:exclamationpoint:تنبيه ارجو قراءة هذا الكلام قبل البدايه
روايه جديدة تحت هذا العنوان سابدأ اخطها معكم وبقلمي ولااسمامح من تنقلها لمنتدي آخر هي من نسج الخيال وليست حقيقيه وليست قصتي ولاتمت بالواقع بأي صله فرجاء لااحد يقول هي قصه حصلت ويراسلني على الخاص متي تنزلين البارت وغيره وارجوالتعليق على الروايه بأحترام وذوق وادب تدور احداث هذة الروايه فتاه في عمر العشرينات تعرفت على شاب في مقتبل عمرها فكيف تعرفت عليه وماذا حدث بعد ذلك وما هي الاحداث التى تدور حول هذة القصه وابطالها دعونا نتعرف عليها ونتكلم بكل شفافيه وهدوء وساتخذ اسلوب العاميه في طرحي لهافانتظروني في الفصل الاول من قصتنا
سارة بنت متخرجة من معهد حاسب آلى عمرها 29 سنه عندها اهل واخوة واخوات لكن قل من يفهمها ويعرف وش تبيه بالضبط كان الكل ضدها ويعنتها عشان عمرهاويقول انها عانس بالرغم ان اللى بسنها ما تزوجت كانت صريحة في كلامها وكانت تبحث عن الحب والاحترام وكانت للاسف ما تلاقيه نهائياً ساره شخصيتها قويه جداً وما احد يوقف في وجهها جالسه كالعاده طفش وضيقه خلق لاوضيفة ولازواج كل شي عندها جوالين ولاب توب ما ينقصها شي كانت تكبت كل شي في داخلها وما تبوح فيه لاحد ولاتتكلم ولاتهتم بصديقات كانت تعيش فراغ ويقتلها باليوم الف مره وكانت تحاول انها تدخل دورات لكن ما تحصل معاهد تتبناها وكانت تملك من المواهب الكثير اللى ياهلها تكون نافعه للمجتمع وهذا مشكله الأهل لما ما يقدرون موهبه أبنائهم ابحثت عن وضيفة لكن ما لقت للاسف لقله الوضائف كانت تتصفح في النت وبعدها ملت وسكرت لقت في سطح المكتب اسم منتدي قديم كانت تدخله سابقا وصاحبته تركته وهي تعرف هاذا الشي المهم راحت وفتحت الصفحه ولقت المنتدي تغير وكان حلو غير كل المنتديات اللى كانت تدخلها راحت وسجلت بأسم مستعار وهو سمر كانت تحب الاسم هذا وتعشقة بجنون حطت لها توقيع كشخة وبدت تشارك في المنتدي طبعا المنتدي مثل ماقلت تركته صاحبته وصار مختلط بعد شهرلوحظ نشاط سمر في المنتدي وعرض عليها الاشراف وافقت بعد تردد واستخاره ولانها كانت تعشق التصميم وبقوه اختارت قسم الفوتوشوب وهي ما قد سجلت بمنتدي مختلط باشرت أشرافها مرت الايام حلوه وتمام وما فيه شي يضايقها او يكدرها الا انها في هالمنتدي وجدت من يفهمها كانت ترد على المواضيع باحترام وذوق واعجب بها الجميع واحبوها وصادقوها صداقه منتدى تطرح مواضيع رائعه وتصمم وتسوي دروس كانت تمل من القعده لحالها في غرفتها بين اربع جدران ما احد يفهمها ولايقدرها حاولت تثبت وجودها في هالمنتدي وبالفعل نجحت في مرادهاياترا وش صار بعدها تابعوني في الفصل الثاني
سمر مع نفسها آة أنا مين يفهمني ويحبني غير هالمنتدي الكل معاي ويرد على مواضيعي بأعجاب وأنا ياحضي لازواج ولاشي وكل حرمه تشوفني تقول ماشاء الله كأنى لوحه مكتوب عليهااذكر الله تعبت كثير مالقيت اللى يحتويني يارب الطف فيني والله صابنى ملل كانت تدخل المنتدي وفجأةشافت فية صندوق محادثات وبدات تسولف مع رجال وبنات وانواع الضحك والفله وتقول انا احس بملل وحيده في غرفتي ماعندي خوات كلهم بحالهم متزوجات اخو واحد بس وموفاضي لاحد كانو يسمعونها ويحسون بمعاناتها من الملل وقله الطلعه والترفيه كان في المنتدى مزاجات تحت كل عضو يحطها على كيفه وحسب مايحس فيه وكانت كل مرة تكون فيه طفشانه او فيها ملل تحط مزاج جديد حتى انها بعض المرات تدخل ولاتلاقي احد في صندوق المحادثة يسولف معهافي المنتدي كانت مثل ماقلت لكم اجتماعيه وتحب الناس لين بدأت تمل من الدخول وقل تواجدها لانه حصل ضرف لها ولما رجعت بعد كم يوم جاها رساله خاصه على ملفها الشخصي فتحتها وكانت من صاحب المنتدي عنوانها عسى المانع خير فتحتها سمر وكان فيها هلا سمر اخبارك وينك عسى المانع خير ما نشوفك بما انك وحده مننا حبيت اتطمن عليك أفرحت سمر بهاذي الرساله حست فيه احد يحس بوجودها ردت سمر برساله خاصه تسلم يالغالى على سؤالك عني وهذا من طيبك أبداًبس ارتباطات ورا بعض ولاقدرت أدخل المنتدي
ارجعت تشوف المنتدي والمواضيع الجديده فيه ولما خلصت جلست تسولف مع الموجودين في الصندوق وشافت صاحب المنتدى وجلست تسولف معاه وانبسطت :blushing: وجلست على هالحال كم يوم وكانت كل مرة ينهون المحادثه تقول سمر لاتنسى تحذفها ويقوم بحذفها فوراً وكانو يطلعون مع بعض من المنتدى ويدخلون سواء وكانهم متفقين ومره من المرات ارسل لها رساله خاصة وقال انا مسافر كم يوم وعطيتك كافه الصلاحيات لان ماادري عن وضع الباقين ردت سمر تروح وترجع بالسلامه بس الرياض بتظلم بدونك طبعا المدير ماشاف الرساله ألا بعد ما جا كانت سمر ضايق خلقها عشانه سافر وتركها في المنتدى :sad_1: المهم ادت اللى عليها وبعد ما رجع من السفر وأرسل لهارساله شكر سمر:انا ما سويت غير واجبي بس والله فقدناك وظلمت الرياض:blushing: صاحب المنتدي: ما تفقدين غالي سمر : كاني فاقده احد فهم انتم :blushing: غابت أسبوع عن المنتدي كان بهاذي الفترة اللى غابت فيها تغير المنتدي كثير وصار فيه تطورات وماكانت تعرف لما دخلت لقت رساله من صاحب المنتدي قال لها عسى المانع خير والله كنت مرسل لك أضافه على الماسنجر حقك وش اسوي أتمنى ما تفهميني غلط بس عشان فكرت ضيعتي أسم المنتدي لو حابه تقبلين الاضافه ما عندي مانع سمر في قرارات نفسها والله مااقبلها لو ايش ردت سمر برساله تسلم كلك ذوق ياقلبي لاوليه أفهمك غلط عادي اكيد بتسوي كذا ماقدامك غير هاالطريقه:blushing: عرفت سمر انه دخل ملفها وعرف أيميلها منه راحت وغيرت الايميل لايميل خاص بالمنتدى فقط في الفترات الأخيرة أصبح ما احد يدخل المنتدي غيرها ورسايل بينها وبين صاحب المنتدي حتى انه قل تواجد الجميع راسلها وعرض عليها أنو يضيفها في الماسنجر بحكم انو كثير يحتاجها وحاب يكلمها ويتواصل معها وافقت وكانت مبسوطة كثير لانه تقرب منها وهي ماتنكر انها فعلا معجبه في شخصيته وما وصلت لغير كذ :in_love: كان عندها بلاك بيري وحبت تضيفه من ماسنجر لايف ويكون قريب منها اكثر لانها ما تدخل ماسنجر لاب توبها كثيروعشان لما تكون برا البيت تحس بقربه منها تمت الأضافه ومرت بسلام كانت سمر تسهر كثير على النت وماتنام غير الصبح على تسعه تقريباً شافها داخله وارسل لها رساله على الماسنجر ياتر وش صار هل ردت سمر عليه اولا أنتظروني في الفصل الثالث
حبيباتي أنا ماراح احدد اسم لصاحب المنتدى في الروايه راح اخليه بهذا الاسم في تفاصيل الرواية فقط وبطلة روايتنا هي ساره وسمر هو أسمها المستعار في المنتدي وصاحب المنتدى اسمه عمر
كانت ساره تسهر كثير على النت وماتنام غير الصبح على تسعه تقريباً شافها داخله وارسل لها رساله على الماسنجر
صاحب المنتدي :صباح الورد سمر: بخجل هلا صباحك نور صاحب المنتدى : أخبارك سمر :الحمد لله تمام انت كيفك صاحب المنتدى: تمام انتي وش امسويه سمر :ملل وطفش كالعاده صاحب المنتدى :والله مشكله الطفش لوأن الطفش رجل لقتلته سمر :وليه أسم الله عليك بعد ناقصين سجن ومدري وش صاحب المنتدى :يافديتك انا روحي تسلمين سمر :كلك ذوق صاحب المنتدى :وانتي منبعة سمر :يوه خجلتني حيل صاحب المنتدي :فديت الخدود الحمر انا سمر :شكراً ياقلبي صاحب المنتدى : ياالله أشوفك على خير ياقلبي سمر :وقلبها بيطير من الفرحه انها كلمته ان شاء الله ياروحي صاحب المنتدي :فديت روحك مع السلامه سجل خروج وسجلت سمر خروجها طبعاً استمرت المحادثة ساعه سمر في قرارات نفسها تغليه وتعزة قالت كيف اقوله اني احبه والله وموت فيه بعد صارت تسأل نفسها ياترا اللى اسويه غلط او صح ياالله ان شاء الله خير وصارت تبكي لانها كانت تفقد الكثير من العاطفه ولاتجد ملجأ لها مع ان عمرها موعمر وحده مراهقه وتكلم شاب تنهدت سمر في نفسها وافترشت سريرها وهي مبسوطه انها كلمته لكنها كانت تتوقع انو كل ما يحتاجها بطلب يخص المنتدى راح يكلمها بالماسنجر وقالت هاذي مصالح منتدى ولابد يكون فيه تواصل بيني وبينه نامت ساره وماصحت الا بعد العصر طبعا بطبت روايتنا اسمها ساره لكن الاسم المستعار في المنتدى هوسمر دخلت المطبخ :نسيم فيه قهوه نسيم :ايوه انا فيه سوى حق انتا ماما قول سوي حق ساره ساره :ايه زين خلاص بصلي العصر واجى آخذها ساره :دخلت الحمام وانتم بكرامه وتوضت وصلت العصر في سجادتها اللى تشتاق لها كل وقت آذان راحت سمر بعد ما صلت المطبخ أخذت القهوه مع فنجان وصينيه وتمر قالت والله نفسي بشكلت بدق على البقاله خله يوصللى طلبي ساره :مسكت التلفون الو بقاله البقاله :ايوه ساره :فيه جالكسي وسنكرس البقاله :ايوه فيه ساره :طيب جيب خمسه جالكسي وخمسه سنكرس بسرعه بيت ......) البقاله :طيب ان شاء الله ساره :سكرت التلفون وجلست تتقهوى قهوتها العربيه اللى تحبها بعد دقايق شغلت التلفزيون وجلست تتفرج على البرامج والمسلسلات رن جرس البيت ساره :ايه هاذي البقاله ساره :عند الباب مين البقاله :بقاله ساره: انزين كم حساب البقاله :13 ريال ساره :طيب هاذي فلوسك وكانت تحاسبه من ورى الباب ساره :مبسوطه الله جالكسي جديد وسنكرس بعد يم يم يمي راحت تكمل قهوتها وتاكل شكلت ________
لما جا الليل جلست سمر بعد العشاء على جهازها الساعه تقريبا 11 وكانت مطنشه ومومتوقعه احد يكلمها هالوقت المهم كملت سهرتها من منتدى لمنتدى ثاني وملت جلست تقلب في البي بي حقها وتسولف مع هاذي وهاذي لحد ما ملت وقاربت الساعه وحده الليل جلست كالعاده تقلب في جهازها وتشارك في المنتدى بمواضيع جديده ومفيده للكل طبعا هي من النوع اللى تجلست بالساعات على النت راحت المطبخ سوت لها كوب كابتشينو وراحت غرفتها وقفلت الباب لحد ما جآت الساعه 4 الفجر واذن قامت بعد ربع ساعه توضت وصلت على الساعه 5 الصبح كانت فاتحه ما سنجر لايف عن طريق البي بي شافها صاحب المنتدى وكان مسجل دخول صاحب المنتدى :هلا صباح الخير سمر :صباحك نور هلا بك صاحب المنتدى :داشه الماسنجر وقلت اسلم عليك سمر :ايه خبرك ما سنجر لاب توبي ما افتحه قلت خليني على هذا صاحب المنتدى :ايه زين احسن والله بس تلقين اناملك وهي تضغط تضغط بنعومه مومثلي سمر :انحرجت:5:في نفسها وه فديته صاحب المنتدى :لايكون احرجتك احس اني تجاوزت حدى سمر :وليه خذ راحتك يالغالى صاحب المنتدى :فديتك سمر :فديتك انا روحي صاحب المنتدي :أبغا اكلمك واسمع صوتك سمر :والله انت غالى بس ما اقدر صعبه اعذرني والله صاحب المنتدى :وليه عسى ما شر سمر :ما اقدر والله انا بنت ناس وصعبه لاتحرجني صاحب المتدى :لااحراج ولاشي بس مره بسمعك صورتك بس سمر ::in_love:ياربي وش اقول ياربي اخاف سمر :ان شاء الله يوم ثاني اكلمك صاحب المنتدى :انا احس انك تتهربين سمر :لاوالله بس خجلانه منك صاحب المنتدى :انزين انا بشوف يوم ثاني بخاطرك مع السلامه سمر :وليه تو الناس صاحب المنتدى اي تو الناس من صباح الله ابغا اكلمك ومو راضيه سمر :انا موماني راضيه قلت لك مستحيه منك صاحب المنتدى :يافديت الخجوله ياناس طيب شوفي لك حل مع خجلك هذا وربي مشتاق لك سمر :طيب بكلمك صاحب المنتدى :هذا رقمي متى ما حبيتي كلميني 00000) سمر :اوكيه ان شاء الله يوم ثاني صاحب المنتدى :يالله انا بطلع تامرين شيء سمر :سلامتك صاحب المنتدى :الله يسلمك وياليت تشوفين حل مع الخجل حقك سمر :ان شاء الله سلام سجل صاحب المنتدى خروجه الآن
______ ساره سجلت خروجها وكان قلبها يخفق خوف وقلق وافترشت سريرها ونامت لين بعد العصر ياترا كلمته ساره وش صار بعدين واحداث كثيره انتضروها في الفصل الرابع
ساره جلست على جهازها على الساعه 6 الصبح تنتظر ما سنجر منه كانه غشاها النوم قالت اروح اسوي كابتشينو اصحصح شوي راحت وسوت لها كوب اجلست ترتشف كوب القهوه اللى معاها وتنتظر اتطاله لانه كان مسجل خروج صاحب المنتدى سجل دخوله سمر :وة فيدته دخل الماسنجر صاحب المنتدي :صباح الجوري سمر :هلا وغلا بالغالى صاحب المنتدى: يافديتك انا هاه اقدر اكلمك سمر:يعني انت الحين مسجل دخول عشان تكلمني صاحب المنتدى:مو انتى اللى قلتى بكلمك سمر :أيه قلت بس قلت لك مستحيه والله موقادره اتكلم كلمه احس انى ببكي لو كلمتك صاحب المنتدى :يافديت الخجل أنا طيب شرايك تكلمين وانا اتكلم مو انتى دام تستحين سمر :اوكيه امرى لله صاحب المنتدى :آشوف كن مالك نفس سمر :ألا بس مستحيه صاحب المنتدى :انزين خلاص دقي وسكري وانا اكلمك رقمي 000) سمر :دقت رنه قالت مادأدري رن صاحب المنتدى :رن ورن معاه قلبي يالغلا الحين اتصل عليك رن جوال سمر :ردت ساكته صاحب المنتدى :ياهلا والله وغلا تو مانورتي افرش الارض ورد عشان سمعت صوتك سمر :أستحت يوه فديته والله صوته يهبل وه ياربي عجزت موقادره اقاومه يسحر سمر :هلا صاحب المنتدى يافديت الصوت الناعم انا وه بس واخيراً ما بغيتي سمر :ههههههه صاحب المنتدى :يافديت الضحكه انا سمر :خجلتني :in_love: صاحب المنتدى :أنتى تجبيني سمر :وبصوت هادي يالله الكلمه تطلع ايه أحبك صاحب المنتدي :كم عمرك ومتزوجه اولا سمر :29 سنه لامومتزوجه صاحب المنتدى :يارب العمر كله والله يرزقك بالزوج سمر :كنها تضايقت من الكلمه وكتمت دمعتها لان الكل يعنت عليهابهاذي الكلمه اللى مالها معنى واحد او تفسير عندها صاحب المنتدى :يالله انا حبيت اسلم عليك وبطلع تامرين شيء سمر :سلامتك سكرت السماعه وكانو لايزالون مسجلين دخول ماسنجر قالت له وه صوتك حلو صاحب المنتدى: وانتي بعد حلو صوتك الا ماقلتيلي وش اسمك ردت سمر :ساره صاحب المنتدى :اناعمر وبامكانك تدلعيني اسم دلع عموري
ردت سمر :يافديتك انا اسمك حلو وهي في قرارات نفسها انو يكذب مو أسمه الحقيقي بس كانت تتسائل هو صدق اسمه عمر اويكذب بس كانت تجزم انه كذاب موقايل اسمه الحقيقي
صاحب المنتدى :يالله تامرين على شي بطلع الحين برا البيت سمر :لاسلامتك
سجلو خروج الأثنين وطلعو ساره كالعاده افترشت سريرها على الساعه 9 ونامت وكانت تضن انه بيكلمها مره ثانيه
ياترا وش صار بعدها تابعوني في الفصل الخامس من الروايه انا اليوم عوضتكم عشان المنتدى فصل معاي من كم يوم بانتظار تعليقاتكم وكل الشكر لكم وللى يتابعوني يكملون ترا بتصير احداث كثيره ومثل ماقلت لكم الروايه خياليه ولاتمت للواقع بصله
البارتين روووووووووعه وتشوووووووقت كثير لااعرف الكثير بس اتمنى يكون لها عبره لان اغلب القصص مالها عبره قصص حب وماانستفيد شي ومبين من اسلوبك فالكتابه انك رائعه بس حبيت اعلق وبالتوفيق وننتظرك ياعسل
