انا وام زوجي

[خياليه]

السلام عليكم ورحمة الله وبركاته



مساكم الله بالخير جميعا

كيف حالكم ان شاء الله طيبين :icon30:



امهات ومختصات






انا ام جديده

....وعندي بنت وساكنه مع اهل زوجي في نفس البيت ولكن في قسم منفصل

وبنتي هي الحفيده الاولى من الابن وهي الطفله الوحيده في البيت

واسرة زوجي مكونه من الاب والام ... امه انجبت اربعه من الابناء ((بنتين وولدين))
آخر العنقود عمره تقريبا 26 سنه

يعين اللي في البيت كلهم كبار


و ام زوجي

منعها زوجها من الحمل وهي كان خاطرها بعيال
وهي أميه غير متعلمه وحنونه جدا


وانا لما تزوجت ماحملت بسرعه وكانوا ينتظرون بفارغ الصبر حفيد يملي عليهم البيت والين جبت بنتي الله يحفظها


اكيد كانت فرحه للكل


بس المشكله اللي اواجها ان ام زوجي

من النوع اللي تدلل احفادها بشكل غير طبيعي
يعني لدرجه انها تخلي الحفيد يمشي كلامه عليها تعالي تعالي روحي جيبي عطيني
ماتمنع عنها شي


انا بينتي عمرها سنه و4 شهور وحابه اربيها عالصح وماابغاها مدللـه زياده عن اللزم أنا حنونه وصبوره جدا في تربيتها ومااستخدم معاها القسوه أبدا


فماأدري البنت مابيني انا وبين جدتها انا اربي من صوب والجده تدلل من صوب



وانا تعودت اخليها تنزل لبيت جدها تلعب تغير جو وهم يتسانسون معاها بعد وانا اكون فالبيت احيانا اكون مشغوله ماانزل معاها

بالتالي ام زوجي هي اللي تأكلها وتغير لها وتهتم فيها


فماادري سؤالي في بالي دايما اسأله نفسي


س/هل اختلاف التربيه والاسلوب مابيني وبين جدتها ممكن يأثر عليها ؟؟



وبعد في شي لما أنزل مع بنتي لأهل زوجي اشوفها اذا في شي تركض بنتي لجدتها
ماتجي عندي

يعني متعلقه في جدتها اكثر من اي فرد من افراد الاسره الثانييين

انا ماادري هل هذا الأرتباط في جدتها شي عادي لانها توها صغيره وبعدين اذا كبرت بتتغير

انتوا اشرايكم ياأمهات اذا وحده عاشت نفس التجربه


واتمنى ان وحده من المختصات ترد علي ...تفهمني

وشاكره لكم من كل قلبي

 

[فديت ريلي]

انا احس انه هالشي طبيعي انها اتروح عند جدتها لانها اتسويلها كل اللي تباااه.. وادلعها وادافع عنها .. فهي اتحس بالحماية عند جدتها اتعرف انه محد يروم يكلمها.. البنت بعدها صغيره خليها على راحتها لين ماتبدا تفهم بعدين حاسبي على افعالها.. هم من زود الفرحه يدلعونها خليها تدلع لين ماتكبر شوي وتبدا تميز الصح من الغلط..

 

[دندنه]

حبيبتي الله يعينك
الصراحه اني مررره تعاطفت معك
وانا اتوقع ان الاختلاف بالتربيه اكيد راح ياثر على البنت
لكن انا اقول لو تجلسين مع الجده وتتناقشين معها وتفهمينها
وتتفقين معها على طريقة التعامل مع البنت يكون احسن
وافضل وخصوصا للبنت
الله يصلحها ويخليها لك ويعينك على تربيتها

 

[خياليه]

الاخت (( فديت ريلي ))

انا فعلا مخليه البنت على راحتها لانها توها صغيره
بس اللي اسأله ارتباطها بجدتها وتدليع جدتها لها هل ممكن بيأثر عليها ولا بس هاذي مرحله والبنت بتكبر وبتتغير ؟؟

اختي دندن
أي تفاهم أي ككلام اقولج اميه والمعتقدات اللي في راسها هي الصح ماتفهم
كم مره حاولت اكلمها بالطيب والتفاهم (( لاحياة لمن تنادي))
الحين بنتي عمرها سنه و4 شهور هي تظن ان الحليب أفيد لها من الاكل خش تسوي لها حليب وتعطيها
والبنت كبرت مو كله حليب اعطيها فواكه خضروات انوع لها من كل شي وبالاظافه للحليب اكيد بس ماينفع معاها اي كلام


تسلمون على الرد

 

[حنين العراق]

غاليتي

مرحبا بك في قسم الامومة والتربية

ان مشكلتك عزيزتي مشكلة واقعية علينا التحادث في امرها

وايجاد الحلول لعواقبها مهما كانت صغيرة

حبيبتي خيالية

قد وصفت والدة زوجك بكونها عاطفية حنونة غير متعلمة

اولا لا تستهوني فيها فبالرغم من كونها "أمية" صدقيني ستجيدن لديها كم من المعلومات بحكم العمر والتجربة

ثانيا انزلي لمستواها واقصد تخيلي نفسك امراة غير متعلمة

وكونك تعرفينها وتعرفين ولو قليلا عن كيفية وطريقة تفكيرها

تحدثي باسلوبها واقنعيها ان ماتفعله خطأ بصورة غيرمباشرة

لا تفعلي شيئا يجرحهها لانها وكما افدت غاليتي تفيدك عندما تنشغلين عن ابنتك

جربي الطرق البسيطة بالمحادثة

كان تقولي نشر اليوم بالجريدة عن ام لها سبع اطفال ناجحين صحيين وقالت .....اضيفي ماتودين ايصاله لها

لا تقولي اطباء او بروفيسورات فهي لا تؤمن بهم

وهكذا مع قليل من الصبر والمحاولات

ستجدين التجاوب المرغوب

لك تحياتي

ان احتجت اي شئ فنحن هنا للمساعدة

حنووونة

 

[ام القمره]

اتركيها على راحتها والله مصيرها لك وبتكبر ان شالله وتعرف بالفطره

 

[الساجدة لله]

:in_love:السلام عليكم., أختي العزيزه ,أشكري الله نعمه وجود جده..صدقيني مالهم عوض اسألني أنا عيالي بين فتره وفتره ........... يتذكرون جداتهم وا اجدادهم ويترحمون عليهم............... بالعكس حب الجدة شئ عظيم صديقني خلها معاها ترويها من حنانها هذا شئ زين لج انتي في علاقتج مع زوجج ,انتي نفسج تقربي منها اكثرمع الوقت انتي مع الجدة وبوبتفاهم بتوصلون الى حلول.مناسيه لكن انزلي الى مستواها العقلي لا تقلولين اميه صدقيني خبرتهم في الحياه......,وايد زينه استفيدي منها.... اخيرا تمنياتي لك بالتوفيق

 

[خياليه]

تسلمون على مشاركاتكم لي الموضوع

بالعكس انا احب ام زوجي طيبه جدا معاي

وماعمري شفت منها مكروه

بس إلي كنت استفسر عنه

لما يكون في شخص ثاني يربي معاك بينتك او ابنك ويختلف اسلوبه معك


على مممكن يحدث تأثير على الطفل لان كل واحد له وجه نظر

على العموم اشكركم من كل قلبي خواتي الغاليات

وانا بعد مابحرم بنتي من جدتها أبغى لبنتي كل خير وأي شي في مصلحة لبنتي مابمنعه عنها