softqueen

New member
إنضم
1 أبريل 2008
المشاركات
27
مستوى التفاعل
0
النقاط
0
الســــــــــــــــــــــــــــــــــــــــــــــــــــــــــــــــــــــــلام عليكم ورحمه الله وبركاته على عرب زايد وهل والخليج والكـــل

:shiny::shiny::shiny::shiny:


خواتي ... بغيت منكم نصائــــــــح حلوة ...والسموحه تراني مااتقبل نصيحه اي وحده تكون مش فاهمه الحياه الزوجيه اساسا..:schmoll::schmoll::schmoll:


خواتي في الله ... وخاصه الدكتورة ناعمه وجميع الاستشاريات الموجودات في المنتدى ولكل وحده عندها مشكله مع زوجها وكل بنت فاهمه الحياه الزوجيه عدل مدل


ممكـــــــــــــــــــــــــــــــــــــــــــــــن

تعلموني الصح من الغلط... انا مقبله على الزوجا وابي اعرف الاشياء اللي تخليني اتعامل مع زوجي بطريقه صحيحه...

يعني كيف اتعامل معاه واكثر شئ انا اهتم فيه وابيكم تخبرونه عنه اللي اهو كيـــــف اتفاهم مع زوجي واخليه زوج صالح وخاتم في ايدي ع الشئ الصالح ونكون زوجين نبني حياتنا على الحب في الله بدون مشاكل ولا خيانات.. واكون انا الملكه وزوجي الملك:icon31::icon31:

والشئ الثاني اللي ابي اعرفه... كيف اكون حياه اسريه مليئه بالحب بدون ملل وغيره...:icon26::icon26::icon26::icon26::icon26: وياريت من خواتي اللي عايشات حياه حب وسعاده تعلمني الخطوات كيف نت حياتها على اساس الصدق والصراحه والحب والإنتماء


ابي اعرف بعد كيف اخلي زوجي يصارحني باللي في خاطره بدون لألجأ للذل واحن وارن عليه عشان بتخبر ويقول اللي بخاطره ليه...:surrender::surrender::surrender:


انا ماابا ابني حياتي ع الجذب والتعب والمشاكل والالم والدموع وغيره :tears::tears::tears:وعلى فكره بقول لكم انا شو شخصيتي

الحمدلله انا شخصيتي قويه بشكل فضيع وطموحه ومثقفه وماخذه دورات عن السعاده والحب وغيره... والحين بحضر دوره اللي اهي السعاده في الحياه الزوجيه وشهادتها من جامعه اكسفورد ... احب الصراحه واكره الجب والخيانه وحبووبة ووايد اضحك ومااحب ازيد المشاكل او اكبرها.... احب اني اعطي كاش في الويه يعني اللي غلطان غلطان ويتحمل غلطته....



ابيكم تخبروني كــــــــــــــــــــــــــــــــــــــــــــــــــــــــــــــل شئ عن التفاهم والحب والحنان والسعاده PLEASE


والسموحه منكم ويامرحبابكم في صفحتي


:bigsmile::shiny::bigsmile::shiny::bigsmile::shiny:

 

البحر غدار

New member
إنضم
2 يونيو 2008
المشاركات
449
مستوى التفاعل
1
النقاط
0
والله ياعيونى بدك الصراحة بالزواج طول ماانتى مسايرة وحبابة وكل شىء بيقوله زوجك بتوافقيه راح تكون حياتك سمن على عسل بس لما بدك تبدى رايك وتعاكسى الرجل وتكون لك شخصية مستقلة وراى مغاير هنا الطامة الكبرى لانك ستكونيين عدوة لزوجك ولن تنبسطى بحياتك لان رجالنا تريدنا بلا راى بلا شخصية منبطحيين لانخالف لهم راى ولا نعاكس لهم طلب اما حياة الحوار والتفاهم والاقناع قليلا ماتوجد فى عالمنا العربى فاالاولوية للرجل والمجتمع كله مع الرجل لااريد اخافتك لكن ان اردت حياة جميلة لاتعاكسى راى زوجك وان لم يعجبك ووقتها سابصم لك بالعشرة انك ستعيشيين حياة خالية من المشاكل
 

(*Fai*)

New member
إنضم
6 سبتمبر 2007
المشاركات
1,001
مستوى التفاعل
0
النقاط
0
الإقامة
قطر
اول شي الف مبرووك مقدما على الزواج..والله يهنيكم ان شاء الله ويبارك لكم

ثاني شي بغيت اوضح لج نقطه حبيبتي..انتي قلتي تبين زوجج خاتم في صبعج..وانا اعتبر هالمقوله غلط 100% واذا حطيتيها في بالج وحاولتي تسعين لها بتدمرين حياتج لانج بتحاولين تغيرين طباع الشخص اللي جدامج على هواج ومثل ماانتي تبين وكأنج بتربينه من جديد ممكن يتقبل الزوج هالتصرفات في البدايه بس بعدين بيرفضها وبشده لانه بيحس انج تبين تكونين شخصيه ثانيه غير شخصيته بعكس المفهوم الصحيح وهي انج تحاولين تعرفين نمط شخصيته واتصرفين معاه على اساسها ومن خلالها بتعرفين شلون تاخذين منه اللي تبين وهو مرتاح ومتنهي ومايحس انج قاعده تضايقينه بهذا الشي

اقري كتاب أنماك الشخصيه وفي مواضيع كثيره في المنتدى اتكلم عن انماط الشخصيه وكيفيه التعامل مع كل نمط

والله يوفقج
 

Qupcake

New member
إنضم
27 يونيو 2008
المشاركات
40
مستوى التفاعل
0
النقاط
0
الإقامة
Qatar
نصايحي ..احم..احم.... ههههه

الرجال يااهل بعد في سوالف الزواج .. مهما كااااااااان ... وما عنده خبره .. ويمكن لو عنده متعلمها من مصادر ما تدرين صالحه ولا مدمره . فانتي عوديه على شغلات ضروريه من البدايه مثل:

* الحدود وخاصه في الادب ... يعني لو بدا يتطنز او يغلط عليج او يمد يده لا سمح الله .. من اوووووول لحظه قوليله بهدوء وحزم وادب وجديه..مب بدلع او مزح او صراااخ وسب بعد انتي خخخخخ
لا تسكتين وتزعلين على بالج بينتبه او شئ .ززترى الريايل خبر خير ..
اقولج اياها عن تجارب نااس وااايد مب تجربه وحده او ثنتين
قوليله" لو سمحت ..الكلمه هاذي اسحبها .. وما ابي اسمعها منك مره ثانيه حتى لو مزح..اوكي؟"
..
وفي الصرف .. اول شئ قبل ما تتزوجين حطي في بالج ان لازم لما تعرسين يبقى على الاقلللللللل 10 آلاف في جيبج
بس ما تعلمين عنه زوجج ابد ابد ابد ابد ابد ابد ... ويفضل انه في حساب بنكي طبعا!!
وخلي اي شئ تبينه اهو يشتريلج... ولما تدخلين محل وتاخذين شئ روحي عند الكوانتر واذا قال حاسبي
قولي احاسب وريلي عندي ..وخزياااه"..او .."انت الخير والبركه فديتك..ياعلك تسلم"..الخ

بس لو وشوو مهما كان لا تصدقين سناريو" ما عندي " والفيلم الهندي الي يسونه على ديونهم والراتب!!!
ههههه
بس راعي طبعا انتي شوي .. ولا تمصخينها
في نفس الوقت .ز لا تقولين استحي اشتري او اطلب منه !!

..
علشان تعودينه على الحدود بعد.. لان زوجج طبعا بيشاركج حياتج وكل شئ

فعوديه على ان ما ينبش في اغراضج ولا انتي تنبشين في اغراضه !!
مثال : تبين فلوس لراعي مطعم بيجي او للسوق .. قالج محفظتي في الدرج اخذي منها المبلغ الفلاني او شئ!!
لو وشوووووووووووو لا تفجين البووووك !!!!
اخذي البوووك الله يسلمج ووديه لعنده ... وقوليله انت عطني حبيبي .. انا ما احب ابطل او انبش في بوكك ..مب عدله!!

اهو بيستوعب ان في حدود .. انتي محافظه عليها
وبيعجبه هاشئ صدقيني ^_^

...

امممممممم... من ناحيه العواطف
لا تبخلين عليه بالكلام الزييييييين
وخلج تعطييين وتدلعين ... بس مب 24 ساعه .... خل نقول 6 ساعات ..
لان اذا دوم
بيتعود على كلامج وبيصير عنده شئ روتيني !!!

لكن ابخلي يوم .. او ساعات ... طوفي عليه ساعات وخلج بارده ههههه...

علشان يشتاق لكلماتج لا تخلينها بالقطاره
وتعودي بعد انج تمسكينه او تكونين لامسته طوووول الوقت ...
يده في السياره << ان امكن في الزحمه بس هههه نخاف عليكم !!
عند التلفزيون حطي راسج على صدره او امسكي يده ومسحي عليها
لا تقولين استحي ... لان اهو يمكن نفس الشئ ههه او ما يعرف كلللللللش !!

فخلج انتي مصدر الحنان !!!

ودوووووووووووم دووووووووووووم الابتسامه على ويهج وحيويه وسبااركييي... خاصه لما يجي من الدواام او شئ
لان عاده يكونون جاين بمزاج زفت من مشكل او شئ

واسإليه بحنان وحب .. هاه حبيبي شلونك؟؟؟ شخبارك؟؟ اخبار الدوام؟..الخ

...
والاهم اتتي فصخيه ولبسيه ثيابه دوووم !!!!
عوديه انه ما يلبس بروحه ههههه .. بيحب هالشئ !!
والاكل ...اول لقمه تكون من صحنج لفمه وطبعا انتي الي تأكلينه!!!

^_^

...

واي شئ يشتريلج اياه مهما كااان تشيييب
حسسيه انج مستانسه<< المهم جا منه شئ صح؟ هههه..وخل يحب يجيبلج شغلات مع الوقت بيتطور ما عليج هههه
بس انتي بعد اذا في خاطرج شنطه ماركه معينه او شئ مثلا قوليله
البوم دخلت موقع الماركه الفلانيه .. لقيت شغلات عجييبه الصراحه
وطاحت شنطه رووعه في خاطري .. او رحت مع امي السوق .. وشفت بدله روووعه , بس ما عندي قيمتها :(

واشكريه على كل شئ .. وقولي ان الشنطه الي عطاج اياه لبستيها اليوم .. والناس ما شالوا عيونهم من عليه ..
وفلانه مدحته الصراحه ..الخ ..بيتشقق ويجيب لج بعد ههههههه

وتعودي انتي تسلمين عليه وتبوسينه وتضمينه كانج ما شفتيه من سنه كل ما يدخل البيت.. مع الوقت بيجي من نفسه لج إن شاء الله ههههه !!
..
امممممممممممم... بعد شنو..
ايه
من اولها
سوالف الخدم والسواقين عليه اهو يتوالاها مب انتي !!!
وراتبج انتي من اول شهرين تحددينه ... وكل شئ قولي "زيده شوويييي.. انت كريم..واحنا نستاهل " ^_^

ويكون طبعا راتبج ومصرفج غير البيت كلللللللللللش..
لو قصر ماال البيت لا تغطينه بمصروفج ... ولا بيتعود اهو ان انتي تغطينه !!!

والاهم في سوالف الخدم
لو وشوووووووووووو يبي
ماله خص بالخدامه ... ما يكلمهاابببببببببببد .. يبي منها شئ
يبلغج اهو ... مب يكلمها
وممنوع تتواجد في غرفه او فيها ..
وعوديها
ان لو الشيخ داخل ... اهي ما تدخل ول تكلمه اصلا!!!

واساسا لا تسمحين ان انتي تطلعين من البيت
والخدامه موجوده مع ريلج !!!!
انتي عارفه ليش .. ما يحتاي اقول !!
مهما كانت جيرركره او عيوز او اهو ما يطيقها او في غرفه بروحه !!!

...
امممممممممممممممم بعد وشو
ايه
مهما كانت الخدامه تشتغل
خلي يبين جدامه ان انتي الي مشتغله مب اهي .. اهي بس تساعد
يعني الاكل انتي تنجبينه وتنقلينه مع الخدامه وكان انتي من الصبح تسوين علشانه
وباتكيت ولباقه طبعا تقدمين الاكل .. هاي زوجج مب اخوج !!هههههه

...
ومهما لا سمح الله صارت مشاكل بينج وبين اي حد من اهله
لا تجيبين طاريهم الا بخير بـــــــــــــس وامدحهم عنده
علشان لما اهو يسمع من طرفهم المشكله.. بيوقف ياج
ويقول وعلي عليها اهي تحبكم وكله تمدحكم وما تجيب طاريكم الا بخير !!!
هههههه هاي واااااااايد تنفع
^_^

...
وخلج دوم كاشخه او على الاقل شكلج مرتب وحلو

.....

وصدق المثل الي قال
"ابنك على ما تربيه .. وجوزك على ما تعوديه "
والله يهنيج ويوفقج
:)
 

وحدة

New member
إنضم
30 يناير 2008
المشاركات
76
مستوى التفاعل
0
النقاط
0
ماشاء الله عليك أختي Qupcake

والله ماخليتي شي بارك الله فيك... والله أنا استفدت.. أنا يالمتزوجة لي 10 سنوات.. ياليت الزمن بيدي كان طبقتهم قبل... الحمدلله.

نصيحة لأختي softqueen

طبقي اللي قالت لك أختك.

ومهم جدا جدا تحضرين دورة

حوار الكناري

والله يوفق الجميع
 

softqueen

New member
إنضم
1 أبريل 2008
المشاركات
27
مستوى التفاعل
0
النقاط
0
يااااااااااااااااااااااااااااااااااااااااااااااااااااااي وجان استااااااااااااااااااااااانس ماشاء الله علييييييييييييييييييييج اختي وكلكم ماقصروتوا ويااااااااايه ربي يحفظكم


تسلمون لي بس حبيبتي Qupcake

انا اللي اقصده ان يكون خاتم في ايدي ع الشئ الصح...يعني انا اقصد اني اعلمه الشئ الصح من الغلط ونبدأ حياتنا بالصح ولازم ولازم يسمع لي واسمع له...

سوووري يمكن ماقدرت اوضح المعنى... بس انا اللي ابيه ان مايستغنى عن رايي ابدا


^ـــ^


انتظر رد الباجيين


؟
 

زمان الوفا

New member
إنضم
3 فبراير 2008
المشاركات
79
مستوى التفاعل
0
النقاط
0
والله ياعيونى بدك الصراحة بالزواج طول ماانتى مسايرة وحبابة وكل شىء بيقوله زوجك بتوافقيه راح تكون حياتك سمن على عسل بس لما بدك تبدى رايك وتعاكسى الرجل وتكون لك شخصية مستقلة وراى مغاير هنا الطامة الكبرى لانك ستكونيين عدوة لزوجك ولن تنبسطى بحياتك لان رجالنا تريدنا بلا راى بلا شخصية منبطحيين لانخالف لهم راى ولا نعاكس لهم طلب اما حياة الحوار والتفاهم والاقناع قليلا ماتوجد فى عالمنا العربى فاالاولوية للرجل والمجتمع كله مع الرجل لااريد اخافتك لكن ان اردت حياة جميلة لاتعاكسى راى زوجك وان لم يعجبك ووقتها سابصم لك بالعشرة انك ستعيشيين حياة خالية من المشاكلquote]

اعذريني اختي لكن ماهذه السلبيه ؟؟؟؟؟؟؟؟؟
لا و الف لا اختي السائله اياك و هذا الكلام لانك بهذا تكوني قد سهلتي الموضوع لزوجك ليضعك انتي خاتم بيده هو لا و ليس خاتم بل كره يقذفها اين ما اراد
لي عوده للنصيحه
 

Qupcake

New member
إنضم
27 يونيو 2008
المشاركات
40
مستوى التفاعل
0
النقاط
0
الإقامة
Qatar
حبيبتي
انتي طبقي هاي
وزيدي عليه
انج على قد ما تسمعين منه
لا تتمللين من سوالفه
وكوني خير مستمعه وبيني اهتمامج في كل شئ يحبه ...
مثلا .. خل نقول زوج يحب المشاهد القتاليه والعنننننننف والدمويه ... عادي صبري عمرج وشوفي وياه

مع الوقت بيقعد يشوف الشغلات ويحب الاشياء الي تبينها

لا تبينين نفسج ذكيه وااايد جدامه
حسسيه انه الفاهم العالم
واستشيريه في شغلات ما بين فتره وفتره !!!
سواء اجتماعيه او اقتصاديه او حتى في الفاشن ... ولو قالي شدخلني
قولي انت حبيبي
وذوقك رووعه ما شاء الله .. فلازم اخذ رايك في حاله اني كنت متشككه !!!
...
وحاولي من البدايه ان تحسسينه ان الزواج علاقه ... مثل علاقات العمل
فهي شراكه
واي شئ من البدايه عوديه ان ياخذ رايج فيه
..
مثل ما قلت لج التعويد ..ثم التعويد ...

حتى على شغلات مثل : ما يفكر ينسدح على السرير او ينام الا وانتي وياه.. ولا بيتعود ينام بروحه !!!

..

اذا ما تعود على النقاش وياج من البدايه .. ماراح يفكر في ان ياخذ رايج ابد

وهاي الي ذكراته قبل ..
بس مااقدر احدد لج كيف
لان مب كل الرجال نفس الشئ ..صح؟

..
الحمد لله ..وما شاء الله تبارك الله
انا زوجي متفهم...
وياما قالي اخبار وشغلات يبي يسويها ما تسر .. ويمكن من اول لحظه تنزل الدمعه من عينج او تخليج تفوررين من العصبيه
لكن تقبلي الي تسمعينه منه ببرووووووود وكان الموضوع ما يخصكم .. وحطوه على بساط البحث
وقد ما تقدرين ايديه وبينيله انج في صفه .. لكن هالشئ الي يبيه او يبي يسويه .. مش في مصلحته لاسباب مثل كذا وكذا .. انا اشوف انك تستخير او تدرس الموضوع اكثر وتقارنه بكذا..الخ...

اهني بتقدرين تكسبينه

^_^
 

Qupcake

New member
إنضم
27 يونيو 2008
المشاركات
40
مستوى التفاعل
0
النقاط
0
الإقامة
Qatar
وتجننننننننننننننبي

كلمه

لأ

او تقعدين تتكلمين بسرعه وعصبيه او شئ

من اول شئ
ولا سيده بيحط عليج دليت ههههه
 

softqueen

New member
إنضم
1 أبريل 2008
المشاركات
27
مستوى التفاعل
0
النقاط
0
هههههههههههههههههههه

اوكي حبيبه قلبي

^ــ^


تسلمين وربي يعطيج الف عافيه
 

softqueen

New member
إنضم
1 أبريل 2008
المشاركات
27
مستوى التفاعل
0
النقاط
0
وييييييييييييييييييييييييييييييييييييينكم؟
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى