اهل زوجي

ا

الملكه2009

New member
إنضم
2009/06/07
المشاركات
9
السلام عليكم اخواتي ، اذا كان اهل زوجك من النوع اللي يسال عن كل صغيره وكبيره فحياتك حتى ادق التفاصيل ويتدخلون في كل شي ويبغونك انتي وزوجك على طول جمبهم وتحت امرهم والبلوى ان ماكنتي كذا قالوا ما تبينا يعني ماعندهم شئ اسمه خصوصيه هم صح طيبين بس بطريقه غير مهذبه ،ابي منكم اللي في مكاني وش تسوي مع اني ضاغطه على نفسي ومجاريتهم وماني مقصره معهم لانهم اهله ومابي اخسرهم ، اتمنى اقرا ردودكم ....
 
انامااحب اعلمهم ايى شى واقول لزوجى هدى اشياء خاصة لكن يروح ويقول كل شى واطلع كذابة اللى بيعرف يعرف تعبنا من المشاكل
 
اهل الزوج اذا كانو يحبو ولدهم يتدخلو في حياة ولدهم وكمان مرته والاولاد ولا تخسريهم عشان مايسوولك
مشاكل
 
اذا كانوا مو مهذبين لاتجارينهم على حساب نفسك!!!!!! ألين متى وانت تجارينهم... ولا حياة لمن تنادي

يعني اذا والله الاشخاص اللي مايعجبهم العجب ... خليهم كللللهم في كوووووم وزوجي في كوم واحد ... ألزم ماعلي حياتي ثم حياة زوجي.... مهما كان ذولا اهله... ماراح يرضى فيهم...بس مو على حساب نفسي انا انضغط واتعب نفسيا وعقليا في النهايه محد درى عني...

احسن شي احقري اححححقري اي شخص يدور للمشاكل

وبس ...سلام
 
ولا تقولين مابي اخسرهم... خلي اخسرهم ... وش صار على هذي الدنيا... اذا انت بتمين على كلمه مابي اخسرهم.. راح تخسرين نفسك وتتعبينها قبل لاتخسرينهم وهم مادروا عنك!!!!
 
حبيبتي ما في شي اسمه يتدخلون وما يتدخلون
انتي لاتجيبين سيرة قدامهم عن حياتك وبس خلاص
يعني مثلا قالولك وين رايحين اليوم؟؟ الجواب ما ادري لسه ماقررنا
اش بتطبخين ؟؟(والله افكر لسه)
مثلا يقولوا لك هذا مايصلح سوي كذا جيبي كذا حطي كذا
الجواب (معليش انتو ارتاحوا انا عرف اعمل الشغلة بنفسي لاتشيلون هم ارتاحوا اهم شي راحتكم)
وبعد لازم يكون عندك شخصية يعني افرضيها بأدب وبأحترام
بدون صراخ ومشاكل ..خلاص اعتمدي عل نفسك لا تستحين ...احد يقولك سوي كذا وانتي مو عاجبك لا تجاملين ردي بضحكة معليش والله مايعجبني انا احب هذا اشوفه افضل ويناسبني كثير وسوي اللي يعجبك بدون ما تنتظرين ردة فعلهم واعتراضهم عليه
لا تخجلين وتستحين ابدا ابدا بس في نفس الوقت بأدب واسلوب حلو ومحترم وصدقيني كم مرة وبيتركونك في حالك بس لازم يكون عندك شجاعة وعزم افرضي رأيك بإحترام
 
اذا انا سكت وما قلت شي يقولون تخبي علينا ما تعلم لانهم يكونون قد سالوا زوجي قبلي واذا شافوا عيالي سالوهم بعد
 
خل يسألونهم
كويس احلى شي
وبعدين عيالك مافي داعي تعلمينهم بأي شي اذا انهم صغار
خلاص لبسيهم ملابسهم وامشي
وحتى اذا علموا بعدين يعني مثلا سألوهم وقالوا :امس رحنا المكان الفلاني ..عادي مافيها شي
كل العالم يروحون ويجون ...وين الخلل؟؟
ليش يعني هم اذا راحوا والا جو يعطونك خبر؟؟
انتي خايفة من ردة فعلهم فقط لا اكثر ولا أقل
واذا سألوا زوجك عااادي خليه يعرف اهله كيف يتدخلون في حياته
وانتي ماعليك ابدا
يسألون زي ما يعجبهم أهم شي مايطلع منك شي
ونصيحة لاتقولين لأولادك :((لاتعلمون وين نروح ووين نجي))
لأن الطفل صريح بيروح يقولهم /ماما تقول مانعلمكم
لا خطأ خلي الموضوع عادي
حتى لو قالوا تخبين ماعليك ردي بضحكة وقولي ما ادري كذا جاء في بالنا ومشينا عادي
وبعدين اسأليهم :((ليش فيها شيء))؟؟
واتحدى وحدة منهم تقول: ايه في شيء
 
رديهم بأدب وذكاء وكل تصرف او موقف له اسلوبه وطريقته ..

لازم ترسمين حدود بين حياتك وحياتهم انت تزوجتي رجل واحد موب عائله ..

والله يعينك ..
 
عامليهم بادب لانه مهما صار انتي بتكونين غلطانه في نظر زوجك
المشكله انه الازواج حاطين في بالهم انه الزوجه دايما تغلط على اهلهم من كلام سمعوه قبل الزواج
انت تعاملي معاهم رسمي ولاتخالطينهم كثير المشكله لما زوجك هو اللي يطلب كل شويه تروحين لهم واذا قلتي تونا رحنا لهم يقوم ويقول ليه ماتبغين اهلى الله يعين على هالازواج بس
الله يبعدك عن المشاكل يارب
 
نصيحه من القلب لاتجاريهم فتتعبي معهم اكثر ولاتعلميهم عن حياتك اي شي
والله مافيه احسن من انك تحطين معهم حدودفي كل شي والاصدقيني راح تتعبين معهم
ونصيحه اياني وياك تسير بينكم مشكله وتشكين لهم انتبهي مهما كان هذا ولدهم وانت بتكونين الغلطانه
واذا اخذوا فكره عنك يحطوها في روسهم ولايشيلونها ابدا مهما سويتي
اهل الزوج لهم طريقة تعامل خاصه فيهم مع الايام ان شاءالله تعرفين لهم
وبانسبه لاولادك على ماتربينهم
 
ساسيهم وانا اختك مهب بالعنف
حاولي تغيرين طريقتك شوي شوي علشان رجلك لا يقول انت السبب في المشاكل
الله الهادي
 
شوفي حبيتي اذا كان السؤال محررررج ابتسمي وكانك استحيتي اما اذا كان سؤال في روحاتك والا في جياتك وخصوصياتك العائلية ردي قولي افضل احتفظ فيها واذا يزعلو قوليييي مااااااااااااااااااااااااادري عن شىء اسالو ولدكم وانتي اتفقي مع زوجك وعووووديه اسراركم لاتطلع ولاتقولين لزوجك عن اسئلت اهله لانه بيعاند ويقولهم اتمنى فهمتي
 
اهل الزوج هم سبب خراب البيوت بغبائهم وغيرتهم الزايدة ونصيحتي ماكانك تعرفينهم اوبمعنى اصح تسمعينهم
 
لا يجب عليك ان تدخليهم في حياتك حتى تكسبي محبتهم
اكسبيهم بالكلمه الحلوه والهديه ومشاركتهم افراحهم واحزانهم والترفع عن الامور التافهه واهم شيء خلي اللي يصير في بيتهم يبقى في بيتهم واللي في بيتك يبقى فيه وزوجك خليه على جنب لا تدخلينه بينكم
 
وش خرب حياتي غير تدخلاتهم في الصغيره والكبيره ,,,,,والله انا وزوجي محنا عارفين نستقر في حياتنا بسببهم الله يعينك حبيبتي ......تدرين ما عليك اذا زعلوا مو نهاية العالم سوي اللي عليك وبسوطنشي كنك ما تسمعين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل