انـا ووزني ؟؟؟ وهل هالشي طبيعي ؟؟؟

[دانة_بوظبي]

السلام عليكم ورحمة الله وبركاته ..},,

شو اخباركن ؟؟ عساكن طيبات ومرتاحات ؟؟

وسؤالي للكروشات وللي سبق لهاا تكرش ... :shiny::shiny:

مثل مانسمع ونعرف ان الحامل وزنها يزيد فترة حملها .. :flex:
بس انا ما اشوف هالشي بحملي وبجسمي ..

انا في بداية حملي .. نزلت 4 كيلو .. وهالشي معروف في فترة الوحام

بس انا الحين في الشهر السابع ومازدت الا 2 كيلو من اللي خسرتهم .. يعني حتى مارجع وزني ما قبل الحمل ..

والكل مستغرب من هالشي .. :sadwalk:


تتوقعوووووووووون هالشي طبيعي ؟؟؟ ولا يمكن كون فيني فقر دم او شي من هالقبيل ؟؟؟ :sad_1:

وشوو عن جسمي بعد الولاااده ؟؟ بيزييييييد اكثر من اول او بيتم جيه بوزن الحمل .. او بنزل اكثر ؟؟


في وحده مازاااادت فترة حملها ابدا .. او نزل وزنها وما زاااد ؟؟؟؟؟



انا احااتي هالشي طبيعي او .. لا ..؟؟ وكيف راح اتكون ولادتي ؟؟؟



اترياا ردوودكم .. واطمنوني ..؟؟ :icon31:

 

[عيون حورية]

عااااااااااااااادي اختي بعض الحمل يزيد الوزن وبعضه ينقصه
انا بحملي انقص ربع وزني والحمد لله اجيب البيبي بكامل عااااااااااافيته وصحته
واذا بعد الولاده اذا اهتميتي وقت النفاااااااااس بكلك بتزين صحتك زين
الله يهون عليك ويتمم لك حملك

 

[المنــــى]

والله يالغاليه انا أقرى ان معدل الزيادة المعقول 7 كيلو خلال فترة الحمل

أهم شي اذا وزن البيبي زين عادي لاتحاتين

ومااقدر افيدك بأي شي لأني بكرية وزت 3 كيلو من بداية حملي وألحين انا بالرابع
ودكتوري مبسوطة وانا متضايقة شكلي بتعب تعب عقب ما أولد على ماارجع وزني القديم ...


بالتوفيق والله يقومك والبيبي بالسلامة

 

[دانة_بوظبي]

عيون حوريه .. يزاج الله خيـر .. طمنتيني ان هالشي طبيعي لاني انا الوحيده في العايله وبين اربيعاتي اعاني من نقص وزني فحملي .. وربي ينولج اللي فبالج ..

المنـى .. والله ماعرف شي عن وزن البيبي .. ان شالله في الموعد اليااي بسأل الدكتوره عن وزنه .. ولاتحااتيييين .. ان شالله بينزل وزنج ولا تشلين هم الوزن من الحين .. اتحملي وحافظي وادلعي بالحمال



ويزاكم الله خير

 

[*ملكة الحب*]

طبيعي حبيبتي

وش لك بالسمنه ؛ )

 

[أم حميدة]

ممكن يعني هذا أن أكلك غير كافي ، ووزن الطفل صغير جدا لأن نقصانك تحت الطبيعي .
وأوصيك بأكل البروتين في الغذاء والعشاء ، وكلي من الفواكه والخضار وعليك بشرب 3كاسات من الحلب وأكل البيض وشرب عشر كاسات ماء ، واهتمي بالافطار ، فكلي سنويشتين مع كاسة خليب إذا أردت ، واهمتمي بألأكل بين الوجبات ، لأن كل هذا يؤثر عليك وعلى الطفل كونك تأكلين جيدا أو تهملين
أكل النشويات فقط والمعجنات فقط لا يغذي ، لابد من البروتين والفواكه ، قدر الاستطاعة

 

[دانة_بوظبي]

ملكة الحب .. اناا موول ماحب السمنه .. بس استغربت من حالتي في الحمال .. والله اذا هالشي طبيعي ألف الحمدلله .. ومانبي متن ورجيم ..


أم حميد : انا مشكلتي اغلب اكلي .. شبس .. وعصااير واكل الخرابييييييط .. اكثر من الاكل الصحي .. وان شالله بحاااول اهتم فأكلي .. اكثر ..



وتسلموون عزيزاتي ..

 

[**الورديه**]

عادي حبيبتي انا في بداية حملي نزلت 7 كيلو

والحين في الشهر السادس ولا زدت من عقب هالسبعه الا كيلوين

يعني يبغالي 5 كيلو علشان ارجع للوزن الي انا فيه

والجنين بخير والحمد لله,,,