اهل خطيبي والخطبه

[ذبلني الحزن]

السلام عليكم
اهلا خواتي شو اخباركم ؟؟؟؟
خواتي طبعا مالي غنى عنكم ومن استشاراتكم ...حابه اقولكم سالفتي وبلييييييز عطوني اقتراحاتكم.
حبابي انا كنت مالجة وانفصلت اللهم لك الحمد وكنت ادرس ومن بعد ما انفصلت قررت اني ما ارتبط لين ما اخلص دراسه واريح نفسيتي شوي, الحمدلله تخرجت وخذت شهادتي ومن بعدها خطبني ولد عمتي وكان شهر 7 ..عمتي كلمت ابوي وبعدين يا كلمنا ووافقت ورد عليهم ابوي انه موافقين ...
المهم لين الحين محد اتكلم فالموضوع ولا حتى خطبة رسميه يعني الكلام بين ابوي وعمتي وعلى فكرة انا وايد ويا خواته ولما كان يسوي الملحق كانوا يشاورني وياخذون ذوقي في كل شي ...المهم انا الحين واااايد يخطبوني لانه مب معلنين الخطبه ومحد يعرف تقريبا الموضوع كمل 4 شهور...ماماه ما تبيغي تتكلم وتخبر حد اني مخطوبه قبل ما يصير شي رسمي لانها تقول عادي يمكن يغير رايه لانه بعده ما صار شي ونحن ليش نعلن اني مخطوبة..
وكم مره لمحت لبنات عمتي انه في حد ايني وما نقدر نقولهم مخطوبه ونعلن من دون شي رسمي
كله يقولولي لا تخونين في اخونا وهو يبغيج ...نحن كل جمعه غدانا في بيتهم لانه يدتي عندهم فالتجمع يكون في بيتهم وابوي كل يوم عند يدتي .....المهم ابوي يقول من كلمتني اختي هاك اليوم ما ردت تكلمني وهو كيف بيكلمها ...
احس اني تعبانه من التفكير ابا شي يتحدد كفاية الوضع الي مريت فيه بعد الحين ..
انا ابغيه بس ابا شي رسمي يصير مابا حد يخطب واقولهم انا خاطبني ولد عمتي وهو ما صار شي رسمي ...
بليييييز اقترحوا علي شو اسوي ولا شو انقول .......وشو الصح واالغلط؟؟؟؟
تسلمووووون

 

[بنت الكرم والجو]

اختي لاتسكتون على الموضوع خل ابوك يكلم اخته ويقلها تعالي ملكي للولد لان بنتي يجيها خطااب ..
والله يااختي عن تجربه انا كنت مخطوبه على ولد عمي بس كلام لمده خمس سنين وانتشر الموضوع صاروا الناس اللي عارفين الموضوع مايخطبوني وبعدها تركني .. حسبي الله عليه ونعم الوكيل ........ فانتبهي واستفيدي من تجربتي ... وانتوا الافضل لاتقولون لاحد االين عمتك تخطب وتملكين

 

[بنت الكرم والجو]

اختي ودي اسالك سؤال ... ليه فصلت خطوبتك الاولى انا اسفه على السؤال بس لاني افكر اني انفصل عن خطيبي بس اخاف اندم ... هو طيب بس شكله وطريقة كلامه ماتعجبني فودي استفييد منك لاني اخاف من الندم ..........ياليت تفيديني

 

[الجواااان]

عادي ياقلبي خلي ابوك يسال اخته يقول وش صار على الموضوع لان البنت يتقدمون لها خطاطيب ونردهم ...

 

[نضوج أنثى]

خلي ابوك يكلم اخته مافيها شي او احراج هذي اخته يقولها والله البنت بيجونها كثير وماني عارف موقفكم تبونها ولا غيرتوا رأيكم وعادي ترى لو مافي نصيب بس انا سألت عشان وضع البنت معلق وبالنسبه لبنت الكرم والجود نصيحه لوجه الله لا تندمين دام انه طيب تمسكي فيه المظهر مو اهم شي واذا على تصرفاته وحركاته انتي بيدك تغيرينها بشكل غير مباشر بس طبعا كل شي يبي له وقت من خلال تعاملك معه الراقي هو يبدأ يعاملك بالمثل ويتغير ويتعلم منك صدقيني

 

[ذبلني الحزن]

بنت الكرم والجود انا انفصلت لانه ما كان ماخذني بقناعه اهله يبوني وكان كله على لسانه بطلقج وماكان متقبل طبيعة الحياة الي انا عايشتنها وبخيل المهم انه صارت مشاكل وايييد بيني ووبينه ....بس اذا خطيبج طيب وزين اصبري عليه وبيتغير يعني مافيه عيب بنرد واذا على الشكل يتغير ويتعدل وانا اقولج الشكل مب مهم لانه خطيبي السابق كان جميل جدا ولللاسف جماله ما نفعه ومغرور فيه وشايف نفسه والشكل اخر شي فكري فيه

 

[ذبلني الحزن]

ان شاءالله انا بكلم ماماه اتكلم ابوي يكلم عمتي ....
بس انا مستغربة من شي فاليوم الي انا اكون فيه في بيتهم عند يدتي مستحيل يكون فالبيت بس قبل ما يخطبني كان عادي يكون موجود ....وايد شاغل بالي هالموضوع مع اني ما اتكلم وياه بس فالتجمع والكل ملاحظ لما اكون موجوده هو محد

 

[طيف الأماني]

مافيها شيء لما أبوك يسأل عندهم نية ولا تشوفين نصيبك ليش يضيع عمرك على كلمه بين الاخوان ترى حنا مجربين هالشيء في أختي تكلموا الاخوان وانتشر الخبر وكل من جاء قالوا ولد عمها يبها وآخر شيء طلع مايبها ويبي ياخذها عشان زعل أبوه منه يوم درا أبوي بالسالفه قال ليشششششش إن شاء الله بنتي ماهي لعبة والحمدلله تزوجت وخلفت وهو بعد الله كتب له بنت الحلال وكل مين منهم عاش حياته .
بس من بعدها أخذنا درس بلا كلام بلا خرابيط خطبة وسكته لالالالالالالالالا الي يبي يخطب ويحدد ويتم كل شيء على أصوله أما فلان يمسك فلانه فتره لالالالالالالالالالالا والف لالالالالالالالا

 

[قويه بصبري]

يااختي انا مع الاخوات خلي ابوك يكلم اخته ويقلهم في خطاب يخطبو بنتي مافيها شي نصيحتي لك ​

 

[ذبلني الحزن]

مشكورين خواتي والله لا يحرمني منكم
وان شاءالله برد عليكم شو بيصير

 

[توباز]

استخيري عزيزتي و اسألي وحدة من بنات عمتج المقربات لاخوهم

يعني اي وحدة قريبة منه حاولي تسحبين منها كلام

شوفي ردة فعلها هل تتهرب ولا تتكلم عادي

يمكن الولد مغصوب .. و لا شي .. كل شي بيبين عقب

الله يوفقج ^^

 

[دموووع الصمت]

لازم ابوك يكلم عمتك ماااااااافيها شي

 

[أم أياد]

وأنا مع الأخوات يعني يخطبون ويسكتون كذا يوقفون نصيبك
لذا خلي أمك تقول لأبوك يقول لأخته أذا تبون البنت والا جاي لها ولد حلال
مافية شي
الله يوفقك حبيبتي ​

 

[قمــرمصــر]

ان شاءالله انا بكلم ماماه اتكلم ابوي يكلم عمتي ....
بس انا مستغربة من شي فاليوم الي انا اكون فيه في بيتهم عند يدتي مستحيل يكون فالبيت بس قبل ما يخطبني كان عادي يكون موجود ....وايد شاغل بالي هالموضوع مع اني ما اتكلم وياه بس فالتجمع والكل ملاحظ لما اكون موجوده هو محد

ربنا يقدم لك الخير وأنا من رأي الأخوات إن باباكي يكلم عمتك
وعلى قولتنا المصريين ( نقطع عرق ونسيح دمه )
لكن التعليق كده ماله داعي
بالنسبة لإستفسارك ده له إحتمالين من وجهة نظري
إما انه يستحي يكون موجود والكل موجودين ويعرفوا إنه معجب بيكي لكن قبل الخطبة كان لا احد يعلم فكان يجلس عادي
أو انه لا يريد ان يرتبط بيكي وتكون والدته هي من قالت كدا بدون ما تخبره او تاخد رأيه
فيكون عدم جلوسه إعتراض على ما قالته أمه
في الأخر إدعي ربك وإستخيري حتى يصلح الحال ويقدم لك الخير