انتظر نصائحكم .. وخاصة نصائحك يادكتورة ناعمه..

[مملكتي الصغيرة]

أنا متزوجة وعمر زواجي سنة و4 شهور ولي ولد عمره 6 شهور .. عمري 30 سنه و زوجي 41 سنة. أحب زوجي كثيراً وهو يحبني أيضا والحمد لله حياتنا طيبه وأشعر أن فيها توافق ورغبة في كلاً منا أن نعيش بسعاده وتوافق ولكن مع اختلاف في الطباع والتصرفات والشخصيات وهذا شيء وارد ولابد منه وأنا أحترم جدا طباع زوجي وأعلم نفسي وأروضها على احترامه واعطائه الحب والحضن والاحتواء لاني اشعر انه بحاجة لذلك كثيرا.. تزوجنا بطريقة تقليدية جدا والحمدلله كل شيء طيب ولكن... المشكله أن زوجي طباعه صعبه جدا جدا.. فهو حساس كتوم زعول جدا.. واذا شاف مني أي عمل يزعجوا مايقولي ولكن ... يغيب عني اسبوع أو اثنين أو حتى شهر .. بدون ما يكلمني ولا يسأل عني أنا وابني ... وهذي اكثر صفه تزعجني وتضايقني فيه ... مع العلم اني دائما اقوله بعد ما نتصالح ليش تسوي كذا ؟؟ هذي خصله سيئة جدا.. احس اني اتحمل كل شي الا أن يتركنا كذا ... بصراحه شي صعب..
طيب اذا ماقلي من ايش هوا منزعج كيف اقدر اعرف سبب انزعاجوا ..؟؟ حتى وان عرفت كيف اراضيه ..؟؟
وفيه شي ثاني .. بالرغم من اننا نحب بعض .. لكن إذا سألتوا انت مرتاح معايا .. اعطيتك ماتتمنى ان تجده في زوجتك ... يقول ما ادري..؟؟
طيب ايش ناقص .. يقول ما ادري..؟؟ ايش تبغا ؟؟ ما أدري..
زوجي فيه شي محتاجوا وفيه شي يبغاه بس مهو عارفوا .. وأنا بصراحه احس انوا بحاجه للحب والحنان والدفء والهدوء والاستقرار .. احس انوا محتاج لصدر حنون ومحتاج لعطاء لكن ... للأسف بدون مقابل ...
هذا ما أشعره أنا .. لكن هوا ماعمروا أفصح لي بذلك ... بس أحس اني محتاجه اعرف فين يلقا راحتوا .. عشان اوفرها لو.. نفسي اسمع من زوجي كلمات اتمناها وتتمناها كل زوجه .. نفسي اسمع منوا انوا لقا معايا كل مايتمناه ... ونفسي تكون راحتوا بقربي ..
كيف اتعامل معاه .. كيف احتويه اكثر .. كيف اريحوا وأخليه يعترف بذلك بنفسوا .. هذا هوا ما اتمناه.. ساعدوني ..؟؟

وفيه شي ثاني كمان .. ياريت ألقا عندك يادكتورة ناعمه الحل..
زوجي يشتكي من رائحة فمي ورحت للدكاتره وعرفت ان السبب من انفي .. فيه حساسية واعوجاج في الحاجز الأنفي... واستعملت علاج لمدة 8 شهور وخفت الرائحه ولكن لم تزول نهائيا والحل من بعض الدكاتره هوا عملية جراحية ولكن ليست اكيد ان تزول بعدها الرائحه تماما ..
وبصراحه هذا موضوع مزعجني جداً كيف اتخلص من الرائحه التي تضايق زوجي..

ــــــــــــــــــــــ
احتاج التواصل مع الدكتورة ناعمه جدا هل من طريقة توصلني لها أو أكلمها أو حتى أشوفها في زياراتها لجدة .. أرجوا مساعدتي

 

[مملكتي الصغيرة]

يعني غريبه محد علق على موضوعي؟؟؟

انتظر رايكم افيدوني..؟؟

 

[كبة مقلية]

لا حول ولا قوة الا بالله
الله يهديه