انا صنم -.-

[عروقي تحتويك]

السلام عليكم و رحمه الله

مشكلتي من ملجت أحسها مشكلة كبيرة بيني و بين زوجي
زوجي من النوع إلي يحب يسولف و انا بعد بس ما أحس في سوالف بيني و بينه
لما نكون مع بعض يمر الوقت و إحنا ساكتين بس هو يحاول يسحب الكلام يقول سولفي ! شو الاخبار ! كلميني ! و ينزعج من سكوتي
مكالماتنا في التلفون صارت مملة
ما أعرف صراحة شو أسوي ؟ أبى أسولف و أتكلم بس ما أعرف عن شو ؟؟؟!!
مع صديقاتي و اهلي اسولف عادي ..بس معاه صنم لو احاول افتح موضوع ينتهي في دقايق
ما في مواضيع او هوايات مشتركه
افيدوني رجاء

 

[دنيا الصمت]

حالتي عكسك . انا اتكلم و زوجي صننننننننننم

بس انتبهي الموضوع جدا يضايق . لا تسمحي للملل يدخل حياتكم

حاولي تختلطي بناس كثير . ادخلي النت و اقرأي قصص - نكت - اخبار

افتحي معاه موضوعات و اتناقشو فيها

و مو شرط ان هذي الموضوعات تخصكم . أهم شي يكون في حوار بينكم

و الله يسعدك و يبعد عنك الملل

 

[عروقي تحتويك]

" دنيا الصمت" شكله طلعك زوجكمن صمتك

و الله احاول بس فشلت كل محاولاتي .. المواضيع الي اتكلم فيها ما تهمه

شو تقترحين من مواضيع نتكلم فيها ؟

 

[يآبعد عيني]

كم لج مآلجة ؟

 

[تشكرات]

مادام أنت تتكلّمين مع أخواتك وصديقاتك بكلّ أريحـــيّه ....

ومـــع زوجك ساكته ....فهذا يعنــي أنك ( تخافين من شئ مــا

قــد يكون خجــل منك ...أو لتعطــــيه صوره مثاليّه عنك ...يعنــي

تحبّين أن ( يراك خطيبك بأجمل حال ) .....صحيح أن هذا أمــر محمود

وطيّب ( لكن لا تبالغـــــي فيه .....أطلقــي العنان لنفسك بالكلام

والسواليف معه .....وأرفعــي كلّ الحواجــز ...حتى تجذبيه بكلامك

وثقافتك .....

ابدئـــي من اليوم .....وأفتحــي معه موضوع شيّق ....وأسهبي فيه

والكلام يجـــــر بعضه .....يعنــي مثلآ ....أبدئي الكلام بالهوايات التي

يحبّهــا ...وحاولــي في كلامك أن تشجعيه عليها ...انتهاء بالثورات

العربيّه وأثرهـا على المنطقه ....وهكذا ...وترى الرجال يموتوا عالسياسه ..


ربي يسعدك ويوفقك ....

 

[عروقي تحتويك]

شهر و شويه

 

[عروقي تحتويك]

يمكن لانه عصبي و ابتدا في الطلابات
اريد كذا و ما احب كذا .. و كان يتكلم وايد وايد .. و انا اسمع " خجل" .. بعدها ابتديت اندمج و احاور .. بس كلامي يقنعه و يسكت .. فالحين يطلب منى انا اسولف .. من وين اييب سوالف جديدة طووول اليوم !!
و نحنا مختلفين 180 درجه في الميول و الهوايات انا احب كل جديد وحديث و هو قددددييييم قددديم ..


اشكر كل وحدة ردت علي جزيل الشكر .. و اتمنى الباقي يساعدني

ربي يوفقكم

 

[دموعي قريبه]

تكلمي عن الأكلات واسألوا شويحب وشو يكره اسأليه عن لبسه والالوان اللي يحبها واللي مايحبها سولفي عن مغامراتك وانتي صغيره تدلعي عليه ودلعيه سميه بأسم معين مايسميه احد غيرك تكلمو عن الاماكن اللي تحبيها خلك جريئه شوي مع خجل وصوتك لايعلى وخليه ناعم انتبهي لنبرة صوتك بس بدون مبالغه أخاف يتغير بعد الزواج ويقول عنك تتصنعين ابتكري اخلقي قصه اي شي تمارسينه تكلمي عنه تغزلي فيه حسسيه انه عند أنثى نادره **

 

[حجازيه ذوق]

عاااتي حبيبتي بالبدايه كذا بس بعدين رايح تنزحمين من كثر السوالف
الحين انتي ماتعرفي شي الكثير عنه مشان هيك تقل السوالف
والرجال يحب الفرفشه والضضحك سيبك من الطلبات انا ابغا كذا وكذا ملحقه عليها
خليه مرا يسولف لك عن سالفه نكتي معاه اضحكي وفرفشي جيبي له سالفه من سوالفك اللي مضت عليك قولي له خبر جديد تكلمي عن دراسه جديده قرائتيها في النت او سمعتي عنها
تكلمي في الشخصيات قولي شو شخصيتك تحب ايش وتكره ايش خليك رومانسيه معاه قولي حبيبي عمري حياتي بتلقائيه