انتي مميزه عقلانيه زوجه رائعه تفضلي حياك

[بدور الوحده]

السلام عليكم
كيف الملكات بمنتدانا الغالي فكرت وفكرت اني افتح موضوع نتساعد فيه ونعرف كيف نكسب ازواجنا خاصه واني وغيري كثير من البنات لسه جديدين على الحياة الزوجيه انا مملكه من فتره بس كثير تحصل مشاكل لي مع زوجي لاني كنت عايشه حياتي مثل ماابغى والحين احس اني مقيده شوي وماني لاقيه احد ينصحني بنصائح تفيدني في حياتي قلت في نفسي مالي غير الله ثم الملكات الحلوات هم بيساعدوني انا وكثير من البنوتات وحتى المتزوجات مع الاصرا ر ممكن تعودين زوجك على الشي الجديد الي تبغينه مثل ماقالو زوجك على ماتعوديه بس المشكله على ايش اعوده يالله لاتحرومنا نصايحكم وتذكرو الاجر الكبير الي راح تحصلوه انشاء الله :clap:

 

[مُحبةالطفولة]

صباح الخير بدووره الحمد لله الذي رزقك زوجا فكوني معه مثل ما تحبين انه يكون معاك واعرفي ان الحياة الزوجيه في بدايتها قد تكثر فيها الاختلافات بين الزوجين الى ان يتم التعارف الكامل بين الزوجين واقصد تعارف الاطباع والافكار ولين يفهم كل طرف الطرف الآخر ويمكن تاخذ هالفترة سنتين حسب الدراسات و واذا وقعت في اي اشكال بينك وبين زوجك كوني انتي العاقله الحريصه على العلاقه ولاتحاولين تحكين الخلاف لشخص تحسين انه من الممكن انه يزيد المشكله بينكم لان تدخل اكثر من طرف في المشكلات بين الزوجين قد يكون من اسباب الطلاق بينهم والعياذ بالله ولا تفكرين ان الارتباط بزوج يعني انه نوع من انواع القيود بالعكس انتي الحين حره في كل شئ في الخروج معه واللبس له وكل ما تتمنين تقدرين تسوينه طبعا بعد رضاه ودائما حسسي زوجك بانك انتي الزوجه الصالحه فعلا اللي ربنا يحبها لان اختارها وإبدي استعداد دائم للتغيير للافضل فمثل ما انتي حابه تعودينه على اشياء معينه فأكيد هو له نفس الامنيه وهذا الشي ماراح يتم الا بتنازل بسيط من كل طرف وترى الزواج حب ومتعه احرصي عليها وحافظي عليها وبقدر اهتمامج فيها انتي راح تكونين اول الرابحين انشالله واتمنى لج حياة الصالحين والسلام عليكم

 

[بدور الوحده]

مشكوره اختي توووووت بارك الله فيك
معقوله كل هالملكات ومافيه ملكه عندها نصيحه لو بسيطه افااااااااااااااااااا ليش كذا بس

 

[بدور الوحده]

مشكوره اختي توووووووووت على الرد
معقوله كل هالملكات ولا ملكه عندها نصيحه حلوه افاااااااااااااااا والله ليش كذا

 

[haneen]

حبيبتي الله يوفقج مع زوجج ويسخره لج-اللهم آمين_
بقولج نصيحة الأم لبنتها (كوني له أمة يكن لكي عبدا) يعني لاتقصرين معاه بأي شي من حقوقه بالذات حق المعاشره واللي لاحظته إن الزوج حييييييييييل ترتاح نفسيته بهالشي:redface: ويكون الوقت المناسب إنج تطلبين منه الي تبين أما إذا رفضتي الله يعينج عليه بينتقم منج بأمور ثانيه:a115: من رفض للطلعات وحرمان من الابتسامات:busted_red: وعصبيه على أي شي:icon28: وغيره وراح تلاحظين هالشي وهذا الكلام مو بس من تجربتي حتى من تجارب زميلات وقريبات..
(الجوع ملهبه وتنقيص النوم مغضبه) فدايما جهزي له الوجبات ولا تتأخرين بتحضيرها خاصة بوقت جيته من دوامه وحاولي توفرين له الهدوء بالبيت لانام ولاتضايقينه بشي أو بخبر بوقت نومته ..:a227:
(طبعا..لايشم منك إلا أطيب الريح ولاتقع عينه منك على قبيح) المشكله إنه في بعض الزوجات تهمل نفسها بوقت الدوره وتفوح ريحتها بالأعشاب وغيره وتتشيل وتلبس طويل وتنسى قمصان النوم وعلى قولتهم كنها جايه من البر..:bigsmile:
(لا تقولين له كل شي حاولي تكونين غامضه بالذات بالأمور اللي تخص أهلج:a144 في وحده أعرفها ماخلت شي عن أهلها وأخوانها الا وقالته لزوجها بالآخر صار يعايرها فيهم..
(كوني له صديقه) :c018:اسمعي له وقولي رايج واضحكي معاه مو بس بأول الأيام هالضحك.. عيبنا مع رفيجاتنا شحلاتنا ملايكه!! النفسيه حلوه ونجامل بحيث مانزعلهم ونساعد لا بغوا شي منا بدون تردد ونسمع لهم بدون ضيق من مشاكلهم أما مع أزوجنا لا قال شي وشكالج تقولين له(خلك أحسن لأنك ماطعتني لو ولو....) ولا طلبوا مساعده ومروا بضيقه ماديه على طول تتشنج الأعصاب ويزيد الخوف وتسألين عن المقابل ولا ساعدتيه أنا سويت وأنا فعلت ولولاي ...
(زوجج جنتج ونارج) وله حق كبير عليج ماعليج من كلام الحريم عوديه وربيه أهم شي لايقصر معاج بحقوقج من ملبس ومأكل :essen:ومشرب وكل حق لج مابيضيع إن شاء الله لا قمتي بواجبج تجاه ربج سبحانه وطعتي زوجج بيوفقج رب العالمين ..
(تسلحي بالدعاء) لا ضاقت فيج الأرض مالج غير رب العالمين اللي أرحم من الأم لضناها خاصة بالسجود وقيام الليل وبين الأذان والاقامة وتحري أوقات الاستجابه والله عز وجل بيكون عند حسن ظن عبده..
(مشاكلج لاتطلع برا غرفتج:a049 حتى للوالده والاخوات ومن كتم سره ملك أمره..ولا تخلين حياتج كتاب مفتوح الكل يقراه:e094:..وناستج وطلعاتج مع زوجج مابتستفيدين شي لاقلتي حق العالم غير عيونهم الحاسده وحزنج وضيقج مثل ماقلتلج مايزيله الا رب العالمين الناس لا تدخلوا بمشاكلج بيزيدونج ضيق وحقد على زوجج ولا تصالحتوا قالولج مايندرى عنه نسيتي شسوى وشفعل؟!:sly::sly:
ان كان زوجج مقصر معاج ادعيله بالهدايه والله سبحانه قادر يغيره من حال لحال ..
مادري اذا نسيت شي ان شاء الله الخوات بيكفون ويوفون..:nosweat::c028:
والله يسخره لج ويحفظكم..:c016:

 

[ارياف]

ماشاء الله تبارك الله
ياhaneen
كفيتي ووفيتي
:sadwalk::sadwalk::sadwalk::sadwalk:

مني انا خذي هاي النصيحة
ماضيك مهما كان لاتجيبي طاريه ابد...........
واذا سأل ماكنت فاضية لهالسوالف مشغولة بدراستي............
وراح يعيدها اكثر من مرة............. خليك ثابتة ويقنعك انه لازم يدري ..............
احذري تراه راح يعايرك فيها بعدين..

:icon26::icon26::icon26::icon26::icon26::icon26:

وايضا لاتمدحين احد قدامه لاانثى ولا ذكر
خصوصا من اهلك.!!!!!!!!!!!!!!!!!!.........
ولا تسبين احد بعد وخصوصا اهلك واهله!!!!!!!!
خلي كل الناس عندك حبوبين.........
وامدحيه هو دايم........... خاصة اذا سوى شي
خليه يحس انه هيرو بعيونك................. لان الرجل يحب يحس بثقتك فيه .............وانه محل اعجابك وترى الاحساس بالقبول شي مهم عنده


:bigsmile::bigsmile::bigsmile::bigsmile::bigsmile::bigsmile:

وبس هذا اللي عندي الحين واذا تذكرت شي رجعت لك
الله يوفقنا واياك لما يحبه ويرضاه

 

[haneen]

مشكوووووره ياأرياف وانتي بعد ماقصرتي...
وياأخت بدور ترى أنا كنت نفسج خايفه من الزواج وكان ودي أعرف شلون أرتاح وماأنظلم مع زوجي واذاني مفتوحات عالآخر لا سولفت وحده عن زوجها سواء بزين أو شين...
كله عشان أنقي المفيد و(اللي عقله براسه يعرف خلاصه)

 

[حنين الارض]

مشكورين حبيباتي على ها الموضوع الحلو والقيم والاكثر من رائع

والاضافات في الردود وحسن اختيار الكلماااااااااات

انا اعتقد ان الرجل يكره ان يراك امراه فهو يحبك طفله وديعه دلوعه وبريئه
جربيها ستجين النتيجه