انصحوني خانني مب قادرة أنسى بدمر حياتي وحياة أطفالي

أ

أبحث عن ذاتي

New member
إنضم
2009/05/29
المشاركات
10
السلام عليكم خواتي الكريمات

قصتي طويلة عريضة باختصرها وابغي النصيحة

انا متزوجة وعندي بنتين - تزوجت من ريال على إنه ملتزم - فبداية زواجنا لاحظت تهاونه ف الصلاة
حاولت بكل الاساليب نصحه بالكلام باللين وبالتشجيع وبالزعل- بالبكاء- رسايل -مسجات- بالقدوة وبالطناش وارجع للبكاء والتجريح واهدافترة وارجع ليما تعبت وهومرة يصلي ويحاول ومرات يترك

مع إنه طيب وحنون وما يقصر وياي ف احيان كثيرة ومع إنه رومانسي ويحاول يريحني ويهمه
هذا الشي ف علاقتنا الحميمة - مع إنه ولا مرة جرحني بالكلام لكن كانت نظرات عيونه تتكلم
وتجرح -ينظر لعيوبي الجسمانية بنظرات اقرب للإحتقار ليما ثقتي بنفسي اهتزت-
 
هلااا ياعمري

هدي نفسج الدنيا لالحين بخييير

ومافي انسان مايغلط كل انسان يغلط ومرده لج ولعيالج ثقي تماما

والله يهديه للصلاه يااااارب

بس انا مااشفت خيانه بموضوعج؟
 
الصلاة هي اساس العلاقه بين العبد وربه اذا تهاون الانسان فيها وفرط فيها اكيد بكون لها تبعات

والله المستعان ---استفتي شيخ ثقه في امر زوجك لان الصلاة عامود الدين
 
هدي نفسك زوجك فيه صفات ايجابيه افضل من غيرة تجملي عشان بناتك لا تهدمين بيتك واهديه دايم للصلاة باسلوب واشوى انه يصلي ويترك احسن من انه ما يصلي بتاتا يعني فيه خير ادعي له في جوف الليل وانصحيه مع الوقت ربي يهديه وحتى الشيخ سالته وحده عن زوجها يصلي ويترك قال نفس الكلام وانتي شوفي وش عيوبك حاولي تغيرينها ويا حبيبتي انتبهي لا تخلين احد يربي بناتك لا تتركينهم والخيانه ما في احد ما لسعته الخيانه
 
تابع...............

أصارحه بكل شي حتى عن أهلي ومشاكلهم أخبره - عن كل شي ف خاطري حتى عن همومي
عن عيوبي اللي ف جسمي وتاعبتني وتأسف له عن اهمالي لنفسي بسب انشغالي مع البنات
وعن تقصيري ف نظافة البيت وانا ما عندي شغالة يقول لي انا مقدر ظروفج بس عيونه
تقول غير هذا

تقصيري ف أمور النظافة ف احيان كثيرة جاي من تقصيره وإهماله ف توفير حاجيات البيت
وحاجياتنا وإذا لبى طلباتي والحاجيات بعد إلحاح وزعل واحيانا بعد مشاكل-ليما تعبت نفسيا من اسلوبه وبدأت اهمل البيت ونفسي ولكني بعد فترة أنتبه وأرجع أجدد نشاطي ولكنه يحبطني بتاجيلاته وتسويفه- روحة العيادات
ثقيلة عليه ومملة وبعد حنة ياالله

إهماله للصلاة ولنا وللبيت وربعته لناس ما اتطمن لهم وجفاءه لي فأحيان كثيرة وكثرة سهراته برع البيت للفجر وانا عاطتنه الثقة العمياء خلتني أشك فيه وافتش تيلفونه واتتبعه وكانت الصدمة

حاول يقص علي ويلف ويدور ويقول إنه هذه مهمات عنده ف الدوام -صدقته لانه بعد له اسلوب ف الاقناع
ومستغل جهلي بأمور دوامه- وقال إنه ترك المهمات

لكن إحساسي بغموضه ونظرات عيونه فيها شي من الخبث وعدم الوضوح واكتشافي لرجعته للتدخين وسماع الأغاني
خلاني أراجع حساباتي واشك فيه أكثر ورجعت أفتش تيلفونه ولقيته ما زال مستمر وكل ما أواجهه يهرب ويلف ويدور ويقول هم اللي يتصلون علي و ..... و............ و...........
وكتشفت بعد إن اول خيانة هاتفية كانت مع حبيبة القلب الل ي كان بيتزوجها وأهله رفضوا وتزوجت واكتشفت بعد
إنه كان يكلمها حتى بعد ما تزوجت ثم التزم وتزوجني - القهر إنه من ثاني سنة زواج رجع يكلمها وأنا ف بداية حملي الثاني وعانيت وتعذبت من إهماله لأمور كثيرة تنغص العيشة فكنت دايما ف عينه متضاية- نكدية - جافة وهو السبب
حطم نفسيتي للآخر درجة ويقول يحبني -

حاولت أهدا وقلت له يلا نفتح صفحة جديدة أنسى كل ما كان منك وأطالبك ب: المحافظة على الصلاة وترك التدخين وسماع الأغاني وانعش علاقتك بربعك الملتزمين ولا تثير شكوكي بالسهر برع البيت ولا بالتيلفون ( لأنه ما يحب يتكلم جدامي بالتيلفون ويتحجج إنه بيروح السيارة بيخلص مكالمات خاصة بالدوام ويتم بالساعات ف السيارة او يتحجج بأي مشوار صغي) وبعد طلبت منه يصلح الأشياء الخربانة ف البيت

يقولي إن شاء الله ما بتشوفين مني إلا كل خير- يوم ويومين يمرون وأكثر وهو ما يحرك ساكن ولا أشوف منه أي مبادرة

ليما تعبت من الإلحاح وتدمرت نفسيتي لآخر درجة وكل ما احاول أنسى خيانته وهو ما يحاول يعيني بهذا الشي
ويلبي طلباتي- أرجع انفجر وأذكره بخيانه واقوله خلاص نحن ما نعني لك شي توعدنا بالشي الفلاني وتعشمنا وتكسر خاطري والبنات-

تعرفون إنه يكتئب ويروح ينام - تعبت من حاله كم مرة طلبت الطلاق ومع كل طلب يكتئب ويسكت ولا يتكلم

طلبت منه أبتعد اسبوع بيت أهلي وتكون أخر فرصة له يراجع حساباته وينفذ طلباتي

مر الأسبوع الأول وصارت له ظروف ومرالأسبوع الثاني وهو على الراحات وانا اتصل أساله- ما سوى شي

بعده بيسوي وبعده يحاول ياخذ إجازة يخلص أمور البيت - وانا أشوفه بهذا البرود أنفجر ف كلامي وياه

ليما حس إني أجبره - قلت له لو ما خلصت امور البيت بتم بيت أهلي وحياتي وياك منتهية


تعرفون : من كلامه يتضح لي إنه ما خذ المسألة مسألة تحدي وإني أنا شكاكة وما عندي حسن ظن

بإنه يحبنا وبإنه بيلبي لي طلباتي

أنا يائسة منه وهو يعتبر يأسي سوء ظن وشك فيه

أحسه مقفل عقله وفكرة إني شكاكة وأسيء الظن مسيطرة على كل تفكيره

وله كلام متناقض بخصوص امور ترتيبات البيت


خواتي انصحوني

أنا بعد كل هذي المواقف وغيرها توصلت لأمرين:

- هو بطبعه مهمل لكن إهماله ممكن أتغاضى عنه أحيانا وأحيانا كثيرة لأ لأ لأ

- هو شايف إني أنا أقل من المستوى اللي يتمناه - خاصة بعد ما تركت شغلي علشان اتفرغ له وللبنات وللبيت
لكنه حطمني وبعد علشان عرف مشاكل اهلي وأمور كانت تصير منهم وياه قللت من قيمتهم بعينه
وبعد لأني مش بهذاك الأسلوب من الفرفشة والسوالف اللي كان يسمعها من المعفنات ف التيلفون
وهو السبب - كنت كل ما أحاول أكسر حاجز الحياء وياه واغير أسلوبي تجيني الهموم بسبب الإهمال
وزادت الحواجز وتعقدت من الكلام وياه ف التيلفون بعد ما اكتشفت خيانته-


خواتي
حاليا أنا رجعت قدمت على شغل وانتظر الموافقة وبعدي بيت أهلي وباجر بيمر ياخذني
آخر مكالمة لي وياه كانت اليوم رجعت طلبت منه يخلص أمور البيت اللي طالبتنها منه
قبل لا أروح لأني متعصبة لشرطي إني ما ارجع إلا لما ينفذ طلبي ولا الطلاق أحس حل
وانهي همومي وياه

ف مكالمتي كنت هادية نوعا ما وهو قالي أحيانا احسج وحدة ثانية واحيانا ترجعين

أخاف أرجع البيت ويرجع كل شي مثل ما كان وأندممممممممم


شو تنصحوني
 
أشكركم خواتي الغاليات وربي يسعدكم
تاخرت ف تكملة الموضوع
انتظر ردودكم بعد استكمال الموضوع
 
ياحيييااتي
انتي غلطتي بالبدااايه يوم تقوولين له اسرار اهلج
المفروووض ماتقوولين له بس خلااص مره ثانيه لاتقوولين له
بصراحه انا شفت مشااكل بس مشكلتج مو صعبه سهله باذن الله
يعني بينكم احترام ومافي اهانات
حاولي تهتمين بالبيت وبلبسج غيري من شكلج
وارجعي لوضيفتج
وواجهي بالارقام اللي بجواله
وقولي نبي نفنتح صفحه جدييييده
انا احس انه يحبج ويبيج لكن المعفنه شاغلته عنج
عشان جذي انتي اشغليه عنهاا
وخلي كلامج معاه بالجوال حلووو وارسلي رسااايل حلووه ورمانسيه
عشان يرجع لج
والله يفرررررج همج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل