اول موضوع لي بذا القسم لاتفشلوني

[فديت انفاسه]

سلام عليكم كيكفم
بنات انا بروح شهر العسل :16: مكان اكثر شي فيه طبيعه ومقرره ان مالبس عبايه يعني بس شيله مع لبس طويل وساتر طبعا بس مدري وش انواع المناسبه الساتره والكشخه بنفس وقت ياريت تساعدوني :37:

 

[هاكونا متاتا]

الف مبرووووك والله يوفقك يارب ..

آمم عندك ماليزيا مشهوره بطبيعتها وجوها انصحك تروحيها ..

اللبس .. البسي بنطلون واااسع .. وفوقه جاكيت طويل لتحت الركبه او نص ساقك .. و طرحه ( شيله )
نسقي الالوان حبيبتي بذوقك ..

موفقه قلبوو

 

[حياه العاشقين]

الف الف الف مبرووك والله يوفقك يا الغاليه بس في شغله حابه انبهك لها وهي عبايتك سترك وكأن الدوله االي بتسافرين لها الله سبحانه مابيتطلع عليك فيها وانتي بدون عبايه بس ليه تقررين انو ما تلبسين العبايه انتي مو مسافره دول اوربا اذا كان شهر عسلك في دول اسيا او اي دوله عربيه وش الي يمنع انك ماتلبسين العبايه المفروض تتعتزين فيها ليش تسمحين لأي شخص غير زوجك يشوف مفاتن وجهك حبيت افيدك يا الغاليه واتمنى ما تزعلين مني هاذي وجهت نظري بس والعذر لو اخطيت,,

 

[فديت انفاسه]

لاعادي حبيبتي بس مكان الي بروحه تقريبا نادر ماينوجد فيه ناس وحتى وقت سفر ماراح يكون موسم سفر يعني باخذ راحتي اكثر وخصوصا ان لبس ساتر

 

[فديت انفاسه]

يسلموو هكونا

 

[احلى التفاصيــل]

مبروك مقدما

بس استغرب منك شي انتي قلتي انا قرررت ماالبس عبايه

هالامور مافيها قررت وماقررت العبايه امر رباني مايجوز انك تفتين على كيفك
مهما كان لبسك ساتر حجابك في كل زمان مو يتغير حسب المكاان

اتمنى ردي مايضايقك

والف مبروك مره ثانيه

 

[فديت انفاسه]

لاعادي نورتي


لويتقفل موضوع احسن

 

[انسه طفشانه]

 

[آشرآقه روح]

استغفر الله
اهم شي حجااابك
ربي رااح يشووفك في اي مكاان
والزمي حجابك حتى ربي يوفقك في حيااتك الزوجيه
انا طلعت شهر عسل برا السعوديه
وحجاابي كان كامل ولا ضرني شي تمشيت واستانست ولا صار لي اي عائق من الحجااب

الف مبرووك

 

[فديت انفاسه]

ايه الحجاب شي طبيعي بلبس بس اتكلم عن عبايه
تسلمون فديتكم والله يبارك فيكم

 

[ودق النقاء]

شوفي حبيبتي انا خالتي زوجها يدرس بإستراليا وتخيلي هناك مافي مسلميت طبعاً هذا الكلام قبل 5 سنوات وماشاءالله عليها تنقبت ولبست عبايه بس طبعا كانت العباية كتف بس ماكانت ضيقة لكنا كأنها بالطو طويل ولونه مثلاً بيج او عشبي او ازرق فاتح وتكون كلها لون خالص يعني مو مطرزة اوشي زي كذا لأنه مايجوز التطريز والألوان سواءً بالسعودية وغيرها وانا انصحك بالرمادي الفاتح وكانت تلبس حجاب غير لون العبايه مثلاً ابيض وبعدين لثام تلقينه جاهز في السوق الي يجي فيه مغاط ويكون نفس لون العباية وماشاآآآآءالله تباآآآرك الله تقول بالبداية ماكان فيه احد يتنقب الا هي وعدد بسيط ينعدون بالأصابع وتقول صرت اطلع بالأماكن العامة عشان انشر الحجاب والحين دولة استراليا اكثر دوله غربيه فيها محجبات ! شفتي كيف اجبرت الشعب على احترام دينها والله جد خليك قوية كيف تبغين ربي يوفقك بزواجك وانتي تعصينه ! حطي رضا الله دائماً امام عينك حتى لو زوجك طلب منك ان تكشفين وجهك قولي له انت عزيز علي وغالي لكن انا امشي على مبادئ وقيم وديني مايرضى بالشي هذا والله تكبرين بعينه الله يوفقك ويسخرلك ويثبتك على دينه

 

[مجنونة بدرها]

وربي ما اقط عباتي لو اروح ديره مافيها الا انا هوو

وعلى شنو اخذ ذنب عاااد

حبيبتي اذا انتي مو مقتنعه بالعبايه اساسا لاتلبسينها لكن لا تخلين دينج لعبه بايد الشيطاااان

يعني ربج موجود بكل الدووول ولا يمكن مستحيه من الغرب؟؟؟


اتمنى تراجعين نفسج حبوبه وتعوذي من ابليس

سوري ع الكلام الجارح لكن ديننا فوق كل شي

 

[حياه البدر =)]

ريحي راسسسسسك وفصلي لك كم عبايه حلوه وملووونه ومع حجاب ملون

واكشخي بالصندل والشنطه

اروق لك واريييححح بدال حوسه تدوير ملابس ماراح تستفيدي منها شي اذا ف بلدك الاصلي تلبسي عبايه

 

[فديت انفاسه]

تسلمون