انا قلبي تعلق ... ساعدووني

[الاموره الشطوره]

السلام عليكم

انا مملكه من فتره واحب خطيبي بس مابي اتعلق فيه لحد الجنون
مجرد شعور اني اتعلق فيه يخوفني
عشان جذي اختلقت عذر وقلت له بقعد في بيت عمي بحكم انو اجازه
وماراح اقدر اكلمك طبعا هو تضايق بس قالي دامج متملله روحي استانسي
افففف ماعرف شسوي اشتاق اني اكلمه دووم بس امسك نفسي
مابي اتعلق فيه وخايفه هالشي ينقلب ضدي ويبتعد هو عني .. هو يقول انه يحبني
ودايما يتصل ويكلمني بس انا اشك انه يحبني مووت مادري ليش مع انه مو مقصر

وبعد في الفتره الاخيره احس مكالماته اقل بس مب بشكل ملحوظ

ارجووكم ساعدوني احس انه افكاري متلخبطه

 

[الجروح]

أختي أطردي الوساوس عنك

واقنعي نفسك إن حبك له لله وفي الله

وإن كل اللي تسويه عشان تسعديه .. وتواصلك معه راح تأجري عليه ..

وربي يوفقك ويسعدك يا رب

​

 

[الاموره الشطوره]

انا خايفه اني لو تعلقت فيه يتغييير لانه بيكون ظامني وظامن حبي له
انا مابي اتعب بعدين عن جد خايفه

 

[نايس هواوي]

طيب انت الحين ماتكلمينه وش تبين تسوين غير هذا

 

[الاموره الشطوره]

انا مابي اتعلق فيه وفي نفس الوقت مابي اقصر معاه
وخايفه اني لو تعلقت فيه يظمني ولو ماتعلقت وطنشت يتغير .. فهمتي

 

[اشراقه جديده]

الحياه اكبر من اللي انتي تفكري فيه
طيب اذا ضمنك حس با امان وامان يولد الحب والحب يتتوج بزواج ليه خايفه اقول افرحي وبعدين بتمر السنين وراح تقولين ليتها تعود ذيك اللحظات لا تندمي
موفقه

 

[جنان غايتي]

حبيبتي انا مثلك خايفه من الحب اوخايفه منه ........حاولي تطردين الأفكار السلبيه من راسك واستمتعي بهذي الأيام لأنها اعتقد اننا احببنا الحب لذلك خفنا ممن نحب ....فكري بالأفكار الأيجابيه فقط

 

[وداد المشاعر]

انتي احبيه بحدود لا تعطي كثير عشان ما تندمين والايام راح توريكي هو كيف وراح تفهمينه اكتر

 

[الحزن كاسيها]

حبيبتي دامك تحبيه وهو يحبك مافي مشكله عيشي حياتك ترا ايام الملكه غيــــــــــــــــــــــر وشفيها لوبينتي بيني بس موكثير الله يوفقك ويسعدك ياقمر.......

 

[القلب الحاني]

انتي استمتعي بهذي الأيام لأنها اعتقد اننا احببنا الحب لذلك خفنا ممن نحب ....فكري بالأفكار الأيجابيه فقط وفي نفس الوقت احدري والله تتمني هدي الايام انها ترجع

 

[o.o]

عادي حبيه

 

[حنانوو]

بصراحه طريقتك هذي ابدا موحلوه حتى تفكيرك ليش تحطين بينك وبينه حاجز اوبالصح فجوة انتي غنى عنها
الرجال حلوانه يتعود ع قربك موبعدك انتبهي هنقطه
وبعدين صكري اذنيك من كلام الناس وسوي اللي انتي تبين تسوينه
وصدقيني راح تندمين ع حركتك مثل غيرك ماندموا وربي اعرف كثير سوهاوندموا بعدين الملكه لازم تستانسين مره وموحلو تردينه وبطريقتك هذي تصدينه وتقللين انه يشتاقلك

 

[قطـــــريه]

اختي شلون تبين تحسين بحبه من غير ما تعطين انتي حبج له ؟ صدقيني قد ما تعطين بتحصلين .. والزوج على ما تعودينه .. عودي على حبج وحنانج عشان ما يشوف برا ويدور الحب برا البيت .. واذا شفتيه ما يعطيج حب وحنان حاسبيه لا تعطينه شي زياده عن اللي يسويه لج .. صدقيني الحب مب كل شي ولو حبيتيه موووت وطلع بعدين مب زين بعيد الشر بتكرهينه .. الاهم الاحترام والتقدير .. ومو عيب انه يعرف انج تحبينه وخير ؟ شدراه انتي تحبينه شوي ولا وايد .. وموضوع انج ما تكلمينه هاي مب الحل .. الحل انج تحبينه وتحسسينه ان عندج اهتمامات ثانية .. لكن تقاطعينه الحين وبعد الزواج شبتسوين يعني ؟؟ كلميه واستانسي بخطوبتج ودلعيه وتدلعي عليه .. ومن وقت للثاني قولي له قاعده مع هلي اكلمك بعدين .. رايحه مع صديقاتي .. مشغوله شوي فديتك ادق عليك بعدين وكذا .. مب تقاطعينه .. لا تعلمينه عالجفاف عشان مايكون جاف معاج بعدين .. احسبيها لقدام الحين انتي وبعدين بيقول بعد الزواج بسافر مع ربعي ومب داق عليج لانه تعود انج نفس الشي .. كل شي تسوينه الحين يتخزن في ذاكرته وبيعيش معاج على اساسه ..

 

[الاموره الشطوره]

احبببببببببببببكمممم والله هالموضوع كان شاغل بالي حيييل
والله ريحتوني اشكركم من كل قلبي
الله يسعدكم