ام زوجي تقول اذا ماحملتي لين السنه اليديده بتخطب لريلي وحده ثانيه

[الغلا الورد]

السسلام عليكم بلقيسسسات
الله يخليييكن اي وحده تدخل ترد عليه لو بدعووه من القلب

انا معرسه من 3 شهور ومن الشهر الاول كله التهابات و حكه فضيعه في المنطقه الحساسه حتى الله يكرمكن بعد التبول الماي يحرقني...
استخدمت كريم مايكوهيل لاكن ماشي فايده للعلم استخدم غسول للمنطقه,,وغيرت الدكتوره وسوويت فحوصات قالت لي عندج:
1_ فطريات.....وعطتني 3 تحاميل مايكوهيل استخدمتها وماشي نتيجه
2_صديد البول....نسبة 8الى 9 ... وقالتلي شربي ماي وااايد وسؤائل
3_وهرمون التبويض مرتفع ....واحد بس


الله يخليكن يابنات اللي تعرف اي شي او اي وحده صارلها نفسي اتقوولي وتفهمني للعلم انه ام زوجي دايم مششاكل تبا عيييال وهاشهر قالت اذا ماحملتي لين السنه اليديده بخلي ريلج يعرس علييييييييييج
للعلم الدوره مخلصه عني تاريخ 9/8......وانا فيه كل هذا ف ما اتووووقع ايصير حمل وفيه كل هذا..........

 

[الزهرة الصالحة]

حبيبتي ماعليك من أحد إنتي تعالجي وكملي مشوارك لا تيأسين

شوفي عليك بماء زمزم أنا قريت مرة وحدة تحطه في طشت كبير وتجلس فيه عشان يطهر المهبل

وعليك بالروب مع الثوم مممتتتتتتتتتتتتتتتاز سمعت الدكتورة بنت النيل تمدحه وتقول مرتين في اليوم يقتل الجراثيم والبكتريا مع الاستمرار

والطريقة انك تقصصين الثوم شرايح وتخلطينه مع الروب وتاكلينه عادي استحملي حبيبتي

والحبة السوداء فيها شفاء والعسل الأصلي وماء الزمزم ياقلبي لا تيأسين إنتي الحين طقيتي باب الدكاترة والمستشفيات ومافي نتيجة

طقي باب الرحمن وقولي يارب وابذلي الاسباب اللي قلت لك عليها مع الاستغفار وقراءة سورة البقرة والصدقة بنية الشفاء وقيام الليييييل احنا برمضان استغلي الفرصة

صدقيني الله مابيخيب ظنك وبتطيبين بإذن الله وبتحملين إن شاء الله وبتترسين البيت عيال يارب

وصراحة إنتي توك عروووووس بدري على الحمال ماحد له حق يتدخل إذا زوجك متفاهم وياك توكلي على الله ولا تسمعين للكلام الجارح

 

[تعب قلبي منه]

الله يهديها ام زوجك يعني انت لسا دوبك عروسة مره بدري في ناس ما يحملو 7 و8 شهور طبيعي من غير شي بس انتي ادعي ربك في دي الايام الفضيلة والله يرزقك يا رب ويسخر لك زوجك

 

[انت الغلا]

حبيبتي اولا واخيرا تؤكلي على الله
وشوفي لك دكتور شاطر وابدي راجعي
وان شاء الله ماتجي السنه الجديده الا وانتي حامل

 

[حور الشوق]

حبيبتي عليكي بقراءة سورة البقرة و المداومه عليها لانها بركه
وقيام الليل وطلب من الله الذريه الصالحه مو من البشر
وشكرا​

 

[نووووفه]

اول حاجه عالجي الالتهابات قبل ما تفكرين في الحمل
راجعي مع دكتوره زينه لين تخلص الالتهابات وبعدين خليها تسوي لك جدول للحمل
الله يرزقك بالذريه الصالحه
​

 

[الغلا الورد]

يارب تكووون ساعة استجابه والله يرزقكن كل خيييييييييييييير ويحقق اللي في بالكن ..........

 

[الغلا الورد]

بنات هل اللي فيه ششي طبيعي؟
يعني صار معاكن من قبل؟؟؟

 

[قمر @]

اختي الغلا الورد
مادام الالتهابات جاتك من بداية زواجك احتمال كبير انها انتقلت من زوجك لكي أنا وحده اعرفها زي كذا
هذا والله اعلم
واذا على ام زوجك الله يهديها نكدت عليكي
انبسطي ياعروووووووسه ياحلوه
واذا زوجك متفهم قوليله عاللي سار من امه بس مو كأنك تتشكين له منها لا بس كأنك تبغينه يطمنك وترتاحي
واذا كان من النوع اللي مو متفهم انتبهي تشكيله من امه وعامليها زي امك ومصيرها تتغير ولو ماتغيرت مافيه شي يضيع عند ربي حبيبتي
الله يوفقك ويريح بالك يارب

 

[الحياهـ ماشيه]

والله هالحريم بهذلوونا بعياالهم
يعني ايه يبغوا الووحده تتزوج وهي حااامل مثلآ <<<قلبت عزيزي هع هع هع
شووفي يالغلا ,,,,لي
11 شههر متزووجه
ومن تزوووجت
وانا اتلخبطت دنياااي فوووووووووق تحححححححت
ولا احد داااري عني
والسبب من ابو سرواال وفانيله
اهم شيء صحححتك
رووحي للدكتوورة
وامششي ع العلالالالاج
وكــــــثثري
من المـــــــــــــــــــــويه
سمعت إنها كوووويسه للاتهابات
والله يششافينا وجميع مرضى المسسسلمين

 

[بطيخه فوشي]

عاااادي حبيبتي انامثلك اول زواجي جاتني التهبات وتعالجت منهاا والحمدلله حملت بعدهااا وعلى فكره قالت لي الدكتور ه التهابات تجي بالغلب من الزوج ---وام زوجك هذي سااالفتهاسالفه الله يعينك عليهاا ياقلبي --

 

[زوجة الناظر]

الله يشفيك

وام زوجك ماعليك منها

 

[نقااء الثلج]

ما اقول غير الله يهدي ام زوجك ياااقلبي انتي لسه عرووووس وش فيها هذي

 

[حبكـ أنا]

عليك بالدعاء ان ربي يرزقك ويكفيك شر امه واستمري على الاستغفار

 

[نووووفه]

الالتهابات غالبا تجي من البكاره لانها جرح داخلي وما يتعقم زين
وممكن اذا كانت مزمنه تمنع الحمل
والافضل تتابعين مع دكتوره
طيب زوجك اش رايه مستعجل على الحمل وموافق على كلام امه ولا لا؟؟

​

 

[الماسة غير]

صاحبتي تزوجت معي بنفس الليلة وكانت تنصحني استخدم غسول للمنطقة بس أنا اتصلت على طبيبة ومانصحتني بالغسول قالت لي بما إنك عروس وراح يكون فيه فتح للبكارة فالمنطقة بتكون حساسة فلا تستخدمي بأول اسبوع بس ممكن بعدها تستخدميه
صاحبتي استخدمته وصارت مثلك جاتها التهابات فظيعة و راحت للطبيبة وتابعت معها العلاج والحمد لله بعد شهرين من العلاج خفت الالتهابات وحملت
فأنتي شكلك ما تستمري على العلاج أو على نفس الطبيبة حاولي تشوفيلك طبيبة واستمري معها لاتستخدمي العلاج اسبوع وتقولي مانفع ولاتفكري كثير بالموضوع لأن واحد من أسباب الالتهابات هو العامل النفسي

والله يشفيك ويرزقك بالذرية عاجلاً غير آجل
​

 

[جنون بيبي]

الله يشفيك ويرزقك الذريه الصالحه مع انك لسى عروس انبسطي

 

[حبيبة روحها]

انا مثلك التهابات محكة فضيعة فضيعة فضيعة ورحت طبيبة شاطرة عطتني كريم وتحاميل وحبوب وغسول تخيلي بعدها حيسيت برااااااااااحة الحمدالله ماحملت الا يوم راحت الاتهابات

 

[ام ديما وبس]

الله يعينك ويزقك الحمل

 

[س؟..ج:..]

الله يرزقك ان شاءالله

وتوك على الحمل !!

ويشفيك ان شاءالله