اهل ريلي بدمرون بيتي

[حوره الحلوه]

السلام عليكم ورحمة الله وبركاته

خواتي العزيزات والله ضاقت بالدنيا وماعندي حد اشاوره غيركم استحي اقول للناس ريلي مايرد امه ولاخوانه باي طلب حتى لو كان على حساب زوجته وعياله بس بعد كل موقف يكبر بعيني لانه يبر امه بشكل ماتتصورونه وهي متعلقه فيه بشكل مب طبيعي
واستحي اقول ان عمتي ماتباني مب عشان شي بس لانها اتغار لاني خذت ولده البار ولاني غريبه مب من اهلهم "بنت الجيران" وبعد يتيمه يعني مالي ظهر والطامه الكبره ان كل ماحد دخل بيتها قبل مايطلع يتم يمدح وهني خالتي بحرمة ولدها اللي مافي مثلها اللي هي انا على فكره نحن ثلاث جنات بالبيت والثنتين من اهليهم واهاليهم يمدحوني وقولون عني الاحسن وتحترم وووو

المهم هذه ملخص حتى يتضح الموضوع لكم

القصة مافيها ان الجنه الاولى والعوده كانت دوم تقولي تعالي انطفش الثانيه لان هي يت عقبنا ونحن اولا بغرف البيت وعندنا عيال وغيره من كلام بس انا دوم كنت اصدها وخبرت ريلي عن سوالفها وهو خبر اخوانه وامه وابوه ومرة الايام واتفقو عليه كيف؟ بقولكك ولدي الاول وايد حساس يتحسس من الحر من ضربت الشمس من البفك ووايد اشيه كانو عناد يسوون الشي اللي يضر ولدي ان كان اكل ييبونه على مواعيد الوجبات الرئيسيه طبعا ماكلسن اعيالهم من قبل ومشبعينهم وحتى بالعب الاطفال ادخلو وكانو يوصون اعيالهم انهم يتولون ولدي بالضرب والتخويف بس هذا كل يهون واطنشه وخذت حق ولدي منهم
المهم من اسبوع الجن الاولى طلعت من البيت والحمدلله المهم الثانيه بدات بشغلها تحن ع العيوز تبا الغرفة لانها مجابله غرفتها والحين عندها بنتين وماعندها مكان على هم ماخذين اكبر غرف البيت وانا غرفتي اصغر غرفه وعندي طفلين والغلافة زحمه كنه ناوين نطلع بس قالو لا افلان بيطلع من البيت وبتكون لكم غرفته الغرفة كبيرة وايد عن غرفتين متداخلات وغرفة تبديل الحين كل شي تغير خالتي قافله الباب قول انه بتزوج حد من الشباب وتسكنه فيه معني متاكده مليون بمئه انها ماتبى تكسر بخاطر جنتي لان هي تبا المكان معن لا قسم كبير بس هي نحيسه وتبا كل شي والعيوز وراها المهم الخميس اللي طاف طفح الكيل عندي كنت يالسه ويه ام ريلي وابو ريلي وجنتي وبناتها وولدي كالعاده يلعب يه بناتها وفجأه اتداعمو ونجلبت بنتها ونزل دم خفيف من بين اسنانها شوي وراح بس هي نازعت ولدي مره مرتين ثلاث وانا ساكته لين مايلس ولدي بحطني وهو خايف يقول انا ماسويت شي والدمعه فعينه وهي اللي ماتخف ربها بعد تنازعه عقبها انهديت عليها وطلعت كل اللي بخاطري وغسلتها اغسال وطبعا ابو ريلي يسكتنا وهدينا وخالتي بصفاها تقول انتي عقلج صغير تضاربين عشان يهال

بذمتكم يوميا تنازع ولدي عشان مايلعب ويه بنتها تقول اخاف ع بنتي من ولدج ولدي ماكمل الثلاث سنين وبنتها سنتين شو بسوون ببعض اذا انا بي الضرايب واحب المشاكل ع كلام خالتي كنت بنازع بنتها يوم تقفز وتضرب راس بنتي الخمس شهور والله ما قولها شي لاني اعرف انها طفله

بس هي تنازع ولدي اذا قرب من بنتها اللي عمرها 8 شهور بحجت تخاف ان ولدي يتحرش فيها واذا انا يالسه بالصاله ولا اي مكان ماتدخل واذا انا ع الصفره ما تتيلس واذا انا دخلت عقبها ويلست تغير يلستها وتعطيني طهرها ولاتحت يدها ع وجهه

بذمتكم هي حركات عاقل دوم اطنش فيها واقول ياهل ماتعرف الاحترام بس بعد ماشفت عمتي بصفها وزعلانه مني وتقول انا راعية المشاكل وانه الاخت هي الفقيرة والزينه


كلمت ريلي بالسالف عشان يحطي حد وماتمو غير يومين وعقبها بسافر ومرو اليومين وما تصرف كل يوم يتهرب وسافر وانا الحين في بيت امي وهو راد السبت ان شاء الله

وابي رايكم بقراري انا مابرد وياه البيت يوم السبت اذا مر عليه ماب الناس اللي تتبله عليه وتحاربني عشان غرفة ولا مستعده اضيع عمري وياهم واذا هو يباني الشقق ماليه البلاد وشي لازم اسويه بعد اني اقطع اهله لانه بكل الاحوال انا مب زينه في نظرهم او بيده الحل الي مابيخسر اهله وهو الانفصال لانه غير قادر ع الايجار

من ثلاث سنين وانا اطنش بكلام خالتي لانها مثل امي ووحده كبيره بس جنات سوسات وريلي ببروده دايما يقول عيب اتضراب وامرض امي

اسمحولي ع الاطاله بس مقهوره واااايد​