ايش رايكم بالموف مع البني والوردي**تم الرد**

[برد ودفي]

بنات الله يعطيكن العافيه ساعدواني ايش اختار لون غرفتي كثير اللي قالو بني بس مادري احس الون مره كاتم ابغا الوان فيها حيويه يعني ماتملينهم طيب ايش رايكم اخلي الغرفه بنيه بس اصبغ الجدران موف فاتح الجدار اللي وراء السرير يكون غامق الاكسوارات تكون موف غامق مع وردي حتي مفرش السرير موف غامق مع مخدات ورديه والستاير وردي مع بني ايش رايكم راح يكون حلو ولا لا :sadwalk:واللي عنده فكره ياليت ماتبخل علي تقولي انتظركم

 

[سلطانة الروح]

هلا اختي
انا باقولك رأيي بصراحه انا اكره اللون البني في غرفه النوم احسها تجيب الكآآآآآآآبه
واحب غرفة النوم تكون ابيض في ابيض يعني الجدار ابيض ساده والسرير ابيض ويكون المفرش موف حلو لا هو غامق ولاهو فاتح يعني وسط بتشجير من نفس اللون او يكون المفرش احمر زي لون الدم اللي يجيك حلو وتكون الاكسسوارات بنفس لون المفرش وتحطي مرايات من ايكيا تكون شيك وبس اتمنى اكون افدتك

 

[ام رنومه]

ممكن تعطوني الالوان تنفع مع السراميك البني

سبحان الله وبحمده سبحان الله العظيم

 

[برد ودفي]

مشكوره سلطانة الروح الله يعطيكي العافيه طيب بسالك لما يكون لون الغرفه بني محروق يعني زي الاسود ولون الجدران ابيض ايش راح يكون لون المفارش والاكسسوار ...!

 

[برد ودفي]

ام رنومه الالوان اللي تمشي مع السرميك البني اليموني واترابي والبرتقالي واذا تبي لون جريء احمر علي حسب ذوقك تقدري تدخلي كذاء لون مع البني بس متكون الوان غامقه

 

[سلطانة الروح]

 

[~كل الوفا~]

بنات الله يعطيكن العافيه ساعدواني ايش اختار لون غرفتي كثير اللي قالو بني بس مادري احس الون مره كاتم ابغا الوان فيها حيويه يعني ماتملينهم طيب ايش رايكم اخلي الغرفه بنيه بس اصبغ الجدران موف فاتح الجدار اللي وراء السرير يكون غامق الاكسوارات تكون موف غامق مع وردي حتي مفرش السرير موف غامق مع مخدات ورديه والستاير وردي مع بني ايش رايكم راح يكون حلو ولا لا :sadwalk:واللي عنده فكره ياليت ماتبخل علي تقولي انتظركم

حلوه ألوانك و تطلع مع البني روعه​

و البني ميزته ان يمشي مع كثير ألوان ​

يمشي مع الأخضر
و مع الأزرق
و مع الأحمر
و كلها يكون معاها بيج​

​

​

​

​

و السيراميك المناسب البيج و هو افضل شيء والبويات كمان لانها تعطيكي مجال لتغير

يعني لما تكون البويات و السيراميك بيج و أثاث الغرفة بني ممكن تغيري اللحاف و الإكسسوارا كل فتره مره أحمر و مره أخضر و مره أزرق.....إلخ

 

[احب الحياة]

حلو الموف الفاتح مع البني ..
اذا كانت البويات موف فاتح (ترخي الاعصاب ومناسبة جدا لغرف النوم )
ممكن تكون الغرفة بني فاتح او غامق ..
وتخلي المفرش ذهبي مع تشجيرات موف والالوان مناسبة مع بعض ..
شوفي اغلب الغرف الجاهزة بني مع ذهبي ..طبعا المايل على برونزي مو ذهبي مولع ..
واي لون مفرش ثاني برضو يناسب زي ما ذكرت الغالية كل الوفا ..
وهي ما شاء الله كل كلامها ذوق ..
بس حبيت اضيف تجربتي ..

​