امي وابوي يريدوني اترك زوجي

كلي احساس وحلا

كلي احساس وحلا

New member
إنضم
2010/10/16
المشاركات
237
السلام عليكم ورحمة الله وبركاته

بنات انا مالكة وصار لي 7 شهور بس ابوي وامي خايفين من زوجي لانه للحين ماحدد يوم العرس ودايما يقول بعد شهر لا بعد 5 شهور والحين يقول لا بعد رمضان ويخافون يكون لعاب او قاعد يتسلى لانه ماعنده كلمه وحده ...
وابوي حالف اذا زوجي جا البيت يزورني انه يرجعه من عند الباب لانه خايف علي وابوي يقول خليه اول يحدد يوم العرس وبعدين يجي البيت..
وثاني شي امي خايفه لان اهله مايزوروني يعني محد ابدا يزورنا ولا يتصل علينا وابوي خايف من هذا الزواج يقول انا خايف انج ماتكونين مرتاحه وخايف ان اهله مايريدونج لانهم مايزوروني وحاولت احط اعذار واذا امي اتصلت سألتهم وينكم ليش ما تزورنا تقولها سمحيلنا وظروف بس امي مو مصدقه هالكلام وغير كذا ان زوجي مايتصل على ابوي ولا يسلم الا يوم ييجي البيت وابوي يقول ليش زوجك مايتصل ولا يسأل ..
وابوي ينحرق قلبه يوم زوجي يزورني وايده فاضيه مايحب بس مره جاب لي ساعه والحمدلله طلع منه شي..

الحين امي تباني اتركه وابوي بعد بس انا قلت لهم بستخير لاني خايفه اخسره ويجيني واحد اسوأ عنه وامي تقولي استخيري..

اصارح زوجي بالاشياء اللي مضايقه اهلي ولا اسكت مادري بنات محتاج المشوره..

بس انا يا بنات احس اني متعلقه فيه..​
 
اختى اسمعى كلام اهلك
هم ادرى بمصلحتك و على العموم انتى لسه على البر ما خسرتى شئ يعنى انتى لسه مملكه
احمدى ربك ان ما بنكم اولاد
 
حبيبتي انا مع اهلك في خوفهم عليك

لان تاجيل الزواج غير مبرر وهم خايفين عليج وعلى سمعتج وبعدين الرجال مفروض يكلم الوالد وياتفاهم معاه ويحدد موعد معين لان بنات الناس مب لعبه
وحبيبتي انتي المفروض الموضوع تسلمينه ابوك لان هو اخبر بالرجاجيل هو يكلمه ويتفاهم معاه
مشاعرج وعواطفج انا اقدرها وادري بها لكن الامور هذي ما تمشي على حسب العواطف والمشاعر
وكلي امج وابو بالموضوع وقولي لهم سوو اللي اتشوفونه صح
اذا هو متمسك فيج ماراح تخسرينه واذا هو يلعب ومب جاد بتفتكين منه ولو على حساب مشاعرج
بس شويه الم ولا الم عمر كامل وزواج ومشاكل
وربي ايوفقج
 
ياقلبي عليك ..
حياتي الزواج حياة .. عشرة عمر
مو يوم والا يومين وترجعين ..
لا خلاص يدوم معك على طول إذا ربي أداكم عمر ..
فكري بعقلانيه ولا تجعلي العواطف تسيطر عليك ,,
إستخيري أكثر من مره وإدعي الله يكتب لك الخير ..
ولا تططلعي عن شور اهلك بكره وإلا بعده يصير بينكم شي لا قدر الله يقولون لك محد ضربك على يدك وأصريتي عليه
,,,
لاتصاريحنيه بشي حالياً أولا شواري نفسك وإستخيري أكثر من مرررره
وخلي أبوك يروح يسأل عنه كمان وكمان
وبعدين حطي شي براسك والله لو ربي كاتب لك نصيب والله تأخذينه لو إنك صرتي ميته فيه بالحيل
وغذا ربي ماكتب نصيب الله يعوضك
لا تقولي اخاف اتركه ويجيني واحد اسوأ
ماراح تاخذي الا نصيبك
توكلي على الله وإستخيري أكثر وأكثر
...بالتوفيق ياحياتي ,,,
 
دام لسه 7 شهور بس
ويعطيك مصروف وجابلك ساعه وامه تتصل فهذا كافي .....
لكن موضوع تحديد العرس هذا يجلس ابوك معه ويتفاهم بعقلانيه ورزانة رجال
مو هواش وطرد ومدري وشو العصبيه ما تنفع في هذه المواقف الحساسه ..
هذا رأيي والله يجيب اللي فيه الخير
ولا تنسي الخيرة فيما يختار الله
 
لالالا وش طلاقه ؟؟؟؟خلي ابوك يجلس معه ويفهم منه تاخير الزواج يمكن الرجال ماعنده مبلغ يكفي الزواج وانتي عارفه الزواج ومصاريفه.....ومن ناحية مو شرط كل زياره يجيب لك ومو شرط اهله يزورونكم
 
اختي الغاليه ماندم من استشار
واانتي استشرت البنات هنا وكلا قال رايه ولك حرية الاختيار بالراي اللي يناسب وضعك
موضوع الزواج هذا كلام رجال ابوك يكلم زوجك ويتفاهمون
واهلك ادرى بمصلحتك
تقبلي ردي وودي
 
انا ابوي معصب ومتضايق لانه زوجي زودها شوي ابوي دايما يكلمه بكلام حلو بس زوجي متأخر دايما
ويوم اقول لابوي يمكن ضروفه او ماديا تعبان يقول ابوي يوم انه مب مستعد ليش يتقدم و يطلب بنت الناس اول شي يرتب اوضاعه بعدين يتزوج
 
خلاص وش تبون بعد وتا جيل الزواج لانة شايل همة واعرف لك من الهم جلس كذاسنة الى ان حدد الزواج ابوها والحمد للة احين كل شى تمام
 
الأشياء اللي قلتيها عاااااديه ولعلمك ان امه ماتكلم الا نادرا مو كل المجتمعات ترا يطيحون
الميانه وقت الملكه لو مايبيك ماعطاك مصروف وانتم توكم مابعد تزوجتوا بس اهم شي لاتجلسين معه
وهو مابعد حدد الزواج انتي لاتقولين له شي خلي ابوك يكلمه ويتفاهم معه بموضوع التحديد
وتبين الصراحه احنا لو نمشي ع شور اهلنا في الزواج كان ماتزوجنا يبون يجيك رجال كامل انا أهلي
كانوا رافضين زوجي عشان امه كانت متسلطه بس هذا مو سبب قلت متسلطه مااكون ضعيفه معها وبعد زواجي علمتها كيف تحترمني ولاخليتها تسيطر علي او شي بقوة شخصيتي ونفس الوقت اسلوب غايه في الأحترام
لاتخسرينه عشان أهلك مادري شفيهم الأهل هالايام يطفشون بنتهم لاطولت ماتزوجت ولاجت بتتزوج انواع الشروط








 
بس على فكره انا مو حابه ازعل اهلي وخايفه ان كلامهم يكون صح عشان كذا حابه استخير رب العالمين
 
قولي لأهلك يعطوكي ويعطوه فرصة والعصبية ليست محمودة في هذه الأمور...بما أنه يزورك ويعطيكي مصروف أرى أنه من الأفضل أن تصاريحيه بمخاوفك وهواجس أهلك...قولي له أن أمك منزعجة من عدم زيارة أهله لك وبيني له أنك قد تتفهمين إن كانت هذه عادتهم ولكن المجاملة بين أهل الزوج وأهل الزوجة مطلوبة وابداء الاهتمام ضروري لتشعري باطمئنان من جهتهم...وانقلي له وجهة نظر والدك وتخوفه من عدم تحديده لوقت العرس ...اطلبي منه أن يجلس مع والدك ويريحه ويريح باله من هذا الامر وإن كان عنده ظروف فليشرحها وأنتم خير من يقدر ظروفه..واطلبي منه أيضا أن يكثف من اتصالاته بوالدك ليكون بينهم تواصل ومودة...قد ينتهي كل مايجول بخاطركم من هواجس ببضع كلمات يقولها خطيبك فتتطمأنوا من ناحيته وناحية أهله...استخيري وتريثي ولاتستعجلي...ربي يخترلك الخير.
 
انا براي اهلك معاهم حق
زوجك جرئ وعليه طلبات ماتدخل العقل
وفوق هذا مو محدد الزواج ويماطل
خلي اهلك يتفاهمو معاه
وياخدو منه كلمه وموعد محدد
ويعطوه فرصه ينفذ كلامه
ويتصرفو معاه على دا الاساس​
 
ابوك تكلم معاه عن وقت العرس ؟؟؟؟
خلي ابوك يجلس معه ويشوف وش عنده
 
red-rose 1 قال:
دام لسه 7 شهور بس
ويعطيك مصروف وجابلك ساعه وامه تتصل فهذا كافي .....
لكن موضوع تحديد العرس هذا يجلس ابوك معه ويتفاهم بعقلانيه ورزانة رجال
مو هواش وطرد ومدري وشو العصبيه ما تنفع في هذه المواقف الحساسه ..
هذا رأيي والله يجيب اللي فيه الخير
ولا تنسي الخيرة فيما يختار الله
أنقر للتوسيع...



نفس الرأي صحيح انا اشوف ان الوحده تطيع أهلها لأنه يمكن اهلك شايفين شي انتي ما تشوفينه او ما يحبون يقولونه الأهل خبره وعمر ونظرتهم بعيده لكن خليك صريحه معاهم و هم صريحين معاه وبالنسبه لاسلوبهم معاكم فيه ناس رسميين ما يتصلون ويزورون الشماليين كذا لدرجة حتى الواجب ممكن يتجاهلونه وانتم جنوبيين انواع الحماس والاستعجال .
 
وبعدين ليش تبون اهله يزورون ويتصلون اذا هو متواصل معاكم يكفي اريح شكلك بتجيبين المشاكل لنفسك بعدين اتركي اهله في حالهم.
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل