انا عروس وابي نصيتكن يا متزوجات

  • بادئ الموضوع بادئ الموضوع مطنشه
  • تاريخ البدء تاريخ البدء
م

مطنشه

New member
إنضم
2009/08/14
المشاركات
121
السالفه يا بنات انا مخطوبه لابن خالي ولنا شهرين اللحين قبل اسبوع زارنا
وكان يسولف وقالي انه سافر للاردن وسوريا وللبحرين طبع انا زعلت في خاطري عارفه الاماكن هذي ماحبيت اسئله وش كنت تسوي لانه مكشوف على كذا وبصراحه انا اصلن مابغاه ورافضته من اول بس الظروف اجبرتني عليه وهو عارف . انا فكرت اني اصارحه واقوله انا مابغاك اصلن وانت عارف وسالفت سفرك لسوريا والبحرين للخرابيط ومع البنات هذا شي معروف وافكر اقوله ننفصل عن بعض لاني بصرا حه ماطيقه اصلن وهو زاد الطين بله .
الله يستر علي وعلى بنات المسلمين
 
أنا اقول استخيري وشاوري خواتج الاكبر منج ..

وماكو شي بالغصب
 
لا اتسوين شي تندمين عليه انتبهي الناس ما لهم إلا الظاهر >> استخيري ربك اولا ثم استشير اهلك ولا تتسرعين في الحكم على احد
​
 
يعني اللي يسافر سوريا ولبنان والبحرين معنااه رايح للخرابيط؟؟
لا مب شرط حبيبتي ترا سوريا فيها اماكن حلوه كثيره ولبنان كذلك
ويحبون يسافرون لها اول شي لانها قريبه وبعدين رخيصه
والبحرين والاماكن المجاوره فالويك اند يروحون لها تغيير جوو

لاتيلسيين تفكرين هالتفكيير وتخلين الشيطان يلعب بمخج
استخيري .. مع اني ما اشووف اي سبب يخليج تتركينه
 
طيب عادي انا زوجي لي سنين متزوجه وتني ذا الايام اكتشفت انه مسافر قبل الزواج لاندونيسيا وش تبيني اسوي اهاوشه على ماضي .....وانتي ارحم مني علمك لكن انا دريت بالصدفه انه مسافر الله يهديهم ويسخرهم لنا يااارب ويرزقني وكل محرومه الذريه الصالحه
 
غريب أمرج يا قلبي يعني كل اللي يسافر البحرين و سوريا و لبنان همه البنات و اللعب؟؟؟؟
هذا حديث الشيطان مو أكثر و لو كان مسوي شي ما راح يجي يقولها بوجهك أنا سافرت و سويت
 
انتي الحين ما تبينه علشان انتي اصلا ما تبينه؟؟

ولا صرتي ما تبينه علشان اكتشفتي انه كان يسافر لسوريا والاردن؟؟

اذا كنتي ما تبينه من الاول لا تجبرين نفسك عليه

اما اذا كان علشان موضوع السفر ففكري كثير

كل الناس تسافر

وبعدين اللي يدور البنات والخرابيط مو لازم يسافر - بيلقاها مع الاسف هنا

فكري زين واستخيري

واذا الشاب اخلاقه زينة ويصلي لا تضيعينه
​
 
ابصراحه انا فهمت انك من الاول مو مقتنعه فيه ...انا سؤالي طب ليش وافقت دامك مو مقتنعه . فانصيحتي لك لاتستعجلي واستخيري الله وشاوري اهلك ووووو لان مساله الزواج مو لعب
 
طيعي شور اختك خوذي اللي ماتبين ويبيك ولا تاخذين الا تبينه
اما عن السفره فما اعرف كيف تفكيرين كل الشباب تسافرتغيرجوى ليش تتوقعي الشيئ الثاني لو كان كذا كان ماجاب لك طاري والله اعلم
اذا هذي بس عيوبه استخيري وتزوجي​
 
لو يخاف من شي ماصارحك
وبعدين الماضي كله ورى ضهرك حاسبيه بعد الزواج
 
اساليه قوليله اذا اتزوجنا بتبطل سفر ولالا
واذا باقي ماملكتو اكتبي شرط من شروط الزواج عدم سفرو للخارج الا للعلاج
اما اذا قال ايوة لا بسافر اترررررررركيه هذى البلاد معروفة ليش الناس تروحها
 
كل الرياييل قبل لا يعرسون كانوا يسوون هالخرابيط يت علي ريلج يمكن الله يهديه ويسعدج انتي ما تعلمين


عسى ان تكرهوا شيئا وهو خيرا لكم

وقبل كل هذا استخيري ربج
والخيرة في ما اختاره الله

عسى الله يوفقج وييسر امرج
 
الله يجزاكن بالخير جميع ويستر علي وعلى بنات المسلمين


شكرا لكن عسى الله يكتب الخير

لي يومين مطنشته ارسل ومارديت عليه

اجد في داخلي عدم تقبل له رغم اني حاول وماقلت له انه مابيك لكن سااااااكته ومطنشه واذا بيسئل بقوله انا طبعي كذا ساكته لاني مابي اخذ واعطي معه .........................



شكرا لكن جميع اسئل الله لي ولكن الستر والعفاف
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل