انا احس بوحده وقلت حيله

[نسمة صباح]

قد طرحت عدد من مشاكلي في مواضيع سابقه ومشكلتي الجديده من عدم عدل زوجي ففي هذه المره قد طلبت من زوجي انه في الاجازه بين الفصلين نذهب مع بعض نغير جو نتمشى رفض كالعاده دائم يقابلني بالرفض من يوم تزوج وهو على هذا الحال واقنعني انه سوف يذهب مع اصحابه يتمشى لكن من طريقته واسلوبه قبل يروح اكتشفت انها معه واخذها يمشيها في الامارات مع انه دوري في الروحه معه لان اخر مره كانت معه الحين ابي حل مع زوجي هل اقفل الباب في وجهه اذا جاء ام ماذا

 

[سناالشوق]

الله يكون بعونج عزيزتي...بس يمكن زوجك يكون معذور -ولو انه غلطان بدون شك-بس نقول فرحان بالمرة الجديده بس ايش اقول انا اللي بالضبط زوجي نفس ما يسوي زوجك بس يطلع لحاله و يرفض يطلعني او يمشيني او يسهرني او يسفرني مو مرة بالشهر الا رافض حتى مرة بالقرن:busted_red:

 

[خيال الحقيقة]

الله يعطيك طولة البال وسعة الصدر...

والله يكتب لك الأجر...

ويسخر لك زوجك ويجعلك في نظره أحلى انثى في هالوجود...

آآآآآآآآآآآآآآآآآآىىمين

 

[الدكتورة نبضة قلب]

غاليتي

لا تكبرين السالفه

اذا سويتي اللي في بالج انتي الخسرانه
تعرفين ليش

لانه بكل بساطه
ركضه عند الثانيه

غاليتي

كوني ادهى في التعامل

بتعاملك
وبصبرك ستردينه لك

عليك بقراءة قصة انت والاخرى في قشم القصص​

 

[ميوسه]

انا مع اختي الدكتوره


تصر في بذكاء وبدهاء واقلبي حياتك للافضل واعرفي كيف ترجعينه حتى لو سو حركه مثل هذي واتعلمي اساليب من القصص الموجوده بالموقع مشابهه لقصتك تماما

مثل قصة ام الوليد او هذه حكايتي

وطبقي الموجود فيها بالحرف الواحد بما يناسبك

اللي بالقصص عرفوا كيف يرجعون ازواجهم لهم بس الموضوع يبيله صبر وطولة بال وشهور او سنه


موفقه

 

[نسمة صباح]

يعني اقابله بسعة صدر وماكانه سوى شئ وين كرامتي واذا سكت راح يكرر الموقف

 

[ميوسه]

عزيزتي

لاتقابلينه بسعة صدر

قابليه بدون مشاعر خليه يحتار وطنشيه على صعيد العاطفه
يعني اتحرري منه عاطفيا عامليه كصديق هالفتره حتى يعشقك ويزيد حبه على حبها

اذا انتي تبين ترجعينه لك وتحبينه اشتغلي على نفسك مو كشكل كشخصيه وتطوير ذات

اذا تحبين تعرفين كيف وراح تطبقين مستعده اكتب لك من الالف للياء

لاني لاحظت اغلب المتزوج عليهم ازواجهم نجيب لهم حلول من الموقع من الاستاذه ناعمه ولايطبقون شي يرجعون يكررون اسئلتهم واخطائهم

الموضوع يبيله صبر

موفقه

 

[عنقود عنب]

اختي الله يعينك

انا اقول لك تصرفي بحكمة و تعقل

قفل الباب مو هذا هو الحل ..

فكري كيف تكسبينه ...وهذه الشغلة يبغي لها طولة بال و صبر

لا تيأسي ...

وفي نفس الوقت ..عيشي حياتك ...شوفي اي شي يشغل وقتك

اما اذا بتظلين بهذه الطريقة في التفكير ...اول من راح يخسر هو انت ..وراح تخسرين اهم شي وهي صحتك

لا تقابلينه برحابة صدر ولكن لا تقفلي الباب في وجهه

قابلة و كانه ما غاب الى كم ساعة ..خليك عادية عشان ما يمسك عليك حجة ويقول انت اللي بتصرفاتك تنفريني منك وتنكدي علي

ارجع و اكرر ...طولة البال و الصبر

وربي يعينك

 

[نسمة صباح]

اختي ميوسه ساعديني الله يعافيك من الالف للياء الله يجزاك الجنه

 

[IMiss you]

الله يكون في عونك وعليك بالصبر والدعاء ولاتياسي

 

[ميوسه]

نسمة الصباح

اول شي اقري القصص اللي كتبتها لك ام الوليد وهذه حكايتي

ثاني شي في حكمه اخذتها من هنا تقول

انو اذا قدرتي نفسك ودللتيها ورفعتيها بين الناس الناس تقدرك وتدللك وترفعك

يعني باختصار شديد حبي نفسك
بوجوده وبدون وجوده انسي انك متزوجه تخيلي نفسك بدون زوج ونفس الوقت لاتقصرين اذا طلب حق من حقوقه

مثلا : بالبيت خليه يحتار فيك مبتسمه مرحه مع الاطفال وحتى معاه اضغطي على نفسك عشان يرجع لك بكره

غيري اثاث البيت او اكسسوارت البيت اغراض الاكل والتقديم ملابسك و ملابس اطفالك خاصة ملابس البيت وغرف النوم جددي في كل شي بدون ماتنبهينه بدون مايحس بالتدريج

برضوا في شكلك بالتدريج اذا مليانه انحفففففففففففففففي بدعي بالميك اب واتعلمي كيف تحطين ميك اب صباحي خفيف بالبيت وملابسك ابعدي عن الاغراء وقمصان النوم البسي ملابس مريحه شبه مغريه جينزات وبديهات

ادخلي دورات لغه او اتيكيت او ميك اب واشتركي بنادي لو 3 مرات باليوم

غيري حياتك فوق تحت

لان الرجل يبحث عن اي شي جديد بالمره مو كشكل قد ماهو اهتمام يتطوير ذاتها وتدللي نفسها


وخليه يشوفك وانتي حاطه ماسك على وجهك وامشي فيه بالبيت بين فتره وفتره واطلبي عصيرات طازجه من الخدامه وخليها تجيبها لك وانتي تطالعين التلفزيون اختاري برامج واوقات تطالعين فيها


سوي لك جدول يومي او شبه يومي بالطلعات تسوق زيارات نادي كوافير (مناكير وبوديكير )

عبي البانيو رغوه وحولينه شموع عشان نفسك مو عشانه وخليه يلاحظ اجواء احتفالك لاتشيلين الشموع بس اطفيها هههههههههههههههه او حتى افتحي الباب

ولاتدقيت عليه ابدا ولاترسلين مسجات وخليه هو اللي يدق عليك ويدور عليك

واتعلمي فنون الجنس الحلال من الموقع او من النت بشكل عام واذا طلبك تفنني فيه

عاملي نفسك كملكه بيلاحظك وبينشد لك وخلي جو البيت مو نكد بعد مده بينقلب بيته الثاني نكد وبيدور على راحته عندك اذا واذا فقط طبقتي هالاشياء وصبرتي

وشي ثاني طالبي بحقوقك بصوت عالي وخليك قويه

بس في نفس الوقت ضعيفه بانوثتك

شدي وارخي بالمعامله


هذي السياسه نطبقها على ازواجنا لو حتى ماكانو متزوجين لان تجيهم فتره يبعدون ويملون


موفقه

 

[نسمة صباح]

ياختي الله يجزاك خير كيف اطالب بحقوقي اذا كان مايبيني اتكلم في حقوقي يزعل ويقول انت نكد ويبغاني ساكته على ظلمه لي انا الحين احس بكره له مادري كيف اتحمله وامشي غلطه تخيلي له اسبوع وهو مسافر ولا اتصال ولا شئ اعرف ان الطريقه الي ذكرتيها مفيده لكن الحين كيف اخذ حقي منه

 

[ضياء القمر]

ياختي الله يجزاك خير كيف اطالب بحقوقي اذا كان مايبيني اتكلم في حقوقي يزعل ويقول انت نكد ويبغاني ساكته على ظلمه لي انا الحين احس بكره له مادري كيف اتحمله وامشي غلطه تخيلي له اسبوع وهو مسافر ولا اتصال ولا شئ اعرف ان الطريقه الي ذكرتيها مفيده لكن الحين كيف اخذ حقي منه

حسبي الله ونعم الوكيل

حسبي الله ونعم الوكيل

حسبي الله ونعم الوكيل

 

[A R E E N]

لأغلط تسكري الباب في وجهه بكذا راح تخسريه يمكن للأبد

هذا بيته حاولي تكسبينه اهتمي بنفسك وصحتك وادخلي

دور التحفيظ وانشغلي عنه بس لاتهملين حقوقه

ولا تتعاطفين معاه الين يرجع يغليك

 

[ameenah]

الله يكون في عونك ويفرج همك

 

[بدون جراح]

انا اشوف اختي انك ماتشغلين بالك هل اتصل ولا لا
واهم شي اذا جاء ماتعصبين ولاتقولين ليه مادقيت ولاتزعلين
منه يعني بالمختصر كأنه لسا خارج من عندك ماصار له عشر
دقايق
وبعد نقطه ثانيه ابكي يااختي لاتكتمين في قلبك متى حسيتي
انك مخنوقه ابكي علشان ترتاحين

 

[ميوسه]

الحقوق تطالبينها بعد مايقوى مركزك في قلبه بعد ماتسوين اللي قلتك عليه وتطبقينه صح

واقري القصص

 

[nonoura]

واللة انتو الزوجات الاوليات لكم الجنة بازن اللة شلون بتتحملو وبتقبلو وجود زوجة تانية فى حياتكم واللة مجرد اتخيل هالموضوع بيتزلزل بدنى وبنتفض نفض عن جد الموضوع مو سهل ابدا ابدا يعنى ازا جوزى عمل هالشغلة واللة مابئعدلو دقيقة وحدة ويلى باعنى بالفول ببيعو بالقشور مثل شامى

 

[نسمة صباح]

الله يجزاكم خير ياخواتي بس احس اني اكره ماودي اشوفه كيف باتحمل جيته عندي

 

[فيل فيل]

اعجبني رد ميوسه وعنقود عنب وانا معاهم ميه بالميه