انا في حيره بين امرين..؟.؟

  • بادئ الموضوع بادئ الموضوع ام رماح
  • تاريخ البدء تاريخ البدء
ا

ام رماح

New member
إنضم
2010/06/08
المشاركات
15
السلام عليكم ورحمه الله وبركاته

ياااخواتي ابي رايكم

لمانفست بولد الاول طبعا عند امي طفشني يبني اروح عنده البيت
وطبعا هومزاجي وعنادي المهم حلف ذاك اليوم وامكن لي 20 يوم
الا اروح المهم صاربينه وبين امي كلام وزعلت منه امي وهو طبعا زعل
بعدين قلت مادام هو معصب خليني اروح وبعد مايهدء اتكلم معه
وصار الي صار واليوم الثاني رجعت عندي وبعدين قالي انا مسافر ماليزيا
اتمشى وعشان تروح الضيقه مني (يقول مااقدر اكل ولااشرب ولااعرف اشتغل زي الناس
مادام ماتبي تروحي عندي تبي عند امك خليني اسافر)
وبصراحه ذاك الوقت كنت زعلانه منه لانه زعل امي وقلت له سافر وسافر

والحين انا حامل بثاني وطفلي الاول بشهر الرابع وانا بشهري الاول
قلت له بعد مااولد مشيني وسفرني لاني زعلانه منه ماخلاني اخذ حبوب منع الحمل
وحملت عل طول
قلي تبي تتمشي اولدي عندي وانا بسفرك مكان ماتبي
واذا ولدتي عند امك انا بسافر

وانا مابي اولدعنده لاني ساكنه مع اهله والبنت ماترتاح الي عند امها


ايشرايكم

اولد عنداهل زوجي
ولا عتدامي بس زوجي بيسافر لوحده وانا مابيه يسافرلوحده لان عينه طويله؟
 
تبين رايي اولدي عند زوجك
اول شي ترضينة و يلبي كل طلباتك بصدر رحب
و تكسبين ودة و تقربين منة و يقرب منك
و زيادة على كيذا تسافرون مع بعض و تغيرون جو
 
أنا بعد من راي مشرفتنا ما بتنفعك المبيت عند امك اذا صارت مصيبة في بيتك وبتقولين يا ليتني ما رحت ولا نمت ولا تحركت من بيتي وبعدين عشان يحب عيالة ويحس فيج وفيهم
 
الله يهديك أختي

ما يحتاج لها تفكير

حافظي على بيتك واضغطي على نفسك وخليك مع زوجك

دامه عينه طويلة فهو محتاج لأنثى بجنبه ومحتاج لحب وحنان

ويمكن يغير رايه ويقولك روحي ولدي عند أمك

بس الافضل تكوني قريبة منه

الله يسخره لك ولا يشوف أنثى غيرك يارب
 
رأيي من رأي الأخوات أنك تجلسين عنده
أحمدي ربك ...أنه يبيك تجلسين عنده
 


أنا رايي تولدي عنده علشان مايفضى الجو له ويسافر ويخليك
​
 
صعبه تجلسن عنده على طول لو ببيت بروحك عادي
بس انتي ساكنه عند اهله
طيب قولي له عشرة ايام بس عند امي والباقي عندك

بس مااتوقع انها زينه من اول يوم نفاس عند زوجك لا وعند اهله بعد
موفقة
 
بقائك عند زوجك افضل لك وله فلم يطلب منك البقاء إلا لأنه بحاجتك بقربه وافضل لك حتى يتحمل المسؤليه ولا يفكر او يحن للعزوبيه فحين إذ سينشأ بينكما فجوه يصعب السيطره عليها ,,فدرء المفاسد مقدم على جلب المصالح
 
وهو ليه ما يبغاكي تولدي عندامك ؟؟؟
 
خليك عند زوجك افضل حتى يساعدك بالاهتمام بالصغار ,واذا على امك ممكن تمرك كل ما تقدر .غير كذا تاخذي راحتك في بيتك بالنوم والراحة وجميع اغراضك حوليكي ما تحوسي بالبحث عن الاشياء .
 
ماتبي تفكييررر

إذا هوو حريص على وجودك قرربه ليه تررفضين
 
اولدي عنده واشرطي عليه يراعي العيال معاك لانهم بيكونون زي التؤم تصدقين لما تولدين عنده في البيت بيكون احسن في كل شي وعادي اذا بيت اهله وشقه مستقله وين المشكله لانه يمكن يتحرج يجي ويروح عند اهلك ورتبي مع امك بعد الاربعين تاخذ الكبير وسافري انتى وهو وانبسطي الله يتمم لك على خير
 
رأيي من رأي الأخوات ابقي عند زوجك ولكن لا تغضبي أمك حاولي ان تتفاهمي معها ​
 
انا اقول تروحين لبيت اهلج,,طبعا بعد ماتطلبين منه طلب انج تقعدين بهلج

على الاقل بعدها يفكر انه مايخليج تحملين بسرعه

قولي له ترى اذا بحمل بروح عند اهلي...عشان يطول

اختي اذا انتي ماقدرتي تاكلين حبوب منع حمل

راح تقدرين يعني تواجهينه في اي موقف استغرب
 
اولدي عند زوجك واهله .... بلا ما يصير مشاكل ولا مصيبه وبعدين تندمين خلي امك تجي تساعدك بعد الولاده وانتي خليكي ببيتك احسسسسسسسن
 
خلي امك تجي عندك لو قدرت او خذي شغاله تساعدك وخلي اهله يشيلون عنك ولدك الاول يارب ييسر امورك
 
الله يعطيكم العافيه تسلمو

هومايبيني اولد عند امي لان لماكان لي 20 يوما يبيني اروح عنده قالت له امي
خلها عندي عادها بكريه وتعب عليها رايحه جايه لماتكمل اربعين تروح وهوعصب
وقالي ماابيك تولدي عند امك مره ثانيه

ولماعرف اني حامل قالي اذابتولدي عند امك بسافر كانه يهدد

وبصراحه ماابي اولد عند اهله
اول شي احتمال سلفتي تولد عند عمتي واحسها صعبه اثنين نفاس في غرفه وحده
وانا ماعندي الي غرفه نوم لوعندي غرفه ثانيه كان بنفس فيها
ثاني شي مااحب احد يكون له فضل علي وخاصه اهل الزوج احس لوقدر الله وصار شي
يقول نحنا سوينا لها و......
ثالث شي اهل زوجي في الايام العاديه او ايام الحمل مهما الوحده تسوي يقول ماسوت
ولايقدروا لواني تعبانه قلت وش يضمني يوم نفاسي مايقول سوت وماسوت
وانا متررده اكلم زوجي بهذا الكلام^؟؟^ ومتاكده بيوقف مع اهله وبيعتبر كلامي افتراء على اهله
قدها فرصه فتره النفاس اولد عند امي وارتاح واخذ راحتي




اشرايكم بكلامي هذا؟؟

ارشدوني لصواب
 
اول شي حاولي تولدي عند امك
واذا شفتيه مافيه مجال وعنيد
خلاص
بما انه وعدك بسفره
اولدي عنده
وخذي شغاله تساعدك
وانتي اخذتي تجربه من ولادتك الاولى عصب عليك ومن هالكلام​
 
انتى ادرى بضروفك اذا ماعندك مشكله من سفرة لوحدة

ارتاحى عند امك

بس انا مستغربه من تصرفاته منعك من الحبوب وحملتى على طول وفوق هذا كله يتشرط الاخ

ماخاف عليك ابد
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل