انا صح ولا غلط ؟؟

[شمس الضحا]

السلام عليكم و رحمة الله و بركاته
شخباركم بنات ؟؟

بنات انا توني متزوجة لسا ما كملت سنه ..
وتخرجت من الثانوية ..
وسجلت و قبلوني في جامعه الملك فيصل بالاحساء ..
الحمد لله على كل حال ..
بس فكرت أأجل دراستي للسنه الجايه ..
لان ظروفي ما تسمح ما ادري شلون احس اني مكركبه ما استقريت
يعني مثلا فترات محاضراتي
و زوجي وقت رجوعه من الدوام
وهيك أشياء ؟
ما ادري حسيت اني لو بدرس برجع الساعه 3 تقريبا و بنام
و ما بقعد الا بالليل و زوجي ما راح اشوفه ولا راح اهتم فيه ..
وبصراحه لأني مفكره احمل السنه باذن الله عشان كذا اختصرت الطريق على نفسي و قلت أجل احسن لي ..

المممهم
انا أجلت دراستي ..
والكل نقدني و الكل يسمعني كلام يجرح
يبوني ادرس غصب
ما في شي بالغصب


هل قراري صح ولا لا ؟؟
​

 

[مريم العثيم]

شوفي حبيبتي الي يريحك وتحسينه صح سويه وماعليك من احد اهم شي يكون الشي يريحك انتي وزوجك

 

[شمس الضحا]

تسلمين قلبي على هالرد الي يريح عسى ربي يريحك دنيا و اخره

 

[ورودبيضاء]

انتي حبيبتي نفذتي الهي يوفقك يارب فيبقى من الموضوع:
1- ان تكسبي هذه السنه في فهم زوجك واسعاد حياتكم(كتاب رجال من المريخ ونساء من الزهرة)رائع في ذلك لاتستقلي تعليم نفسك اسرار الحياة والرجال وطريقة تفكيرهم صدقيني يغيب عنا كثير ونحتاج كثير,قرارك صائب لان السنه الاولى من اكثر سنين الزواج حساسيه وعليها تبنى امور كثيرة.
2- لاتفتر همتك عن التعليم لانه من راس المال لك ولاولادك وزوجك
الدنيا تتقلب.فتاخذك الحياة في مدها وتتركي التعليم.
3-كل شيء لن يعطلك اذا كنتي عازمه وزوجك اعانك لان الحياة تعاون منك ومنه,فاذا ناويه الحمل لن يضرك لكنه حسب صحتك الهي يباركها.
هل لكي اخوات قبلك اتعبهن الحمل اسالي.وان كنت مفضله عدم الحمل من اول سنه(الا اذا كانت ثقافة سائده قد تزعجك)لانها سنة يتفرغ فيها الاثنان لبعضهم قدرالامكان ولانه تتبين فيها الحياة بصورتها الجميلة جدا لكن الواقعيه جدا ايضا.

يارب ياكريم يوفقك وييسر امرك ومبارك زواجك يارب ويجمع ربي بينكم على خير.

 

[نحمدة ونشكره]

لا غلط لانه اذا اجلتي الدراسه وحملتي وجبتي وبعدين ورة اول طفل ترجعين تحملين وتجيبين انسيييييييييييييييييي شي اسمه جامعه ودراسه

 

[حارت بي الاسامي]

راي الشخصي عودي زوجك على جوك انت جو الدراسة والجامعة اذا عوتيه على التاجيل من اولها بيحجها فيك يعني كل سنة او كورس اجلي ظروفي ماتسمح الطفل من عندة انت المسؤله وغيره من الكلام الجارح خليك جازمة الدراااااااااسه ثم الدراااااااااااااااسه لان اذا حملتي بتتعقد معك اكثر وربنا يوفقك

 

[جرحني بصمت]

طيب ايش رايك تنتسبين منها كملتي ومنها ريحتي

حبيبتي العمر قدامك
وانصحك بالصلاة الاستخاره وماخاب من استشار الله

 

[danno..}]

الاحسن انك ماتدرسين بعد الزواج انا اجلت ترم
لكن نصيحه انتبهي تتركين دراستك
لازم ترجعين بعدين تكملين الشهاده مره مهمه
*
*
وتوك صغيره ع الحمل انبسطي بالزواج بدري ع الحمل وتعب الحمل وزوجك لسى ماشبع منك
قهر
الله يوفقك يارب ويستر عليك

 

[روح مغليها]

حبيبتي اختي متزوجه جديد وما رضت لها امي تاجل دراستها هم بجامعة الملك فيصل بالاحساء بس سبحان الله حملت وصار وحامها قوي واضطرت تطوي قيدها

 

[لوحدي وفيت]

مابيك تندمي مثلي

انا اشوف انك تنتسبي ياقلبي وزي ما قالوا البنات رح تتورطي بعيالك ان الله رزقكي انا لي اربع سنين وماعندي عيال وزوجي رافض بس انا ادرس بتحفيظ القران العصريه اهوون على قولته في المواصلات انصحك لاتتركيها ورح تذكري هالكلالالام الله يهديك بس ومو كل حياتك لالرجل اليوووم ما فيه رجال يستاهل تتركين دراستك وحياتك الخاصه عشانه عارفه اني طولت بس ماابيك تندمي مثلي يا قلبي

 

[نونو000]

انا مع كلام الاخت وروووووود بيضاااااااااء

 

[اللهم ازل همومي]

أنصحك لاتأجلي أبدا بعدين تفتري مايصير فيك حيل للدراسه ترى شهادتك هي اللي تخليك محترمه في عيونه ترى

 

[داانية]

استخيري وإدعي بإخلاص أن يختار لك الخيرة الطيبة وأعزمي على التأجيل
وقعدتك مع زوجك بالدنيا الله يهنيك
والدراسة ملحووق عليها
بس سبحان الله الناس هذي الأيام ثقافتهم
إن الشهادة هي سبب الرزق وسبب السعادة
والله الرزق والسعادة من عند الله سبحانه
يعني ممكن تجي للشخص من غير شهادة
ومع ذلك أقولك رأيي كملي تعليمك
لكن موهذي السنة .
​

 

[monmonmon]

ترتبي امورك وترتاحي افضلك واستقرارك مع زوجك اهم ، ماعليك منهم .

 

[محد يهمني]

انا مع كلام الاخت وروووووود بيضاااااااااء