انا ورفيجتي وزوجيها
- [HR][/HR]
السلام عليكم ورحمة الله وبركاته
انا جديده عندكم وارجو ان تتقبلوني. . . .
لدي صديقه عمري اتخذت موقفا وعملت امرا والمشكله انها سعيده
+++++++++++++++++++++++++++++++++++++++
قريت بعض مقالاتكم وكلها تكسر الخاطر واحزان كثيره وافراح قليله
واللي حياتها زينه تلاقينها مجتهده بالدعاء والتضرع بان ربي مايغير عليها وان يصرف الحريم عن زوجها ومايتزوج عليها . . . . واللي راح معاشها كله او معظمه في تزيين وتدليع وتغنيج نفسها وممكن هذي انجحت بس فتره من الزمن او ل مايصك عمرها 40 اللا والخوف من ان زوجها يتزوج عليها قطقوطه فرفوره . . .
واللي تفتش زوجها بدون مايحس وشاغله نفسها كله فيه . . . . والمشكله والمصيبه اللي تخلي نفسها خادمه له ولبيته ولعياله ولأهله
ومع هذا كله ماتسلم فشبح الزوجه الثانيه قائم للزوجه الاولى بالمرصاد
ومهما فعلت فلن تفلت منه اللا من رحم ربي . .
ويه نسيت اذكر الحالات النفسيه اللي تمر فيها الزوجه الاولى فقط من غيره ناريه وانتقام وبغض وجفاء وحزن وخيانه وووووو
وهو مثل ماخلقه ربي ليس لديه اي مشكله فكل الشريعه في صفه والكل في خدمته . . . .
لقد تزوج زوج رفيقتي عليها وذلك بعد ان اخبرها قبل نيته بالزواج الثاني باسبوع واحد فقط وهذا يدل اما على قرار مفاجيء او قرار سابق ومخطط له . . .
زوجها رجل مثل الرجال اعطاه ربي هبة واستمتاع غير محدود من النساء وان كان في الاصل 4 فالرجل يستطيع ان يبدلهن متى اراد
لا عدة ولا حمل ولا يحزنون
المهم رفيجتي بكت وتوسلت وحزنت ووووووووو . . . ولكن الطلاق مستحيل والسبب الاطفال طبعا المعضله الوحيده بالنسبة اليها وطبعا دائما يقولون لمن تبقى وترضى بانها مؤمنه وان صبرها سوف تجده في الجنه ووووووو . . . دون عابئين بالنفسيه التي تدمرت . . . وعند مرور 7اشهر على زواج زوجها التي عاشتها في كل مره تهاتفني فيها بانها تريد الانتقام منه وان الدين لم يعدل مع النساء وان نفسيتها فقط هو وكيف هو مرتمي بين احضانها وكلما قلت لها التفتي لابنائك وانشغلي بالقرب اكثر من الله توعدني ولكنها بعدها تقول ماقدرت
مسكينه حتى مره خذيتها ومشيتها في حديقه واللا هذا زوجها مع زوجته الجديده توهم داخلين الحديقه . . . . والاخ يفك لها قوطي البيبسي وشايل اكياس مدري ويش هي . .
ياي الله ياخذ عمره حسيت انه زوجي ومتزوج علي حسبي الله عليه . . . المهم وبعدين علشان ماطول عليكم والا رفيجتي بدت تتغير تدريجيا وصارت الضحكه والبسمه ماتفارقها وصار العيال وابو العيال جنتها اي بدت تهتم فيه بس موكثير بس احسن من اول بس العيال لا والله ماشاء الله متفوقين وصار وجهها بشوش . . . . وكل فتره وفتره لما تدق علي تكلمني وكأن الدنيا موسيعتها وانها متندمه على كل لحظه ودمعه حزينه سقطت علشان زوجها ووووو . . . وقلت الحمدلله . . وقلت في نفسي يمكن راضاها . . . ماقلت لها بس كأنه الوضع جذيه . . . . . بدت رفيجتي تقلل من تليفوناتها معاي وبدت تأجل كل شيء ابغى فيه انا ويها نتمشى او نتسوق . . . . وبصراحه زعلت عليها . . وهي قالت لي يالخبله لا تزعلين ولا تحزنين على شيء في هالدنيا ترى ان زعلتي ماراح تلاقين اللي يقولش اسف بصدق اللا وراه مصلحه. . . . . استغربت وتعجبت . . . بصراحه رفيجتي من تغيرت صارت حلوه حيل ونفسيتها ولا احلى عروس . . . .ولما قالت لي هذا الكلام عرفت انه وراها شيء , . ونطرت تقوله وقالته . . قالت انت اكيد ملاحظه اني تغيرت في كل شيء وصرت احسن من الاول بكثير . . .قلت لها ايه صح . . , . قالت تدرين ويش اللي سويته واللي خلاني مرتاحه نفسيا وعنويا وصحيا وذهنيا . . . قلت شنو . . . .قالت بكل هدوء وخفه وسعاده (((( تزوجت! !!!!!!!!!!!!!!)))))))))) تطلقتي قالت لا ماتطلقت اقولش تزوجت
قلت كيف قالت يعني ايش كيف مثل كل الناس اللي يتزوجون وعلى سنة الله ورسوله . . . . .انا قلت خلاص المراه اكفرت . . . وقلت يعني تزوجت على زوجش. . . قالت وهي تضحك ضحكه خفيفه ايه شفيش مافيها شيء عادي . . . قلت حرام ياويلش من عقاب الله حرام . . واشلون هذا وافقاو ماقلتي له انش متزوجه . . . قالت بلى . . . . كيف يوافق هذا حرام هذا زنى . . . .قالت اعوذ بالله من الزنى الحرام اعوذ بالله . . . . قلت وزوجش يدري قالت لا طبعا . . . وليش ماتطلقتي وبعدين تزوجتيه . . . . قالت والعيال منو يجابلهم غيري شفتي اشلون اضحي واعادل بين عيالي وازواجي . . . . . قلت بعدين يجيش ايدز . . . قامت تضحك . . وقلت وان حملتي منو يكون الولد باسمه . . اضحكت اكثر . . . . قلت خلاص انت اكيد كفرت وهذا حرام . . .قالت خلصتي قلتي اللي عندش يارفيجتي ياحبيبتي . . . . قالت شوفي انا ماسويت شيء يغضب ربي . . . وهذا الزواج حلال مئه بالمئه فربي لم يحرم على المراه بان تعدد كالرجل فمن المعروف ان كل ماهو يوجه للرجل من احكام المراه فيه سوا . . قلت لا موصحيح . . . قالت بلى صحيح ولا ترجعين. لأي تفسير لأن كل التفاسير حاطه الرجل فلن تجدي تفسير ينصف المراه . . . قلت موصحيح . . . . قالت كيفش صدقتي ام لا بس اقولش هذا اللي شفته . . . . واي زواج فيه عقد وعهد ونيثاق يكون زواج واذا مافيه يكون زنا . . . . . وتقول اما العيال هو عنده عيال ومايبي عيال وانا عندي والحمدلله بعد . . وكل هذا كاتبينه في العقد , . وموثق بالمحكمه كزوجه ثانيه وهو زوج ثاني . . . وقلت بعدين تمرضين . . . . قالت اما الايدز خرافه فهو مرض كاي مرض مزمن اي كمريض القلب والربو والكلى ووووووو والنظافه زينه . . . . . قلت متى صار وين تلتقون . . . قالت هذا مديري في الدوام وانا اللي اقترحت عليه الموضوع وماصدق خبر ووافق . . . . اما وين نجتمع فاي وقت فهو مؤجر شقه اجتمع انا وياه فيها اللا النوم في اخر الليل كل في بيته . . . . . . واي وناسه وناسه كلماته نظراته خوفه علي ضمته حنانه عطائه ماديا ومعنويا . . . . . وشوفة عينش صارلي الحين 8 اشهر معاه وحالتي وحالة عيالي وازواجي اخر سعاده وهناء
اسم الموضوع : انا ورفيجتي وزوجيها
|
المصدر : قضايا المرأة في الشريعة و القانون
