اخواتي العزيزات:
هاذي أول مره اكتب فيها مشكله من مشاكلي في منتدى من المنتديات ولكن ما دفعني للاستعانه بكن هو ما لمسته من رقي العضوات في هذا المنتدى..
انا متزوجه من سنه يعني تقدرون تقولون ما عندي خبره وحابه اني استفيد منكم وتساعدوني ومشكلتي هي: انه زوجي يعطيني مصروفي باليمين ويرجع ياخذه عني بالشمال واصلا هالمصروف اللي يعطيني اياه مب مبلغ كبير 1000 درهم شهريا لكن يوم ينقص شي في البيت واطلبه منه يقول لي انزين بروح اجيبه يوصل لين عند الباب ويرجع ويقولي الفلوس بتنقص عني عطيني 200 او عطيني 300 و اعطيه واحيانا ما اكون طالبه منه شي بس يقول انا ابا اروح المكان الفلاني عندج 100 حق البترول او إذا طلبنا عشا من المطعم او غرض من الدكان وحتى ولو كان هو موجود في البيت يقولي عطيني فلوس وهكذا يطير مصروفي بدون ما اكون استغليته في شي يفيدني كثيرا ما اعتذر من صديقاتي وخواتي اذا قالوالي قومي تعالي معانا السوق لانه من يوصل التاريخ 10 الشهر يا أما ما يكون بقى من مصروفي شي او انه اللي بقى يكون قليل ما يكفي حق التبضع وانا اصلا من تزوجت ما اروح السوق الا ايام الاعياد والمناسبات والغريب انه يعطيني في هاذي الفتره بالهبل ولا ياخذ عني شي.
يمكن تقولون انه زوجي بخيل بس برد واقولكم بالعكس ما فيه اكرم منه ولكن ما اعرف ليش يعاملني انا بس بهاذي الطريقه احيانا اقول يمكن اكون انا السبب لاني فهمت معنى المساعده بين الزوجين بطريقه غلط لانه من اول ايام زواجنا كان يطلب مني وكنت اعطيه وما كنت مسويه حساب انه بيستغل طيبتي وبيتمادى في الموضوع لكن الموضوع الحين زاد عن حده اكون احيانا مخططه اسوي شي معين بهذا المبلغ البسيط او اشتري شغله شفتها في السوق او شي من هالقبيل ويخترب كل مخططي مثل اليوم كان باقي عندي مبلغ وكنت مقرره اسوي فيه شي معين بكره وكان فيه شغله ناقصه في البيت وقلت له عنها قالي قومي عطيني فلوس لانه ما عندي وانا الحين مقدمه على وظيفه واخاف اني بعد ما اتوظف يصير مصروف البيت كله علي ارجوكم شوروا علي
اللي عندها حل لمشكلتي تساعدني واريد اعرف من المتزوجات والخبيرات شو هي حدود المساعده بين الزوجين في مصروف البيت.
هاذي أول مره اكتب فيها مشكله من مشاكلي في منتدى من المنتديات ولكن ما دفعني للاستعانه بكن هو ما لمسته من رقي العضوات في هذا المنتدى..
انا متزوجه من سنه يعني تقدرون تقولون ما عندي خبره وحابه اني استفيد منكم وتساعدوني ومشكلتي هي: انه زوجي يعطيني مصروفي باليمين ويرجع ياخذه عني بالشمال واصلا هالمصروف اللي يعطيني اياه مب مبلغ كبير 1000 درهم شهريا لكن يوم ينقص شي في البيت واطلبه منه يقول لي انزين بروح اجيبه يوصل لين عند الباب ويرجع ويقولي الفلوس بتنقص عني عطيني 200 او عطيني 300 و اعطيه واحيانا ما اكون طالبه منه شي بس يقول انا ابا اروح المكان الفلاني عندج 100 حق البترول او إذا طلبنا عشا من المطعم او غرض من الدكان وحتى ولو كان هو موجود في البيت يقولي عطيني فلوس وهكذا يطير مصروفي بدون ما اكون استغليته في شي يفيدني كثيرا ما اعتذر من صديقاتي وخواتي اذا قالوالي قومي تعالي معانا السوق لانه من يوصل التاريخ 10 الشهر يا أما ما يكون بقى من مصروفي شي او انه اللي بقى يكون قليل ما يكفي حق التبضع وانا اصلا من تزوجت ما اروح السوق الا ايام الاعياد والمناسبات والغريب انه يعطيني في هاذي الفتره بالهبل ولا ياخذ عني شي.
يمكن تقولون انه زوجي بخيل بس برد واقولكم بالعكس ما فيه اكرم منه ولكن ما اعرف ليش يعاملني انا بس بهاذي الطريقه احيانا اقول يمكن اكون انا السبب لاني فهمت معنى المساعده بين الزوجين بطريقه غلط لانه من اول ايام زواجنا كان يطلب مني وكنت اعطيه وما كنت مسويه حساب انه بيستغل طيبتي وبيتمادى في الموضوع لكن الموضوع الحين زاد عن حده اكون احيانا مخططه اسوي شي معين بهذا المبلغ البسيط او اشتري شغله شفتها في السوق او شي من هالقبيل ويخترب كل مخططي مثل اليوم كان باقي عندي مبلغ وكنت مقرره اسوي فيه شي معين بكره وكان فيه شغله ناقصه في البيت وقلت له عنها قالي قومي عطيني فلوس لانه ما عندي وانا الحين مقدمه على وظيفه واخاف اني بعد ما اتوظف يصير مصروف البيت كله علي ارجوكم شوروا علي
اللي عندها حل لمشكلتي تساعدني واريد اعرف من المتزوجات والخبيرات شو هي حدود المساعده بين الزوجين في مصروف البيت.
