ايش رايكم اطلع من شقتي ساكنه عند اهله.....

[رشيقة كول]

بنات اللي يعجبني بالمنتدى..انه من اغلب الدول مش حصري على دولة معينة...بارك الله فيه....
انا يا بنات متزوجة تقريبا لي تسع سنوات ولدي3 ااطفال واحد بالطريق
والحمدلله انا وزوجي كلنا موظفين بس انا في مدينه عند اهله وهو في مدينة اخرى
شقتي دورة مياه وحدة ومجلس وغرفة للشغالة مع العيال وغرفتنا ومدخل الشقة
وساكنه عند اهله..
وطبعا البيت فاضي حق اهله مجرد امه واخوانه الشباب واخت وحدة..
هم الكبار ما يدخلون شقتي
بس مشكلة عيال اخواته المتزوجات....ما شاء الله حول عشر اطفال...تقريبا كل يوم عندي من العصر الى الساعة 11
واحيانا يوم وراء يوم ومرات اتحمل ومرات لا...
اغلب شئ كل اكل اقدمه لعيالي لازم هم بعد...
واطلب من المطعم لازم اطلب زيادة واقسم بين العيال وعيالهم..
زوجي وخطوا تحتها عشرين خط...ما درى عني كثير السفر...يسافر من 6 الى 10 مرات بالسنه..
واللي نروح فيها انا والعيال
بنتي الكبيرة تبي غرفة واختها تبي غرفة وايضا اخوهم يقول ابغى غرفة
دورة المياه ما شاء الله مرات بالدور..يكون فيها زوجي والشغالة تدرعم تبي الدورة وانواع الاحرا ج مرات يكون واحد يسبح والثاني يبي الحمام تلاقي زوجي يقدر يروح لاهله بس بناتي لا ارحمهم مرات
وش رايكم اطلع في شقة قريبه منهم طبعا...
او ابقى معهم وخصوصا زوجي بعيد عنا...
احترت
وكمان الشقة لما تكون مقسومة من البيت شكله مش مرتب
وايضا الدرج في الصالة وحاطه قدام الدرج ستارة

 

[دلوعه ابوهاا]

ملاحضه انتي تقولين انه يسافر 10 مرات بالسنه

معليش اختى لازم تعرفين وين يروح زوجك

وانتبهي له من بنات الحراام

ثاني شئ

اصبري لين يجي زوجك وقولي له

دعواتك لي

 

[همسةوفا]

ممم

اذا كان في مجال توسعين الشقه يكون افضل
بعدين الله يعطيك العافيه ولك اجر انك تتحملين عيال خواته باين انك
انسانه تخافين الله وسفر زوجك شكله علشان الشغل يتطلب هالشي
لان الاخت اللي ردت تشكك بسفريات زوجك
او تقدرين تخلين الشغاله بغرفه عند اهل زوجك وكمان عيالك وسعي عليهم خليهم يعطونك غرف زياده في البيت

بس صعبه كثير انك تطلعين بشقه لحالك وحتى لو زوجك موجود معك على طوووول
خصوصا ان عندك قنبله بالبيت واقصد الشغاله خافي منها على طووووول ولو طلعتي بشقه
ورحتي للدوام ماتدرين هي وش تسوي من وراك

افضل شي انك تتوسعين في بيت اهل زوجك اقنعيهم حتى لو تبنين لك غرف زياره

هذا رايي وربي يوفقك طيوبه

 

[رشيقة كول]

الله يجزاكم خير...يارب...
اريد اراء اكثر...
والسفريات خارج عن العمل لانه هو ممرض نفس طبيعة عملي...
اقصد المال مش باقي معاه يعني ما نوفر ابدا كله للسفر...اخرة مرة سافر في رمضان والعيد...

 

[سهم العشق]

الافضل انك تعيشي مع اهل زوجك مادام زوجك سفراته كثيره بدل ما تعيشي لحالك بس اذا مجال انك تحصلي بيت قريب منهم او من بيت اهلك كبير ووسيع يكون احسن 000 ​

 

[سحر البرآءة]

6-10 سفرات بالسنه وخاااارج عمله؟؟؟؟؟؟؟؟؟؟؟؟؟؟؟؟؟
‍‍‍‍‍‍‍‍‍‍‍‍!!!!!!!!!
شي مثيررررر للانتبااااااه ياقلبي
ساامحيني وانتي دافنه عمرك بهالمقبرة؟؟
وساااكته وصااابرة ويقدر يوفر لكم سكن افضل
من هالمكان والحال بكثيررر بدااال السفرات
صراحه للصبر حدوووود وش حاادك تسكتين على المهزله هذي؟؟
ليه مايقدر صبرك بالقياام بدووره في وقت غيابه وتحملك للجيش الي يتنقعون عندك يوميا
لا وبعد تصرفين عليهم !!! والله مدرررري وش ارد عليك رااااسي صدع من تخيل حالك وومنظرك فقط
مدري انتي كييييييف متحمله ولييييش ..راقبي سبب سفرراته اولا وكلميه بجديه
يغير سكنكم هذا اللي عندي وربي يسهل امرك​

 

[رندا كووول]

وانتي ليه مضيقه ع نفسك
اذا فيه امكانيه تتوسعي ف بيت اهله ,
او اطلعي ف شقه قريبه منهم ..
ومدام الاثنين موظفين اشتروا بيت ملك بدل السفرات الكثيره
ومالها داعي...وسعي ع اولادك وعيشوا حياة مستقله ..
الله يوفقك

 

[حنونةالحنونة]

شكلوزوجك يامضيف ياطيار الله يعينك وبصراحة مافضل السكن مع اهل الزوج لان المشاكل راح تتطلعلك من تحت الارض

 

[رشيقة كول]

اي نعم سفره مريب ومتعبني ايضا زيادة على ذلك سفراته الداخلية لم احسبها
هذه السفرات فقط الخارجية...
قسم تعبت حيرة....
والاقوى قال مش يشتري لنا سيارة لانها للعايلة وراح ينحرم من السفر فباقين على سيارة اقل من مستواه الوظيفي بكثير وضيقة...
انا اقارن بين كلامه عن السيارة والسكن اتوقع انه نفس الشئ...

 

[رشيقة كول]

الله يوفقكم جميعا اللي ردت..دعواتكم لي..بما فيه الخير

 

[رشيقة كول]

للعلم ما استفدت من اهله ووجودي عندهم..مرة سافرت الشغالة وقعدت شهرين على بال ما تجي الي بعدها
على اني مقدمة من 6 شهور قبل لا تروح
وقسم ما استقبلوا عيالي وانا في الدوام...(للعلم توجد شغالة والام مش كبيرة وفيه اخته كمان)
تعبت جدا وشتت العيال والا يوم جت شغالتي وبناتي نزلوا تحت جات الشغالة تاخذ لبنتي صحن رز صغير رفضت ام زوجي وشئ بس يا زين الصبر..
للعلم هم الان صايرين احسن من اول بكثير..

 

[شامخه بإبتسامتي]

الله ييسر لك امرك
ويكتب لك اللي فيه الخير

 

[يالبى راشد وبس]

انا اشوف الافضل تخرجي لشقه قريبه منهم
عشان تتوسعي انتي وعيالك
وعلى طاري الاطفال سلامات ليه مخليه بيتك حضانه
وين امهاتهم انتي تمسكي مين والا مين