انا وزجي ولسانه الطوووويل

ه

هدو العسوله

New member
إنضم
2010/07/30
المشاركات
23
آآآآآآآه يابنات مادري من وين ابدا والله من البارح وانا ابكي زوجي لسانه طويل ودايم يلعني البارح قاعد يكلم صديقه وضايقه ولدي قالي قومي وخري مني ملعون الام قدام امه واخوانه دايم كذا وهو مبسوط او زعلان قدام اللي يسوى واللي مايسوى هذي الكلمه على لسانه دايم تناقشنا وطلع وهو زعلان واتصل فيني وما رديت وبعد ما رجع قام يراضيني وقلت مابي منك شي بس فكني من لسانك قال خلاص بس مالك داعي تضايقين امي لاني بكيت وعمتي تحبني وما ترضى علي وعديناها وقال اخر مره والله يابناتاني مو مقصره معاه وعمره ماسمعني العنه او اقول له كلمه شينه ولا مع امه او اخوانه لان كلنا عايشين ببيت واحد وبشهادة اخواته المتزوجات امه شايلتها بعيوني والبيت كله على راسي واليوم الفجر صحيت من بدرياجهز له قهوه وشاي ياخذها للدوام وكان ولدي صاحي ولما شاف ابوه يلبس تعلق فيه وقام يتكلم علي ويلعن ويقول كلام ماعمري سمعته يقوله لاحد اخذت ولدي ودخلت الغرفه وقلت اكتب لكم يمكن تلقون لي حل مع العلم صار لي ثلاث سنوات متزوجه وعندي ولد وحامل بالشهر الثاني وطلعاتي بالقطاره يعني محبوسه بالشقه ونفسيتي تعبانه مره افكر اقوله يخليني اروح لاهلي بالاجازه لكن اعرفه بيقول وامي تتركينها لحالها ولله تعبانه حيل وقاعده اكتب لكم وامسح دموعي خايفه لايصير لي او للي ببطني شي.....
 
حبيتي شكل زوجك مو قاصدك باكلامم لكنه متعود عليه والدليل انه راضاكي ..هم الشباب كثير تري طبايعهم ماهي مثلنا ...يعني لسانه متعود ...ويقول المثل ...حرك جبل ولاتحرك طبع ..يعني زيح جبل ولاتزيح طبع .........

واكتبي له رسالة مشاعر واكتبي مشاعرك فيها ..


واشتري صندوق اوعلبة حلويات ....وحطيها قدامه ..وكل ماسب ولعن روحي جهته وحطي في فمه قولي علشان لسانك يصير حلوووووو.......لانك وسخته لازم تقولي ذي الكلمة يعني لاتعطيه وتسكتين لالالالا ساعتها حيستحي من حاله .تدري في حلاوة مصاص مثل الطراطيع لمن يحطها الواحد في فمه تطلع فرقعات في الفم ..ياليت اعرف وين لانها تأدب مضبوط ....

المختصر حطي في بالك انه عادته ماهو متقصد

حكاية اهلك اصبري في رجال مايحبو روحات الاهل بس كذا ......صدقيني لاتحني وتكثري الطلب ادعي ادعي ادعي كثير والاستغفار والقرآن ......اية اهم استقرار بيتك والاروحة الاهل اصلا اهلك يبون لك الراحة والاستقرار ومستحيل يفضلون انفسهم عليك ...عليك بالدعاءءءءءءء

وأسأل الله لك التوفيق
 
الله يكون بعونك ادعي الله انه يحنن قلبه عليك واسال الله ان يهدي سركم
 
اختي مبين من كلامك زوجك عصبي

وما يقصد اللي يقوله

الكلمه تطلع منه تلقائي

ومتعود على هالشي من زمان


ربي يهديه ويسخره لك
 
الله يهديلك زوجك يارب ويحسن الفاظا
ادعيلو دائما بالصلاح ،شكلو متعود على هالالفاظ،،اذا ما نفع معاه النصح والتذكير بان اللعن خطير ولعن المسلم كقتله وقصة الناقة اللي لعنها صاحبها قدام الرسول صلى الله عيه وسلم فامرو يخليها سايبة وما يستعملها ابدا لانها ملعونة’فهمي زوجك ان اللعن حرام وما يجوز ابدا ،،اذا ما نفع معاه اشتكي لوالدته ويحق لك تهجري ولا تكلميه وشوي شوي انشالله بيبتعد
الله يبرد قلبك ويهديل كزوجك يارب
 
فيه ناس متعودين على اللعن لكن انت لاتستسلمين خلي لك ردات فعل مختلفه مره بوزي ومره قومي ومره تكلمي يعني الله يسامحك او كذا يا فلان برضوه وهكذا لحد ما تخف من على لسانه ثم تنقطع انشاء الله واهلك مافيها شي لو رحتي وغيرتي جو شويه ولايكون عندك انطباع مسبق انه بيرفض لا عادي اطلبي واستخدمي قانون الجذب حتى لو رفض المره الاولى المره الثانيه بيرضى ولا تخضعين لاوامره بالساهل اذا ماعجبك في كلامه شي خليك ريلاكس وبدلع وهدوء طيب ليش كذا او اذا تسمح عندي راي ثاني ماادري توافقني عليه او لا وهكذا
ما اقول غير الله يفرج همك ويسخره لك ويصلح لك ولدك ويتمم عليك حملك ويقومك بالسلامه
​
 
لاتخربي بيتك عشان كلام يطلع من السان مو من القلب والدليل على كذا انه يراضيك لسبك شكل لسانه متعود على كذا بس اصبري وادعي ربك انه ينظف لسانه من الكلام البذي والجارح
 
شوفي ياااقلبي ....باااذن الله مشكلتك بسيطه انتي حااولي تجلسين معه قوليله مابغى احد ياخذ يتكلم فيك او ياخذ عنك فكره سيئه عشان اللعان وذكري بالحكم ....وقوليله مره ولدك حاول ينطق اللعن عند اهلي بس مافهموها وان الشي هذا ضايقك ....واذا مانفع كلمي امه واشكيلها ...وعليك بالدعاء اخر الليل ...ان الله يطهر لسانه من اللعن​
 
حبيبتي روقي وقولي الحمد لله انه يتكلم من غير قصد

انا زوجي كذا يجرحني بالكلام لكن بالنهايه يعتذر ويقولي اذا عصبت

دخل من اذن وطلعي من الثانيه

يعرف نفسه وانا صرت اعرفه


الله يهدي سركم
 
اشكر كل وحدة ردت علي رجع زوجي من الدوام ولا كان شي صار يتاسف هذا طبعه اذا سوى شي يتجاهل ولا يهتم وانا كنت بروح لاهلي علشان اغير جو مو زعل بالعكس انا ما اقول لاهلي على كل شي مزينه صورته بعينهم وكلهم يحبونه يارب يعاملني زي ما اعامله
ارتحت كثير لما شكيت لكم وفعل الحل بالدعاءوالاستغفار
 
نعم ام ميساء كلامها صح لازم يكون لك ردات فعل مختلفه على حسب الوقت لما يقول الكلام هذا وهو مبسوط تكون ردة فعلك قويه ولما يكون زعلان تتكلمي معه بهدوء انه كذا مايصير والله يكون في عونك هذا طبع بتتعبين علشان تغيرينه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل