انا فاشله بكل شي ساعدوني

[دنيتى عبودى]

انا يابنات تعبت ومليت من الشمالي كل يوم زعل ونفسية طبعا طلباتي مرفوضه احس انه متحملني علشان اعيله مطنشني كل اللي ابيه مرفوض طبعا دايما اللي اسويه او اللي اقوله مرفوض وطبعا مشاكل لازم الكل يدري فيها من اهلي او اهله وانا كل ما ابي اتكلم معاه بالمشكله ايصارخ ويطلع بره البيت لا اتقولولي طنشيه لان التطنيشه ما ينفع معاه احس انه معقد انصحوني شنو اسوي ةالله مليت وتعبت من البجي كل يوم حتي اللي حولي اعرفوا انه فيه مشكله معاه ودايما ايقول مو انا اللي امشي براي اهله حتي ابي اسجل ولدي بالروضه ايقول اعناد لج انتي ما يدخل وسكت عنه وما كلمته عسي من ترد علي وتنصحني الله ايفرج عليها ويرزقها من اوسع ابوابه

 

[توتونجد]

يا اختي يمكن طريقه كلامك تعصبه اسفه بس احطه احتمال

يعني تكلمينه بوقت مو رايق ومو مناسب

يعني حاولي تكلميه بوقت يكون رايق جالسين لحالكم وجو هادي

على فكره فيه رجال حاط براسه فكره ان اذا سمع كلام حرمته معناتها مو رجال تمشيه مره

امدحيه اذا ينفع فيه

الله يسهل امورك

 

[بنوتة بلادي]

اختي يمكن أسلوبج في الكلام ينفرز.. لغة الجسم بعد تلعب دور... يعني إذا واحد يقولي أحبج و في نفس اللحظه و هو يقول أحبج يضربني... بصدق لغة الجسم.. صح و لا ؟

و ليش هو متحملنج علشان العيال... في مشاكل ثانيه بينكم.... انتي ذكرتي شوي من المشكله مب كلها...

 

[دنيتى عبودى]

والله يابنوتة بلادي انا اقوله ليش ما اتطلعني يعني شنو فيها ادا طلعت انا وياك وتعشينا بره والله ان مرت حماي كل مناسبه بينهم يهديها ايطلعها واهي تجي وتحرني انازوجي وداني وجابلي الهديه والله اموت من القهر كل اللي قلتوه سويته دايما اكشخ والبس وجسمي حلو يعني مربربه ولا مره مدحني والله ان لو اروح مكان تجمع حريم طبعا يخطبوني من امه بس هو لا تعليق اسأله شنو رايك حلو وبس شنو الاسلوب اللي يسهل علي اني اكلمه وعلي فكره صارة سنه واهو علي النت وكل المشاكل منه يعني طول الليل سهر علي النت يروح الدوام يرد علي النت اقوله شنو سالفتك تري والله مليت من الوضع هذا ايقول شنو تبيني اسويللك والله حطمني كسر مجاديفي قمت ما احب البس اخاف البس او اتكشخله ما ايعلق او ايقول هذي تبيني انام معاها والله وصلني للهدرجه تري لي ثلث سنوات وداخلين بالرابعه ولا تجديد حتي لما ايسافر ما ايقولي مرة اخذا خواته سفرهم الخبر قلت ابي ارةح قال لا وسويتا زعله كبيرة ورحت عند اهليي يعني او تموت ما تيمفذ اللي انا ابيه شل الحل اللحين صارلي اسبوع ما انكلم بعض علشان موضوع روضة ولده يعني الناس تحب اتدرس اعيالها باحسن المدارس واهو ايقول لا علشان انتي ما اتشوفين نفسج ان ولدج دخل مدرسه خاصه امانه شنو ارد عليه والله سكت علشان خاطر اولدي علشان ابيه يدرس واهو اللي هامه ان محد ينظر له ان زوجة مشت كلامها عليه

 

[بهيره الموسى]

الله يسخره لك ويريح بالك

 

[مجنونه زعلاته]

ليش فكرتي انه حنعطيك الحل الطناش ....!!

الطناش مو لزوج ياحلوه ....
ابدا ماكان حل ابداااااا خليها في بالك .......

وبعدين ليش كل يوم يزعل هذي نقطه مهمه جدآآ انتي لازم تراقبين تصرفاتك واسلوبك واهتمامك ببيتك وزوجك ونفسك ووجودك في البيت كزوجه وام هل هو كامل ام لا ؟؟؟؟؟؟

تحسين انه متحملك عشان العيال وتحسين انه معقد هذي الافكار من الشيطان والا هي ماهي موجوده اساسا في حياتك ( اتعوذي من الشيطان قاعد يساعدك على خراب بيتك الله لايقوله )

واذا عصب طلع من البيت ياحلاااااااااااااته يارب لك الحمد والشكر خليييييييييييه خليييييييييه يطلع ويرجع من غير شر بس خليه يتنفس ويطلع كل الطاقات السلبيه برا وبيرجع ..


بس كيف حيرجع ...؟ نادم على انه رفضلك طلب على انه زعلك على انه كل اللي صار ليته ماصار حيحس بهذا الشي وحيعتذر بطريقه مباشره او غير مباشره ( انا مدري عن الشمالي يعتذر مباشره او لا او اساسا مايعتذر هههه امزح )

متى حيسوي كذا ؟؟.... اذا شاف انثى قداااااامه انثى بكل ماتعني الكلمه صوتها مو عالي نظراتها بريئه جلستها انوثه وادب حتى والله لو كلمك وراسك بالارض يمين الله انه ليعتذر وحيحترمك وحيراضيك ... اسحريه بهالحركات البسيطه املكي قلبه لوحدك بكل انوثه وحب ودلع ...


انتي راجعي نفسك ومتأكده لو راجعتي نفسك وغيرتي للأفضل حيرجعلك زوجك عبودي اللي عرفتيه ... ههههههههه




والدعاء يمين الله سحر من جد سحر حلال الدعاء سبحان الله ادعي في سجودك( اللهم سخرلي زوجي كما سخرت الريح لسليمان والبحر لموسى والحوت ليونس والن قلبه علي كما النت الحديد لداود واجعل غضبه علي بردا وسلاما كما جعلت النار بردا وسلاما على ابراهيم عليه السلام )


واذا طلع من البيت وهو معصب يعني صار هواش بينكم اقعدي استغفري الين مايرجع وشوفي كيف يمين الله زي السحر سبحان الله شي عظيم بس احنا نجهل هالاشياء او قلة ايمان ...


بالتوفيق يالغلا مادخلت الا عشانك لمن عرفت ان الموضوع لك ... تحياتي

 

[توتونجد]

ما اتطلعني يعني شنو فيها ادا طلعت انا وياك وتعشينا بره

ابدليها حياتي وش رايك نطلع اليوم ونغير جوا

وانتبهي تقارنيه بغيره وش معنى وليه فلانه تطلع وانا لا

الرجال مهما تكون شخصيته ما يحب يتقارن باحد


لا تفكري يوم من الايام تسأليه عن رايه فيك او باي شي


خليه يجلس على النت براحته قومي بواجبك وبس

ادري صعبه عليك بس انشاء الله رح تثمر فيه


تكشخي حتى لو ما مدحك ما عليك منه صيري متجدده بحياتك


كوني هاديه وحازمه واتركيه براحته لا تذكري احد قدامه ولا تقولي وش معنى اخواتك سفرتهم وانا لا

مهما يحبك ما يرضى على اهله باي كلمه تقوليها

دلليه بحكمه

امدحيه دائما بشكل غير مباشر

حتى لو ما يستاهل

الرجال مثل الطفل امدحيه واذكريه قدام الكل انه مو مقصر

بحيث يسمعك والله رح يتغير

موفقه يا قلبي

ارجع اقلك خليك دائما هادئه​

 

[بنوتة بلادي]

آآآآآآآآآآآآآآآآآآآآآآآآخ كتبت كلالالالالالالالالالالالالالالام طويل و مسحته بالغلط.... برجع اكتبه مره ثانيه...

 

[بنوتة بلادي]

شوفي اختي... واضح جدا ان بينكم تراكمات كبيره... و اكاد اجزم ان اي مشكله بينكم ما تحل و اتم معلقه الى ان تتناسوها...

شوفي يا اختي... خذيها قاعده في حياتج.. اللي عايش بخير و نعمه عمره ما يقول انا شريت و انا سويت... انا اعرف ناس ما شا الله عليهم مع الشيوخ و عمري ما عرفت هالشي إلا بالصدفه البحته... ليش يا ترى ما يتكلمون؟ لأنهم شايفين خير... و العيشه اللي عايشينه تعتبر عاديه بالنسبه لهم فما له داعي يتفشخرون على الخلق... و اكتشفت ناس ما عندهم و طول الوقت احنا و احنا و احنا...شو المغزى من كلامي؟ المغزى من كلامي ان ممكن مرت حماج مب عايشه مرتاحه بس تحب تبين للناس انها عايشه مرتاحه و مدلعه و اي شي تبيه حاضر و نعم... انتي ما تعرفين صح... و في نفس الوقت اعرفي ان مب كل الرياييل واحد... في رياييل يهتمون بالمناسبات و ذكرى الزواج و غيره و غيره و في رياييل يعتبرون ان هذي اشيا مب مهمه... فحطي هالنقطه في بالج... ممكن هي تتكلم علشان تقهرج فإذا بينتي لها ان الموضوع مب هامنج من الأساس بتتعب من الكلام آخر شي... المره اليايه إذا تكلمت قولي لها الله يهنيكم و غيري الموضوع بدون ما تحس.. طبعا لازم نحس الظن في الحرمه ونقول انها ممكن كانت تتكلم بحسن نيه و تقول لج عن الهدايا بعد بحسن نيه... فانتي ادعي لها بالخير... و لا تبينين انج متضايقه بس غيري الموضوع...

انا مب فاهمه ليش هو سفر خواته و ما سفرج!!! تصرفه غريب.. طيب ممكن كنتوا متزاعلين و حط حرته في السفره... اختي انتي قلتي انه مخلنج علشان العيال.. ليش هالكلام؟ هو قالج بنفسه؟ او انتي حاسه لأنه مهمل و مطنشنج على حسب كلامج؟ انزين هل هو تزوجج عن قناعه او مغصوب؟

بالنسبه للبس: و ليش ما تلبسين و تتدلعين؟ خايفه يقول هي تباني ارقد معاه؟ و خير ان شاء الله... و إذا فكر هالتفكير... يعني الرقاد صدقه من عنده؟ لا يا اختي... هذا حق من حقوقج الشرعيه اللي هو راح يحاسب عليها بعدين... انزين كيف نحل هالمشكله؟ بسيطه.. خليج كاشخه و متعدله على طول... و اكثر شي وقت الدوره الشهريه... اقعدي قدامه و انتي تحطين صبغ الأظافر... و انتي في الصاله هو قاعد يشوف تلفزيون او قاعد عالنت مثل عادته... اقعدي سوي فايلنج حق أظافرج (مب تقصينهم... لا تبردينهم بالمبرد... و لو سمحتي يا حلوه.. ادخلي قوقل و شوفي قعده البنت اللي تبرد أظافرها بنفسها... واااااااااااااااايد حلوه.. ممكن تتعلمينها)...

قعدته عالنت... الحين هو مخه مبرمج الن القعده على النت وقت المشاكل... خربي البرمجه... إذا شفتيه قعد عالنت... شاركيه او طنشيه... شاركيه يعني شوفي معاه واقري معاه.. طنشيه يعني لا تتضاربينه معاه... خليه مستغرب انتي ليش مب معصبه من قعدته عالنت...

و تسجيل ولدج اظن و الله أعلم اسلوبج في الكلام معاه نرفزاه... عندي اخت الله يهديها تنرفز الواحد لدرجة ان ريلها احيانا يعاندها و ما يسوي لها الشغله بس علشان يقهرها لأن أسلوبها في الطلب ما كان صح...

 

[دونات666]

مرحبا

اذكري الله

زوجك تبينه يسوي الي تبين لا تطلبين منه مباشره !

فهمتي ؟

مثل ولدك والروضه لوك مخليه احد من اخوانك او الطبيبه الي تراجعين عندها طفلك يقولون ان الروضه جيدها للاطفال في هذا العمر وتنمي مداركهم !!!! وانت خليك ساكته كان الفكره مش فكرتك , ربما تكون نسبة اقتناعه اكبر..

وانت راجعي اسلوبك معك ربما يستفزه وانت ماتدرين..خاصتا الالحاح والطلب المباشر!

وع ما قد تسوي نفسك ما همك الامر بيحرص ينفذه.



سبحان الله وبحمده سبحان الله العظيم

 

[غلا الوجدان]

اعتقد اسلوبك معاه فيه غلط

بمعنى ماتعلمتي فن اللكاعه والسياسه مع الزوج

عشان كذا الحوار بينكم عقيم ويعاندك

جربي غيري من اسلوبك واذا فيه نواقص كمليها فيك والله يحنن قلبه عليك

 

[غلا الوجدان]

يوووووه نسيت

لاتقولين عن نفسك فاشله

:5:إنتي حلوه ماشاء الله وتنخطبين كثير يعني عندك مواصفات

ليه تقللين ثقتك بنفسك

 

[حبيب قلبي123]

الله يفرج همك واضح ان فيه تراكمات اوفيه رجال كذا تفكيرهم يحسبونه كل شي تفشخرين به اذا عمله لك لانك اكيد جايه وقايله ليش مانسافر مثل مرت اخوك واخوك فاكيد اهو حط الفكره براسه انت امدحيه وخوذي كل شي بالسياسه ولاتشدين معاه لان الشد عمره ماجاب نتيجه
اتمنى اكون افدتك والله يوفقك​

 

[حبكـ أنا]

الحل التطنيش انا اليوم تطلقت والسبب عنادي وهو نفس اسلوب زوجك ونهايتي الطلاق بسبب اهله حسبي الله هو نعم الوكيل على من كان السبب

 

[دنيتى عبودى]

مشكورين والله اني اقري ردودكم وقاعد ابكي حسيت انكم قاعد اتصلحون اللي انا قاعد اسويه والله احس اني ضايعه بالنسبه احساسي انه صابر علي علشان اعيالي هو ما قالي بس احساسي يعني انا كنت زايره اهلي وبنفس اليوم عندي موعد دكتور جلديه طبعا كلمته من الليل وقلتله انا الصبح او العصر ابي اروح الطبيب قالي اوكي كلمني قال ردي البيت قلتله ليش اليوم عندي موعد قال انتي ما تسمعين الكلام انا شنو قتلج سكت علشان اللي عندي ما ايحسون والغيت الموعد طلع ان عمي اللي هو ابوه راد من السفر ويبي ايشوف العيال لان عيالي حيل الجد يهتم فيهم قلت اوكي رديت البيت قلتله ليش سويت جذي مارد علي وطنشني هاد انا قتله علي حركتك هذي بكره راح انت اتوديني ماراح اروح مع السايق يعني ابي اعاقبه ههههههليومك هذا ما سال ولا وداني وطنشت واللي دايما امسك اعصابي وان صوتي ما يعلي لاني ابيت اهله وعندي حريم حموان الكل محد يطلع صوته بس اهو يحاول ان يسمع الكل ان فيه مشكله المهم انا راح انفذ اللي قلتولي وابلغكم بالنتيجه ياخواتي وهذي بوسه لكم 

 

[مجنونه زعلاته]

الله يوفقك ننتظر الحلاوه ... مو النتيجه .... الله يهدي سركم ويسخركم لبعض .

 

[نضوج أنثى]

شوفي عزيزتي انا من خلال الكم سطر اللي قريتها عن مشكلتك وماادري تفاصيل عن حياتك أأكد لك اسلوبك مع زوجك فيه غلط انا ماانتقدك يمكن اسلوبك حلو ومافيه شي بس ماينفع مع الشمالي طريقتك اللي تمشينها مع الشمالي غلط انا متأكده ارجعي لمواضيع الشمالي وطبقيها وطبعا استعيني بالصلاه والدعاء والاستغفار

 

[اهديك عمري]

الشمالي <نمط جدآ جميل <لكن للي يفهمه
اذا ماعرفتي لشمالي وفهمتيه راح تحسين انه صعب ومعقد
صدقيني الشمالي جدا حساس وطيب القلب
بس كل السالفه افهميه<صديقني تعيشين برآحه ..
http://www.niswh.com/vb/showthread.php?t=287786
عزيزتي هذي دردشة الشمالي
الله يسخره لك ​