انا متشرطه ومااقتنع باللي يتقدمون لي!

الحُرّه

الحُرّه

مشرفة ركن احلى البنات
إنضم
2007/07/12
المشاركات
1,151
بسم الله الرحمن الرحيم...

اخواتي انا مانزلت هالموضوع الا لاني شفت منكم الحكمه والنصيحه اللتي تكفيني وتقنعني

اني اعرض عليكم مشكلتي....


انا بنت ابلغ من العمر 21 عاماً...متوسطة الجمال!....

والحمد لله ....وهذا من نعم ربي...ان اللي يتقدمون لي كثير!


بس المشكله اني موراضيه اقتنع باحد...
مرات اقول..

هذا تفكيره اقل مستوا من تفكيري احسه غبي...

هذا شكله مو حلو...

هذا اصغر مني...

هذا عيلته فري مره!


وكل مره اطلع عيب...

المصيبه اني حاطه في بالي فارس الاحلام الملثم

هل تشوفون ان الصفات اللي انا طالبتها مستحيله!

انا اتمنى يتقدم لي واحد فاهم_ذكي ...متوسط الجمال) بس...

ماشرطت ان يجي يتقدم لي وائل كفوري هههه

شرايكم بنات...انتظر...ولا اي احد يطق بابنا اقط نفسي


هل تشوفون اني حذره بزياده؟

اني لازم ادرس شخصية الواحد قبل لااتزوجه؟!


انتظر ردودكم!
 
بصراحه انتي غلطانة


اختي الزواج ستر وكذلك الاهم بفارس الاحلام يكون شكلة مقبول وذو شهادة جامعية واخلاقة تكون حلوه


وواجباته الدينية ياديها .

هذا الاهم وكمان من المهم تسالي عن اهله وكيفية تعاملة معاهم وطريقة تفكيرة والله يكتب لك الخير .

دمتي بود
 
بنت خالتي كانت زيك ماتقتنع بأي عريس يجي يخطبها

وكاااااااااااااانو كثييييييييييييييير

ولآن للأسف هيا عانس

تجاوزت الخمسه والثلاثين ولم تتزوج
 
ياحبيبتي شيئ طبيعي الاهتمام والنظر في مواصفات شريك المستقبل المتوقع 00

لكن مافيه شخص كامل او خالي من العيوب او يجيك على مزاجك00اهم شيئ انه يكون رجال يخاف ربه ويعرف الاحكام

ولايغلط عليك ويمرمرك ويتعده حدوده لانه بعيد عن ربه او جاهل بالدين 00

(من جاءكم من ترضون دينه وخلقه فزوجوه) او بما معنى الحديث00ماعليك من اهله لو فري والا فيهم 00اهم شيئ اهو00

الله يسعدك ياعيوني ويرزقك بانسان تكانه وشخصيه وخلق ودين
 
حبيبتي انتي الحين تتشرطين بس كلها كم سنه تحلمين --------- بعريس يخطبك

نصيحه استخيري الله قبل اتمام الزواج والخطوبه
 
مين هو فارس الاهلام هو الهشم هو الرجل القوي عند الاغرائات ويخاف ربه ويوفي بحق زوجته كامل مو الشكل لا تفكري ب ل شكل حتي لو اخذتي شين قسم بللله رح تحبينه ورح تغاري عليه بعد طبعا اذا كانت اخلاقه عسل هاذا ه الفارس
 
مرحبا خيتوو
انصحك توازني بكل عريس الصفات اللي متوفره فيه والصفات اللي مو متوفره
واستخيري قبل ماتردين احد
 
انتي مو غلطانة بحذرج و لكن غلطانة بتسرعج في الحكم على الخاطب ..
يمكن رفضتي شخص أفضل مما انتي تتمنين .. تدرين ليش ؟ لأنج ما عطيتي
نفسج المجال بالقعدة معاه و تبادل الأفكار .. انا بصراحة أشدد على هالنقطة
إذا عندكم عادي تقعدين معاه و تكلمون بعض و كل واحد يتعرف على شخصية
الثاني و عيوبه و مميزاته ..و اهلج يسألون عنه عدل .. و طبعا تصلين استخارة
مرة و مرتين و ثلاث .. و تتوكلين على الله .. و الله يوفقج ان شاء الله
 
طيب لو قعدت معاه وماعجبني؟


واقعد مع كم واحد؟


ماابي اصير فرجه هههه

وانا اخاف ان الناس تقول هذي تلعب اي احد يتقدم لها ترفضه....

ولا اكيد فيها شي علشان ماتتزوج

تعرفون الناس وافكارهم السودا

مشكورات
 
الغالية انتي شوفي مزايا كل واحد فيهم واي واحد منهم رجحت مزاياه على عيوبه استخيري الله فيه احنا في زمن الله يكافينا شره واهم شي السؤال عن الخاطب احرصي على هالنقطة في شي من هنا من هنا ولا تتشرطين اليوم بتحصلين بس باكر انتي اللي تدورين والله يوفقك بالرجل الصالح
 
صدقيني حبيبتي ماجاء نصيبك , لانه لو جاء راح تأخذينه بدون تشرط , وبعدين لازم تستخرين على كل خاطب مناسب لك حبيبتي ,والله ييسر امرك
 
عزيزتي ... واضح من كلامك أنك لست على علاقة مع أحد أي أنك لا تنتظرين شخص معين تحبينه
لذا أعتقد أنه من الغلط أنك تقعدين ترفضين كل اللي يخطبونج لأسباب تافهة
نصيحتي إنج لما يجي واحد يخطبج إسئلي عنه كل اللي تبين تعرفينه واذا ما شفتي شي شين فيه ذيك الساعة قومي بالخطوة الثانية وهي إنج تقعدين معاه وتكلمينه وتشوفين أفكاره وأسلوبه وبالمرة تسألينه الأسئلة اللي تخطر في بالج ....
عزيزتي اليوم توج صغيرة يخطبونج وايد بكرة بتكبرين ومحد بييي صوبج وثانيا ترى حاسبي هالخطاب راح يتقفون عن المجئ ليش؟؟؟ لأن الخبر شوي شوي بينتشر إن ترى فلان بنت فلان شايفة نفسها ولا ترى مغرورة أو معقدة ما يعجبها العجب وما ترضى بأحد وبعدين راح تندمين....
عزيزتي ضروري جدا انك تغيري فكرتك وترى أنا كان عندي صديقة جذي نفسج بس تميت أشجعها وياها واحد وشجعتها انها تكلمه ولما كلمته ولو انها في البداية ما كانت مقتنعة وايد بس تالي رضت وانخطبوا وما شاء الله الحين متزوجة وسعيدة وتحمد ربها مع ان زوجها حالته المادية مو ذاك الزود المهم انه ملتزم ويعرف ربه....

وبالتوفيق وبانتظار نسمع انك عروسة يا رب يارب يارب
 
شوفى اول ما يتقدم لك
من ترضين دييييينه وخلللقه
اقبلى على طوووووول
بعد الأستخارة طبعا
 
يابنت الحلال
إستخيري ربك مره وثلاث وعشر وربي إن شاء يكتب لك الخيره ويريح بالك
المهم عاد لاتطولينها هالسالفه ومو معناه إنك تقطين نفسك على أي واحد
 
عزيزتي ...

انتي مب غلطانه.. من حقج تختاري اللي يريحج انتي وبالصفات الاساسيه اللي تبينه ...انتي اللي راح اتعيشي وياه مو حد غيرج ..

ومن كلامج مب شايفه المواصفات اللي طلبتيها شي معقد وكبير..

عزيزتي<< استخريري ربج دوووم
 
عزيزتي انا اشوف انا اللي انتي تتمنينه في زوج المستقبل مب شي تعجيزي .. يعني مطالبج بسيطة وعادية .. من حقج ترسمين ملامح فارس احلامج .. يعني هم يتشرطون ويتنقون .. والبنت عليها ترضى بأي واحد عشان ماتعنس!!!
انا الصراحة ضد هالمبدأ..:no:
الزواج نصيب لما رب العالمين يكتبه بيصير ..
وعليج بالاستخارة .. وعسى الله يوفقج بالزوج الصالح
 
هذي الامور قسمه ونصيب لا تخافين ماكو شي اسمه راح اتحسفين عقب ،بالعكس انا اشوف ليلحين ايحقلج تشرطين بس اذا وصلتي 24 دوسي بريك على الخفيف، ماتدرين ساعات اييلج واحد مافيه ولا شي من مواصفات فارس احلامج بس تحبينه سبحان الله هذا اسمه النصيب :) ، لا تقصبين روحج على اي شخص ولا تقعدين معاه الا اذا حسيتي انه باجي المواصفات تناسبج و كل شي اوكي من ناحيته واهله و مو باقي الا الشكل والله يوفقج
 
اذا حسيتي ان واحد كويس جربيه فتره الخطوبة وكلميه بالتلفون واعرفي كل شي عنه .. هذه احسن طريقة
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل