أميرة الود1405
New member
- إنضم
- 2008/11/28
- المشاركات
- 22
مشكلتي اني كنت ساكته على اهانات زوجي لي من ضرب وسب وقذف لأهلي بكلام غير لائق حتى في يوم وقفت في وجهه وهو يضربني وقلتله انا بنت ناس ومااسمحلك تضربني او تسب اهلي وقتها قاللي روحي وانتي طالق كلمت اخويا وجاء اخذني وقاللي خللي عيالك الثلاثه عند ابوهم لااشوف احد منهم وخلليتهم عنده ورحت لأهلي في اليوم الاول توقعت زوجي يتصل وما اتصل وفي اليوم الثاني اتصل ومارديت عليه في اليوم الثالث اتصل ومارديت عليه لأن اخويا محذرني من التفاهم معه يبي هو اللي يتفاهم معاه وقتها اتصل باخوي وقاله انا اخطيت وابي اجي عندكم قاله اخوي حياك وفي اليوم الرابع جاء زوجي وولدي لما شفت ولدي حسيت اني ودي ابكي فصرت امسك نفسي عن البكاء عشان مايلاحظني ولدي الاول عمره 5 سنوات ونص ,اتفقت انا واخوي انه لازم يرضيني ويوافق على طلباتي لما جلست معاهم قلت ابي اولا الاحترام ومابي سب وضرب وثانيا أنا مابي احمل الا بعد ماأخلص الجامعه يعني بعد سنتين (فتحت هالموضوع لأن زوجي دائما يصر عليا بالحمل حتى مااكمل تعليمي لأنه ماودي اني ادرس) وطلبي الاخير ان اي سفريه تسافرها اكون معك فيها وهو عنده سفريه الجمعه المقبله قلتله تحجزلي معك او تكنسل الحجز وتحجز على اي موعد ثاني لنا وقتها زوجي ماعجبه كلامي وقاللي انتي ماتلوين ذراعي (أنا طلبت هالطلب لأن زوجي كثير السفر خارج السعوديه بالسنه يسافر مرتين او ثلاث وانا لي معه 6 سنوات ماسافرت معه ولا مره حتى خرجاتنا من البيت تكون كل شهرين او 3 مره نادرا مايطلعنا) حاولنا نتنقاش معه بكل هدوء لكن ماكان فيه اي فايده زوجي يراوغ في الكلام حاولت اخذ منه موعد على اي وقت يفضى فيه ماحدد حتى ماتنحسب عليه كلمه قالها بالاخر قال لأخويا خللوها عندكم والله يستر عليكم وطلع ....أنا مره متوقعت ان كذا بيكون تصرفه توقعته راح يوافق لأنه جاي يرضيني أحس اني مصدومه منه تكفون دلوني على اي شي ينفع معه ماصرت اعرف وش اسوي مره محتاره ودي الامور تتعدل بس مو عارفه أحس اني فقدت عيالي مره مشتاقتلهم وخايفه هالوضع يطول
