انصحوني ياخولتي ابي اجدد حياتي انا وبنتي بعد الطلاق

[ولاء12]

بنتي صغيره عمرها سنه وثمان شهور شلون اتصرف معاها وأعوضها عن ابوها

وانا
قررت اكمل دراستي
درست انا من قبل تصميم و خياطه وابدعت فيها
فقررت اشتغل وادرس
بس انا خايفه على بنتي انها تتأثر طبيعي ان وقتي لها بيقل
شرايكم
ابي اي نصيحه

 

[البحر غدار]

وليش تطلقتى اختى عندك اطفال لازم كنتى تستحملى شوى حسبى الله ونعم الوكيل

 

[فاطمه محمد]

وليش تطلقتى اختى عندك اطفال لازم كنتى تستحملى شوى حسبى الله ونعم الوكيل

الاخت البحر غــدار ...



يا اختي صاحبه المشكله مو جايه علشان الومها و تلوميـها ,, البنت تطلقت و كان الي كااان و حصل الي حصل يمكن كانت الحياه مستحيله بينها و بين شريك حياتها و نفذ الصبر !!!! و لذا تطلقــــت

و في كل الحالات الطلااق حلال و هو حل من الحلــــــــــول ...







المهم




اختي ولاااء



اقدر هالخطوة الجميله منك و احترمها لتفكيرك في مستقبلك و في مستقبل بنتــك و أسأل الله ان يوفقـــــك و يعوضــج بزوج افضل من زوجك الساابقـــك



اتمنى الاخوات يفيدونك و خاصــه المطلقااات << المنطلقــات



و عن نفسي انصحك ان ترتبي وقتك بين دراستك و بين بنتـــك و بأذن الله ماتقصرين معاها .....

 

[كويمسي]

مرحبا اختى
الله يعوضك اولا عن طليقك ويرزقك يارب اخير منة
ثانيا شاطرة صار اللحين تهتمي ببنتك ونفسك لانك بتصيري مراه عاملة ومعتمدة طفلتك عليكي كليا فا ابدائي حياه جدية ومتفائلة ولا يهزك غبار الماضي اصلا صار ماضي اعتبرية سلم واطلعي علية
نمى مو اهبك واول شي انصحك تدخلي معهد للحاسب الالي (لو ماعندك) وخذي دبلوم وياليت (لو ماعندك لغة)تاخذي لغة
وبعدها ادرسي وتخصصي وبارك الله فيك واعاضك الله بافضل منة​

 

[روعة روح]

http://www.niswh.com/vb/showthread.php?t=42169&page=30

هنا حل مشكلتك

 

[ناناسي]

الله يعوضج يارب بخير منه وبالنسبه للبنوته انتي وحدج تقدرين تخلينه ماتحس بغيابك عنها بس ضروري ماتتركي الدراسه والشغل ترى هم سلاحك:surrender:

 

[دموع الحراير]

الله يصبرج على الطلاق
وبصراحة خطوة حلوة وقوية وبتنسيج بعض اللي صار،،،
وترى هو مشى فحياته ولازم تمشين حياتج وتتحكمين بها وتستفيدين منها
وترى وقت الفراغ قاتل،،وبنتج بتصرفين عليها من جيبج وهذا أحسن من الاتكال على غيرج حتى لو كانت أمج أو أبوج

والله يسر عليج إنشاء الله وويفقج في دربج....آآآآمين

 

[ولاء12]

شكرا خواتي على مشاركتكم لي
الحمد لله
نفسيتي بدات تتحسن
اليوم بعد ما قريت ردودكم تفا ئلت وزاد طموحي ورغبتي باني اعيش الحياه من جديد
وانا بدأت ابحث في النت عن دورات صيفيه على النت بشهاده معترف فيها وسجلت في الجامعه وانتظر الرد
وبنت نفسيتها احسن صرنا نطلع اوديها اماكن تختلط مع اطفال وتلعب في نفس الوقت
والحمد لله العايله كلهم تقريبا واقفين معاي وبدا التعاون منهم والمساعدات تجي من كل صوب
الحمد لله على كل حال