشار انتي وزوجك وكأنكم في السينماا هههه


سوي أكلات جديدة ومميزة لزوجك وخليهاا بس خاصة بالاجازة والخرجااات للبحر او البر او الحديقة


ممكن تسوين حمام خاص لك انتي وزوجك وجلسة مساج لك وله يعني يسويلك قبل ما تسوين له المساج << شريرة ههههه


ممكن تسوين عزيمة و دعوة لزوجك برسالة وهو نايم لما يصحى يلاقي انك مجهزة جلسة حلوة واكلات خطيرة او عزيمة على مطعم او اي مكان بس تكونين لابسة وشياكة وابتسامة حلوة ومجهزة له احلى لبس وعطرر



هاااا ايش رايكممم


يلااا ياحلواات اعطونا تجارب وافكااار عشان نغير الروتيين

 

[الفرفوشه انا]

اجازته مع اصحابه وانا مع بناتي الحلوين افففففففففففففففففففففففففففففففف والله التلفزيون هو الي خرس الازواج وبس

 

[ليان وبس]

يسلمو حبيبتي روح روووووووعة افكارك وخطيييييييرة اكيد جربتيها فعلا الشاطرة تقدر تغير من روتينها الممل وبطريقتها وبعض الاساليب الخطيرة كمان تقدر تقنع الزوج وروعة حكاية طريقة دعوة الزوج وكما ازيد على كلام اختي روح الختيار المناسب لموضوع شيق اوكتيب نقراه معا اوقصه اومسابقات خفيفة اما لعبة الكيرم روعة رغم اني جربتها مراراو هو حرررريف ويغلبني وانقهر بس حلوة تغييروانصح الاخت تجرب احد هذه الطرق وربي يسعدها ويسخره لها ويرزقهم الالفة والمحبة ولا تنسي الدعاء حبيبتي واللاستغفاراستمري ويارب يكون يوم اجازته احلى ايامك وبشرينا ولك تحياتي

 

[fdeetek]

امممممم انا الصراحه يوم الاجازه عندي الجمعه والسبت .. هو يوم الخميس يروح مع اصحابه .. ويوم الجمعه لي انا احدد وين ابا ويوم السبت بعد اذا صار نسير اي مكان .. او فالبيت .. يعني

بس صدقكم ملل انا الحين خلاص صار مثل الروتين كل جمعه لازم سينما ..

ملل
ويوم الخميس احاول ساعات اذا ليمزاج اسوي ليالي رومانسيه