او تدرين ماذا يفعل عطرك الذي تضعين يا ابنتي؟

احصائياتى
الردود
0
المشاهدات
265

راجيه الرضا

مراقبة و متميزة أقسام نسوة
معلومات راجيه الرضا
إنضم
18 فبراير 2017
المشاركات
14,538
مستوى التفاعل
9,650
النقاط
113
او تدرين ماذا يفعل عطرك الذي تضعين يا ابنتي؟
أنا مرة من كم شهر حطيت برفيوم و أنا خارجة ، و كنت عارفة انه حرام بس قعدت اقول عادي يعني مفيش راجل هيشمه ،
هم رشتين بس عشان لو بنت حضنتني تلاقي ريحتي جميلة ..
المهم اني رشيت ٣ رشات و نزلت و رحت مشوار و خلصته و ركبت اوبر خلاص رايحة مشوار تاني ،
الراجل طول الطريق كان محترم جداً
لما وصلت بقى و بعدها بنص ساعة ، لقيت مسج مبعوتالي من رقم غريب ، لقيت انه هو الراجل بتاع الاوبر اللي وصلني اخر مشوار بعتلي مسج بيقولي :

"حضرتك امورة أوي و البرفيوم ريحته جميلة أوي أوي "

أنا اتضايقت جداً ، و حرفياً اتصدمت و من ساعتها بطلت احط بيرفيوم خالص !
و رجعت البيت صليت صلاة توبة و بجد ندمت و وجعني جداً اني اخدت اثم زانية ...
والله أعلم كم راجل تاني كان شمِّني !

يا بنات الموضوع فعلا مؤلم ، و الحديث اللي بينهي الست عن انها تحط عطر و هي خارجة مرعب !

الرسول صلى الله عليه و سلَّم قال :
"أيما امرأة استعطرت فمرت على قوم ليجدوا ريحها فهي زانية، وكل عين زانية ". متفق عليه

معناه ان أي ست تتعطر و هي خارجة فمرت بمكان فيه رجالة فأثارت شهوتهم بسبب ريحة عطرها و خليتهم يبصولها ، فكل واحد بصلها بسبب ريحتها فهو زاني بعينه ، و هي بالتالي زانية لإن هي اللي حركت قلبه و بالتالي بصلها ، فهي كمان زانية ...!

والله يا جماعة دة ذنب احنا في غنى عنه ، و يكفي انك تهتمي بنضافتك الشخصية ، و يكفي انك تتجنبي معصية بس عشان ترضي ربنا ?

ربنا يشهد اني فعلا منزلة البوست دة عشان مش عايزة حد يشيل اثم عظيم زي دة ..

{ وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَىٰ . فَإِنَّ الْجَنَّةَ هِيَ الْمَأْوَىٰ }

منقول
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه