انثى_الورق #حــــــــــــــــــــــــكاية_حــــــــــــــياة قصه منقولة

[افنان و رياحين]

15 ) ___________________________
يوم العرس فقت بكير مثل الكل .. بلشو الناس يجو ولا كنت اعرف حدا منن .. اجت لعندي الحلاقة مشان تساويلي شعراتي ...كان لازم نطلع بكير مشان نروح بلطيارة .. لانو العرس رح يكون بالولاية يلي فيها حمزة ..و كان كثير بعيد و لو رحنا بلسيارة نضيع وقت كثير ..كانت الساعة 10 صبح .. خلص كنت زابطة ..لابسة فستاني الابيض .. و مكياج و كعب ابيض ..كنت بالغرفة لحالي عم استنى .. كنت اطلع بموبايلي يلي ما وقف من مبارح .. عماد كان يتصل فيني اتصال ورا الثاني .. كنت عم المس الطوق يلي ع رقبتي يلي كان هدية منو ..الكل كان يقلي شيلي هـ طوق من رقبتك لانو ما يلبق مع فستان العرس .. بس ما كان يهمني ولا شلتو من رقبتي ابداا .. هاد الشي الوحيد يلي ضل من عمااد ...و رح يضل برقبتي لاخر نفس ..ما كان بدي رد عليه .. كان بدي يعيش نفس عذابي كل هلشهور ..بس حبي لالو كان قوي كثير و مستحيل انساه ..قررت اني احكي معو للمرة الاخيرة و ودعو ..لحتى اقدرر اقلب الصفحة و عيش من جديد رديت عليه عماد : حياة ........ انا : ....... عماد : قليلي شو بعمل .. رح اطلع لعندك .. بدي احرق البيت كلوو بيلي فيه .. قليلي شو بعمل فوراا.. انا عند الباب انا هون جنبك انا : ما تعمل شي .. انساني عماد نفجر بكي و قلي عماد : انا خسرتك حبيبتي .. ما صدقتك الك و صدقتها هي .. كنت مثل الغبي مثل الاجدب و ما سمعتك .. تسرعت و ما خليتك تحكي .. انا خسرتك عمري .. وعدتك دايما انو انا يلي رح احميكي بس انا يلي جرحتك و اذيتك ..سامحيني عمري مشان الله .. سامحيني حياة لما قلي هيك نفجرت بكي .. صرت ابكي مثل المجنونة .. صوتو بلش يقطش من كثر ما كان بتنفس بصعوبةو هو عم يبكي

عماد : رح تتزوجي ؟؟ اليوم عرسك حبيبتي ؟؟ و انا كيف رح عيش بدونك ؟؟كيف رح عيش مع ندمي ؟؟ كيف رح اقدر اتحمل هشي ؟؟ رح تكوني لغيري يا حياة كيف رح اتقبل هشي ..كل هشي صار بسببي .. ما حاولت اسمعك كل هلوقت .. حكيلي حياة مشان الله .. لا تروحي و تتركيني الله يخليكي .. رح ساوي كلشي مشانك انتي بس سامحيني انا : قلتلك هشي من قبل بس ما صدقتني .. قلتلك انو وقت تفيق رح يكون تاخر الوقت ..لا توجعني اكثر من الوجع يلي عيشتني ياه ..انساني و عيش حياتك عماد ..و انا بوعدك اني عيش الجحيم يلي تمنيتلي ياه .. عماد : لا تقولي هيك مشان الله ..لك لا تقولي هيك ...سامحيني يا الله .. لك سامحيني لا تروحي و تتركيني الله يخليكي .. بوس ايدك .. الغي كلشي هلا و بكرا رح كون عندك مع اهلي ..بوعددك انو رح نعمل عرسنا بعد اسبوع .. مشان الله الغي كلشي حياة .. لا تروحي .. لا تخليني عيش بالحسرة .. لا تتركيني عمري انا : حبيتك اكثر من ايا حداا .. و للاسف جرحتني اكثر من ايا حداا .. ما كنت اتوقع تتركني كل هلوقت بلا ما تصدقني .. بلا ما تحاول تعرف كيف عايشة ..بس مع هيك كنت و رح تضل حبي الوحيد ..ما رح انساك طول عمري .. بس انت انساني عمااد .. تاخر الوقت خلص انا رايحة .. عمااد : لك مشان الله .. مشان الله حياة .. مشان الله ... لك يا الله سااعدني .. رح اجي احكي مع ابوكي هلااا .. انا : اوعك تعملي هشي .. اوعك تقرب مني و تعملي مشاكل اكثر .. انساني عمااد .. و سامحني ... سامحني يا عمري ع كلشي صاررر ... سكرت الخط بوشو لانو مابقا فيني ..رجع يتصل فيني .. شلت الشريحة من الموبايل و اخذت نفسي و كسرتا .. كنت ابكي مثل المجنونة ..لما شافوني ابكي بهديك الطريقة .. فكرو اني زعلانة ع فراق ابي ..بس انا قلبي كان واجعني موووت موووت موووت ...كنت اخذ نفسي بصعوبة .. حتى اني حسيت رح موت ..الوجع بصدري صار ما يتحمل ..مثل كانو حداا عم يطعني الف طعنة بلثانية ... حمزة وصل ..كان في كم سيارة برا ..كان بدن ياني اطلع و ايدي بايد ابي بس رفضت ..ما كان يستاهل اني اطلع من البيت تحت جناحو ..بعمرو ما عتبرني بنتو ولا انا عتبرتو ابي ..بس مع هيك زوجة ابي نقت عليي كثير و قالتلي عملي هشي بس مشان العالم .. ما كان الي خيار ثاني و اجا ابي طالعني من الغرفة .. و لما كنا نازلين قربت منو و قلتلو انا : ذنوبي برقبتك ..حسبي الله و نعم الوكيل حمزة طلع ع نص الدرج .. قرب مني و باسني ع جبيني .. كان بدي اتقيا وقت حسيت شفافو ع جبيني ..كان بدي الغي كلشي بهديك الدقيقة بس القدر منعني .. نزلناا كمان الدرج ..و كنت عم ابكي طول الوقت ..حمزة مسكني من ايدي .. و نايلة
كانت ماسكة فستاني من ورا و بس طلعنا لبرا .. صرت دور ع عمااد بعيوني .. و فجاة شفتو و كان عم يطلع فيني ..كان جوا سيارتو ..كان يبكي مثل الطفل .. و التليفون بايديه عم يتصل فيني ..كان نفسي اترك ايد حمزة و اركض لعندو ضمو لقلبي ..بس كملت و صرت امشي حتى باب السيارة ..و اخيرا رحناا ..لحياة جديدة . .. بس يا ترى ل حب جديد .؟؟ او لحياة العذاب و الوجع من جديد ؟؟؟ و من هـــــــــــــــون رح تبلش حياتي بعــــيد عن هاي المدينة وبعـــيد عن عمااد
يوم العرس فقت بكير مثل الكل .. بلشو الناس يجو ولا كنت اعرف حدا منن .. اجت لعندي الحلاقة مشان تساويلي شعراتي ...كان لازم نطلع بكير مشان نروح بلطيارة .. لانو العرس رح يكون بالولاية يلي فيها حمزة ..و كان كثير بعيد و لو رحنا بلسيارة نضيع وقت كثير ..كانت الساعة 10 صبح .. خلص كنت زابطة ..لابسة فستاني الابيض .. و مكياج و كعب ابيض ..كنت بالغرفة لحالي عم استنى .. كنت اطلع بموبايلي يلي ما وقف من مبارح .. عماد كان يتصل فيني اتصال ورا الثاني .. كنت عم المس الطوق يلي ع رقبتي يلي كان هدية منو ..الكل كان يقلي شيلي هـ طوق من رقبتك لانو ما يلبق مع فستان العرس .. بس ما كان يهمني ولا شلتو من رقبتي ابداا .. هاد الشي الوحيد يلي ضل من عمااد ...و رح يضل برقبتي لاخر نفس ..ما كان بدي رد عليه .. كان بدي يعيش نفس عذابي كل هلشهور ..بس حبي لالو كان قوي كثير و مستحيل انساه ..قررت اني احكي معو للمرة الاخيرة و ودعو ..لحتى اقدرر اقلب الصفحة و عيش من جديد رديت عليه عماد : حياة ........ انا : ....... عماد : قليلي شو بعمل .. رح اطلع لعندك .. بدي احرق البيت كلوو بيلي فيه .. قليلي شو بعمل فوراا.. انا عند الباب انا هون جنبك انا : ما تعمل شي .. انساني عماد نفجر بكي و قلي عماد : انا خسرتك حبيبتي .. ما صدقتك الك و صدقتها هي .. كنت مثل الغبي مثل الاجدب و ما سمعتك .. تسرعت و ما خليتك تحكي .. انا خسرتك عمري .. وعدتك دايما انو انا يلي رح احميكي بس انا يلي جرحتك و اذيتك ..سامحيني عمري مشان الله .. سامحيني حياة لما قلي هيك نفجرت بكي .. صرت ابكي مثل المجنونة .. صوتو بلش يقطش من كثر ما كان بتنفس بصعوبةو هو عم يبكي

عماد : رح تتزوجي ؟؟ اليوم عرسك حبيبتي ؟؟ و انا كيف رح عيش بدونك ؟؟كيف رح عيش مع ندمي ؟؟ كيف رح اقدر اتحمل هشي ؟؟ رح تكوني لغيري يا حياة كيف رح اتقبل هشي ..كل هشي صار بسببي .. ما حاولت اسمعك كل هلوقت .. حكيلي حياة مشان الله .. لا تروحي و تتركيني الله يخليكي .. رح ساوي كلشي مشانك انتي بس سامحيني انا : قلتلك هشي من قبل بس ما صدقتني .. قلتلك انو وقت تفيق رح يكون تاخر الوقت ..لا توجعني اكثر من الوجع يلي عيشتني ياه ..انساني و عيش حياتك عماد ..و انا بوعدك اني عيش الجحيم يلي تمنيتلي ياه .. عماد : لا تقولي هيك مشان الله ..لك لا تقولي هيك ...سامحيني يا الله .. لك سامحيني لا تروحي و تتركيني الله يخليكي .. بوس ايدك .. الغي كلشي هلا و بكرا رح كون عندك مع اهلي ..بوعددك انو رح نعمل عرسنا بعد اسبوع .. مشان الله الغي كلشي حياة .. لا تروحي .. لا تخليني عيش بالحسرة .. لا تتركيني عمري انا : حبيتك اكثر من ايا حداا .. و للاسف جرحتني اكثر من ايا حداا .. ما كنت اتوقع تتركني كل هلوقت بلا ما تصدقني .. بلا ما تحاول تعرف كيف عايشة ..بس مع هيك كنت و رح تضل حبي الوحيد ..ما رح انساك طول عمري .. بس انت انساني عمااد .. تاخر الوقت خلص انا رايحة .. عمااد : لك مشان الله .. مشان الله حياة .. مشان الله ... لك يا الله سااعدني .. رح اجي احكي مع ابوكي هلااا .. انا : اوعك تعملي هشي .. اوعك تقرب مني و تعملي مشاكل اكثر .. انساني عمااد .. و سامحني ... سامحني يا عمري ع كلشي صاررر ... سكرت الخط بوشو لانو مابقا فيني ..رجع يتصل فيني .. شلت الشريحة من الموبايل و اخذت نفسي و كسرتا .. كنت ابكي مثل المجنونة ..لما شافوني ابكي بهديك الطريقة .. فكرو اني زعلانة ع فراق ابي ..بس انا قلبي كان واجعني موووت موووت موووت ...كنت اخذ نفسي بصعوبة .. حتى اني حسيت رح موت ..الوجع بصدري صار ما يتحمل ..مثل كانو حداا عم يطعني الف طعنة بلثانية ... حمزة وصل ..كان في كم سيارة برا ..كان بدن ياني اطلع و ايدي بايد ابي بس رفضت ..ما كان يستاهل اني اطلع من البيت تحت جناحو ..بعمرو ما عتبرني بنتو ولا انا عتبرتو ابي ..بس مع هيك زوجة ابي نقت عليي كثير و قالتلي عملي هشي بس مشان العالم .. ما كان الي خيار ثاني و اجا ابي طالعني من الغرفة .. و لما كنا نازلين قربت منو و قلتلو انا : ذنوبي برقبتك ..حسبي الله و نعم الوكيل حمزة طلع ع نص الدرج .. قرب مني و باسني ع جبيني .. كان بدي اتقيا وقت حسيت شفافو ع جبيني ..كان بدي الغي كلشي بهديك الدقيقة بس القدر منعني .. نزلناا كمان الدرج ..و كنت عم ابكي طول الوقت
ولا شي بالدنيا رح يقدر يوجعني هلا ..لما نفقد الشي يلي يخلينا نتمسك بالحياة .. لما نفقد الانسان يلي عايش بالقلب ..ما في شي رح يوجعناا اكثر من هداك الوجع ..انا تركت قلبي هنيك جنب العماارة .. تركتو قبل مما اطلع ع سيارة ..ما بقا حس بشي ..رح بلش عيش من جديد .. بس بلا روح بلا حلم بلا حب و بلا قلب ..شو رح يصير من هليوم و رايح ما بقا يهمني او ياثر فيني ..ما كنت خايفة من الحياة يلي ناطرتني لانو ما بقا يهمني شي ...الوجع كان كبير كثيرر .. الضربة ييلي اخذتا كاان الم كبيرر ..و بعمري ما رح انسى يلي صار معي ... ما كنت بعرف كان غلط مين ؟؟ انا ؟؟ عماد ؟؟ ليلى ؟؟ امو ؟؟ اهلي ؟؟ كان غلط مين ؟؟ ..اانا بعترف اني غلطت وقت ما خبرت عمااد و انا دمرت حياتي بايدي و خسرت حب حياتي ..كنت مفكرة رح انجح لحالي ..ثقتي بنفسي خانتني و خسرت كلشي ..بثقتي الكبيرة برفيقتي فقدت حب عمري ..كنت بعرف انو باوقات ما كانت تشبه حالها ا...بس من كتر ما حبيتها بعمري ما شكيت انو يمكن تخوني ...حبيتها لدرجة صرت لاقيلها اعذار ..كانت اختي و رفيقتي الوحيدة ..هي ييلي كبرت معاا .. هي يلي تقاسمت معا الفرح و الوجع ..لحد هاي الثانية ماني مصدقة انو قدرت تعمل معي هيك شي ..كنت قول يمكن انها غيرانة و هشي عادي .. هي كمان كان الها حياة صعبة ..اب مدمن .. فقدت حب حياتها ...صرت دور ع اعذار كثير لحتى سامحها ..بس ما قدرت .. بس مع هيك لساتني بحبا كثير .. و ما رح انساها ابدااا و ما رح انكر اني قضيت معا ذكريات حلوة ..الانسان يلي يحب بعمرو ما يقدر يكره لو شو ما صار ... اهلي ..او لا مو اهلي .. الناس يلي جابولي لهاي الدنيا ما عندي شي قولو مشانن .. لانو ما بقا يعنولي شي ابدااا ... ام عماد ..معا حق انو تخاف ع ابناا .. لانو شافت عماد ع طول مهموم و ضايع بسببي ..هي ام بدها بس الافضل لابنا ..انا هون عم احكي عن ام حقيقة .. ما بلومهاا .. عمااد ..لو كان بس عطاني فرصة اني احكي ..لو كان بس ضيع دقيقة من عمرو و يقرا رسايلي يلي كنت ابعثلو ياهن .. لو بس قراهن و ما مسحن ..لو كان سمعني ..لو كان يحبني قد ما حبيتو و يوثق فيني .. ما كنا وصلنا لهون .. انا هلا حياتي ولا شي .. و ما بنفع لشي ..انا هلا بالسيارة .. بفستان عرس ..متزوجة مع رجال بكرهو بدون سبب..رجال ما بطيقو ..رجال بيعرف انو ما بدي ياه .. بس لسبب ما بعرفو .. ما عم يهتم لمشاعري ولا اذا بدي ياه او لا ...رجال يلي رح اكرهو دايما .. بكل الطريق ما وقفت بكي ..كنت ابكي بصمت .. كانو بي دموعي عم ينزلو مثل الشلال

..حمزةة ما قال شي .. ولا ايا شي ؟؟ !!! .. حط ايدو ع ايدي بلا ما يقلي شي ..كل طريق و انا ماسكة الطوق بايدي و اتذكر ذكرياتي مع عمااد .. صورتو ما راحت من بالي .. اكيد رح يصير يكرهني من يوم و رايح .. و انا رح حبو كل عمري .. لما وصلنا ع المطار ..كنا بالكاراج .. اختو لحمزة اجت تزبطلي مكياجي .. هي : خلص حاج تبكي ..رح توصلي بشعة ع القاعة اذا ضليتي هيك .. قالت هشي و هي عم تمزح معي ... حمزة نزل راح يشوف رفقاتو .. اختو راحت و اجت اختي نايلة لعندي .. نايلة : خلص حياة حاج تبكي لك قلبي .. ليكي عيونك كلن منفخين و تبهدلتي ... حاج تبكي يا عمري يلي صار صار و كلو مكاتيب .. انا : شفتيه نايلة ؟؟ كان تحت شفتيه ؟؟ نايلة : شفتو حياة .. حتى امي شافتو .. بس هااد هو قدركن .. انا : رح يكرهني هلا .. رح يفكر انو انا يلي تركتو .. لك ابوه كثير مرضان و حتى ما بعرف حالتوو .. بس اكيد رح تكون الو ليلى رح يلاقي معا الحنان و الامان ... نايلة : لا حياة .. هو هلا كثير يكره حياة لانو بس خبرتو صار يسبها و شتمها و حتى كان بدو يضربها انا : من وين عرفتي ؟؟ نايلة : ما كان بدي قلك .. تصلت فيني صبح و كان بدها تحكي معك .. كانت تبكي كثير و تقلي يا ريت حياة تسامحني .. حكتلي انو مبارح بليل تصلت بعماد و خبرتو كلشي صار يشتمها و هددها انو لو يلاقيها قدامو رح يضربهاا .. كانت كثير ندماانة و خايفة ....خلص حياة انسيهن لثنين .. شوفي قدامك .. حاولي تتعايشي مع زوجك .. حاولي تفتحي قلبك من جديد هاي الحياة لك اختي نستنى منها كلشي انا : لك انتي اديش عمرك ولي؟؟ متاكدة 17 نايلة : هههه لا غلطانة 70 سنة ههه .. يلا حبيبتي مسحي ه دمعاات و حاج تبكي .. الوقت يشفي كل هلجراح يا اختي .. حمزة رجع لعندي و اختي راحت ..مسكني من ايدي و نزلني من سيارة .. جوا بالمطار لتقيت بامي الحقيقة ..بس شافتني اجت حضنتني .. حتى ما قدرت احضنها ما كان الي ولا مشاعر تجاها ..عطتني خاتم هدية ما قدرت اتشكرها ولا قلها شي.. ما نطقت معا ولا كلمة .. قالتلي انو ما كان فيها تجي ع البيت مشان ابي ولا فيها تجي معي مشان زوجها .. تركتهاا مثل الشجرة واقفة و كملت طريقي ركبنا بالطيارة .. حمزة ما حكى ولا قلي شي ..و بعد ساعة بالطايرة و اخيرا وصلنا .. رحنا ع القاعة .. فتنا لجوا لنرتاح شوي قبل ما تبلش الحفلة .. قصدي المسرحية .. زواجي يلي كنت احلم فيه من طفولتي مثل ما تحلمي فيه انتي يلي عم تقري هلا او غيرك ..ما كان زوااج الحلم .. ما قدرت اضحك ولا مرة ..زوجة ابي اجت لعندي و قالتلي لازم كون مبسوطة شوي قدام العالم بس ما قدرت ..كنت اعمل كلشي يحكولي ياه ..كنت مثل شي الة عم تتمشى .. بعمل يلي يحكولي ياه و بس .. و لما انتهت الحفلة رحنا لعندن ..لانو رح عيش مع اهلو ..بقريتهن ما يعرفو لا هوتيل ولا شي ..الكنة عندن لازم تقضي ليلة دخلتهاا بالبيت عندن .. و بس تفيق الصبح يجو ياخذو الدليل انهاا كانت عذراء ..لحتى يورجو هشي لكل العالم او حتى يمكن لكل القرية ... ما كنت حاسة بشي حتى دخلت ع الغرفة .. وقتا حسيت بخطورة الوضع يلي حطيت حالي فيه ..كيف رح اقدر اتركو يلمسني ؟؟كيف رح اتحمل هشي ؟؟ حسيت حالي كثير خايفة و ضايعة و بلشت ابكي و صرخ مثل المجنونة ...اجا حمزة ع الغرفة .. نزلت راسي كنت خايفة اني اطلع فيه ..شلح جاكيتو و حطها ع كرسي و اجا قعد جنبي ..ما قدرت اطلع فيه ابداا ..كنت خايفة كثير لانو رح عيش اصعب لحظة بعمري .. قرب مني اكثرر و مسكني من راسي لحتى اطلع فيه و قلي حمزة : ....+ ....... _____________ يتبع

 

[افنان و رياحين]

16 ) ________________________________________
ما كنت حاسة بشي حتى دخلت ع الغرفة .. وقتا حسيت بخطورة الوضع يلي حطيت حالي فيه ..كيف رح اقدر اتركو يلمسني ؟؟كيف رح اتحمل هشي ؟؟ حسيت حالي كثير خايفة و ضايعة و بلشت ابكي و صرخ مثل المجنونة ...اجا حمزة ع الغرفة .. نزلت راسي كنت خايفة اني اطلع فيه ..شلح جاكيتو و حطها ع كرسي و اجا قعد جنبي ..ما قدرت اطلع فيه ابداا ..كنت خايفة كثير لانو رح عيش اصعب لحظة بعمري .. قرب مني اكثرر و مسكني من راسي لحتى اطلع فيه و قلي حمزة : سكتي حاج تبكي .. من وقت طلعتي من بيتكن لسا ما وقفتي بكي .. خلص حااجتك بقا يلي يشوفك هيك يفكر كنتي عايشة اميرة ببيت ابوكي .. صدمني بالطريقة يلي حكى معي فيها ..كان يطلع فيني بكره ..كره بلا اسباب .. حمزة : لو ما كان في ناس حوالينا هلااا برا .. بعرف شو بعمل معك .. كانو اجيتي ع جنازة مو عرس .. خلص خرسي و سكتي بقااا ما كان يعرف انو بالنسبة الي عن جد انا هلا بجناززة مو عرس .. ما حكيت معو ولا رديت عليه .. قام راح للخزانة مشان يجيب بيجامة .. بلش يغير ثيابو قدامي .. دورت راسي حتى ما شوفو ..كنت عم حس فيه يتحرك و يمشي حتى شفتو اجاا و فات بفرشتو .. حمزة : روحي غيري ثيابك و نامي .. ولا طفي الضو هلااا .. ما فهمت منو شي .. قمت رحت غيرت ثيابي بالحمام يلي بالغرفة و بعد ما ضليت ساعة جوااا .. رجعت لحتى اقعد ع كنباية لانو تعبت .. قعدت و ضليت فكر كمان بلا ما اتحرك حتى شفتوو يطلع فيني حمزة: ليش ما نمتي .. ليش هيك عم تطلعي فيني انا : ما عم اطلع فيك حمزة : شو عم تفكري جوا عقلك ها ؟؟ عم تفكري انو ما بقدر المسك ؟؟ لك لو بدي رح ...... + بلش يقول كلام كلو مسبة و عيب ..كلو كلام منحرف ..غمضت عيوني و كنت رح سكر اذنيي بس هون مسكني من ايدي بقوة .. حمزة: شوفي حالك بالمراية ؟؟ انتي مراا انتي ؟؟ لو تعرفي النسوان يلي بعرفن .. لو تشوفي جمالن و اناقتن و .... بلش يقول كلام كلو تافه و انا ما قدرت افهم شو قصدو او ليش هيك عم يعمل ..ليش عم يحاول يورجيني انو وااحد منحرف و ينام مع هاي و هاي ..بلش يقول حكي حتى يذلني و يقلل من قيمتي .. قلي انو قرفان مني ..بلش يقلي كلام كثير يجرح بس ما عرفت السبب ..شو مخبى ورا كل هلحكي و الكلام يلي يجرح ... لما وقف مسبة و شافني ما رديت عليه ولا عطيتو وش .. نام و تركني ..حطيت مخدة ع سجادة الارض و حطيت راسي بس ما قدرت غمض عيوني ابداا ..ضليت فكر ب عمااد ..اكيد عم يفكر هلا اني وصلت ع بيتي و انا باحضان غيرو ..كان بدي اتصل فيه و احكي معو و خبرو كلشي بس انااا تركت الماضي وراي و كسرت شريحتي ...لازم حاول ما با فكر فيه ولا فكرر بتفكيرو لاني هلاا زوجة حدا ثاني .. بس للاسف ما نقدرر نوقف تفكيرنا و نسيطر عليه ..حاولت كثير ما فكر فيه بس ما قدرت .. الصبح تاخر كثير ليجي .. الليل كان طويل كثير كثير كثير كانو اطول ليل شفتو بحياتي .. ما غمضت عيوني و انا عم استنى الشمس طل عليناا ..حمزة فاق و طلع من الغرفة ..بلشت اسمع زغاليط برا فهمت انو الكل فايق ..بعد كم دقيقة فاتت امو لعندي حتى بدون ما دق الباب .. هي : اااااي؟ انا : شوو؟؟ هي : بدي اعرف شو صار .. مشي الحال ؟؟ انا : شوو ؟؟ ما عم افهم عليكي؟؟ هي : ما فهمتي ؟؟ حاج بتعرفي منيح عن شو عم احكي انا : لاا ما عم افهم عن شو عم تحكي هي : الدليل .. الناس عم تستنى برا هاتي الدليل انا : ما في شي .. ما صار شي المرا نصدمت و تغير لون وشها هي : ما صار ولا شي ؟؟ انا : اي ولا شي .. تقدري تسالي ابنك .. شفتها عصبت .. راحت لشنطايتي صارت دور ع شي من ملابسي الداخلية .. لفتها حوالين ايديها .. بس انا ما فهمت ابداا شو عم تساوي او شو الفكرة يلي خطرت ع بالهاا هي : معليش المرا الجاية ان شاء الله رح يصير يلي بدكن ياه ..بس هلا لازم اخذ الدليل..قمت من مكاني بسرعة .. رتعبت من ردة فعلا و قلتلها انا : شششششو؟؟ مانكم طبيعيين ..وي عايشين نحناا ..مفكرة حالك عايشة بغابة او شوو ..شو عم تفكري تعملي فيني .. مجنونة انتي شي .. حسيت الدم جمد بجسمي .. مو معقول لسا في هيك ناس بالعالم ..حسيت حالي عايشة بكابوس ..مو معقول مجنونة هلمرا او شو ؟؟ بدها تاخذ الدليل اني عذراء هي بنفساا ؟؟ مو معقول في هيك عالم عن جد مو معقول !!! هي : ليش ما عم تفهمي عليي .. هون هيك لازم يصير هاي هي العاداات انا: غلط !!! بعمري ما سمعت عن عادات مثل هاي ..بدكن الدليل خذوني بكرا عند طبيبة

نسوان رح تعطيكن 1000 دليل .. او ستني بكرا ابنك يعطييكي الدليل بايدوو ..بس شي يلي بدك تعمليه هلا انسسسيه عم تفهمي ..و الله و الله لو تقربي مني بصرخ و بلم عليكي كل هلناس يلي برا .. شو نحناا بالجاهلية شي العمى بقلبكن ... نحنا ب 2010 مو ب 1610 لما قلتلها عن ابنها .. وشها صار اصفر ..فهمت انو في شي مخبى بالقصة ..فهمت انو هلزوااج الو هدف معين و عرفو منيح يختارو الضحية ..بنت فقيرة بلا عيلة ..بنت ما الها مكان تروح عليه من اليوم و رايح و رح تساوي كلشي يحكولها ياه ..بلشت افهم شوي شو عم يصير حواليي ... حمزة فات ع الغرفة و شافنا عم نحكي ..طلع بامو لحتى يقلها طلعي لبرا و هي راحت ..بعد كم دقيقة سمعت كمان زغاليط برااا .. حمزة : شو عملتي مع امي .. شو قلتيلهاا؟؟ انا : لك بدهاا .... بدهاا ...+ ما عرفت قلو ياها .. بعمري ما شفت هيك عالم حواليي .. شفت كثير رجال وسخين بس بعمري ما شفت مراا وسخة مثل هاي .. ما قدرت كمل الجملة و هون عطاني كف بقوة ..طلع فيني بحقد و قلي حمزة : اوعك تحكي عن امي هيك فهمتي ؟؟؟ هااد الكف بس تحذير لالك فهمانة ..المرة الجاية ايدي رح تكون اثقل من هيك يا كلبة ..
ما بكيت .. طالعت راسي ..لميت شعراتي و طلعت فيه بعيونو بكل كره ..ما قدر يتحمل نظراتي .. مسكني من رقبتي بقوة و قلي حمزة : لا تطلعي فيني هيك ..نزلي راسك .. بس انا ما نزلت راسي و صرت اطلع فيه جواا عيونو بكره اكثر و اكثرر ..

حمزة : معك حظ الناس هون ...و الا كنت قتلتلك بايديي انا : الخوف ... الخوف من الله حمزة : ماشي .. رح تشوفي اذاا ربك رح ينقذك بعددين انا : استغفر الله طلع من الغرفة كان نفسي اضربو بشي انينة برفان ع راسو ..بعد كم دقيقة سمعت حدا عم يدق ع الباب و كانت اختي و امو ..لما امو شافت رقبتي كلها حمرا بلشت تضحك و كانو عم تشمت فيني ..كان بدها تعرف شو صار بس قلتلها تتركني لحالي مع اختي ..هي طلعت و انا ضليت مع اختي .. و هون نفجرت بكي بحضن اختي ... نايلة: حياة ليش عم تبكي ؟؟ شو صار ؟؟ انا : ولا شي .. هااد الانسان مريض نفسي .. لك ما بقدر قلك شو عملو فيني .. لك مجانين كلن مجانين مو معقول .. لك ليش اانا؟؟ ليش انا عم يصير معي كل هشي ؟؟ شو عملت حتى استاهل كل هشي ... نايلة ليش انا هون؟؟ ليش انا ليش ليش ؟؟؟ ... نايلة : صبري اختي .. يمكن هاد كلو امتحان من ربك صبري انا : لك ليش هيك يا اختي .. لك وجع ورا وجع .. مصيبة ورا مصيبة .. امتى رح عيش بفرح اانا ..لك ليش هيك .. مبتلية بس بالمرضى بحياتي ليش هيك .. نايلة استغفري ربك حياة .. لا تجهلي لك اختي .. الله عم يشوف كلشي عم يصير وما ينسى حدا انا : لك مليت .. مليت .. يا رب يا رب امتى بدك تفرجها عني ؟؟ بلشت ابكي مثل المجنونة ..صرت استغفر من الله .. صرت اطلب منو يهدي بالي .. و بعرف انو كلشي عم يصير الو سبب .. بعد الغذا .. ابي قال لمرتو انو خلص لازم روح .. ما كان بدن يضلو اكثر ..حتى ما اجا و شافني ..خلص تخلص مني ..هلا فيه يرجع ع بيتو و هو مرتاح مني ..الناس يلي كانو موجودين و عيلتن بلشو يروحو يوم ورا الثاني و بعد اسبوع صار البيت فاضي ... ايامي مرت كلها مثل بعضها ..بنظف البيت كلو لحالي ..حمزة عندو اختين ما يتحركو ابدااا ولا يساعدوني بشي و كنت نظف البيت لحالي و بيتن كبير كثير كثير ..بس ما كنت اشكي ..لانو تعودت ع هشي زمان ..كنت اشتغل بلا ما اشكي او قول ايا شي .. ام حمزة كانت تكرهني من جوات قلبا ..كانت دايما تدور ع شي نكتة مشان تخانقني بس كنت طنشها ..مع حمزة ما صار شي ابداا ..ما لمسني ابداا ..كنت بعرف انو في شي مخبى ورا القصة وكنت مستعدة ساوي كلشي مشان اعـرف هـ سر ... حمزة كان يعاملني بقسوة كثير ..كان يطلع فيني بقرف ..كان يقلي دايما انو عم يطلع مع نسوان احسن مني بالف مرة ..الغبي ما كان يعرف انو هشي ما يهمني ولا ياثر فيني ..كان بدو يشوفني عم غار بس ع الفاضي ..كنت صامتة كل الوقت وما بحكي معو ولا كلمة ..كان دايما يحكي حكي منحرف بس انا كنت بعرف انو عم يعمل هيك مشان يخبي شي ثاني عم يخجل يحكيه ..كان دايما يحاول يحط المسؤولية عليي ..كان يحاول دايما ييقلي اني بنت مقرفة و ما عم يقدر يلمسني ..بس انا ما كنت جدبة حتى صدق حكيو و افقد ثقتي بنفسي ..كنت بعرف انو في مشكلة و لازم دور عليهااا ليوم او بكرا .. مرو الايام ...مرة كنت مع اختو بالمطبخ ..كنت عم اطبخ و احكي معا بعدين قلتلها ما عم اتحمل رائحة الاكل ابداا صارت تطلع فيني و تضحك و قالتلي هي : يمكن انتي حامل؟؟ انا : بدي قلك شي بس لا تخبري حداا .. اانا حامل نصدمت و فتحت تماا ع لاخير و قالتي هي : مستحيييييل !!! انا: لا عن جد اناا حامل .. ليش مستحيل صرلي متزوجة من كم شهر .. تركتني و راحت ركض لتحكي لامهاا ...كنت بعرف انها غبية كثير بسبب البهادل يلي كانت تاكلن كل يوم ..امها اجت لعندي ع الطبخ و الدخان عم يطلع منا و قالتلي هي : لحقيني ع الغرفة بالـــــــــــــغرفة : هي : انتي حامل؟؟ انا : لا .. مين قلك هشي هي : شو قلتي لبنتي انا : يمكن فهمت غلط .. كنت عم امزح معاا هي : قولي الحقيقة .. انتي حامل؟؟ خلص مشي الحال ؟؟ انا : ليش ما عم تصدقي اني مو حامل و هون فات حمزة ع الغرفة امو طلعت فيه بغرابة و قالتلو هي : مرتك حامل؟ نصدم الزلمي و طلع فيها بطريقة غريبة و قلها حمزة : لااااا !!! امو طلعت من الغرفة مقهورة و هو نط عليي و مسكني من رقبتي و قلي حمزة : انتي حامل؟؟ انتي حامل؟؟ احكي انا : ماني حامل .. كيف انا حامل و لساتني عذرراء حمزة : لكان ليش عم تعملي هيك؟؟ ليش هاا؟؟ مفكرة انو ما عم اقدر المسك؟؟ مفكرة اني ماني رجال ؟؟ انا رجال عم تفهمي طلعت فيه بكره بعيونو و ما بكيت ابدا و قلتلو انا : اي اكيد رجال .. حتى انا رجال بلش يضربني بقوة .. خبيت وشي و هو ضل يضربني بكل قوتو بس ما بكيت ابداا ..وقف ضرب و قلي حمزة : ليش ما عم تبكي؟؟ نشفو دموعك ع هدااك هاا؟؟ بكيتي كثير عليه ؟؟ صاريطلع فيني بحقد و هو عم يحكي عن عمااد .. حمزة : ما عم تقدري تبكي ما هيك ؟؟؟ مفكرة انو ما سالت عنك قبل ما اتزوجك؟؟ لك بعرف كلشي يا ..... بعرف كلشي عشتيه قبلي .. اكيد هو عم يفكر بشغلات عم تحرق قلبو .. اخذتك قدام عيونو و ما قدر يعمل شي الرجال تبعك كان عن يحاول يجرحني و نجح بهشي .. بس مع هيك ما بكيت قدامو صرت اضحك و قلتلو انا : هداك يلي عم تحكي عنو .. رجال .. مو مثلك يا ..... و كانت هاي الجملة الوحيدة يلي ما كان لازم قولها

 

[افنان و رياحين]

ما بكيت .. طالعت راسي ..لميت شعراتي و طلعت فيه بعيونو بكل كره ..ما قدر يتحمل نظراتي .. مسكني من رقبتي بقوة و قلي حمزة : لا تطلعي فيني هيك ..نزلي راسك .. بس انا ما نزلت راسي و صرت اطلع فيه جواا عيونو بكره اكثر و اكثرر ..

حمزة : معك حظ الناس هون ...و الا كنت قتلتلك بايديي انا : الخوف ... الخوف من الله حمزة : ماشي .. رح تشوفي اذاا ربك رح ينقذك بعددين انا : استغفر الله طلع من الغرفة كان نفسي اضربو بشي انينة برفان ع راسو ..بعد كم دقيقة سمعت حدا عم يدق ع الباب و كانت اختي و امو ..لما امو شافت رقبتي كلها حمرا بلشت تضحك و كانو عم تشمت فيني ..كان بدها تعرف شو صار بس قلتلها تتركني لحالي مع اختي ..هي طلعت و انا ضليت مع اختي .. و هون نفجرت بكي بحضن اختي ... نايلة: حياة ليش عم تبكي ؟؟ شو صار ؟؟ انا : ولا شي .. هااد الانسان مريض نفسي .. لك ما بقدر قلك شو عملو فيني .. لك مجانين كلن مجانين مو معقول .. لك ليش اانا؟؟ ليش انا عم يصير معي كل هشي ؟؟ شو عملت حتى استاهل كل هشي ... نايلة ليش انا هون؟؟ ليش انا ليش ليش ؟؟؟ ... نايلة : صبري اختي .. يمكن هاد كلو امتحان من ربك صبري انا : لك ليش هيك يا اختي .. لك وجع ورا وجع .. مصيبة ورا مصيبة .. امتى رح عيش بفرح اانا ..لك ليش هيك .. مبتلية بس بالمرضى بحياتي ليش هيك .. نايلة استغفري ربك حياة .. لا تجهلي لك اختي .. الله عم يشوف كلشي عم يصير وما ينسى حدا انا : لك مليت .. مليت .. يا رب يا رب امتى بدك تفرجها عني ؟؟ بلشت ابكي مثل المجنونة ..صرت استغفر من الله .. صرت اطلب منو يهدي بالي .. و بعرف انو كلشي عم يصير الو سبب .. بعد الغذا .. ابي قال لمرتو انو خلص لازم روح .. ما كان بدن يضلو اكثر ..حتى ما اجا و شافني ..خلص تخلص مني ..هلا فيه يرجع ع بيتو و هو مرتاح مني ..الناس يلي كانو موجودين و عيلتن بلشو يروحو يوم ورا الثاني و بعد اسبوع صار البيت فاضي ... ايامي مرت كلها مثل بعضها ..بنظف البيت كلو لحالي ..حمزة عندو اختين ما يتحركو ابدااا ولا يساعدوني بشي و كنت نظف البيت لحالي و بيتن كبير كثير كثير ..بس ما كنت اشكي ..لانو تعودت ع هشي زمان ..كنت اشتغل بلا ما اشكي او قول ايا شي .. ام حمزة كانت تكرهني من جوات قلبا ..كانت دايما تدور ع شي نكتة مشان تخانقني بس كنت طنشها ..مع حمزة ما صار شي ابداا ..ما لمسني ابداا ..كنت بعرف انو في شي مخبى ورا القصة وكنت مستعدة ساوي كلشي مشان اعـرف هـ سر ... حمزة كان يعاملني بقسوة كثير ..كان يطلع فيني بقرف ..كان يقلي دايما انو عم يطلع مع نسوان احسن مني بالف مرة ..الغبي ما كان يعرف انو هشي ما يهمني ولا ياثر فيني ..كان بدو يشوفني عم غار بس ع الفاضي ..كنت صامتة كل الوقت وما بحكي معو ولا كلمة ..كان دايما يحكي حكي منحرف بس انا كنت بعرف انو عم يعمل هيك مشان يخبي شي ثاني عم يخجل يحكيه ..كان دايما يحاول يحط المسؤولية عليي ..كان يحاول دايما ييقلي اني بنت مقرفة و ما عم يقدر يلمسني ..بس انا ما كنت جدبة حتى صدق حكيو و افقد ثقتي بنفسي ..كنت بعرف انو في مشكلة و لازم دور عليهااا ليوم او بكرا .. مرو الايام ...مرة كنت مع اختو بالمطبخ ..كنت عم اطبخ و احكي معا بعدين قلتلها ما عم اتحمل رائحة الاكل ابداا صارت تطلع فيني و تضحك و قالتلي هي : يمكن انتي حامل؟؟ انا : بدي قلك شي بس لا تخبري حداا .. اانا حامل نصدمت و فتحت تماا ع لاخير و قالتي هي : مستحيييييل !!! انا: لا عن جد اناا حامل .. ليش مستحيل صرلي متزوجة من كم شهر .. تركتني و راحت ركض لتحكي لامهاا ...كنت بعرف انها غبية كثير بسبب البهادل يلي كانت تاكلن كل يوم ..امها اجت لعندي ع الطبخ و الدخان عم يطلع منا و قالتلي هي : لحقيني ع الغرفة بالـــــــــــــغرفة : هي : انتي حامل؟؟ انا : لا .. مين قلك هشي هي : شو قلتي لبنتي انا : يمكن فهمت غلط .. كنت عم امزح معاا هي : قولي الحقيقة .. انتي حامل؟؟ خلص مشي الحال ؟؟ انا : ليش ما عم تصدقي اني مو حامل و هون فات حمزة ع الغرفة امو طلعت فيه بغرابة و قالتلو هي : مرتك حامل؟ نصدم الزلمي و طلع فيها بطريقة غريبة و قلها حمزة : لااااا !!! امو طلعت من الغرفة مقهورة و هو نط عليي و مسكني من رقبتي و قلي حمزة : انتي حامل؟؟ انتي حامل؟؟ احكي انا : ماني حامل .. كيف انا حامل و لساتني عذرراء حمزة : لكان ليش عم تعملي هيك؟؟ ليش هاا؟؟ مفكرة انو ما عم اقدر المسك؟؟ مفكرة اني ماني رجال ؟؟ انا رجال عم تفهمي طلعت فيه بكره بعيونو و ما بكيت ابدا و قلتلو انا : اي اكيد رجال .. حتى انا رجال بلش يضربني بقوة .. خبيت وشي و هو ضل يضربني بكل قوتو بس ما بكيت ابداا ..وقف ضرب و قلي حمزة : ليش ما عم تبكي؟؟ نشفو دموعك ع هدااك هاا؟؟ بكيتي كثير عليه ؟؟ صاريطلع فيني بحقد و هو عم يحكي عن عمااد .. حمزة : ما عم تقدري تبكي ما هيك ؟؟؟ مفكرة انو ما سالت عنك قبل ما اتزوجك؟؟ لك بعرف كلشي يا ..... بعرف كلشي عشتيه قبلي .. اكيد هو عم يفكر بشغلات عم تحرق قلبو .. اخذتك قدام عيونو و ما قدر يعمل شي الرجال تبعك كان عن يحاول يجرحني و نجح بهشي .. بس مع هيك ما بكيت قدامو صرت اضحك و قلتلو انا : هداك يلي عم تحكي عنو .. رجال .. مو مثلك يا ..... و كانت هاي الجملة الوحيدة يلي ما كان لازم قولها ........+ ..........

 

[افنان و رياحين]

17 ) ___________________________________
حمزة : ما عم تقدري تبكي ما هيك ؟؟؟ مفكرة انو ما سالت عنك قبل ما اتزوجك؟؟ لك بعرف كلشي يا ..... بعرف كلشي عشتيه قبلي .. اكيد هو عم يفكر بشغلات عم تحرق قلبو .. اخذتك قدام عيونو و ما قدر يعمل شي الرجال تبعك كان عن يحاول يجرحني و نجح بهشي .. بس مع هيك ما بكيت قدامو صرت اضحك و قلتلو انا : هداك يلي عم تحكي عنو .. رجال .. مو مثلك يا ..... و كانت هاي الجملة الوحيدة يلي ما كان لازم قولها كان رح يقتلني هداك اليوم ..حتى اجاا اخوه الصغير طالعني من بين ايديه .. حمزة كل يوم كنت اكرهو اكثر من اليوم يلي قبلو .. ما كنت طيقو ..بس مع هيك ما ستسلمت و ضليت لاحقة السر يلي مخبى بهاي العيلة .. بليل رحت قعدت جنب اختو يلي قلتلهاا اني حامل و قلتلها انا : لك كيف صدقتي اني حامل .. كنت بمزح معك .. بتعرفي انو هشي مستحيل .. هي : قلت بلكي مشي الحال انا : اي لسا ما مشي الحال هي : و امي مفكرة انو يمكن يتغير او يمكن الزوااج رح يساعدو انا : كثير مقهورة .. فكرت حالي رح صير ام بيوم من الايام بس بعرف انو ما رح يمشي الحال هي : كلنا كنا نعرف هشي من قبل .. بس حاولنا نجرب معوو انا : اي صح بنعرف هشي اصلا بس انا ما كنت عرفانة شي بالمرة .. كنت بس هيك خبص مشان اعرف الحقيقة ..و هي كانت من النوع يلي ما يمسك الحكي بتمو و قالتلي هي : كلنا كنا نعرف انو مريض لانو صار بالثلاثين و ما تزوج .. الناس يلي بالقرية بلشو يحكو ..حتى انو صارو يقولو عنو انو مو رجال ( شاذ ) انا : لكان زوجتوه مشان القرية ما بقا تحكي بعرضكن ما هيك هي : معو كلشي .. المصاري .. البيت .. العيلة ...لهيك الناس بلشت تحكي و يتساءلو ليش ما تزوج لهلا .. في كم حداا قلو بعطيك بنتي بس نحنا رفضنا .. ما كان لازم يتزوج من القرية .. لانو اكيد رح يبيعو السر و يحكو للكل .. هي : ههههه مثلك انتي ..كان بدكن بنت بلا عيلة .. بنت فقيرة.. بنت مو من هاي المدينة حتى تقددرو تحبسوها بالبيت ... و ما تحكي شي ولا تبيعكن و يتوسخ شرفكن طلعت فيني مصدومة ..قمت و تركتاا مثل الجدبة ندماانة انو باعت سر اهلهاا .. رحت ع غرفتي لفكر بحل ..كان لازم لاقي طريقة لحتى ما ضل هون ..مو معقول كل هشي يلي عم يصير معي .. امي كان لازم تسميني منحوسة بدل حياة ..لهاي الدرجة يمكن ما نلاقي حظ بهاي الدنيا ؟؟ مسكرة من كل الجهات؟؟ عيلة .. حب.. صداقة ... حتى المستقبل صار غامض بالنسبة الي ..ضليت كل السهرة بلغرفة عم فكر بالحل ..بس ما لقيت شي ابداا .. ابي ما تقبلني و انا بلا زوااج رح يتقبلني و انا مطلقة؟؟؟ امي فيها تساعدني؟؟؟ لك عن انو ام عم بحكي .. عن انو اهل ... عمااد ؟؟ اكيد بلش حياتو من جديد ما بدي خرب عليه ما فيني ..اكيد تعذب كثير من وراي .. بانو حق رح ارجع قلو ساعدني ؟؟ للاسف انا هلا مالي حداا.. ولا حدا يساعدني .. اليوم يلي بعدو اجا حمزة فيقني بقوة حتى رتعبت حمزة : قومي بسرعة .. انا : شو صار؟؟ حمزة : رح نطلع لبرا انا : لوين رايحين ؟؟ حمزة : خرصي حاج تحكي .. يلا قومي غيري ثيابك قمت من فرشتي بصعوبة .. كان كل جسمي موجوع .. لانو مبارح اجا خانقني و صار يضربني برجلو ع بطني بقوة .. كان مثل المتوحش عم يضربني .. حسيت حالي صرت فريستو ..بس كنت متاكدة انو يجي يوم و الله يطالعني من هلجحيم .. قمت لبست و كنت تعبانة و مو قدرانة اتمشى ..بس لما طلعنا من البيت .. مسك ايدي و صار يتمشى و يضحك .. انا : تركني !!! ضل عم يورجي سنانو للعالم و قلي : هو : خرصي احسن ما هد سنانك .. الكل عم يطلع علينا صرت اضحك عليه و قلتلو : انا : خايف من الناس ؟؟ ههه شو انك تافه و ضعيف هو : بليل رح ورجيكي مين العضيف يا .... انا : ماني خايفة منك .. اعمل فيني يلي بدك .. كل هلقوة يلي معك بجسمك بس حتى ما تقدرر تلمسني يا ..... طلعنا ع سيارة و بس بعدنا عن القرية .. اخذت كف ع تمي كل الطريق و هو يضربني .. يسوق بايد و يضرب بايد .. تمي صارو كل دم بس مع هيك ما بكيت و خليت راسي مرفوع ..ما كان لازم ابكي قدامو ابداا .. هشي بالنسبة الو نجااح و انا ما رح اعطيه هلنجاح بالمرة و هشي يلي خلاه يجن عليي كل يوم اكثر ...كان بدو يحس حالو رجال
وهو عم يضربني بس ما كان يعرف انو وجع الحياة و شي يلي عشتو خلاني كون ب 100 رجال ... هو : شي يوم رح اقتلك بايديي انا : رح يكون الخير الوحيد يلي عملتو بكل حياتك لما شفت انو صرنا بعاد شوي عن القرية صرت خايفة ..كنت قول انو رح يبعدني عن المدينة و يقتلني ..بعدين هديت حالي لانو الحياة يلي عشتا كانت اصعب من الموت ..و يمكن لموت رح يكون الحل الوحيد مشاني حاليا .. اخذني ع مدينة ثانية لحتى شوف طبيبة نسوان ..كان بدو يفهم شي ييلي قلتلو ياه عن عمااد ..لما قلتلو انو عمااد رجال و مانو مثلك ..فكر انو معنى هشي اني نمت مع عمااد .. كان بدو يتاكد اذا لساتني عذراء او لا .. هو هلا اخذني للمكان يلي كان بدي اوصلو بلا ما يعرف ..مااا اعترضت ابداا اني فوت شوف الطبيبة ..و بس دخلت عند الطبيبة و شافت تمي يلي كلو دم و وشي كلو جروح ..طلبت من حمزة انو يطلع و انو بعد شوي رح تعطيه الدليل اذا عذراء او لا ..و بس طلع قالتلي الدكتورة : من امتى تزوجتي ؟؟ انا : من كم شهر الدكتورة : عم يعاملك بقسوة انا: اي الدكتورة : ليش لساتك عذراء ؟؟ بلشت احكيلها كل قصتي و شو صار معي .. كنت عم ابكي و هي تبكي معي .. جنت و كان بدها تطلع تسبو .. بس ترجيتها انو ما تعمل هشي .. انا : اذا بدك تساعديني .. اعطيني ورقة اني لساتني عذراء هي : رح اعملك هشي فورا يا بنتي .. و رح اعملك كمان ورقة انو عم تاخذي ضربات قوية ع جسمك .. روحي اشتكي عليه خليه يموت بالسجن انا : رح اطلب الطلاق

هي : لو حتجتي اني اشهد معك .. ما رح اتردد ابداا .. رح روح للمدينة يلي انتي فيها و وقف جنبك .. لو حتجتي ايا شي طلبي مني .. طلعي من بين هلوحوش يلي عايشة معن .. لسا عم تستناكي حياة حلوة بعيدة عنن .. انا : ادعيلي .. ادعيلي كثير طلعت من عنداا و رجعنا ع البيت ..بكل الطريق ما وقف مسبة ع عمااد و صار يقول عنو انو ابدا مو رجال ..طنشتو لانو عن جد معو عقلات تبع ولد ..كنت عم اشفق ع حالتو .. لانو كبير بس اجدب ... ضليت عايشة عندن لحتى الله يساعدني و اقدر اطلع من حياة القرف يلي عشتا عندن ..حماة ما تنطاق ... زوج منحرف و وسخ .. مرة يكون منيح و مرة يعطيني قتلة .. كل نظرة مني الو كان يفكرهاا مسخرة كان يحس انو عم اضحك عليه و انا عم اطلع عليه بهديك النظرة الباردة ..كنت كثير طنشو و ما اطلع عليه مشان ما يضل يضربني .. ابوه ؟؟ ابوه بيخوف ...و الله لما بضل لحالي بالبيت انا وياه ما بطلع من الغرفة حتى لو متت جوع او متت عطش ..ختيار بعمر سبعينات بس يضل يتفرج ع افلام مراهقين تبع الحب و رومنسية ..هو الوحيد يلي كنت خاف منو اكثر بهداك البيت ..خوات حمزة البنات يلي ما ينفعو لشي ..كنت بس احكي معن بشي موضوع بلاقيهن كثير متخلفين و مو فهمانين شي بالدنيا ..كنت وحيدة كثير .. شي الوحيد يلي كان يواسيني و يصبرني هو الحكي مع اختي ع تليفون ..مرة اتصلت فيني حسيت بتما حكي بس ما كانت تقدر تقلي ياه انا : احكي .. حاسة بدك تقليلي شي هي : عماد .. بس قالت اسمو قلبي صار يدق بسرعة .. صار الدمع بعيوني و خفت كثيرر.. انا : شبو عماد؟؟ هو منيح؟؟ ابوه منيح ؟؟ هي : ابوه منيح .. بس هو مو منيح ابدا حياة ..من شهر كنت شوفو يجي كل يوم تحت يضل ساعات عم يطلع ع شباك ..و مبارح انا : مبارح شوو ؟؟؟ هي : مبارح رحت لاحكي معو .. كثير وجعني قلبي عليه ما قدرت اتحمل حالتو انا : و شو قلك؟؟ هي : كان بدو يعرف اخبارك .. اذا مبسوطة او لا .. اذا صرتي حامل و اذا نسيتيه او لسا انا :شوووو؟ نايلة لا تقولي انك حكيتيلو كلشي عني .. ما بسامحك ابداا ..تركيه بحالو ..ما تحكيلو شي مشان الله ..ما يقدر يعمل مشاني شي رح يتعذب اكثر ..تركيه بدي ياه ينساني .. مع الوقت رح ينسى كلشي ... هي : و انتي تقدري تنسيه ؟؟ انا : لااا هي : نفس شي بالنسبة الو ..ما عم يقدر ينساكي .. لو تشوفيه يا حياة .. ما بقا الانسان يلي تعرفيه ابداا ... تغير كثير .. تشوفي بس الحزن بعيونو .. عماد تحطم لك حياة .. كانت عم تحكيلي عن حالتو و انا ابكي مثل المجنونة .. حسيت سكين بقلبي .. انا : لا بقا تحكي معو .. تركيه .. خليه ينسى لا تحكيلو شي هي : ما رح احكيلو عن معاناتك او انو تزوجتي بالغصب .. بس بدي احكيلو انو لساتك تحبيه و لسا ما نسيتيه كل هلوقت انا : اوعك تحكيلو شي .. مشان الله لا توجعي قلبي اكثر من هيك .. خليه ينسى .. تركيه يعيش حياتو بعيد عني .. الوقت رح ينسيه مو هيك قلتي؟؟ هي : بدو رقمك الجديد حياة انا : اوعي تعطيه ياه هي : حتى ليلى طلبت رقمك انا : لا تعطي رقمي لحدا عم قلك هي : خلص ما رح اعطيه شي .. بتعرفي قلي انوو ما بقا يرجع يجي عند البيت . قلي انو لازم يشوف حياتو بعيد عن هون .. كان عم يحكي و الحسرة بعيونو ..قلي انو عم يتمنى تكوني مبسوطة بحياتك ..قلي كمان انو عم يتمنى حمزة يكون مهتم فيكي و عايشة معو بالهناا .. لك شوي و كنت رح احكيلو كلشي بس ما قدرت خفت . انا: تركيه يرتاح نايلة ..يستاهل بس الخير بحياتو ..مفكرة انو امو رح تقبل فيني اذا طلقت .. عن جد ما يستاهل هلعذاب .. بدي يعيش بحرية .. ما لقى معي السعادة .. خليه يعيش بعيد عني ما بدي ياه يفكر فيني .. بتمنالو بس السعادة هي : اي قولي كمان يلا .. قولي بتمنى يلاقي بنت ثانية .. يلا قولي لشوف .. انا : ....
هي : شفتي .. لسا تحبيه مثل زمان و اكثر انا : اي بحبو .. لسا بحبو كثير .. بس شو بعمل امو ما رح تقبل فيني مستحيل .. لك حتى ابوكي ما رح يقبل ... هي : لسا ما فهمت ابي ليش هيك عاملك .. اها صحيح بتعرفي مين اجا يشوفناا انا : مين ؟؟ هي : رياض .. اجا يطلب من ابي انو يكتبو بدفتر العائلة و يعطيه اللقب .. قال انو بدو يتزوج بس خجلان و ما حدا رح يقبل فييه .. انا : رياض؟؟ اخونا الكبيررر ؟؟ هي : اي .. كثير ععاقل و متبربي ..صار يسال عن اخبار الكل .. حتى عنك قال انو بدو يشوفك عن جد ما عرفت انصدم او انبسط .. الطفل يلي جابو ابي قبل زواجو بامي ..صار كبير و بدو يتزوج كمان ..الطفل يلي بعمري ما شفتو غير مرة او ثنين لما كنت صغيرة .. هلا بدو يشوفني و بدو اخباري ؟؟؟ يعني ما نساني ولا نسى اسمي ؟؟ هاي اول مرة من يوم زواجي قدرت ابتسم و افرح .. انا : نايلة وين يسكن ؟؟ هي : بـ .... انا : لو تعرفي شو هديتيني هلا نايلة .. انتي هديتيني الحياة من جديد .. ما معك رقمو ؟؟ هي : لا .. ليش ما تطلبي ؟؟ اانا : رح تعرفي كلشي بعدين .. سكرت عليها و كنت كل الوقت مبسوطة و عم اضحك .. لدرجة حمزة حس اني مبسوطة و نزعج من هشي ...........+ ......... ___________________________ يتبع

 

[افنان و رياحين]

17 ) ___________________________________
حمزة : ما عم تقدري تبكي ما هيك ؟؟؟ مفكرة انو ما سالت عنك قبل ما اتزوجك؟؟ لك بعرف كلشي يا ..... بعرف كلشي عشتيه قبلي .. اكيد هو عم يفكر بشغلات عم تحرق قلبو .. اخذتك قدام عيونو و ما قدر يعمل شي الرجال تبعك كان عن يحاول يجرحني و نجح بهشي .. بس مع هيك ما بكيت قدامو صرت اضحك و قلتلو انا : هداك يلي عم تحكي عنو .. رجال .. مو مثلك يا ..... و كانت هاي الجملة الوحيدة يلي ما كان لازم قولها كان رح يقتلني هداك اليوم ..حتى اجاا اخوه الصغير طالعني من بين ايديه .. حمزة كل يوم كنت اكرهو اكثر من اليوم يلي قبلو .. ما كنت طيقو ..بس مع هيك ما ستسلمت و ضليت لاحقة السر يلي مخبى بهاي العيلة .. بليل رحت قعدت جنب اختو يلي قلتلهاا اني حامل و قلتلها انا : لك كيف صدقتي اني حامل .. كنت بمزح معك .. بتعرفي انو هشي مستحيل .. هي : قلت بلكي مشي الحال انا : اي لسا ما مشي الحال هي : و امي مفكرة انو يمكن يتغير او يمكن الزوااج رح يساعدو انا : كثير مقهورة .. فكرت حالي رح صير ام بيوم من الايام بس بعرف انو ما رح يمشي الحال هي : كلنا كنا نعرف هشي من قبل .. بس حاولنا نجرب معوو انا : اي صح بنعرف هشي اصلا بس انا ما كنت عرفانة شي بالمرة .. كنت بس هيك خبص مشان اعرف الحقيقة ..و هي كانت من النوع يلي ما يمسك الحكي بتمو و قالتلي هي : كلنا كنا نعرف انو مريض لانو صار بالثلاثين و ما تزوج .. الناس يلي بالقرية بلشو يحكو ..حتى انو صارو يقولو عنو انو مو رجال ( شاذ ) انا : لكان زوجتوه مشان القرية ما بقا تحكي بعرضكن ما هيك هي : معو كلشي .. المصاري .. البيت .. العيلة ...لهيك الناس بلشت تحكي و يتساءلو ليش ما تزوج لهلا .. في كم حداا قلو بعطيك بنتي بس نحنا رفضنا .. ما كان لازم يتزوج من القرية .. لانو اكيد رح يبيعو السر و يحكو للكل .. هي : ههههه مثلك انتي ..كان بدكن بنت بلا عيلة .. بنت فقيرة.. بنت مو من هاي المدينة حتى تقددرو تحبسوها بالبيت ... و ما تحكي شي ولا تبيعكن و يتوسخ شرفكن طلعت فيني مصدومة ..قمت و تركتاا مثل الجدبة ندماانة انو باعت سر اهلهاا .. رحت ع غرفتي لفكر بحل ..كان لازم لاقي طريقة لحتى ما ضل هون ..مو معقول كل هشي يلي عم يصير معي .. امي كان لازم تسميني منحوسة بدل حياة ..لهاي الدرجة يمكن ما نلاقي حظ بهاي الدنيا ؟؟ مسكرة من كل الجهات؟؟ عيلة .. حب.. صداقة ... حتى المستقبل صار غامض بالنسبة الي ..ضليت كل السهرة بلغرفة عم فكر بالحل ..بس ما لقيت شي ابداا .. ابي ما تقبلني و انا بلا زوااج رح يتقبلني و انا مطلقة؟؟؟ امي فيها تساعدني؟؟؟ لك عن انو ام عم بحكي .. عن انو اهل ... عمااد ؟؟ اكيد بلش حياتو من جديد ما بدي خرب عليه ما فيني ..اكيد تعذب كثير من وراي .. بانو حق رح ارجع قلو ساعدني ؟؟ للاسف انا هلا مالي حداا.. ولا حدا يساعدني .. اليوم يلي بعدو اجا حمزة فيقني بقوة حتى رتعبت حمزة : قومي بسرعة .. انا : شو صار؟؟ حمزة : رح نطلع لبرا انا : لوين رايحين ؟؟ حمزة : خرصي حاج تحكي .. يلا قومي غيري ثيابك قمت من فرشتي بصعوبة .. كان كل جسمي موجوع .. لانو مبارح اجا خانقني و صار يضربني برجلو ع بطني بقوة .. كان مثل المتوحش عم يضربني .. حسيت حالي صرت فريستو ..بس كنت متاكدة انو يجي يوم و الله يطالعني من هلجحيم .. قمت لبست و كنت تعبانة و مو قدرانة اتمشى ..بس لما طلعنا من البيت .. مسك ايدي و صار يتمشى و يضحك .. انا : تركني !!! ضل عم يورجي سنانو للعالم و قلي : هو : خرصي احسن ما هد سنانك .. الكل عم يطلع علينا صرت اضحك عليه و قلتلو : انا : خايف من الناس ؟؟ ههه شو انك تافه و ضعيف هو : بليل رح ورجيكي مين العضيف يا .... انا : ماني خايفة منك .. اعمل فيني يلي بدك .. كل هلقوة يلي معك بجسمك بس حتى ما تقدرر تلمسني يا ..... طلعنا ع سيارة و بس بعدنا عن القرية .. اخذت كف ع تمي كل الطريق و هو يضربني .. يسوق بايد و يضرب بايد .. تمي صارو كل دم بس مع هيك ما بكيت و خليت راسي مرفوع ..ما كان لازم ابكي قدامو ابداا .. هشي بالنسبة الو نجااح و انا ما رح اعطيه هلنجاح بالمرة و هشي يلي خلاه يجن عليي كل يوم اكثر ...كان بدو يحس حالو رجال
وهو عم يضربني بس ما كان يعرف انو وجع الحياة و شي يلي عشتو خلاني كون ب 100 رجال ... هو : شي يوم رح اقتلك بايديي انا : رح يكون الخير الوحيد يلي عملتو بكل حياتك لما شفت انو صرنا بعاد شوي عن القرية صرت خايفة ..كنت قول انو رح يبعدني عن المدينة و يقتلني ..بعدين هديت حالي لانو الحياة يلي عشتا كانت اصعب من الموت ..و يمكن لموت رح يكون الحل الوحيد مشاني حاليا .. اخذني ع مدينة ثانية لحتى شوف طبيبة نسوان ..كان بدو يفهم شي ييلي قلتلو ياه عن عمااد ..لما قلتلو انو عمااد رجال و مانو مثلك ..فكر انو معنى هشي اني نمت مع عمااد .. كان بدو يتاكد اذا لساتني عذراء او لا .. هو هلا اخذني للمكان يلي كان بدي اوصلو بلا ما يعرف ..مااا اعترضت ابداا اني فوت شوف الطبيبة ..و بس دخلت عند الطبيبة و شافت تمي يلي كلو دم و وشي كلو جروح ..طلبت من حمزة انو يطلع و انو بعد شوي رح تعطيه الدليل اذا عذراء او لا ..و بس طلع قالتلي الدكتورة : من امتى تزوجتي ؟؟ انا : من كم شهر الدكتورة : عم يعاملك بقسوة انا: اي الدكتورة : ليش لساتك عذراء ؟؟ بلشت احكيلها كل قصتي و شو صار معي .. كنت عم ابكي و هي تبكي معي .. جنت و كان بدها تطلع تسبو .. بس ترجيتها انو ما تعمل هشي .. انا : اذا بدك تساعديني .. اعطيني ورقة اني لساتني عذراء هي : رح اعملك هشي فورا يا بنتي .. و رح اعملك كمان ورقة انو عم تاخذي ضربات قوية ع جسمك .. روحي اشتكي عليه خليه يموت بالسجن انا : رح اطلب الطلاق

هي : لو حتجتي اني اشهد معك .. ما رح اتردد ابداا .. رح روح للمدينة يلي انتي فيها و وقف جنبك .. لو حتجتي ايا شي طلبي مني .. طلعي من بين هلوحوش يلي عايشة معن .. لسا عم تستناكي حياة حلوة بعيدة عنن .. انا : ادعيلي .. ادعيلي كثير طلعت من عنداا و رجعنا ع البيت ..بكل الطريق ما وقف مسبة ع عمااد و صار يقول عنو انو ابدا مو رجال ..طنشتو لانو عن جد معو عقلات تبع ولد ..كنت عم اشفق ع حالتو .. لانو كبير بس اجدب ... ضليت عايشة عندن لحتى الله يساعدني و اقدر اطلع من حياة القرف يلي عشتا عندن ..حماة ما تنطاق ... زوج منحرف و وسخ .. مرة يكون منيح و مرة يعطيني قتلة .. كل نظرة مني الو كان يفكرهاا مسخرة كان يحس انو عم اضحك عليه و انا عم اطلع عليه بهديك النظرة الباردة ..كنت كثير طنشو و ما اطلع عليه مشان ما يضل يضربني .. ابوه ؟؟ ابوه بيخوف ...و الله لما بضل لحالي بالبيت انا وياه ما بطلع من الغرفة حتى لو متت جوع او متت عطش ..ختيار بعمر سبعينات بس يضل يتفرج ع افلام مراهقين تبع الحب و رومنسية ..هو الوحيد يلي كنت خاف منو اكثر بهداك البيت ..خوات حمزة البنات يلي ما ينفعو لشي ..كنت بس احكي معن بشي موضوع بلاقيهن كثير متخلفين و مو فهمانين شي بالدنيا ..كنت وحيدة كثير .. شي الوحيد يلي كان يواسيني و يصبرني هو الحكي مع اختي ع تليفون ..مرة اتصلت فيني حسيت بتما حكي بس ما كانت تقدر تقلي ياه انا : احكي .. حاسة بدك تقليلي شي هي : عماد .. بس قالت اسمو قلبي صار يدق بسرعة .. صار الدمع بعيوني و خفت كثيرر.. انا : شبو عماد؟؟ هو منيح؟؟ ابوه منيح ؟؟ هي : ابوه منيح .. بس هو مو منيح ابدا حياة ..من شهر كنت شوفو يجي كل يوم تحت يضل ساعات عم يطلع ع شباك ..و مبارح انا : مبارح شوو ؟؟؟ هي : مبارح رحت لاحكي معو .. كثير وجعني قلبي عليه ما قدرت اتحمل حالتو انا : و شو قلك؟؟ هي : كان بدو يعرف اخبارك .. اذا مبسوطة او لا .. اذا صرتي حامل و اذا نسيتيه او لسا انا :شوووو؟ نايلة لا تقولي انك حكيتيلو كلشي عني .. ما بسامحك ابداا ..تركيه بحالو ..ما تحكيلو شي مشان الله ..ما يقدر يعمل مشاني شي رح يتعذب اكثر ..تركيه بدي ياه ينساني .. مع الوقت رح ينسى كلشي ... هي : و انتي تقدري تنسيه ؟؟ انا : لااا هي : نفس شي بالنسبة الو ..ما عم يقدر ينساكي .. لو تشوفيه يا حياة .. ما بقا الانسان يلي تعرفيه ابداا ... تغير كثير .. تشوفي بس الحزن بعيونو .. عماد تحطم لك حياة .. كانت عم تحكيلي عن حالتو و انا ابكي مثل المجنونة .. حسيت سكين بقلبي .. انا : لا بقا تحكي معو .. تركيه .. خليه ينسى لا تحكيلو شي هي : ما رح احكيلو عن معاناتك او انو تزوجتي بالغصب .. بس بدي احكيلو انو لساتك تحبيه و لسا ما نسيتيه كل هلوقت انا : اوعك تحكيلو شي .. مشان الله لا توجعي قلبي اكثر من هيك .. خليه ينسى .. تركيه يعيش حياتو بعيد عني .. الوقت رح ينسيه مو هيك قلتي؟؟ هي : بدو رقمك الجديد حياة انا : اوعي تعطيه ياه هي : حتى ليلى طلبت رقمك انا : لا تعطي رقمي لحدا عم قلك هي : خلص ما رح اعطيه شي .. بتعرفي قلي انوو ما بقا يرجع يجي عند البيت . قلي انو لازم يشوف حياتو بعيد عن هون .. كان عم يحكي و الحسرة بعيونو ..قلي انو عم يتمنى تكوني مبسوطة بحياتك ..قلي كمان انو عم يتمنى حمزة يكون مهتم فيكي و عايشة معو بالهناا .. لك شوي و كنت رح احكيلو كلشي بس ما قدرت خفت . انا: تركيه يرتاح نايلة ..يستاهل بس الخير بحياتو ..مفكرة انو امو رح تقبل فيني اذا طلقت .. عن جد ما يستاهل هلعذاب .. بدي يعيش بحرية .. ما لقى معي السعادة .. خليه يعيش بعيد عني ما بدي ياه يفكر فيني .. بتمنالو بس السعادة هي : اي قولي كمان يلا .. قولي بتمنى يلاقي بنت ثانية .. يلا قولي لشوف .. انا : ....
هي : شفتي .. لسا تحبيه مثل زمان و اكثر انا : اي بحبو .. لسا بحبو كثير .. بس شو بعمل امو ما رح تقبل فيني مستحيل .. لك حتى ابوكي ما رح يقبل ... هي : لسا ما فهمت ابي ليش هيك عاملك .. اها صحيح بتعرفي مين اجا يشوفناا انا : مين ؟؟ هي : رياض .. اجا يطلب من ابي انو يكتبو بدفتر العائلة و يعطيه اللقب .. قال انو بدو يتزوج بس خجلان و ما حدا رح يقبل فييه .. انا : رياض؟؟ اخونا الكبيررر ؟؟ هي : اي .. كثير ععاقل و متبربي ..صار يسال عن اخبار الكل .. حتى عنك قال انو بدو يشوفك عن جد ما عرفت انصدم او انبسط .. الطفل يلي جابو ابي قبل زواجو بامي ..صار كبير و بدو يتزوج كمان ..الطفل يلي بعمري ما شفتو غير مرة او ثنين لما كنت صغيرة .. هلا بدو يشوفني و بدو اخباري ؟؟؟ يعني ما نساني ولا نسى اسمي ؟؟ هاي اول مرة من يوم زواجي قدرت ابتسم و افرح .. انا : نايلة وين يسكن ؟؟ هي : بـ .... انا : لو تعرفي شو هديتيني هلا نايلة .. انتي هديتيني الحياة من جديد .. ما معك رقمو ؟؟ هي : لا .. ليش ما تطلبي ؟؟ اانا : رح تعرفي كلشي بعدين .. سكرت عليها و كنت كل الوقت مبسوطة و عم اضحك .. لدرجة حمزة حس اني مبسوطة و نزعج من هشي ...........+ ......... ___________________________ يتبع

 

[افنان و رياحين]

18) __________________________________________
انا : لو تعرفي شو هديتيني هلا نايلة .. انتي هديتيني الحياة من جديد .. ما معك رقمو ؟؟ هي : لا .. ليش ما تطلبي ؟؟ اانا : رح تعرفي كلشي بعدين .. سكرت عليها و كنت كل الوقت مبسوطة و عم اضحك .. لدرجة حمزة حس اني مبسوطة و نزعج من هشي ..كان يحب يشوفني دايما مهمومة .. كان كل يوم يعمل معي شي مشان يشوف دموعي بس ما خليتو يوصل لهدفو ابداا ..هلا معي امل اني اطلع من هلبيت .. رح روح لعند اخي رياض .. اخي رياض يلي تركو ابي مثل ما تركني اكيد رح يحس فيني ؟؟ اكيد عاش نفس شي ييلي عشتو ؟؟ هلمرة اذا الحياة عطتني فرصة اني عيش مبسوطة؟؟ رح يكون مع الرجال يلي رح يحميني .. و هلرجال هو اخي ريــــاض ... من وقت حكيت مع نايلة و انا هلفكرة ما راحت من راسي .. كانو كانت اشارة من عند الله اني رح اطلع من الحياة يلي عايشة فيها ..بس شو فيني ساوي هلا؟؟ كيف حمزة رح يطلق سراحي من هلسجن ؟؟ بيفضل انو يقتلني و ما يتركني روح من عندو ...لازم لاقي طريقة حتى اتخلص منن .. بلشت لم غراضي بشنطاية صغيرة ..ما اخذت شي غير ذهباتي و فستان و بنطلون و كنزة ..خبيت لشنطاية و ستنيت تجيني الفرصة كون لحالي بالبيت او مع هلختيار تبعن ..مر كم يوم .. واجا اليوم يلي كنت استنااه كان وقتا الظهر .. كان مسكر ع غرفتو عم يتفرج ع افلامو التافهة ..حملت الخفة تبعي و بلشت امشي ع اطراف اصابعي ... خلص هاد هو الوقت يلي لازم اهرب من هون .. الله بعثلي اخي مشان يحميني حاسة بهشي .. بس وقت كنت طالعة من الباب لتقيت باخو حمزة ...صار يطلع فيني مصدوم و قلي هو : لوين رايحة هيك اختي حياة ؟؟ امين .. اخو حمزة اسمو امين .. كان هو الوحيد بهلبيت يلي كان يحس بشي يلي عم عيشو و كان يحميني مرات من قتلات اخوه .. امين معو بكالوريا و مرة ما كانت امو بالبيت و هو كان عم يكوي قميصو .. حسيتو انو مو عرفان كيف يكوي ابداااا اانا: امين ليش عم تكوي لحالك .. و خواتك البنات ؟؟ امين : لا تحكيلي عنن .. بيضلو عم يتفرجو و لما قلن يعملو مشاني شي ما يرضو .. بس ولا يهمك يجي يوم و يحتاجوني .. انا : هههه ما احلاك .. هات هاات انا اكويلك ياهاا
امين : لا خلص ما في داعي اختي حياة انا : لك قلتلك هاات .. و الا رح تحرقا يا هبول ههه حسيتو نزعج لانو ما حدا عم يهتم فيه .. بس مع هيك ما تركتو يكويها لحالو ..بس خلصتا تشكرني و صرنا ندردش انا وياه شوي و نحكي عن الدراسة .. كانو معو بكالوريا و كان كثير متوتر ..ولا حدا بالبيت كان يحاول يساعدو او يهتم فيه .. فيكن تقولو حتى انو يمكن ما كانو يعرفو انو ابنن معو بكالوريا ... بالليل لما رجع لانو لما كان يكوي قميصو كان مشان يروح ع العرس .. بس اجا ع البيت جابلي معو علبة كاتوو ..هشي اثر فيني بصراحة ..كان معو وش ملائكي و تبع ولد صغير .. بس عرفتو اول مرة صرت حسو مثل اخي الصغير ..الايام يلي بعداا صرنا نقرب من بعض اكثر انا و امين ..خاصة بيوم كان قاعد بالصالون عم يراجع الدروس ..طليت ع دفترو لقيتو محتار بمسالة بلرياضيات .. قربت منو و قلتلو هات ساعدك لانو الرياضيات شغلتي .. بعد ما رفض كم مرة بس بالاخير قبل .. ضليت معو شي 3 ساعات عم فهموو .و بالاخير نبسط كثير و قلي اني احسن من الاستاذ تبعوو .. صرت كل يوم روح لغرفتو فهمو رياضيات و فيزياء .. شوي شوي قربنا كثير من بعض .. كنت حسو مثل اخي الصغير .. صرت حبو كثيرر .. حتى هو كان كل ما يطلع لبراا يجبلي معو شوكولا او كاتوو ..امين كان الشخص الوحيد يلي بحسو يحميني احيانا .. مع انو صغير بس معو هو كنت حس بالامان ..امين بدو ينجح و يروح العاصمة يدرس .. لانو ما يحب القرية ابداا .. ما يحب عاداتن ولا يحب عقلاتن .. باختصار كااان بعيد عنن كثيررر بالعقل و التفكيررر... شافني حاملة شنطايتي و طالعة من البيت ...لما شفتو نفجرت بكي و قلتلو انا : امين لازم روح من هون .. ما بقا اتحمل يا اخي.. بعد عني تركني روح من هون ... امين : جنيتي ؟؟؟ لوين رايحةة؟؟ انا : ما فيني ضل اكثر امين .. لازم روح من هون .. اخوك كل يوم عم يضربني شي يوم رح يتقلني .. تركني روح .. امين : بس لوين ؟؟ ابوكي ..... انا : بعرف انو ابي ما بدو ياني .. بس اخوك اكثر منو .. يكرهني كثير كل يوم عم يضربني .. مشان الله تركني روح امين : بس هااد اخي انا : مفكر اخوك مبسوط بوجودي ؟؟ كل يوم عم نتقاتل انا وياه .. كل يوم عم يضربني حتى انت تهرب و تروح لتدرس برا .. امين انت تعرف كلشي عم يصير بهلبيت .. لو ضل معو يوم زيادة رح يقتلني او يمكن انا اقتلو .. اذا في شوي رحمة بقلبك تركني اطلع من هلحياة .. مشان الله ترك امين كان بيعرف انو اخوه ما يحبني و انو كل يوم عم يضربني لانو هو يلي كان يجي ينقذني من بين ايديه دايما .. بس بيضلو اخوه
امين : دخلي علبيت حياة .. خلص اليوم بحكي معو ما بقا يضربك انا : ما رح يوقف .. مشان الله تركني روح .. بعد عني امين صار يفكر شوي بعدين قلي امين : كيف رح تروحي ع مدينتك؟؟ انا : ما بعرف .. رح دبر حالي امين : معك مصاري؟؟ انا : لا بس معي شوي ذهب امين : نزلي لتحت برجعلك .. امين دخل ع البيت .. ما بعرف اذا لازم اوثق فيه او اهرب من هون .. بس مشكلتي الوحيدة اني بوثق بكل العالم بسرعة ..ستنيتو و بعد كم دقيقة نزل لعندي بسرعة و بايديه شوي مصاري و قلي امين : يلا طارت الخفة .. كان بدي اشتري خفة بس رح اعتبرن حق الدروس يلي كنتي تعطيني ياهن .. انا : يا عمري انت .. بوعدك انو يجي يوم و ردلك هلخيرر .. ما خلاني روح لحالي ع مكان الباس لانو ما بعرف شي بهاي القرية يلي بتقرف .. مسكني من ايدي و وصلني حتى للباس .. عانقتو و قلتلو يسامحني و تشكرتو كثير لانو الله بعثلي ياه ليساعدني و بعد كم ساعة طريق وصلت ع العاصمة .. لما شفت مدينتي و شميت نسمتها صرت ابكي و كاني كنت بسجن و هلا طلعت منو ..كلشي شتقتلو بهاي المدينة ..كنت كثير مبسوطة و اخيرا قدرت لاقي حريتي و شوي امــل اني عيش من جديد ..رحت ع االمنطقة يلي عايش فيها اخي بس بلشت افقد امل لانو ما لقيت عنواانو و المنطقة كانت شوي كبيرة ...سالت كثير ناس .. و مشيت ساعات كثير .. رايحة جاية حتى لقيت ولاد صغار عم يلعبو قلت بسالن ماني خسرانة شي انا : بتعرفو رياض ابن ....... بس قلتلن الاسم اخذوني حتى لباب بيتووو .. كنت واقفة عند الباب و مترددة اذاا بدق او لا ..ما كنت بعرف شو فييني قلو .. مرحبا اخي انا اختك حياة .. انا هلا هربانة من عند زوجي ..و جاية لحتى تحيميني انت ..ما كنت بعرف اصلا لمين او لشو يشبه اخي ..بس اخذت نفس عميق و كان لازم كون قوية و اتحمل كل النتائج ..و دقيت الباب شو بيخسر يلي بعمرو ما فازز ؟؟؟ مرا كبيرة شوي فتحتلي الباب ..صارت تطلع فيني مصدومة .. انا : هاد بيت رياض ؟؟؟
هي : اي مين انتي ؟؟ انا: هو هون ؟؟ هي :لا .. بس مين انتي ؟؟ انا : ما بتعرفي امتى يجي ع البيت هي : انا امو ..انتي مين ؟؟ انا: حياة ... اختو .. صارت تطلع فيني و مو فهمانة شي .. بعدين ططلعت ع ايدي شافت الشنطاية انا : اجيت من مدينة كثير بعيدة لحتى شوفو هي : دخلي ..تعالي لجوا .. نطريه لحتى يجي انا : ما بدي ازعجك .. فيني استنى عند الباب هي : لا ما بيصير .. فوتي لجوا ترتاحي المرا دخلتني ع بيتاا ..بيتن صغير كثير و قديم .. كانو حيطانو كلن رطوبة .. ما معن غراض كثير .. يا الله ابي عمل كل هلشر بحياتو ؟؟ خلى ابنو يعيش نفس شي يلي عشتو انا و ستي .. ام رياض جابتلي عصير و قعدت مقابلتني ..كان في كثير اسئلة بعيوناا .. بس ما قدرت احكيلا شي و ضليت ساكتة هي : سمعنا انو تزوجتي صح ؟؟ انا : اي هي : انتي بعطلة هون مع زوجك؟؟ اانا: ..... لا هي : اجيتي لهون بلا ما تحكيلو ؟؟؟ ما قدرت رد عليها .. خفت من ردة فعلا .. خفت تاخذ عني فكرة مو منيحةة .. و فجاة سمعت الباب عم ينفتح .. و شفت قدامي شب .. شب كثير حلوو و بيجنن .. هو : سلام .. اسف ما بعرف انو عنا ضيوف امو : مو ضيوف .. هاي اختك حياة لما شفتو قدامي نفجرت بكي .. رحت ركض و ضميتو بقوة من كثر ما انبسطت .. هو ما اتحرك ابداا صار جامد محلو و ما ضمني مثل ما ضميتو .. امو صارت تطلع فينا و بعد كم دقيقة راجت جابتلي اشرب مي مشان اخذ نفس ... انا : ........+ ......... __________________________ يتبع

 

[افنان و رياحين]

19 ) _______________________________
لما شفتو قدامي نفجرت بكي .. رحت ركض و ضميتو بقوة من كثر ما انبسطت .. هو ما اتحرك ابداا صار جامد محلو و ما ضمني مثل ما ضميتو .. امو صارت تطلع فينا و بعد كم دقيقة راجت جابتلي اشرب مي مشان اخذ نفس ... انا : بعرف انو مالي حق اعمل هيك .. بعد كل هلسنين ما حاولت دور عليك ..بعرف انو عم رح تشوفني انانية هلا بس ما كان الي حل ثاني ..انت املي الوحيد ... انت يلي فيك تنقذني من الحياة يلي عشتا ..ابي تركني من صغري مثل ما تركك و لما كبرت باعني مثل شي حيوان ..انا تركت الرجال يلي كنت معو و ما لقيت قدامي طريق غير اني اجي لعندك ..انت الوحيد يلي يمكن يفهمني لانو انت كمان تركوك مثل ما تركوني ..انت الوحيد يلي ضليت من كل عيلتي رياض + رحت دور بشنطايتي ع الورق يلي كتبتلي ياهن الدكتورة ..و صرت ورجيهن الضربات يلي ع جسمي انا: ابي بعثني ع بيت كلو مجانين .. شوفو شو صار فيني ..باكل قتلات صبح و مسا و كل يوم مسبات و شتائم..ما قدرت اتحمل اكثر ..تحملت هشي شهور و شهور لانو ما كان الي حداا .. بس من لما سمعت انو اجيت ع البيت و سالت عني .. حسيتك انك املي الوحيد و اجيت لعندك.. امو حطت نظاراتهاا و شافت الورقة انو لساتني عذراء نصدمت و قالتلي هي : اااه يا بنتي اااه .. لك اه شو عملو فيكي .. يا الله وين بعثوكي .. كنت قاعدة جنبا و ابكي .. قربت لعندي و ضمتني بقوة .. اخي كان يطلع فينا و مو فهمان شي هو : ما فهمت شي .. شو هااد؟؟ امو : الراجل فيو عيب لك ابني ..و زوجوه اختك مشان يخبو فضيحتهن .. كلشي مكتوب هون ع هاي الورقة .. لو تقراها رح تفهم كلشي اخي نصدم و صار يطلع فييني .. عقد حواجبو و قرب مني و ضمني بقوة .. هو : لا تبكي ..انا هون معك .. ما حدا رح يرجعك ع هدااك البيت .. نفجرت بكي اكثر بحضن اخي و صرت احكيلو انا : ابي رح يخليني ارجع غصب عني هو: هدااك حسابو بعدين .. انا هون لا تخافي ما حدا رح يخليكي ترجعي لهنيك .. انا هون اختي بالحكي يلي قلي ياه كنت ابكي و بنفس الوقت ابتسم .. امو : روحي غسلي وشك ..و غيري ثيابك رح تضلي هون معناا انا : ما بعرف كيف فيني اتشكركن امو : هات بيت اخوكي .. ما في داعي للشكر يا بنتي هاي لاول مرة حسيت حالي حرةة ..متفاءلة ..مبسوطة ..كنت دايما فكر انو فيني حل مشاكلي لحالي بس بالحقيقة كنت محتاجة دايما شخص جنبي لحتى يعطيني القوة ..بالاول كانت ستي بلاهاا ما كنت قويت ولا عشت يلي عشتو .. بعدا ااجا عمااد بلا
فقدت كل قوتي .. بس هلا صار معي اخي ..انا هلا رتحت لانو هو يلي رح يرجع يعطيني القوة لعيش من جديد ..هو يلي رح يشجعني لارجع حياة القديمة ..هو يلي رح يعلمني شوف قدامي و ما برجع للماضي ابدااا .. بعد ما حكيت مع اخي رياض رجعتلي ضحكتيي ..و اخيرا لقيت الامان عند رياض و امو .. تخيلو امو يلي كان لازم تكرهني عاملتي كـ ام حقيقية ..ما كانت مجبورة فيني لاني انا بنت الرجال يلي حطم كل حياتاا ..هاي المرا لقيت فيها الرحمة يلي ما لقيتا بامي الحقيقية .. موبايلي من وقت وصلت و هو يرن ..كان حمزة يتصل فيني كل الوقت و اكيد فهم القصة ... خليتو هيك بلا رد حتى قلي اخي رياض : ردي ع هلموبايل انا : هااد هو ..مابدي احكي معو رياض : زوجك؟؟ هاتي ه موبايل هاتيه انا : تركو خلص .. ما يستاهل انو تحكي معو اخي عصب و عقد حواجبو و موبايلي ما بقا يسكت .. اجا خطف الموبايل من ايدي و طلع لبرا كنت عم اسمعو يحكي معو يصرخ رياض: مانك خجلان ع حالك هاا ...لسا عم تتصل فيها ؟؟ مين انا؟؟ بدك تعرف مين انا ؟؟ انا هو يلي رح اكسر راسك يا .... لك كيف قدرت تحمل ايدك الوسخة ع مرا هاا ..لك بدك تعمل رجال بس علييها ما هيك ؟؟تعا لهون لورجيك شو يعني رجال يا ........ اخي حكى مع حمزة و ما ترك مسبة و قلو ياها .. و هددو انو رح يقتلو لو يرجع يلمس شعرة من شعراتي ..وقت اخي كان يحكي بهديك طريقة ليحميني .. كنت حاطة ايدي ع قلبي و الدمع بعيوني و بنفس الوقت البسمة ع شفافي و اخيرا لقيت حدا يوقف معي ..و اخيرا صار الي سند بهاي الدنيا البشعة ..لما اخي سكرت تليفون جابلي ياه و قلي رياض : سكر بوشي الـ.... .. خلي يجي يوم و التقي فيه رح ورجيه شو يعني يلمس بنت و يضربهااا ... كنت عم اطلع فيه و اضحك و بعدين نطيت عليه و ضميتو بقوة .. بحضن اخي حسيت بالامااان .. صرلي كم شهر عايشة ع الظلم و الضرب و اخيرا الله عوضني باحلى رجال بالدنيااا ... رياض : قلي اجت لعندك؟؟ هربت معك ؟؟ شبو هااد عن شو كان يحكي انا : ....... رياض : حكيلي كلشي حياة انا: قبل ما اتزوج كنت مخطوبة لشخص ثاني و بعدين ابوه مرض و تاجلت حفلة خطبتنا ولبسس الخواتم شوي .. لهيك ابي جبلي هاااد و باعني اللو و زوجني بالغصب .. رياض : اوك فهمتك .. لمهم انتي هلا لا تفكري بشي .. انا رح بلش بكل الاجراءات يلي يلزمو مشان الطلاق ما رح اتركك ثانية ع اسموو .. انا طالع بدك مني شي؟؟ انا : لا بس بدي ما تتاخر براا .. عندي كثير شغلات بدي احكيلك ياهن هو : اوك اختي بعدين طلع ع امو و قلها رياض : امي عندك امانة بالبيت و بعد ما طلع رياض من البيت ضليت دردش مع انو بعدين قالتلي هي : فيكي تحكييلي كلشي و انتي مرتاحة حياة
بلشت احكيلها كلشي .. عن عرسي عن ليلة الدخلة عن وساخة امو عن الضرب و السب و عن كلشي كانت تطلع فيني مصدومة بعدين قالتلي هي : لسا ما فهمت .. معقول لسا في هيك عالم بالحياة .. لك كيف يعملو هيك ببنت بريئة ما الها ذنب ما عندن قلب ؟؟ انا : عرفت كثير ناس بحياتي مجانين و وسخين بس بعمري ما شفت ناس مثلن .. كنت اشتغل خدامة بالبيوت مشان اصرف ع حالي و ع ستي .. و تعذبت كثير بحياتي .. بس لو فيني رجع هديك الايام رح رجعها و عيشها من جديد و ما اتحمل العيشة معن مرة ثانية .. هي : و هدااك يلي كان خاطبك شو حكايتو تلبكت لما سالتني ه سؤال .. فهمت انو ما بدي احكي بهيك موضوع ضحكت معي و قالتلي هي : اوك بنتي .. هلا بالاول طلاقك بعدين كلشي رح يكون سهل .. انا : و الله ما بعرف كيف بدي اتشكرك يا خالة .. فوتيني ع بيتك و ضميتيني و حبيتيني من اول دقيقة .. رغم اني بنت الانسان يلي حطم حياتك .. و الله قلبك كثير طيب ما بعرف كيف فيني اتشكرك هي : قصدك الانسان يلي حطم حياتي و بدو يحطم حياتك ؟؟ و انتي شو ذنبك يا بنتي ؟؟ هااد مو غلطك انتي بس ضحية مثل رياض ..بس الله ياخذ حقكن ان شاء الله ..انا

بس شفتو و طلع فيني خفت ...خفت انو يرجعني ع الجحيم يلي كنت فيه ..خفت يجرني و ياخذني معو .. كنت مثل الطفل يلي عذبوه كثيرر و خايف يرجع للعذاب ...ما بدي ارجع عيش معو ابدااا ..بس شفتو تخبيت ورا اخي .. قام هو و قلي حمزة : و كمااااااان جاية معوو ؟؟ ابي : لااا هاد ابني .. حمزة ما فهم شي .. بعمرو ماشاف رياض من قبل رياض : اي اجت لعندي .. اجت لعند اخوهاا .. ما هربت ما حبيبها بس سمعت رياض قال هلحكي شكرت الله ... شكرت الله كثير اني ما هربت عند عمااد ..الله كان بدو ياني لاقي اخي ..لو كنت هربت مع عمااد بعمري ما لاقي اخي .. و حتى لو لقيتو ما كان رح يتقبلني كيف فيه يقبل اختو هربانة مع حبيبها و هي متزوجة .. مجرد تفكيرر بس بحسها انو كثير ثقيلة .. الله بيعرف شو يعمل ..و انا كنت اشكي و اتناقض دايما ع نصيبي ..كلشي بيصيبنا بهاي الدنيا مو بالصدفة كلشي الو سبب و نتائج ..كلشي مكتوب و مسطرر من قبل .. حمزة : انت يلي حكيت معي مبارح ؟؟ رياض : اي انا .. تذكر شو قلتلك ما هيك ؟؟ يلا تعا ساوي رجال عليي هلا تعاا .. رياض جن و بلش يتخانق مع حمزة .. و حمزة مثل النسوان تخبى ورا ابي ..رياض دفش ابي مع الحيط و نط ع حمزة و وقعو ع الارض ..و بلش يضربو بقوة و يصرخ رياض : يلا ضربني اذا تقدرر .. يلا سبني يلااا ..يلا لشوف .. عملت الرجال ع بنت ما الها حدا ماهيكك ..يلا ورجيني رجولة هلا ..لك انت مو رجال عم تفهم ولا .. انت بس واحد رخيس خبى وساختو و تزوج بنت مسكينة ما الها ذنب ... رياض طلب مني و هو عم يصرخ : رياض : اعطيني الورقة ييلي معك .. ورقة اني عذراء حطلو ياها بوشو و قلو رياض : شايف هاي الورقة ... شوفها منيح يا كلب .. رح انسخهاا ل 1000 نسخة رح علقعها بكل مكان بالقرية .. بالاشجار بالبيوت بكل مكاان .. خلي يعرفو حقيقتك الوسخة يا ..... لو ما تطلقها رح اقتلك عم تفهم .. هلا بدك تطلقها و تعطيها كلمتهااا ... ترك حمزة و راح لابي و بلش يصرخ كمان .... رياض : لو بس عطيت بنتك لرجال حقيقي ..ليك لوسخ ييلي بعتلو بنتك .. بس شو بدي احكي عن اب ترك ولادوو ...حياة هلا عندي و رح تضل عندي .. انساها و انساني مثل ما نسيتنا كل هلسنين ... حمزة : انتي طالق .. صرت اضحك مثل المجنونة من الفرحة .. رياض هددو لو ما يطلقني بالتراضي ..قلو انو رح ينشر حقيقتو بكل القرية و بكل البلد كماان .. صار خايف مثل الاجذب بس قلو انو رح طلقها بس ما تاخذ لا ثيابها ولا شي من غراضها ... قلتلو حرقن اذاا بدك ما بدي ياهن .. كان بدي بس اتخلص منو و اتهنى ... و اخيرا هلا انا حرة ...انا هلا مراا مطلقة ..كثير تعبت بالروحة و الجية ع المحكمة بس اخيرااا اخذت حريتي بفضل الله و بفضل اخي ..لما اخذت ورقة طلاقي طلعت انا و رياض و امو حتى نحتفل بهشي ..كنت كثير مبسوطةة .. و بس فتنا ع البيت امو لرياض قالتلي هي : و هلا فيكي تحكييلي حكاية يلي كان خاطبك .. بالاول رفضت بس بعدين وعدتني انو ما تحكي شي لرياض .. ما حكيتلها كلشي عن عمااد بس حكيت شوي عن يلي صار معنااا .. هي : هلا انتي حرة .. و لساتك عذراء ..ليش ما تحاولي تتصلي فيه ..لو يحبك اكيد رح يرجعلك .. انا : و امو؟؟ هي : جربي من جديد .. ما تعرفي النصيب شو مخبيلك حياة .. يمكن هاي فرصتك لتعيشي معو من اول و جديد.. صارت تشجعني ..مع انو كنت دايما قول ما بدي خرب حياتو من جديد و ذكرو فيني .. بس فكرتها ما راحت من بالي .. صح انا لساتني صغيرة و لساتني بشرفي ؟؟ كانو ه زوااج بعمرو ما صار و كان مثل الكابوس بحياتناا .. بعد ما رحت ع فرشتي و بعد تفكير طويل .. اخذت نفسي و اتصلت فيه بس للاسف تليفونو مسكر ..فكرت انو رح فيق الصبح و روح لاقيك و احكيلو كلشي صار معي ...كان بدي قلو كلشي صار معي و برجع قرب منو من جديد .. كان معي امل و كنت كثير متفاءلة ..
اجا الصبح و فقت و رحت بسرعة ع شغلو .. قالتلو انو اخذ عطلة ..ما فقدت الامل و رحت لجنب بيتهن حتى انطرو ..نطرتو عند الباب ساعات و ساعات بس ما شفتو ولا طلع من بابهن .. قررت اني رن ع الباب ما كان يهمني اذا رح يطردني او بيكون نساني .. المهم بكون مرتاحة و ما بندم اني ما دورت عليه ..ما كنت بعرف كيف رح اشرحلو..كيف رح لاقي القوة اني احكيلو كلشي .. ما كنت بعرف شو رح تكون ردة فعلو .. بس مع هيك و ما تراجعت سمعت الحكي يلي قلي ياه قللبي ..بس رنيت الباب طلعتلي امو .. تذكرت اول مرة شافتني كيف كانت تطلع فيني بقرف .. نصدمت لما شافتني و قالتلي هي : شو عم تعملي هون ؟؟ مو تزوجتي انا : عمااد هون ؟؟ بدي احكي معوو .. امو كانت هادية ..كنت استنى انها تسبني بس ردت عليي بكل برود و قالتلي هي : مانو هون انا : عم حاول اتصل فيه بس تليفونو مسكر هي : عمااد ...........+ .............. _________________________ يتبع

 

[افنان و رياحين]

20 ) _______________________________
امو كانت هادية ..كنت استنى انها تسبني بس ردت عليي بكل برود و قالتلي هي : مانو هون انا : عم حاول اتصل فيه بس تليفونو مسكر هي : عمااد سافر ع فرنسا و لهيك ما عم تقدري تلاقيه انا : ششو؟؟ سافرر؟ بس كيف فيني اتواصل معو هلاا هي : لحد هلا ما معو تليفون عم يحكي معناا بتليفون خطيبتو .. لما قالتلي خطيبتو ..قلبي كان رح يوقف صرت حس بغصة بحلقي رح تخنقني .. صارو دموعي ينزلو لحالن و قلتلها انا : خطيبتوو؟ هي : راح ليجيب بنت خالتو يلي هي حاليا خطيبتوو .. ما ضل كثير ع عرسن .. انتي شو بدك من عمااد؟ اذا بدك مصاري انا هون بعطييكي قالتلي هشي حتى تججرحني .. لانو حالتي كااانت سيئة كثير .. لا كان لبسي مثل لبسها ولا كان شكلي مثل شكلهاا .. كنت لابسة فستان صرلي لابستو اكثر من شهرر لاانو ما جبت شي من بيت حمزة .. كنت بلا مكياج و بلا سشوار.. كان سواد تحت عيوني ... كنت مثل الزومبي من التعب و الحسرة ..فيكن تقولو كنت اشبه كلشي بس ابدا ما بشبه الشحادة ...جرحتني كثير بكلماتها ..فكرت انو اجيت دقيت بابهن مشان المساعدة او المصاري ..دورت وشي و مسحت دموعي و قلتلها انا : لا شكرا ..ما اجيت مشان هشي .. عمو منيح ؟ هي: اي منيح انا : اوك .. بعتذر ع ازعاج ..سلمي ع عمو كثير .. باي صرت امشي بسرعة و ابكي .. نفجرت بكي .صرت عاتب حالي كيف وصلت حالي لهاي الحالة و ليش اجيت لهون .. كيف فكرت بيوم انو يمكن هلمرا تقبلني ؟؟ ..و عمااد ؟؟ من صرلو كثير حكى مع اختي و قلها انو لساتني بحبا كيف هاي خطب هلا؟؟ يعني هلااا بلش حياتو من وحدة ثانية و رايح ليعيش بعيد عن هون ...قلبي نحرق و حسيت بنفس احساسو هو لما شافني طالعة بفستان العرس ..صرت امشي و نفسي عم يقطع ما كان بدي عيش بهيك وجع ..بس الله كبير .. عم يشربني هلا من نفس كاسة الوجع يلي شربتها لعمااد ..هلا رح عيش نفس شي يلي عاشو بغيابي ..الله كبير و ما في شي يضل بلا عقوبة ..بس يا رب امتى بدك تاخذ حقي من الناس يلي وجعوني ؟؟؟ عم استنى هليوم بصبر كبيرر .. لانو بهليوم رح اعرف انو الله يمهل ولا يهمل .. ما بعرف كيف وصلت ع البيت .. عند الباب مسحت دموعي لحتى رياض ما يحس ع شي بس لما شافتني امو فهمت كلشي و لما رحنا انا وياها ع المطبخ قالتلي هي : شفتيه ؟ انا: لا .. شفت امو و قالتلي انو راح لفرنسا حتى تجيب خطيبتو يلي هي بنت خالتو هي : و صدقتيها ؟ انا : نتظرتو ساعات كثير عند الباب و ما اجا .. سيارتو كانت هنيك و امو حكت معي بهدوء .. لو كان هنيك كانت خافت انو يسمعني .. اكيد راح و مانو موجود .. هي : لا بنتي .. لا تستسلمي من اول محاولة ..رجعي بكرا و شوفيه ..ستنيه اكثر يمكن تلاقيه مانك خسرانة شي ..سمعيني يا بنتي لا دمري حياتك ضيعتي كثير وقت ع البكي و القهر ..كثير تعذبتي و هلا ما تستاهلي غير السعادة .. حاربي يا بنتي .. حاربي كثير اكيد رح تلاقيها بشي مكااان عم تستناكي .. انا : يعني يمكن فيني شوفو؟؟ هي : جربي و جربي اكثر من مرة و اذا ما شفتيه اكيد مانو من نصيبك يا بنتي .. ساوي هشي مشان ما تندمي بعدين و تقولي يا ريت رجعت بلكي لقيتو .. ساليني انا بحكيلك عن الندم لك بنتي حكييا لـ ام رياض كثير خلاني اقوى و ارجع اتأمل ن جديد .. قربت منها و باستها بايديها و جبينها و قلتلها انا : الله بعثك الي من الجنة .. رياض اجا ع مطبخ و شاف امو عم تبوسني كمان .. كان كثير مبسوط و مفتخر بامو يلي الها قلب طيب و كبيرر ... امو كانت مرا كبيرة و قلبها كبير كثير و طيب ..ابي عمل غلطة حياتو لما خدعهاا و خانها و تركهااا و دمرر حياتهاا ..بس للاسف مو هو يلي دفع ثمن اغلاطوو ..نحنا انا و رياض يلي دفعناا ثمن كل اغلاطوو ..مثل ما نقول نحنا .. الوالدين يعملوهاا و الولاد
رياض : حياة شو مشاريعك هلا اختي .. هلا انتي حرة و مطلقة شو مفكرة تعملي؟ اانا : هلا لازم دور ع شغل .. بدي حس حالي طليقة و حرة بحياتي رياض : لا تفكري بهشي .. انا هلا هون ما رح يحتاجك شي انا : رياض حاول تفهمني حبيبي انا ماني متعودة ضل هيك بلا شغل ..لازم لاقي شغل امو : بس انتي كثير عم تساعديني بالبيت يا بنتي انا : بساعدك غصب عني ..لو بشتغل كل حياتي مشانكن ما رح ردلكن الخير يلي عملتوه معي .. رياض : لا تقولي هيك انتي اختي الصغيرة .. امو : رح اعطيكي اول شغل اذا بدك ..بتعرفي انو انا بعمل كاتو تقليدي بالبيت و ببيع للعالم و للاعراس .. رح علمك هلحرفة هيك نصير نشتغل تنيناتنا و نساعد بعض انا : موافقة ..بس لازم كمان دور ع شغل ثاني هي : هلااا جربي بالاول عن يلي كنا نحكي و بس ترتاحي بلشي تدوري ع شغل رياض : تجرب شوو ؟؟ امو : سر هههه _______________ ااجا اليوم الجديد ..رحت استناه عند باب بيتهن ..ضليت هنيك ساعات و ساعات .. كنت شوف سيارتو هنيك ما تحركت و كانت وسخة .. يعني عمااد عن جد مانو هون .. كنت استناه شوي بعييد عن الباب مشان ما تشوفني امو .. كنت كل مرة شوفها طلعت بتخبى .. ضليت اسبوع ع هلحال تقريبا بروح لهنيك صبح ومساا .. حتى صارو الجيران يشكو فيني ابصر شو صارو يفكرو .. بلشت افقد امل شوي و شوي ..و بالاخير فقدتو للابد ... باخر يوم دورت عليه ... رجعت ع البيت كثير مقهورة و مجروحة ..يعني انا فقدت عمااد للابد .. ما رح لاقيه ولا رح يشوفني مرة ثانية ... امو اكيد ما رح تقلو اني اجيت دور عليه ..سامحني عمااد .. سامحني عم ادفع ثمن اني تركتك .. حاولت خبي كل هلوجع جواتي .. كان لازم استمر بحياتي .. لازم ارجع لملم القوة مشان عيش من جديد ..وعدت حالي انو رح اطلع ع مستقبلي من اليوم و رايح .. لازم اسس حالي و كون قد حالي ..بلشت دور ع شغل بس مثل ما تعرفو مجتمع مثل مجتمعناا مرا مطلقة يعتبروها ما تنفع لشي ..يشوفها المرا السهلة يلي رح تقبل كل الوساخة بس مشان شغل صغير ..بلشت افقد الامل كمان اني لاقي شغل منيح .. وقتا كنت طالعة من مطعم كنت دور عندن اذاا في شغل صغير ..رفضوني و طلعت يائسة ..بس لما طلعت من الباب لقيت قدامي بنت الختيارة يلي كنت اشتغل عنداا ..اكيد تذكرتوهاا ..بس شافتني عرفتني هي : حياة ؟؟ شو هاصدفة الحلوة شو عم تعملي هون انا : عم دور ع شغل هي : شغل ؟؟ مو ع اساس تزوجتي شو بدك بالشغل انا : طلقت .. هي : يا حبيبتي .. اسفة مشانك اانا : لا لا .. لا تحزني مشاني .. انا كثير مبسوطة اني طلقت .. هي : يا حبيبتي .. لازمنا قهوة سوا هيك مشان تحكيلي شو رح تعملي هلاا؟؟ انا : ولا شي .. بكمل دور ع شغل هي : استنيني بالسيارة حياة .. رح زبط وراق بالبنك و برجعلك اخذتني ع سيارتها و خلتني استناها هنيك و بعد كم دقيقة رجعت و رجنا نشرب قهوة سوا .. هي : يلا احكيلي ليش تطلقتي بلشت احكيلها كل حكايتي مع حمزة و عيلتو و شو صار فيني و كيف الدنيا لعبت فيني .. نصدمت .. هي: يا الله معقول في هيك ناس بالدنياا انا : اي هاي هي كل حكايتي و حاليا انا عايشة ببيت اخي ..بس لازم اشتغل ما بدي كون ثقيلة عليهن هي: هههه ما تغيرتي ابداا .. دايما بنفس العقلات .. انا : مو منيح هشي يعني .. انو كرامتي اولى ع كلشي هههه هي : معك حق يا بنتي .. و لهيك ما رح اساعدك بالمصاري بعرف رح ترفضي .. بس تركيني ساعدك حتى تلاقي شغل .. انا : يا الله .. لو تساعديني حتى لاقي شغل ما رح انسالك الخير طول عمري هي : لا تقولي هيك .. وعدتك بيوم بس تحتاجيني رح تلاقيني .. ما بنسى خيرك كمان كيف كنتي محترمة مع امي و متحملتيها .. و كمان بعرف كيف المرا المطلقة بمجتمعنا مهمشة .. انا : اي صحيح كيف امك ؟؟ هي : دايما نفسها ..صارت عدوانية اكثر و من لما مرضت و ما بقا تقوم من فرشة ما تركت حدا بلسانهاا ... انا : لو محتاجين ايا مساعدة رح تلاقوني دايما جنبكن .. هي : لا حاليا مع مراا ثانية عم تهتم فيهااا .. بس اكيد لو تشوفك رح تنبسط انا : وعد رح روح شوفها كل مرةة .. هي : قليلي حياة .. انتي معك بكالوريا و كم سنة بالجامعة ؟؟ انا : بكالوريا و 5 سنوات جامعة .. هي : و تحكي منيح فرنسي ؟ انا: بحكي كثير منيح فرنسي هي : و انكليزي ؟؟ انا : بمشي حالي فيها .. هي: لكان كثيرمنيح.. بتعرفي تسبحي؟؟ ما عندك ولا مشكلة بالصحة .. بالنظرر ...كم طولك و وزنك؟؟ سالتني كثير اسئلة..مافهمت الشغل يلي بدها تساعدني فيه شو هو.. بعد ما لقت فيني كل مواصفات نبسطت و قالتلي هي: رائع ..كثيرمنيح ... بوعدك انو رح تاخذي شغل مثل الحلم .. رح يغير كل حياتك .. كان معا حق ..لانو الشغل يلي عطتني ياه غير كل حياتي من جديد و غير حياة يلي حواليي ... الشغل هااد خلاني اعرف صداقة جديدة و ناس جديدة .. خلاني انسى يلي صار معي و كيف عشت زماان .. بس قلبي لحالو يلي ما يتغير و كااان ما يدق مشان الحب بس مشان يعيش و خلص .. __
______________ كنت استنى اتصلها بصبر ..ماكنت بعرف الشغل يلي رح تعطيني ياه شو نوعو ؟؟ كنت استنى بلش هلشغل مشان ساعد اخي و امو ..حياتي ومشاعري كانو خليط من الفرح و الحزن و العذاب .. كان صعب عليي اني فقدت حب حياتي..كان كثير صعب عليي اني عيش بلا عمااد و اتخيلو مع وحدة ثانية ..كان صعب عليي اني اتخيلو بحضن وحدة ثانية .. كنت فوت بليل ع فرشتي مشان ابكي و اشتقلو و الصبح لما فيق بمسح دموعي مشان كون قوية و اقدرحارب الحياة و لاقي السعادة ...ما كنت ورجي ضعفي لايا حداا .. بس ام رياض لحالها يلي كانت تعرف اديش عم اتعذب ع فقداان عمااد .. بعد انتظار طويل شوي .. اتصلت فيني هديك المرا مشان الشغل ... قالتلي انو

 

[ام يارامرام]

كملي حبيبتي عيوني اتنفخو من البكي

 

[افنان و رياحين]

21) ____________________________________
بعد انتظار طويل شوي .. اتصلت فيني هديك المرا مشان الشغل ... قالتلي جيب الملف تبعي و كل وراقي و شهاداتي لحتى صير مضيفة طيران ..لما قالتلي نوع الشغل ضليت ساكتة من الصدمة و بنفس الوقت من الفرحة ..كنت استنى دبرلي شغل صغير بشي شركة بس اني صير مضيفة طيراان ؟؟ ما قدرت صدق شي يلي عم تقلي ياه .. خبرتني انو لازم اعمل كم مسابقة و اانجح فيها و هي بمعرفتها رح تساعدني لحتى انجح ..و بعد ما نجحت بكل مسابقات طلعت انا من الاوائل يلي نجحو .. كنت كثير مبسوطة .. كثير متفائلة .. رح عيش تجربة جديدة بحياتي ..رح بلش عيش من جديد.. من خدامة بيوت الى مضيفة طيران اخرر شي كنت فكر فيه .. متذكرة اول ما بلشت المسابقة كنت كثير متوترة .. بعت كل ذهباتي مشان اشتري شوي ملابس منيحة .. بس ما بعت الطوق يلي عطاني ياه عمااد ابداا ..ضل دايما برقبتي و ما شلتو بالمرة ..مثل ما ضل عمااد بقلبي و عقلي ..بس رغم حبي الجنوني للعمااد و رغم اني فقدتو لازم استمر بحياتي ..جربت كثير اني انساه بس ما قدرت .. بعمرنا ما ننسى حب حياتنا و حبنا الاول .. بلشت الشغل ...كان الشغل يجنن .. رغم انو بقضي كل وقتي بين السما و الارض او بين البحر و الارض بس كنت كل يوم اسجد و اشكر الله ع الحياة يلي عطاني ياها ...و اخيرا نجحت بحياتي كنت اشتغل بلا راحة ..كل يلي يشتغلو معي كاانو بالسفرة يقضو وقتن عم يتجولو بالبلداان و يشترو ثياب و ينبسطو ..بس انا كنت اشتغل و لم مصاري لانو معي اولويات و اهداف .. الهدف الاول نحجت فيه انا و اخي بعد كم شهر من الشغل .. انا و رياض اجرنا محل صغير لامو .. لانو كانت تشتغل بالكاتو و الحلويات تقليدية مثل بقلاوة و هيك شي و العالم كان يجو يطلبو منها من البيت .. بس هلا صار الها محل صغير تشتغل فيه مع مرا ثانية .. شغلها صار يكبر اكثر و اكثر و صار المحل ما يكفيهااا ...مع الشهور رجعنا اجرلنالها محل كبير و زبطناه كثير حلو .. صح ما كان المحل الحلو بالمنطقة بس كنا نفتخر بحالنا انو قدرناا نخليها تنبسط.. ام رياض كااانت دايما تقلي انو الله بعثني الهاا ..و انا بقول نفس شي انو الله بعثن الي ك هـدية و ليغيرو كل حياتي ... الحمد لله انو الله كان جنبي دايمااا ..لو كنت طلبت المساعدة من الناس يمكن الاكسجين و يستخسروه فيني .. الحمد لله انو الرزق بايدو لربي ..هو يلي بعثلي هديك المرا مشان تنقذ حياتيو تغيرها كلهاا ... بعد ما نجحنا انا و اخي بترتيب شغل امو .. قررنا انو نطلع من هدااك البيت يلي كان رح يوقع ع راسنا .. اجرنا بيت اكبر و احلى ... اخي لقى شغل احسن من يلي قبلو ... صرنا نتعاون ع كلشي انا وياه .. اخي ما في منو بالدنيا كان ناقصو بس بنت تملي عليه حياتو بس كان معو مشكلة كبيرة و يلي هي ما كان الو لقب كاانو اسمو ع كنية امو ..بس كنت حاسة و عرفانة انو الله رح يرزقو شي يوم باحلى هدية .. ابي من وقت طلقت ما حكى معي ولا تصل فييني .. مع انو كان عرفان غلط بحقي بس ما عتذر مني .. و اخيرا فهمت ليش يكرهني .. ام رياض حكتلي قصة ابي و امي ..حبو بعضن قبل زوااج ..قال انو ابي كان مجنون بامي و امي نفس شي ..ابي خان امي قبل ما يتزوجو بس امي ما عرفت حتى بين رياض بالقصة ...و بما انو كانت كرامتها اولى من كلشي ( بظن اني ورثت هشي منها ههه ) تركت ابي فورا ..و ما رضيت تسامحو بالمرة .. و بعد ما طلقت امو رجعت شافت حياتها من جديد.. لهيك ابي حقد عليها و صار يكرها .. و بما اني اشبها بالملامح و حتى بالطبع ف ابي كل ما كان يشوفني كاان يتذكرهااا .. انشاء الله ما كون اشبه امي من جهة الامومة ههه ..
امي تصلت فيني مرة مشان تحاسبني و تسبني ..قال انو زعلت لاني صرت عايشة مع رياض و امو و قالتلي هي : كيف قدرتي تعيشي مع المرا يلي دمرت حياتي و حياتك انا : بعتذر مني امي ..هاي المرا يلي تكرهيها فتحتلي الباب يلي انتي سكرتيه بوشي .. هاي المرا حضنتني بالوقت يلي كنت اتصل فيكي و ما تردي ...عم تقولي دمرت حياتك؟؟ انتي هلا متزوجة و معك ولاد و مبسوطة .. فيكي تقولي انو انتي يلي دمرتي حياتي و رميتيني؟؟ ..ليش جاية تحاسبيني هلاا .. بتعرفي شو .. عم نادي ام رياض امي لانو تستاهل اكثر منك .. من هدااك اليوم ما بقا سمعت صوتهاا .. ما كان يهمني زعلها لانو ما همها عذابي.. _____________________ هلا نحنا ببيتنا الجديد .. نظيف و ديكورو بيجنن .. كلشي بحياتنا تغير للاحسن ..شتغلت 3 سنين بلا ما وقف و الحمد لله حققت كل اهدافي ..
انا تغيرت كثيرر بالشكل .. قصيت شعراتي و صرت البس المودة و من اكبر الماركات .. صرت متحضرة اكثر و تعلمت كم لغة اجنبية .. حسيت حالي كبرت اكثر و اكثرر و صرت قد حالي ...تعرفت ع العالم اكثرر .. تفتحو عيوني و صرت اعرف كثير شغلات ..تعرفت ع اصدقاء جداد و منكن ثنين يلي بحبن كثير ياسمين البنت العاقلة و بنفس الوقت المجنونة يلي عايشة لحالها مع امهااا ..و ايمن مهرج الكروب ههه ..كل مرة نشتغل سوااا نعمل العجب .. ضحك و لعب و مهزلة ...نكت ايمن و الناس الغريبة يلي كناا نشوفا بالطيارة ..كناا نطلع كلنا سوا ناكل و نتسلى بوقت الراحة .. و اخيرا اخذت رخسة سواقة و ايمن كان كل مرة يعلمني اكثر ..شتريت سيارة صغيرة لحالي مشان ما ضل عذب اخي بالروحة و جية ع المطارر .. لانو مرات بتاخر كثيرر بالشغل ..المرا يلي غيرت حياتي .. بنت الختيارة يلي كنت اشتغل عنداا .. كنت كل ما سافرر بجبلها هدايا من اروبا و قد ما عملت معا ما كان يكفي .. ياسمين كااانت عشقانة برياض بس هو ما كان حاسس بشي .. كل مرة كانت تشوفو عندي بالمطار كاانت تفقد سيطرة و تصير تخبص ..كانت كل ما تجي لعندي ع البيت تضل ساكتة مع انوو هي راديو اكثر مني ههه ..ياسمين صارت اقرب انسانة لقلبي .. عوضتني عن كلشي .. كانت تعرف كل حكايتي بكل تفاصيلها .. كانت تعرف عن عمااد .. و كل مرة كناا نروح ع فرنسا قلبي يدق بسرعة كثيرر ..بتخيل لو شي يوم لاقيه بالصدفة بالطريق مع مرتو و يمكن ولادو كمااان ... مر كم شهرر ..كان معنا سفرة من فرنسا لـ الجزائر : كنت عم ساعد الركاب لحتى يلاقو اماكنن و ساعدن بحمل شناطيهن ..و فجاااة لتقيت فيهاا انا بس شفتهاا عرفتهاا و هي كمااان عرفتني و صارت تطلع بعيوني بلا ما تنزل راسها و قالتلي هي : انتي هي حياة او غلطااانة ؟؟ كانت ام عمااد ..الدنيا صغيرة .. شتغلت لسنين من باريس للجزائر او العكس ... بس بعمري ما تخيلت اني يمكن لاقيهااا .. تمنيت كل يوم اني شوفو هو بس المكتوب خلاني شوف امو و مو هو .. انا: اي اناا هي: ......+ ......... _____________________ يتبع شفتو دنيا اديش صغيرة ؟؟ و انو يمكن تتغير كل حياتنا بين يوم و ليلة ؟؟؟ بكمل ؟؟

 

[افنان و رياحين]

22 ) ___________________________________
كانت ام عمااد ..الدنيا صغيرة .. شتغلت لسنين من باريس للجزائر او العكس ... بس بعمري ما تخيلت اني يمكن لاقيهااا .. تمنيت كل يوم اني شوفو هو بس المكتوب خلاني شوف امو و مو هو .. انا: اي اناا هي : مو معقول !! شو عم تعملي هون انا : بشتغل هي : صرتي مضيفة طيران انا : اي صارت تطلع فيني بغرابة و تطلع بكل شكلي .. كنت لابسة طقم حلو و مكياج و شعراتي مسشورين و ريحتي تجنن .. هي: ما بعرف كيف وصلتي تشتغلي هون و الله انا : رح شوف باقي الركاب ..لو حتجتي شي مداام طلبينا .. توصلي بالسلامة رحت و تركتا .. رحت لاخر الطائرة وين مكاان ياسمين و بس شافتني ياسمين : شبكي؟؟شفتي ديناصور شي انا : لو تشوفي مين بالطيارةة ياسمين : عماااااااد !!! انا : لا اموو ياسمين : ورجيني ياها .. بدي قلها كم كلمة انا : لك وقفي هلجنان تبعك .. بدك تجيبي مصيبة ع راسك .. ياسمين : انتي منيحة ؟؟؟ انا : لاا .. ماني منيحة كلشي عشتو اجا بين عيوني وقت شفتاا ..حاسة بدي ابكي ياسمين : تنفسي يا عمري.. لا تبكي مشان الله رح تجيبي مشكلة ع راسك انتي كماان .. ما كنت منيحة ابداا .. كل ذكرياتي رجعوو ..عذابي .. نظرات ام عمااد المقرفة .. يوم رحت دقيت ع بابها و ذلتني .. حبي لعمااد .. كلشي كلشي ..حسيت حالي رجعت لكم سنة وراا كانو فترقت انا و عماد بس مبارح ..كنت حاول هدي حالي حتى ما يحسو عليي العالم وقلت لياسمين تروح للجهة يلي فيها ام عمااد و انا رح ضل مكانها هون .. ياسمين :متاكدة انا : اي معليش ياسمين مشاني .. ما بدي شوفها مرة ثانية .. اكيد كانت عندو ...لك كان هنيك بالمطارر ..تخيلي ياسمين ما كان في بيني و بينو غير كم متر ..لك مابعرف لوكنت شفتو شو بيصرلي.. ياسمين: .. يمكن تموتي هههه.. لك شفتي بس امو ليكي كيف صارت حالتك يا جدوبة .. انا: عم تضحكي ؟؟ يا الله صبرني . الطيارة طارت و بلشنا شغلناا .. كنت مثلبكة كثيرر و عايشة بعالم ثاني .. عملت الكوارث مرة بكب العصير مرة اعلق بشي باب ..كان مبين اني مو منيحة ابداا ..و بسعد ما خلصنا شوي شغل اجا واحد من الكروب تعبنا يناديني هو: حياة ..في مرا بدهاا تحكي معك بالمركز الاول ..روحي شوفيهااا ما كان معي خيار ثاني غير اني روح شوفهااا ..
انا : حتجتي لشي مداام .. هي: لابس كان بدي احكي معك ..مو كنتي متزوجة ؟؟ انا : تطلقت هي :من زماان؟ انا: اي قبل ما اجي ع بيتك المرة الاخيرة تذكرتي وشها تغير لونو و قالتلي هي :اي بتذكر انا : عمو منيح؟ هي : اي منيح انا: الحمدلله .. بدك مني شي ثاني ؟؟ هي : لاا.. كانت تستنى مني اني اطلب اخبار عمااد .. بس ما بيصير هلا صار متزوج و يمكن معو ولد او ولدين .. لما نزلت السيارة شافتني كنت عم ساعد الركاب ..ضحكت معي ضحكة صفرا و راحت .. ماكانت تستنى البنت يلي ذلتها و ما قبلتها تكون زوجة ابنها تصير بهيك مكاان.. في ناس ما تامن انو عن جد الساعة بتدور و يمكن ايا انسان تحتقرو و تذلو يجي يوم و يصير احسن منك .. كلشي بقدرة الله سبحانه.. هداك الليل قضيت اليل كلو عم ابكي ..ام عمااد فيقت مشاعري يلي صرلي كم سنة عم حاول نيمن.. يلي عم حاول انساهن ..بس للاسف كنت كذب ع حالي و ما قدرت انسى ابداا ..حب عمااد بقلبي ضل موجود دايما ..لسا لحد هلا ما شلت الطوق يلي هدانيي ياه.. اليوم يلي بعدو كانت عطلتي ..تواعدت مع ياسمين انو نلتقي و نقضي يومنا سوا .. قررت اني روح ع مكاان بحبو كثير .. مكاان صرلي سنين ما شفتو .. هلمكاان كان المفضل عند عمااد .. بس وصلنا .. كنت ساكتة كل الوقت اطلع حواليي .. حتى الطاولة يلي كنت اقعد فيها مع عمااد كانت لساتها موجودة ..بس تغير شي بهدااك المكان .. اخذنا عصير انا و ياسمين و بلشت اتذكر كلشي ذكريات مع عمااد .. صرت حس بالغصة و بلشت ابكي .. ياسمين : يا عمري انتي لا تبكي انا: بتعرفي .. كننت كل ما اجي معو لهون كنت اخجل لانو ما معي حق عصير .. حتى انو مرة جبت معي ستي لهون يا الله شو ضحكناا هههه كنت عم احكي و ابكي و اضحك بنفس الوقت ...

انا : ما كان معي حق عصير او بيزاا هون .. بس مع هيك كنت مبسوطة معوو و كاان يهتم فيني كثير .. بس ليكي هلا فيني ادفع عن كل يلي قاعدين هون ..بس حياتي ما الها معنى بدونو ..ما عم اقدر انساه لك ياسمين .. ما قدرت شيل حبو من قلبي.. ليش هيك عم يصير معي .. هو اكيدعايش حياتو و انا لساتني عم اتحسر ع فراقو .. ياسمين : ببلكي شفتيه هون شي يوم هههه انا : هههه هبلة ..لك هو هلا بفرنسا متزوج و يمكن معو ولاد .. مفكرة انو يمكن يكون متذكرني ؟؟ ما بظن ابداا .. ياسمين : بهلحياة لك اختي كلشي ممكن يكون .. ما بتعرفي القدرشو مخبيلك .. كلشي مكاتيب انا : هلاا دخلي ايدك بجيبتك و طالعي مكتوبك و روحي دفعي حق العصير ههههه ..رح استناكي بالسيارة .. ياسمين :طيب بدفع .. بس عزميني عندك بالبيت .. لللك ااااخ شو شتقتلو هههههه انا: هههههه لك و الله هبلة .. لك عن جد شي يوم رح قلو كلشي ل رياض ...اذا عن جد تحبيه ياسمين لا تضيعي فرصتك ..لا تخبي مشاعرك ..بتعرفي مشكلتو و لهيك ما يحب يجيب سيرة الحب او زوااج ..عن جد لا تعملي مثل ما عملت انا ياسمين .. لا تخبي مشاعرك رح تندمي مرت الايام و ضليتني روح ع هدااك المكان اكثر واكثرر ...صرلي سنين ما رجعت لهلمكان بس من يوم لتقيت بام عمااد .. خلتني ارجع لورا كثير و ما قدرت انسى .. صرت كل يوم اتذكر ذكرياتي معو و كل مرة روح لشي مكاان كنا نلتقي فيه ..بس هلمكاان وين كنا ناكل كان عمااد يحبو كثيرر ...و صرت كل ما يكون معي وقت بجي اقعد فيه .. بيوم .. اجيت انا و ياسمين و ايمن ع هدااك المكاان ...كنا عم نشرب قهوة و نضحك و نمزح ..حتى اجت عيوني بالباب تبع المطعم ..شفتو جاي ..كل جزء من مخي حسيتو وقف ...قلبي صار يدق بسرعة كثير..حرارتي طلعت و عيوني تعبو دموع ..قربت من ياسمين و قلتلها انا:ليكي ياسمين .. هو هووون ..لك عمااد هون .. شوفي بربك عماااد هون ... طلعت بالباب و قالتلي ياسمين : هااد يلي واقف مع البنت انا : اي ياسمين : ييييييي شو بيجنن ما شاء الله انا: يلا يلا لازم نروح .. ياسمين : جنيتي ؟؟ ايمن : لك شبكن انو لثنين ليش تغير لون وشكن شو عم تحكوو؟؟ انا : لازم روح ايمن: ستني بس نص ساعة نرتاح و نروح .. اليوم رح اشتغل انا : لكان تعالو نغير الاماكن غيرنا الامكاان لانو عمااد قعد بطاولة جنب الباب و كان هيك مقابلني ..غيرت المكان مع ايمن و هيك ما رح يشوف وشي ..صرت ارجف ما بعرف شو صرلي .. ياسمين كانت جنب ايمن و مقابلة عمااد .. ضلت كل الوقت تطلع فيه .. ياسمين : يا جدبة ليش هيك عملتي انا : ما قدرت شوفو معاا .. لك ياسمين عم يجيب مرتو لهون .. ما عم صدق
ياسمين : حياااااة .. ما في بايدو خاتم الزوااج .. و الله و الله ما في .. ايمن : ااااااه انا لازم روح .. عم تحكو بالسرر مدري شو صرلكن انا : لا لا ..رح نقوم كلنا و نروح من هون ايمن : يلا بسرعة لكان .. كلنا قمناا .. كان قلبي عم يدق كثير ..ايديي عم يرجفو ..ياسمين قامت هي الاولى مشان تشوف عمااد منيح ..ايمن راح يدفع الفاتورة ..بس انا ما قدرت قوم من مكاني ولاشوف وراي ..كنت خايفة يشوفني و بطلع بعيوني و اوقع بارضي .. ايمن و ياسمين صارو يستنوني عند الباب .. قمت صرت امشي بسرعة و اطلع فيه .. كان عم يضحك مع مرتو .. كان كثير حلو و مرتب ..ما طالع راسو ليشوفني و هون ايمن نطق و قال ايمن : حياة بسرررررعة رح نستنى سنة شي بس سمع اسمي طالع راسو بسرعة ..شافني و طلع بعيوني ... هداك اليوم كنت لابسة فستان طويل احمر تبع شتي .. كعب اسود و جاكيت اسود ..شعراتي مسشورين و قصار و غيرتلن اللون و كان الطوق برقبتي ..طلع فيني من فوق لتحت .. كان مصدوم .. الضحكة يلي كانت مرسومة بتمو راحت .. كان في فرح مع خليط من الحزن بعيونو و ما شال عيونو من عيوني ... بعد ثلاث سنوات رجعت شفتو .. و كان كلشي مثل الاول و كانو بعمرنا ما فترقنا ..بس طالع عيونو و شافني وقفت مشي ..كنت رح اوقع ع الارض ..قام من مكاانو و عمل نفس يلي كان يعملي ياه زماان مشان يجنني .. يطالع حاجب واحد و ينزل الثاني و يمسك بدقنو .. بدون ما حس ضحكت معو ..........+ ........ ياسمين و ايمن كانو يستنو عند الباب و يطلعو عليناا ..البنت يلي كانت معو ما طلعت فيها .. اجا و صار يقرب مني ..بس وصل لعندي طلع فيني من فوق لتحت مصدوم.. هلبنت يلي صارت قداامو مانها البنت يلي كانت معو زماان .. البنت القديمة العادية.. البنت الفقيرة و اليائسة .. عمااد: حياة!!! انا: مرحبا عمااد .. عماد : شو عم تعملي هون .. انا: اااه كنت مع رفقاتي ... عمااد طلع ب ايمن صار يطلع فيه منيح .. كانو كان عم يحاول يتذكر اذا هاد هوالرجال يلي طلعت معو بفستان العرس .. ايمن كان يطلع فينيي و يورجيني بايديه انو الوقت تاخرر .. انا: كيف عموو؟ عمااد : منيح انا: سلم عليه .. قبل ما اطلع من الباب طلعت بالبنت يلي كانت معو .. صارت تطلع فيني بنظرة بشعة .. كانو كانت تعرف اسمي من قبل ..و اخيرا طلعت من الباب و ياسمين لزقت فيني و قالتلي ياسمين : و اخيرررررررررررررراااااا .. اخيرا شفتو بعض و و حكيتووو انا ما بعرف شو كان صايرلي حتى المشي ما عرفت امشي ..كنت مبسوطة اني شفتو.. و زعلانة اني شفتو مع مرتو و ما قدرت احكي معو اكثر من كلمتين .. ايمن : لك شبكن جنيتو .. شو صار احكو.. مين هدااك؟؟ ياسمين :: الحب الكبير ههههه ايمن : في حب كبير و مالي خبر ههههه صرنا نمشي رايحين نركب السيارة و بعدا ياسمين طلعت لورا و صرخت قالتلي ياسمين: حيييياة .. طلع لبرااا شوفي شوووفي .. طلع لبراا عم يطلع فينااا .. ______________________ يتبع

 

[افنان و رياحين]

23 ) ______________________________
صرنا نمشي رايحين نركب السيارة و بعدا ياسمين طلعت لورا و صرخت قالتلي ياسمين: حيييياة .. طلع لبرااا شوفي شوووفي .. طلع لبراا عم يطلع فينااا .. _بس ما قدرت اطلع لورا و صرنا نمشي بسرعة .. بس وصلنا للسيارة ايمن سلم علينا و راح ع سيارتو و انا وياسمين بسيارتي بس اجيت افتح البباب .. طلعت فيه .. كان واقف عند الباب يطلع فيني من بعيد بس ما عملي ولا اشارة ولا حركة حتى ارجع لعندو .. طلعت بالسيارة و وجعني قلبي كثير .. حسيت بلغصة بحلقني من خيبة املي .. كنت دايما اتخيل و اعمل افلام براسي كيف رح شوفو ..كنت دايما قول بس يشوفني رح يحضني .. رح نجن سوا .. رح نتضارب .. بس للاسف كاان الملقى كثير بارد و ناشف ... بس ما قدرت لومو كثير من حقو يرجع يعيش حياتو و ينساني .. هاي 3 سنين مو بس اسبوع او كم شهر .. وعدت حالي انو ما بقا ارجع دور عليه بس ياسمين ما خلتني روح من هنيك و قالتلي ياسمين : روحي احكي معو .. حاج تبكي انا : ليش هو ما اجا يحكي معي؟ ياسمين : حياة حااج تتكبري .. ما شفتي كيف طلع من وراكي .. ما بتعرفي شو صاير معو .. روحي حاكيه عن جد رح تندمي كل عمرك.. كنت رح روح بس ياسمين اصرت كثير و صرعت راسي .. بس كان معا حق ما رح لاقي هاي الفرصة مرة ثانية .. بس اجيت افتح الباب واطلع شفت هديك البنت طلعت لبرا تحكي معو .. تحطمت اكثر و قالت لياسمين انا : خلص خلينا نروح مشان الله .. ليكي هو خلص صار الو وحدة ثانية بحياتو و اكيد هاي مرتو ما بدي خرب حياتو .. رحناا و انا كنت كل الطريق ابكي .. ياسمين : لك يا هبلة ما في ولا خااتم بايدو ولا هي كمان .. لماكنتي رح تقومي كنت اطلع فيهن .. و بس ايمن قال اسمك عمااد نصدم و البنت تقلب وشهااا .. انا : اي صح شفتها طلعت فيني بنظرة بشعة بعدين مع انو ما تعرفني ياسمين : يمكن بتعرف قصتكن ؟؟ انا : ما بعرف .. و الله كلشي تلخبط جواتي يا ترى بفرح اني شفتو او ازعل عن جد ما بعرف.. ياسمين : عن جد لو كنت بمكانك ما بتركو يروح من ايدي ابدا يا جدبة .. خليكي هيك رح تندمي كل عمرك انا : انتي ؟؟ عم تحكي عن حالك مو ؟؟ لك انتي بس تشوفي رياض ما تقدري تطلعي بعيونو .. لك روحي احكي معو .. حكيلو عن مشاعرك حاااجتك شوفة حال .. ليكي انا شو صارر فيني من ورا شوفة الحال يا جدبة .. او تعرفي شو اليوم رح احكيلو كلشي عنك خلص تركيها عليي ياسمين : بتعرفي انو شوفة الحال هي يلي دمرت حياتك و لسا ما بطلتيها يا هبلة .. انا : ما بعرف ياسمين .. هاي طبيعتي شو بعمل العمى .. وصلت ع البيت محطمة ...ام رياض بس شافت وشي فهمت انو في شي صاير ..بس ما كان الي نفس احكي شي.. رحت سكرت ع حالي بغرفتي و صرت ابكي حتى المسااا لما اجا اخي رياض من شغلو كان لازم احكي معو مشان ياسمين ما كان بدي يصير فيها مثل ما صار فيني .. انا : اي رياض حبيبي .. امتى بدك تطلب شي بنت ؟؟ رياض : يا الله دايما نفس موضوع .. لك حاااج خلصيني انا : يا الله شو انك غبي .. لك حاول تطلع حواليك شوي بلكي شي بنت عم تحبك و انت مو عرفان ؟؟ رياض : عن شو عم تحكي؟؟ لاا تصيري تلفي و دوري ع راسي احكي و خلصيني انا : طيب لكان .. عم احكي عن ياسمين رياض : رفيقتك؟ اانا :اي رفيقتي رياض: حاااج تحكيلي نكت هههه اااناا : لا عن جد عم بحكي .. شو ناقصها ياسمين بنت حلوة و طبيعية و ذكية و مرحة .. رياض : و مجنونة !!! ا
نا : ههههههه اي شبهن المجانين ؟؟ لك احسن من هدول يلي يطلعو ع كلشي بجدية ..بتعرف شو ياسمين كمان عاشت العذاب مع امها مثلناا .. يعني بتعرف شو يعني الواحد تعذب بماضيه .. و كمان بتعرف كل قصتناا و قصتك و مع هيك لسا متمسكة فيك ... رياض ما حكى شي ...تركتو يفكر مع نفسو و رحت ..
مر يومين و ضليت اشتغل بلا راحة ..بس عمااد ما راح من بالي ابداا .. كنت مثل المجنونة بحكي مع حالي .. مين هديك البنت ؟؟ لسا يحبني مثل ما بحبو او نساني ؟؟ ليش هيك الدنيا عملت فيناا ؟؟ يا ترى دور عليي او لاا؟؟ اذا امو حكتلو انو شافتني او لا؟؟ اذااا بيعرف اني مطلقة او لا ؟؟ كثير اسئلة ما لقيتلن اجوبة ابدااا .. بالبيوم الثالث كان معنا يوم راحة .. قررت اني قضي يومي مع ياسمين مثل كل يوم كان بدنا نروح السوق نشتري غراض .. و انا بالطريق لروح اخذ ياسمين اتصلت فيني ياسمين : حيييييييييياة ... اخوكي تصل فيني بدو يشوفني انا: اوهووو و اخيرا خبررر حلوو ياسمين : بدو يشوفني لحالي .. لحالي ما حدااا معنااا انا : هههههههه يلا منيح لك زبطي حالك منيح ولا تخربي فرصتك ياسمين :: ناجل طلعتنااا ماشي؟ اانا :مو مشكلة حبيبتي .. ياسمين ما رح تجي معي .. ما بعرف شو رح اعمل لحالي و لوين روح ..صرت دور بالشوارع لحالي حتى وصلني لقلبي لهدااك المطعم ..كان بدي شوفو ...شتقتلو كثير ...حتى لو كان مع مرتو .. حتى لو ما حكى معي .. بس بدي شوفو .. شتقتلو كثيرر .. صار حسرة بقلبي .. لقيت حالي قاعدة عم استناه اكثر من ساعتين ..كنت استنى يفوت من الباب .. قلبي كااان رح يطق من كثر ما شتقتلو و من كثرر ما كان في الف سؤال جواتي .. ستنيتو شي اربع ساعات هنيك ..لما ما اجاا كنت رح قوم و روح ... خيبة امل جديدة .. كيف رح عيش بكل هلاسئلة يا الله .. و انا قايمة حتى شفتو دخل بس هلمرة لحالو ... شفتو كان عم يدور بكل لامااكن و كانو كان عم يدور عليي .. بس شافني حسيتو عصب و اجا لعندي بدون ما يسلم .. عمااد : ليش اجيتي لهون ؟؟ انا : شوو؟؟ عمااد : شو عم تعملي هون عم قلك؟؟ كان كثير مقهور و هو عم يحكي : انا : هااد مطعم عمااد .. مالي الحق اجي لهون؟؟

عمااد : حااجتك .. ليش اجيتي لهون بلذات ؟؟ انا : ليش عم تحكي معي بهاي طريقة ؟؟ بروح وين ما بدي و بعمل شو ما بدي انت شو دخلك ؟؟ عمااد : ليش جبتيه معك لهون ..لوين بدك توصلي؟؟ بلش يعصبني و يصرخ عليي .. ف نفجرت بوشو و قلتلو انا :مفكر اجيت مشانك؟؟ لك فيق مع حالك .. شو مفكرني ؟؟ اذا مفكر اني اجيت لهون مشان اعملك مشاكل مع مرتك .. اتهنى ماني تبع مشاكل ..لا تفكر اني مراا مطلقة رح اركض ورا وااحد متزوج ... تركتو هيك مصدوم و رحت جبت غراضي من ع طاولة و رحت دفعت الفاتورة و طلعت حتى سمعتو وراي عمااد : استني .. بدك تشرحيلي ما حكيت معو و صرت امشي بسرعة للسيارة و هو لاحقني و بس فتحت الباب رجع هو سكرلي ياه بقوة .. اناا : جنييت ؟؟ بعطيك الباب تاخذو معك شي صار يضحك لما قلتلو هيك بعدين قلي عمااد: ما في روحة حتى تشرحيلي انا : تركني بحالي ما عندي شي قلك ياه .. عمااد: انتي تطلقتي؟؟ بس هداك يلي كان معك !!!! انا : اي طلعت من ثلاث سنين .. هدااك بس رفيق و مو اكثر .. عمااد : شووو؟ امتى طلقتي؟؟؟ انا : بنفس الوقت يلي تزوجت فيه انت .. اجيت وقتا لقلك اني صرت حرة بس كنت سافرت ع فرنسا لتجيب عروستك .. و هلا بعد كل هلسنين جاي مشان تقلي شوعم تعملي هون ؟؟ خايف اعملك مشاكل مع مرتك؟؟لا تخاف ماني من هلنوع و ما رح تشوفني مرة ثانية .. باي !! فتحت باب سيارتي بس هو قرب من سيارة و رجع سكرلي ياه كمان بقوة انا : ااااااه .. لك شوي شوي ع الباب العمى صار يطلع فيني و يبتسم بعدين خطفلي مفاتيح سيارة من ايدي .. انا : شو عم تعمل ؟؟ كنت معصبة كثير ... مسكني من ايدي و صار يجرني ع سيارة صرت صرخ و قلو تركني بس ما تركني .. فتح باب سيارتو و قلي طلعي انا : لك تركني شو عم تعمل ؟؟ عمااد : لازم نحكي انا : ما في شي احكيله ياه .. ولا شي عمااد :لسا راسك يابس و ما تغيرتي انا : و انت دايما بنفس العقلات و ما تعرف تحكي عمااد : و انتي تفهمي دايما بالعكسس انا : و انت تعمل بس يلي براسك عمااد : خرصي انا : العمى.. لا تقلي خرصي !!! صار يسوق بسرعة و اخيرا وصلنا ع مكاان شوي معزول كان هيك مثل الغابة ..و بس وقف قلي عمااد : ليش هيك عملتي فيني ؟؟ انا : جبتني لهون مشان تحاسبني ؟؟ طلعت من سيارة و صرت امشي بعدين نفجرت بكي.. نزل هو كمان و لحقني .. انا : اي صح انا غلطت وقت ما خبرتك بس انت غلطت اكثر وقت ما سمعتني.. ما بعرف ليش هيك صديتني و جرحتني و ما تركتلي فرصة اني احكي .. مفكر انو لحالك يلي تعذبت؟؟ مفكر اني تزوجت برضايتي ؟؟ مفكر اني عشت بالهنا عندو ؟؟ اذا انت قلبك نحرق مرة انا قلبي كان ينحرق كل يوم ..انا عشت الجحيم يلي تمنيتلي ياه ...كان يضربني صبح و مسا و يسبني..بعمري ما انسى الوجع يلي عيشني ياه ..مرة كان رح يقتلني لانو دافعت عنك و قلتلو انك ارجل منووو عيشني وقتا بكابوس ..عشت العذاب لشهوررر و انت هلا جاي تحاسبني ؟؟ انت بكم شهر رجعت شفت حياتك من جديد و تزوجت ...بعد ما طلقت انت الاول يلي دورت عليك .. فكرت رح لاقي نفس الحب جواتك .. لما اجيت لبيتكن امك قالتلي انك خلص رح تتزوج .. نطرتك عند الباب مثل شي حرامية .. نطرتك سااعات و ساعات و انت ما رجعت ..وهلا جاي تحاسبني ؟؟؟ بكفي بقا بكفي .. كنت منهارة و رجعت لثلاث سنين ورا .. كنت حاسة النار جواتي.. قرب مني ليضمني بس دفشتو و صرخت عليه ... انا : انت رجعت شفت حياتك من جديد .. شو بدك مني هلا .. انت نسيتني عمااد بس انا بعمري ما نسيتك ..ليك ه طوق لساتو برقبتي من وقت حطيتلي ياه برقبتي ... انت رحت تزوجت وانا عشت بالحسرة كل هلسنين ..لا و صرت تجيبها ع المكاان يلي كنا نقعد فيه سوااا ...نيالكعن جد نيالك .. قرب مني و سرقني لحضنو بقوة .. حاولت ادفشو بس ما تركني.. ضعفت كثير و صرت ابكي مثل المجنونة ع صدروو .. صار عم يهديني و يقلي عمااد: اهدي يا عمري اهدي ... لا تبكي انا بعمري ما نسيتك .. انا ما تزوجت حياة .. كيف فيني اتزوج و البنت يلي عشقتا لساتهاا ساكنة بروحي ..لا تبكي مشان الله .. طلعت فيه مصدومة وقلتلو .. انا : بس امك قالتلي ...... عمااد : بعدين بحكي معا بشوف شوحكايتها ..لك يا هبلة رحت لفرنسا مشان جيب بنت خالتي عنداا 12 سنة .. بدك اتزوج بوحدة قد بنتي فرطت ضحك و بنفس الوقت كان دمع بعيوني و قلتلو انا :و البنت يلي كانت معك ؟؟؟ عمااد : لك هاي صديقة بالشغل .. انا : عم تكذب .. عمااد :لك يا هبلة .. كيف فيني انسى قنبلة مثلك ؟؟ كيف فيني انسى ام راس يابس مثلك؟؟ لك انتي عمري .. بدونك عشت الجحيم .. ما قدرت سامح حالي اني بيوم تركتك .. كنت عاتب حالي كل يوم ليش ما منعتك تتزوجي .. لك انتي روحي عم تفهمي... ما بقدر احكيلكن عن مشاعري وقتا .. نطيت بحضنو مرة ثانية و صرت ابكي و اضحك بنفس الوقت و ما كان بدي اتركوو ابدااااااا ........+ ......... _______________________________ يتبع

 

[افنان و رياحين]

24 ) __________________________________
قلبي صــار يدق للحب من جــديد .. حسيت حالي بالحلم و انا حاضنتو بقوة .. هلحضن كان يكفي مشان انســى كل العذاب يلي عشتو ..اني شم ريحتو هشي خلاني كون اسعد وحدة بالدنيا ..هلمرة ابداا ما رح اتركو..ما رح اهتم بحداا ولا رح فارقو مشان حداا ..قررت هلمرة اني ما اتركو لو متت ..لاانو هلمرة فهمت انو سعادتي ما رح لاقيها الا و انا معو ..كنت حاضنتو و لسا عم ابكي عمااد : خلص انا هون حبيبتي .. حاج تبكي كل ما كان يحكي شي كنت احضنو بقوة .. قربت اخنقوو انا : شتقتلك كثيرر حبيبي عمااد : عشت الجحيم بلاكي انا: انا كمان تعذبت بدونك كثير عمااد : انا هون جنبك .. لا بقا تبكي و بوعدك ما بقا تشوفي العذاب بحياتك .. تعالي ع سيارة رح تبردي .. رحنا طلعنا بالسيارة لانو عن جد كنت ارجف من البرد .. بس طلعنا ع سيارة رجع اخذني بيه ايديه و قلي عمااد :تعالي لهون يا بلوة .. ما بدي تبعدي عني مرة ثانية انا: انت هون بالعاصمة دايما ؟؟ عمااد : اي انا هون .. بس مرة رحت شهر لفرنسا مشان ابي يتعالج هنييك انا: و هلا هو منيح ؟؟ عمااد : اي ماشي حالو .. بس بطل شغل هلا عم يرتاح بالبيت انا: و انا يلي كنت مفكرة انو امك اجت لفرنسا تشوفك الشهر الماضي عمااد : ما فهمت ؟ انا : تصادفت مع امك و هاي جاية من فرنسا لهون .. كنت بعرف انو ما رح تخبرك عماد : لا ما قالتلي انا :مو غريبة .. مثل ما خبت عليك اني اجيت دور عليك بالبيت عماد : صدقيني يا عمري .. ما قالتلي شي ابداا لا عن جيتك ع البيت و لاا الصدفة بالطيارة انا : لانو ما كان بدها نرجع نلتقي ..بس معا حق لانو كثير تعذبت بحياتي و تزوجت و عشت الجحيم .. لك كان ... عمااد : هس مشان الله ..رح نسيكي كلشي عشتيه معو بوعدك بس انتي لا ترجعي لوراا انا : بس لازم احكيلك كلشي عماد: ما بدي حياة .. لو كنتي تصلتي فيني و انتي عندو كنت اجيت اخذتك بالغصب .. بس هلا لا تحكييلي شو تعذبتي لانو رح اندم اكثر واكثر اني تركتك تروحي انا : بس في شغلات لازم تعرفهاا .. مسك راسي بين ايديه و طلع بعيوني و قلي عمااد : سكتي حياة . ما بدي اعرف شي عن ماضيكيي .. بدي اعرف بس هلا شو تعملي بحياتك ؟؟ وين عايشة عند ابوكي او عند امك؟؟ قلتيلي شفتي امي بالطيارة .. شو كنتي تعملي بفرنسا انا : عم اشتغل مضيفة طيران عمااد انتي !!! انا : اي اي انا ... شو شغلة كبيرة اني اشتغل مضيفة طيران ... عمااد : ههههه لك ما تغيرتي ابداا يا مجنونة .. لساتك عصبية .. تعالي لهون تعالي نتفك شوي شتقت اتضارب معك .. انتي وين عايشة هلاا ؟؟ انا : ما رح تصدق ..تتذكر اني حكيتلك مرة عن ابي انو معو ولد من مرا ثانية قبل زوااج بامي عمااد : اي انا : انا هلا عايشة معو و مع امو .. تخيل عمااد انو الطفل يلي تركو ابي بسبب امي .. هو يلي حماني هو يلي ساعدني و انقذني من حياة الجحيم يلي كنت فيها .. حتى امو تموت فيني عمااد : لك دخيل ربو .. حبيتو قبل ما اعرفو لازم تعرفيني عليه انا : تتذكر بنت الختيارة يلي كنت اشتغل عنداا؟؟ عمااد : ختيارة الجن قصدك؟ انا: هههههه لك هس لسا ما نسيت ما هيك .. بنتا هي يلي دبرتلي ه شغل ..

عمااد : يعني هلا سافرتي ع كل العالم انا : اي صح .. اذا بدك تعرف ايا شي عن شي بلد حلو انا هون بخبرك عمااد : دخيلللووو اناا .. اي بدي اعرف عن شي بلد مشان روح شهر عسل انا : شهر عسل؟؟ عمااد : عم امزح هههههه ولي كيف طلعتي فيني انا : اجدب .. بتعرف شو انا و اخي حققنا اكثر من هدف واولن فتحنا محل لانو مشان تشتغل بالكاتو و الحلويات .. اذاا بدك طلب مشان زوااجك كمان قلي فرط عليي ضحك و قلي عمااد : و اخيرا حققتي الحلم يلي قلتيلي عنو .. بعمري ما شفت بنت قوية مثلك .. اانا : الحمد لله بفضل الله عمااد : عن جد بفتخر فيكي .. نجحتي بحياتك و قدرتي تاسسي حالك من جديد. انا لساتني مثل ما اناا دايمااا عند ابي و امي دايما بنفس الشغل و دايما وحييد انا: فيك تغير الكلمة الاخيرة انت مو وحييد من اليوم و رايح حط هشي براسك عمااد : هههههه يا الله ما عم صدق انك جنبي .. قربني منو و باسني ع جبيني و قلي عماااد : بدي اطلب كااتو من ام اخوكي و بنفس الوقت بدي حاكي اخوكي ضروري فهمانة قلبي صار يدق كثيرر انا : شو بدك باخي ؟؟ عمااد: مفكرة اني رح اتركك تضيعي من ايدي مرة ثانية .. هلمرة ما في تهربي بدي اتزوجك .. لازم نتزوج بدي كمل حياتي معك .. انتي خلقتي لتكوني قدري انا : انا كمان بدي عمااد : مين قلك عم اخذ رايك؟؟ فرطنا ضحك .. يومها قضيت يوم حلو كثير مع عمااد .. اجمل يوم بحياتي و كانو بس مبارح فترقناا .. حكينا كثير كثير عن حالناا .. و اخيرا رجعني ع المطعم مشان اخذ سيارتي عطيتو رقمي و تودعنا بعدين صار لاقحني حتى باب البيت مشان يعرف وين اسكن .... _______ فتت ع البيت مبسوطة قد الدنيااا ...لقيت رياض و امو كمان مبسوطين ام رياض : تعالي حياة ..يوم السبت رح نروح نطلب ايد بنت لاخوكي انا :شششششو؟؟ ياسمين ؟؟ هي : كنتي تعرفي انا : استني استني رح اتصل فيها .. بس طلعت ع موبايلي لقيت كثير اتصالات منها بس من كثر ما كنت غرقانة مع عمااد ما سمعت اتصالها .. ام رياض : شو هلفرحة يلي بعيونك انا : ولا شي ام رياض : لك وشك منور اليوم خيرر انا :ولا شي ولو رحت سكرت ع حالي بغرفتي .. تصلت بياسمين لقيتها مصدومة ههه .. قالتلي انو رياض طلب يحطبها وما بدو علاقات بدون رسميات ..كانت مبسوططة كثير ..حكيتلها كلشي صار معي صارت تصرخ من الفرحة ..حكينا لساعاااات .. ع تليفون ع فايبر .. ع سكايب ع كلشي .. بهديك ليلة تصل فيني عمااد .. حكينا شوي بعدين قلي انو بدو رقم اخي مشان يحكي معو و يجي يخطبني ..ماكنت متاكدة و توترت و قلتلو اكيد امك ما رح تقبل فيني .. بس هو اكدلي انو هلمرة رح يكون كلشي غيرر ... ________________ يتبع

 

[افنان و رياحين]

25 و قبل الاخير ) __________________________________________
بهديك ليلة تصل فيني عمااد .. حكينا شوي بعدين قلي انو بدو رقم اخي مشان يحكي معو و يجي يخطبني ..ماكنت متاكدة و توترت و قلتلو اكيد امك ما رح تقبل فيني .. بس هو اكدلي انو هلمرة رح يكون كلشي غيرر ... _______________________________ اليوم يلي بعدو رحت ع شغلي كان معنا سفرة ع ايطاليا ..كان دايما يجذبني محل هنيك كثير حلو يبيع بس ساعات ..كل ما كننت مر عليه كنت قول لياسمين ياريت لو يجي يوم و اشتري ساعة من هون لعمااد مشان شي يلي عملو معي .. الله عطاني هاي الفرصة و تحقق حلمي .. دخلت شتريت احلى ساعة لعمااد ك هدية و شتريت لاخي كماان ..كنت كثير كثير مبسوطة .. انا عماد ما شفنا بعض ليومين لانو كنت بالشغل .. كنت كل ما يكون عندي وقت راحة بحكي معو ... و اخيرا رجعت ع البيت و رحت انا و رياض وامو لحتى نطلب ايد ياسمين .. امها كانت انسانة رائعة ستقبلتناا منيح بس شفتها تحكي بهديك الطريقة شكرت الله لانو حسيت انو الله بعث لرياض احلى هدية و عوضو عن كلشي .. و اخيرا قبلت امها و ما كان معا مشكلة بالكنية تبع رياض كان بدها بس رجال يحب بنتها و يهنيها و يحميها و يعوضها حنان ابوهاا .. ياسمين كاانت عم تنط هون و هون من الفرحة و قضينا يوم يجنن سوا ... ____ اليوم يلي بعدو كنت بعطلة .. قضيت مع عمااد كل يومي من صبح للمسا .. كنا نضحك باعلى صواتناا تسلينا كثير و تضاربنا و تقاتلنااا .. بس كنت كثير كثير مبسوطة .. بس المسا عمااد قلي لازم يروح لانو معو شغل ضروري .. بس طلعنا ع سيارة عطيتو الهدية .. عمااد : شو هااد؟ انا: هدية كنت اتمنى دايما اهديك ياهاا عماد: مممم رح اقبلهاا بس بشرط انا: شوو ؟؟ عمااد : رح تقبلي بهديتي كمااان .. كان بدي اعملك ياها مفاجاة بس يلا .. انا : شو هي ؟؟ شفتو حط ايدو بجيبتو .. قلبي كان يدق كثيرر .. طالعلي احلى خاتم وقلي عمااد: و هاااااد امتى بدك تلبسيه بقا ؟؟ انا : مو نفسهااا عمااد : كان بدي غيرها .. الاولى صار الها ذكريات بشعة .. بس هاي متتاكد رح يكون الها ذكريات حلوة انا: عمااد حبيبي .. انا ماني مستعدة فارقك ابداا .. بس خايفة حبيبي .. امك...... عمااد : هلمرة امي ما رح تسبب ولا مشكلة .. ضيعت كل هلسنين بلاكي بسببها و وعدتني لانو رح تقبل هلمرة .. بس الها امنية صغيرة انا: شو هي ؟ عمااد : قالتلي اذا بدكن تعيشو لحالكن ما معي مشكلة .. بس كثير تتمنى انو تشوف ابنها و مرتو ببيتها .. قالت انو رح تعطينا طابق من الفيلاا .. انا: بعيش معك وين ما بدك يا عمري عماد : منيح كثير .. طيب امتى فيني احكي مع اخوكي ؟؟يلا نروح هلا شو رايك؟؟ انا: هلاااا !!!! عمااد : اي باخذك لبيتكن و بعد كم دقيقة بتصل فييه و بحكي معو شو رايك انا : ما بعرف ..... عماد : ما تعرفي ؟؟؟ ما بدك تتزوجيني حياة ؟؟ا انا: عمااد متاكد؟؟ انا وحدة مطلقة .. بتعرف مجتمعناا .. اكيد رح يكون في حكي .. رفقاتك عيلتك يلي حواليك ... عمااد : جنيتي ؟؟ انا بتركك مرة ثانية ؟؟ و بعدين ااذا مطلقة .. شو رح ينفعوني الناس اذا بيحكوو انا : بس في شي لازم تعرفو عمااد لما كنت عند ... عمااد : يا الله هس .. ليش ما تفهمي انسي الماضي لك حياة ما عطاني فرصة اني احكيلو انو لساتني عذراء و حمزة ما لمسني ابداا .. _____________
ما تركت عمااد يحكي مع رياض بهدااك اليوم بس باليوم يلي بعدو عمااد اجا صبح وصلني ع الشغل و بعد كم ساعة اتصل فيني عمااد : حبيبتي رايح شوفو هلاا انا: ما قلك من وين اخذت رقموو؟؟ عمااد: قلتلو كلشي انا: جنيت ؟؟ شو رح تقلو عماد : رح قلو انو بحبك و بدي ياكي بالحلال و رح قلو انو كنا مخطوبين من قبل و فرقونا ..ما بدي كذب ع اخوكي و احكيلو حكايات عن جد ما يستاهل و متااكد رح يفهمني انا: انا اصلا حكيتلو من زماان اني كنت مخطوبة لشخص ثاني عمااد :اها كثير منيح لكان .. انا : حبيبي لازم سكر هلااا رح نطلع ع طيارة عمااد : بس توصلي تصلي فييني و بس ترجعي كماان اتفقناا انا :اوك حياتي انتبه ع حالك كثير بحبك عمااد : لا تبلشي هاا .. هاي انتبه ع حالك و بحبك انا كثير بخاف من طيارة انا : هههه ..لك دخيلو يلي يخاف عليي .. يلا دعيلي حبيبي عمااد: الله يسهلك حبيبتي ... بس توصلي اتصلي لا تنسي انا: اوك حياتي لما رجعت من الشغل ما اجا ياخذني عمااد بس رياض يلي اجاا و بس طلعت معو قلي رياض : اليوم اجاا شخص يحكي معي مشانك انا: ....... رياض :انتي عطيتيه رقمي .. يعني بتعرفيه انا : اي بعرفوو رياض : انا رافض حياة انسيه انا: شووووو؟ رياض : ههههههه .. بمزح بمزح لا تتحولي فجاة .. لك مو مصدق كيف ابي رفض هيك انسان و زتك عند وااحد ما يسواا ..اصلا امي حكتلي كلشي انا : شو قلتلو ؟؟ رياض : يوم الاحد رح يجي مع اهلو كان بدي نط عليه و بوسو .. بس ثقلت حالي شوي ههه انا : عجبك لكان ؟ رياض : عجبني لانو ماكذب عليي وحكالي كلشي .. مبين انو انسان قد مسؤولية انا: اي صح .. رجال و نص.. رياض طلع فيني بالمقلوب لانو شافني تحمست .. بعدين هديت .. نسيت انو هااد اخي يلي عم يحكي معي... ام رياض كانت كثيرمبسوطة مشاني و قالتلي هي : صبرتي و بالاخير تحقق حلمك يا بنتي .. يلي خلق بعمرو ما يضيع .. _
مرت الايام بسرعة .. اجو اهل عماد يخطبوني .. عمااد كان كثير كثير مبسوط .. و ابوه بس شافني عانقني مثل بنتو .. عمااد كان يبتسم معي كل شوي بعدين يطلع برياض اذاا عم يطلع فينا ههههه .. ام عمااد ما كان مبين عليها كثير مبسوطة بس كانت طبيعية ... ام رياض كااننت تحكي كثير منيح ونبسطت فيها ..ام عمااد كانت تطلع بالبيت و بالغراض يلي بالبيت .. و لانو ام رياض كانت تعرف كل قصتي ف صارت تقلها .. انوهاي حياة جابتها من صين و هاي من سنغال و هااي من ايطاليا .. ما كان بدي امو تقبل فيني لاني وضعي منيح بس تمنيت لو انو تحبني مثل ما يحبني ززوجها .. بس شو بدي ساوي المهم قبلت فيني و ما رح تحرمني من عمااد مرة ثانية .. ما كان بدي خليه يختار بيني و بين امو .. بس عمااد يستاهل اني اقبل كلشي مشانو لانو بحبو كثير .. و اخيرا طلبو ايدي رسمي... وتفاهمو ع شروط .. رياض قلن انو ما بدنا شي غير سعادة حياة بس ام عمااد اصرت انو لازم تجبلي المصاري و ثياب و كثير شغلات .. ما بعرف ليش هيك حسيت بعيوناا انو لساتها عم تورجيني انو هن احسن مناا .. بس مع هيك طنشت مشان ما ارجع اخسر حبيبي .. ام رياض كنت انسانة كثير قوية و عرفت ترد عليها .. قالتلها انو حياة تشتري كل ثيابها من اروبا و مانها محتاااجة للثياب وبرفاناتت ..بيكفي المهرر ما كان بدي نوصل لهيك نقاش لانو انا بعمري ما خجلت اني قول كنت فقيرة .. بس هلا الحمد لله الله عوضني عن كلشي و احلى شي انو رجعلي رجالي يلي بموت عليه .. قررنا انو نعمل حفلة صغيرة للخطوبة و مشان يلبسني الخاتم .. كنت لابسة فستان بيجنن .. عمااد كان كثير مبسوط .. ضلينا نضحك كل السهرة .. عزمت ابي و حاولت اني سامحو شوي .. اجا بس هو ونايلة .. امي ما رضيت تجي زعلت شوي بس ماكان بدي اخرب سهرتناا .. عزمت شوي ناس يشتغلو معي و بنت الختيارة يلي ساعدتني بحياتي كثير ..هدااك اليوم نبسطنا كثيرر .. حبيبي كان كثير حلووو و خلاني اكل كاتو من ايديه و انا كماان ... بعد هاي الحفلة بلشنااا نحضر مشان العرس .. امو عزمتناا ع البيت عندهاا .. شفت الطابق يلي رح نعيش فيه .. غرفتين و صالون و مطبخ و حمام .. كان كلشي حلو و مرتب .. بعد كم يوم رحنا نشتري غراض لللبيت .. عمااد خلاني اختار كلشي ع زوقي .. كنا كثير كثيرمبسوطين الحمدلله .. بعد كم يوم .. رحنا ع المحكمة مشان عقد القران .. كنا كثير مبسوطين و اخيرا صرت مرتوو ... و بعد يومين الرجال راحو عملو الفاتحة بالمسجد و عملنا حفلة صغيرة نبسطنا فيها كثيرر .. بهدااك اليوم ياسمين كانت معي بالغرفة مشان تزبطلي مكياجي .. عمااد تصل فيني و قلي انو بدو يشوفني.. اجا لعندي و ياسمين راحت ..بس شافني ضمني بقوة و قلي عمااد : يا الله صرتي مرتي ..كان في دمع بعيونو .. كنا كثير مبسوطين بس بالاخير طفشتو قلتلو ما بيصير هلا ييجي اخي يلاقيك معي بالغرفة ههه تفاهمنا انا و عمااد انو نعمل عرسنا سوا .. عزمناا كثير عالم .. كان بدي روح اعزم عماتي يلي طردوني من البيت لحتى يشوفو وين وصلت .. انو الدنيا بتدورر و الانسانة يلي حتقروهاا صارت احسن منن .. رحت بسيارتي هدااك اليوم لبست احلى لبس و احلى بارفان .. بس فتت نصدمت بشوفتي عزمتني فوت لجواا .. عطينا الكرت تبع العرس .. صارت تطلع فيني مصدومة بس مع هيك ما حاولت اتكبر عليها هي و بناتها بس لما كنت طالعة قلتلها ... انا : لا تنسو لبسو منيح رح يكون في كثير عالم مستواهن عالي ... انا جواتي ماني هيك بس كاان لازم فش خلقي فين مشان يعرفو قيمتي .. ________________________________________________ يــــــــــــــيوم العـــــــــرس .......+ ........ ________________________ يتبع

 

[افنان و رياحين]

_الجزء الاخير

_____________________________
بيوم العــرس كننت اسعد بنت الكون ..حضرت حالي و لبست فستاني الابيض مشان يجي ياخذني حبيب احلامي ..بس اجا لياخذني نزلت تحت جناح اخــي ..الانسان يلي انقذ حياتي .. الانسان يلي عتبرتو هو الاب الحقيقي.. الحمدلله .. الله عوضني باجلى اخ بالدنيااا .. عرسي كان يجنن .. كانو الكل حواليي .. ام عمااد كانت مبسوطة رغم كلشي .. كان في عيلة عماااد و كان في عيلتي..ام رياض ورياض و ياسمين و امها و شويرفقات من يلي يشتغلو معي.. ابي اجا هو و مرتو و رغم كلشي انبسطت بشوفتهن ..نايلة حبيبة قلبي ما فارقتني ولاثانية ..حتى عماتي بعد من ساعة اجو .. بالاول نصدمت بعدين رحبت فيهن مثلن مثل ايا حداا.. ططول العرس و انا عم اضحك و مبسوطة و عم سلم ع هااد وهااد .. هليوم كان اسعد يوم بالنسبة الي لما العرس خلص .. انا و عمااد رحنا ع بيتناا يعني ع بيت حماتي .. ما رضينا نروح ع هوتيل لانو بعد يومين رح نسافر مشان شهر عسل ... و اخيرا صرنا بغرفة لحالناا .. فجاة حسيت بلخوف و التوتر .. اجا عمااد باسني ع جبيني وقلي عمااد : ليش هيك متوترة حبيبتي انا: خايفة عمااد عمااد : من شو يا عمري.. قعدت انا و عمااد جنب بعض .. حكيتلو كلشي و قللتلو انو كان بدي كل يوم قلو هشي بس هو ما تركني .. قلتلو انو حمزة كاان انسان وسخ و ما لمسني ولا يوم ولا قرب من جسمي .. بالاول عمااد نصدم بعدين نبسط كثيرر عمااد: يا الله مو مصدق حبيبتي .. يعني انتي خلقتي لالي و ماحدا قرب منك ابداا انا : اي و الله يا عمري .. هاادهو قدرناا .. الباقي من السهرة كاان خاص شوي ..بس كان اسعد يوم بحياتي .. الصبح بس فقناا سمعت اختي عم تدق ع الباب و تقلي انو الفطور عند الباب ... اكلنا سوا انا و حبيبي بعدين كان لازم روح عند الحلاقة انا و ياسمين مشان ساوي شعراتي ..بس الغطاا ييلي نمت عليه ما لقيت كيف بغسلو لانو ماكان معي غسالة .. خبيتو بالحمام لبين ما ارجع .. بعدين اجت ام عمااد سلمت علينا و باركتلناا .. وصلني عمااد عند الحلاقة لانو هدااك اليوم كمان عملنا حفلة صغيرة مع العيلة و بس ... بس لما رجعت ع البيت ام عمااد فتحت عليي الباب و قالتلي انو بدها تتحكي معي بشي خاص هي : لما طلعتو رحت ع غرفتكن و لقيت الغطاا بالحمام ..... اانا : اي فهمت شو بدك تحكي هي : بس ما فهمت .. مو كنتي متزوجة .. طلعت معا ع غرفتي و حكيتها بشكل عالم شو يلي صار معي .. لاول مرة ام عمااد نبسطت و ضمتني .. فهمت انو بدها تروح تخبر عيلتها بهيك خبر ...و اخيرا انا و عمااد رحنا شهر عسل .. و بس رجعناا بلشت انا شغلي و هو شغلو كمااان .. كان كثير يشقلي بغيابي و انا كماان ..حسيت انو هلمهنة عم تسرقني منو كثيرر ...بعد كم شهر انا صرت حامل .. عمااد كتير كان مبسوط بهيك خبر و حتى اهلو .. قررت اني وقف لفترة و اخذ عطلة مرضية طويلة ... مرت الايام وصررت ست بيت ..كنت حامل و كثير حساسة ... كنت كل يوم نظف بيتي و انزل لتحت ساعد ام عماااد ..بيوم كنا قاعدين كلنا ع الغذا ابو عماد قلي هو : يا بنتي مانك مجبورة كل يوم تنزلي تاكلي و تنظفي البيت فوق و تحت ..انتي هلا الك حياة خاصة حاولي تستغليهااا مع زوجك و البيبي يلي ببطنك ... بعدين قال لمرتو هو : و انتي لا تخليها تساعدك كل يوم بالبيت ..... انا :لا ابي .. لا تحكي هيك ..مو هي يلي تطلب مني بس انا بحب هيك جو عائلي .. بالاول كنت عيش مع ستي الله يرحمها ..وهلااا صرتو انتو كل عيلتي لاني كنت حساسة كثير صرت احكي و ابكي .. ام عمااد قامت و عانقتني .. علاقتي معا كثير تحسنت .. صح مرات يكون في مشاكل مثل ايا بيت ..بس كنت احترما و تحترمني .. اليوم صار معي ولد يشبه ابوه كثير بكل الملامح .. هو و عمااد صارو كل حياتي ..ما ندمت ابدا اني تركت شغلي لحتى اهدي كل باقي حياتي لزوجي و ابني .. لانو انا عشت بلا ام و بعرف شو يعني .. الحمد لله قدرت رتب اموري و ما خلي عمااد يغار من ابنو ولا العكس هههه. ________________________
انا كتبتلكن هلقصة بدون ما خبر عمااد .. كان كل ما يطلع للشغل بقعد ع لابتوبي و اكتبلكن .. اجا يوم و عمااد شاف كلشي .. بالاول زعل مني شوي بعدين فهمتو انو هشي يخليني ارتاح اكثرلما فضفض و احكي.. الحمد لله تفهم عليي و كان بدو يقراهااا .. عماد ما يحب احكيعن الماضي و عن حمزة وعن شي يلي عشتو زماان ..بس الانسان دايما يحتاج شي ساعة لحتى يتذكركيف كااان و كيف صارر .. تشكرت الله كل يوم ع شي يلي هداني ياه ..بعد ما خلصت هاي القصة عمااد قراها كلها ..مرات بشوفو عم يضحك و مرات بشوفو تعكرر .. انا هلا مرا كثير مبسوطة ..مبسوطة لاني نجحت بحياتي .. مبسوطة اني صرت ام ..عايشة بالهنا مع زوجي و عيلتو وابني .. بس هشي ما يخليني انسى شي يلي عشتو بالماضي و كل ما اتذكرر بسجد و بشكر الله .. ________________ ياسمين و رياض تزوجو الصيف الماضي ...بعد ما جبت طفل .. صار في تواصل بيني وبين امي و ابي .. صح انو علاقة شوي باردة بس مع هيك ما حبيت احرم ابني من ستو و جدو .. ابي كل ما كنت اخذلو ابني بحسو صار انسان ثاني .. كثير حنون وكثير رايق .. بعرف انو ما حبني بيوم بس الاهم انو يحب ابني ... ___________ قبل ما ودعكن بعرف انو عم تتساءلو ع ليلى شو صار معا .. مرة كنت بالسيارة مع ابني و نزلناا لحتى نشتري كم غرض .. كنت حاملة ابني بايدي حتى سمعتناا نادتني هي :حياةة !!! من وقت شفتا اخر مرة ما بقا الصدفة جمعتناا .. سلمنا ع بعض .. ما حسيت حالي اني لسا حاقدة عليها ولااا انو لساتني بحبها مثل ما كنت .. يعني شعور باردكثير ..حكيتلها اني تزوجت مع عمااد و انو هلفصعون ابناا .. ما حاولت اسالها عن حياتهاا .. طلبت انو تاخذ رقمي مشان نرجع نتواصل بس رفضت و رحت و تركتاا ما كان بدي رجعها ع حياتي ... ________________ و اخيرا بدي قلكن اسفة مشان الدموع يلي سببتلكن ياهن ..اكيد في منكن كثار عم يقول انو معقول هلقصة واقعية ؟؟ .. بدي قلكن انو اي كلشي صار معي حكيتلكن ياه بالحرف .. انا كتبتلكن قصتي مشان فضفض يلي جواتي ومشان انتو تتعلمو منها كثير شغلات ...يعني اذا صدقتو هاي القصة ماشي و اذا ما صدقتو كمااان مو مشكلة ..المهم انا و يلي حواليي يعرفو كلشي عشتوو... و اخيرا بدي قلكن انو ابداا ما تقطعو الامل _ حياة يلي عاشت العذذاب الله عوضها باحلى دنيا _ حياة يلي عاشت بدون اب و ام الله عوضها باحلى اخ و باحلى عيلة _ حياة يلي شتغلت خداامة بيوت الله عوضها باحلى شغل و احلى تجربة _ حياة يلي فقدت حبيبها .. ضلت دايما تتمناه جواتها حتى اجا اليوم و الله حققلها حلمهاا .. _ حياة تحبكن كثير و تتمنالكن السعادة و تتشكركن ككثير لانو سمعتوهاا ... _____________________________________ انتهت

 

[ام يارامرام]

تسلمي حبيبتي احلى قصة صاحبة القصة جزائرية!!!!!!

 

[أم عمر العمانية]

يالله لأي درجة تعذبت هالبنت??

حسيت نفسيتي تعبت?
أتمنى يكون عندي مثل هالقوة اللي عند حياة

دخيييييلك أفنان ورياحين تكمليلنا القصة اليوم
ما فينا صبر ننتظر
بلييييييييييييز ننتظرك??

 

[أم عمر العمانية]

والله دار راسي ما شفت هالصفحة??

راح أرجع أكملها??????

 

[أم عمر العمانية]

كملت الرواية والدنيا ما واسعتني من الفرحة?


حقيقي فرحت من أعماق قلبي


هذه أروع قصة قرأتها في هذا المنتدى

 

[ام يارامرام]

يالله لأي درجة تعذبت هالبنت??

حسيت نفسيتي تعبت?
أتمنى يكون عندي مثل هالقوة اللي عند حياة

دخيييييلك أفنان ورياحين تكمليلنا القصة اليوم
ما فينا صبر ننتظر
بلييييييييييييز ننتظرك??

خلصت حبيبتي القصة انها اجمل قصة قراتها