انصحوني والله نفسيتي زفت

[ناصرة المظلوم]

ادري موضوعي غريب بس انا عن جد نفسيتي شوي تعبانه ولاتضحكون علي انا عمري 27وباقي لي كم سنه وادخل ل30وهذا الشي مضيق صدري يعني ماودي يجي عمري ثلاثين خايفه واذا قلت لاهلي ضحكو علي وقالو بتاخذين عمرك وعمر غيرك فيه وحده مثلي وقد جاتها هالحاله أنا الصراحه حبيت افضفض لكم يابلقيسيات لاني كل ماتذكرت ضاق صدري واتفشل اني اشكي لاحد غيركم تكفوون ساعدوني انا جادة

 

[خلآص...!]

بالعكس انا ناطره دخولي للـ30 لان زوجي دايم يقول المراه بسن الثلاثين لها طعم ونضوج غريب
بحلاوهـ من كثر مااسمعه يتكلم كذا ابغى بسرعه اوصل
بنت خالتي بالطعش وتخاف من العمر انه يمشي
بس سالفه العمر سهله لابيتقدم يوم ولابيتاخر يوم العمر واحد عيشيه بما يرضى ربك وانبسطي
وخلي هالخرابيط عنك كل سن وله طعمه​

 

[انثى تعشق رجل]

انا زيك
انا عمري 23
وكنت خايفة موت يصير عمري 27 وبعدين يصير 30 وبعدين اكبر اكثر واكثر
بس الحمد لله جلست كذا كم سنه وتجاوزت الموضوع
تخيلي حتى لما سمعت امي تقول عمرها كنت افكرها 40 قالت عمرها 44
جلست اسبوع ابكي

لان فكرة الموت مسيطرة علي بشده
بس لما قويت صلتي بالله ارتحت كثير وماعدت اخاف من الموت او ان احد احبه يموت

 

[رهوة]

يا أختي استغفري ربي كثير و صلي ركعتين وارضي بقدرك, احمدي الله انك وصلتي هذا السن فهناك من مات قبلها وقنعي نفسك بحال الدنيا فلا يمكن تظلي شااااااااااااابة , وهذي من وساوس الشيطان فلا تداعيه يفسد عليك حياتك, فهذا الوقت الذي تتحسرين فيه و تضايقين فيه نفسك اسعدي فيه وارضي ربي حتى لا يأتي وقت تتحسرين عليه وربي يكون بعونك

 

[الشتاء الدافئ]

مافيه اجمل من ان يكون عمرك 37 والناس يحسبونك 27 ومافي احلى من شعور الرضا لما يكون اكبر عيالك في المتوسط واذا شافوا اللي عمره 3سنوات قالوا هذا ولدك الكبير ومافي اجمل من النظر لوجوههم المذهوله لما يعرفون عمرك الحقيقي اللي اذكره دائما للجميع بكل فخر ..كلما كبرتي اكبر كلما حبيتي الحياه اكثر لان خبرتك بالحياه تزيد ونفسك تصبح اقدر على امتصاص الازمات وتقل مشاكلك ..وبالشكر تدوم النعم نسأل الله ان يبارك لنا في اعمارنا ويجعل الحياه زيادة لنا من كل خير ويجعل الموت راحة لنا من كل شر ..

 

[ألحان نازفة]

كيف يعني ما فهمت يعني لسى ما تزوجت؟
انا قريبة منك وعمري 26 ... وعن نفسي اللي مطفشني اني كلما تقدم العمر تزيد الهموم والمشاكل.. استغفر الله ما ادري ليش ..
واحب اقولك بالعكس الثلاثين اروع سن اسمع كدا يقولوا .. والا ليش اهل الجنة سنهم يوقف عند 30 !!!
لا تشيلي هم وانا اختك.. خلي حياتك طاعة واجتهاد وكمان استانسي بشبابك ولا تفكرين في العمر .. كدا والا كدا مصيرنا نعجز لو سلمنا من الموت..
يا رب تحفظ لنا صحتنا وتثبتنا على الدين وترزقنا حسن الختام.. وتجعل مستقرنا بالجنة.. هناك الراحة الحقيقية

 

[اه من برد الشتا]

احلي عمري 30 هونظوج هوجمال هوجاذبيه يجنن هذا العمر

 

[عيوني مياسه]

موضووع حلووو
ذكرتيني بعمري وأنا فاصله العداد عند 24 :20:
ههههههههههههههههههههههههههههههههههههههههههه:31:
اللهم احسن خاتمتنا وأجعل أفضل أعمالنا آخرها ,,
وخير أيامنا يوم نلقاك

 

[مييسو]

احسن عمر للمرأة هو الثلاثين

 

[مرت ولد الحموله]

الله ياسرع الايام وتركض ذكرتيني بنفسي يوم دخلت 16 جلست ابكى واقول لامى ما ابغي اكبر ودي دايم اكون صغيره ,,
واللحين الله يخلف خذنا من السنين الدبل عن 16
الله يجعلها شافعة لنا وفي ميزان حسناتنا ,,

 

[كرز توت]

ياحلوك والله انا عمري في بداية الـ29 وكل من سالني قلت 27
مدري نلعب على مين ههههههههههه
ام جيرانا مشاء الله عليها عجوز وعندها عيال وأحفاد وتجلسين معها تقولين وحدة عمرها عشرين يحبونها الصغار والكبار وصحتها زي البومب ودايما تسافر واخر مره راحت سويسرا مع عيالها يعني موسعه صدرها ع الاخر
ياختي اللي مايكبر مايعيش ..والشباب شباب الروح
وسعي صدرك وعيشي ايامك بحلاوتها ومرارتها
والله يرزقنا حسن الختام

 

[تشكرات]

كل عمر وله حلاوته وطعمه الخاص ..

الطفوله : براءه وشقاوه ولعب .

المراهقه : مغامره ونشاط وحيويّه .

مابعد المراهقه : تحديد للشخصيّه ومعرفة وزن الأمور .

الثلاثين : قمة الشباب والأنوثه .

الأربعين : النضج والخبره والركود .

وهكذا .............

ولكل سن وعمر ( تجارب وحياه عشناها ) ...بحلوها ومرّها .....

يعني الآن أنا مثلآ دخلت الثلاثين وأنا في قمة الأنوثه والجمال هههه

( أمدح نفسي ) ههههه.....وكسبت الكثير من التجارب ومعرفة

الكثير من الأمور اللي تخلّيني ( أفتخر بنفسي مستقبلآ كي لا أقع

في نفس الخطأ السابق .....ولمّا أتذكّر ( مراهقتي وجنوني ) أقول

في نفسي ( يا لسذاجتي ) ههههه >>>ياليتني فعلت كذا وكذا

وهكذا ....وأخت زوجي بالأربعين وتفتخر بعمرها وبتجاربها وكلها

جمال وحيويّه وخبره ....وهكذا >>لكل عمر حلاوته ...

 

[بك آمنت ربي]

اممم :
أعرف واحد عمره 40 سنة !!
وزوجته عمرها في بداية الثلاثين !
أب لعيال وبنات كبار ومراهقين !
كل من شافه ما يقدر يصدق إنه عدى الثلاثين مظهره وشكله وحيويته كلها تدل عكس عمره !
والسبب على قولته : إنه ما يشيل هم شيء بهالدنيا وإذا واجهته المشاكل تعداها ولا خلا لها أثر وقالها بالنص الصريح : ولا أشيل هم عمري أبدا وكل سنة أستقبلها بسعادة وارتياح !! >> ماشاء الله عليه وأنت نفس الحالة يعني ما تشوفي إنك ظلمت نفسك يوم باقي لك 3 سنوات وأنت نفسيتك تعبانة وزفت أجل وش تسوين لوباقي سنة ولا شهر !! أخا ف تموتين قبل يجيك هالعمر من شدة الهم >> الله يطول بعمرك ويرزقك السعادة !!


أمر ثاني : تخيلي إن عمرك 40 سنة ولا 50 سنة وش راح تكون نظرتك لعمر الثلاثين (راح تقولي الله يرحم سنوات الشباب والحيوية !! وراح تشوفينه قمة في الشباب ) فلا تخلي هالشيء يمر ولا تحسين فيه إلا إذا صرت عجوز !!
استمتعي بكل لحظة وعيشي لربك !!

 

[لمن يجرؤ]

لا حبيبتي خليكي عاديه


انا فحياتي كلها ماقلك ما فكرت فالعمر ولكن فكرت فيه من ناحية متى اجيب عيال وكذا

بس كل شي نصيب

انا الحين 27

 

[- Dodi -]

واللللللله ماتنلامييين انا عمري 18 وسنتين < ماتبي تقول 20
ويوم كنت 17 متت من الصياااح ماابيه يصصير 20 والله احس اني كبيررره
واقول ياربي ماابي الايام تعدي ويوم صرت 20 تأزمت وشوي بدخل 21
المشكله الاياام تطيييير .. الحمد لله :'(​

 

[رحماه ياربي]

هههههههههههههههههههههاااااااااااااااااااااااااااي
انا عمري ببداية العشرين وماني حااااااااااااابه ابـــــــــــــــــد ابــــــــــــــــــــــد اكبر
والله اتوقع اغلب النساء تخاااااااااااااااااااااااف اذا حست ان العمر يمر فيها اتوقع طبيعي هالشعور
بس ولايهمك اللحين مع تطور هالتكنلوجيا الي خدمتنا راح يبين انك لسى ماوصلتي العشرين
وش رايك؟؟
فلذلك ماله داعي القلق
صح...

 

[النادره 22]

انا مثلك داخله 28 بس متزوجه وخايفه يعدي العمر بدون اطفال افرح فيهم
عارفه ان كل شي بيد الله سبحانه لكن تمنيت اجيب اطفال وانا بعمر اصغر من كذا
ادعوا لي من صميم القلب يرزقني ويحفظ لي زوجي بدون هموم ومشاكل
وعندي قريبه بنفس عمري بس ماهي متزوجه وتحس ضعف اللي انا احسه فيه تخاف يعدي عمرها بدون زواج ومن جد مافيه احد مرتاح وكل شي بارادة الله والحمد لله رب العالمين
دعواتكم فديتكم

 

[محبة مكة]

هههههههههههههه
الله يطول اعمارنا في طاعته

 

[زوجة الناظر]

انا مثلك ما احب عمر 25 ودي امووت قبله


بس حااسة احساس غريب ومو حلووو


خاصة اني احب عمر 22 وودي اوقف عند

وعادي تقبلي الوضع والله يجعلها بطاعته ان شاء الله​

 

[ناصرة المظلوم]

لبى قلوبكم كلكم ردودكم تشرح الصدر واللي تسال هل انا متزوجه او لا انا متزوجه وعندي ولدين