انا مو متزوجه بس انصحوني

[تلميذه بعدني]

اخواتي..باختصار

أنا عمري 23سنة ..فيه شاب يحبني وأبادله الحب
بس المشكلة الحين انه قالي كلم اخوه الكبير عشان يخطبني
بس اخوه عصب عليه وما وافق وزعل عليه لأنه له علاقة حب قبل زواج
وكلم صديقه وبعد ما شجعه وعطاه كلام ما فيه أمل
وقالي باقي ابوي وانا خاااااايف حدي من كلامه وردة فعله لأني متأكد بعد انه ما راح يوافق والأسباب لأنه هو من منطقة مو نفس منطقتنا يعني شوي بعيدة وأهله لهم عادات شوي غير منغلقين على نفسهم وما يزوجون من بعيد لازم من العيلة او من معارفهم و70% الاب والام يختارون الزوجة لولدهم وبصراحه كلامه جرحني كثير وما بقى فيني أمل انه نكون لبعض وهو الحين يقولي ابيك توافقين لو تقدم لك شخص صالح لأنه شكلنا مالنا نصيب مع العلم اني رفضت بهالفترة شخص عشانه واحسني الحين محتاره وتفكيري دايخ واحاول ابعد العاطفة عني وافكر بعقلي مثل ما يامرني هو بس صعبة كثير علي وادعي ربي لو يطلع لنا بصيص أمل ويرضى اخوه ويساعدنا ويقنع والده .. بس هو يقولي ما ابي اربطك معي وانا مو ضامن شو بتكون النتيجة وانا ادرى باهلي زين..قلت له طيب ليش ما حكيتلي هالكلام من البداية ليش حطيتني اتعلق فيك وارسم معاك مستقبل وانت كنت تشوفني ما صارحتني..قال احنا غلطنا وما حسبناها صح وانا بروحي تعبان نفسيا فأرجوك افهميني وساعدي نفسك وتناسي هالحب.. بس انا تعباااااااااانه حدي وكل يوم اشتاق له اكثر واحس اننا ما سوينا شي عشان ندافع عن حبنا ولا حاولنا كثير مجرد كلمة مع اخوه وكلمة مع صديقه صار يائس وانا اقوله جرب ثاني واحكي احنا حتى ما حاولنا نغير الطريقة عشان نيأس أحس انه ضعيف شوي وما عنده استعداد يضحي لأجلنا.. مرات اقوله خلنا نتزوج واللي يصير يصير ومرات اقوله خلاص لا تغضط على اهلك أهم شي رضا ابوك عليك......وادعوا ربي يهديني للي فيه الخير.. انصحوني شو اسوي

أظل متفائلة ولا خلاص انسى؟

وكيف بنسى وشو بسوي؟​