امي مكبلتنا حديد؟(**تم الرد**)

[فتاة الخير]

امي لديها وسواس قهري وعندها عين قويه ومحسوده من 24سنه..حياتها بين طلاق وموت ازواجها..
وحياتها كلها ماسي ولله الحمد على كل حال..
المشكله تكمن بانها تخاف علينا من الهواء ..اضرب لك امثله..
1لو تاخرنا5دقائق بالمدرسه..تردد على دورت المياه..رايحه جايه (الا اكيد نساهم الباص وسرقوا)وتبدا تخذرف من عندها..الا خلاص سرقهم احد وماتوا الله يرحمهم ..واحيانا تسكر على روحها الغرفه وتغطى وتقول اذا جو علموني..واذا دخلو متاخرين تضمهم وتصيح..خوفتوني...او انها اذا تاخروا تشيل ملابسها اللي عليها وتركض بالبيت تقول خلاص ماتوا ..
2بالليل ماتنام الى مايروحون اخواني للمدرسه عشان تنام الصباح ولا تفكر فيهم..حتى انها مارضت لاختي الكبيره تكمل دراستها تقول اخاف الصبح بروحي..
3دائم تحطمنا وتنزل من قدرنا حتى ان اخوي الكبير صارت هيبته ضعيفه من كثر ماتقول له ياغبي يامهبول ياطفل يامجنون انت غير سوي ورافضه تشتري له جوال كاميرا ماتثق فيه..والحين اشترت لها سياره وتاخذ المفتاح منه وتبغى تمشيه على كيفها بكل امور حياته وياويله لو يتاخر عن الصلاة..
3اذا هاوشت اخوي او رفع صوته عليها تقول ياحقير انت تحت رجولي انت مو رجل..اللي بسنك دراستهم ماشيه..وانت مو شاطر..وتهزئه عند اقاربي ..وتقول للاولاد اللي كبره اضحكوا عليه تراه مهبول كسلان حقير..حطمته؟؟؟؟؟؟؟؟؟؟؟؟؟؟؟؟؟لكن انا واخواتي نرفع من قدره ونقول لاتواخذها مريضه..
ودايم يشكي لنا ورافضه يخرج من البيت الا للمسجد..ودايم نتكلم معه انا واخواتي على انه رجل..وهو يتيم الاب احيانا ارحمه من هالتقييد ودي يموت ويرتاح ..
4لو انصحها واقول لها ليش تعاملينه تنافخ وتقول انا بس افكر فيه ليل نهار هذا ولدي ابغى يتعدل لمصلحته..لان عنده بطء بالقراءه ..وعمره17 باول متوسط..احس انه من التحطيم من اول سنه درس
تناديه يالساقط يالغبي..
5واحنا تحاول تحكم بحياتنا بكل شي حتى بعد زواجي لاتلبسين قصير ولا بنجابي ..وتحاول تدخل بكل شي وتحب تسالن بكل شي..وتبغاني دايم عندها ..واذا قلت ابروح لحمولتي تهزءنني ماتجين لنا..لا تروحين لهم تعالي لنا..وتقول دايم لي تقدرين زوجك انا ابدا منه..
وشوهت سمعة زوجي عند خواتها بس تسبه ..مع انه نافعها كثير لكن ماتبغاه يغلط مره..تبغانا دايم على صح..ولو نخطئ تنسى المعروف كله..
6تحب الكلام الكثير ماتشتغل في البيت ابد..بس تامر وتنهى واحنا شايلين البيت على روسنا كرف وداخل وطالع واذا عزمت وقلنا شي ياويلنا..ارحم اخواتي حتى بالاختبارات تعزم ..لانها تحب الناس وتحب السوالف بالناس..وهذا قال عن الله لايسامحه..وهذي قالت عن فلانه..
وبس تمدح بروحه ليل نهار..وياليت اللي تقول صح..والله انه مافي من الصح شي..
7لقوم وانام وهي جالسه تكلم بالتلفون..حتى ماتفشل من زوجها..ولا تنام معه..لانه تقول مايجيني نوم معه واحس بكتمه..
8تخاف من المستشفى وكل دقيقه تشكي ..يعني باليوم اكثر من ستين مره تشكي..حتى لو مو صدق واذا جاء زوجها تغطى بالبطانيه وتقول راسي..بطني رجلي اي شي..
مهمله نفسها باللبس..ولا تلبس الا بالعزايم..
9تحب تاخذ اللي مع الناس اذا شريت جديد ما احب اني البسه تاخذه على طول وفي هالدولاب ولا يلبس..وتحب تشري الماركات الغاليه بس ماتلبس ..
واذا ملت منها ماتعطينا اياها تعطيها بنات خواته او الخيريه..ترفض تقول مو لابسين انتم..
10لها سبعين راي..يتغير بالثانيه..
11تتمنى اننا نتوظف عشان الرواتب..ودايم تدق على الناس وتشكي بكل شي من ناحية الماده وصحتها ..
12كثيره التذمر من كل شي..بس عاقده حجاجها..وكثير الدعاء علينا بس تدعي علينا لو بسجادتها جعلكم للسرطان اللي يريحني منكم_الله لا يوفقكم_جعلكن تعيسات ماتذوقون للحياة طعم_جعلكم للضغط_
الله يطيكم العماء_ووخاصه اخوي تدعي عليه دايم بالسرطان وانه يتعذب منه وهي تشوف..والورم بالمخ_يعني اي شي يخطر على بالك تدعي فيه..
13 تحاول تمشي الناس على كيفها وانها هي الصح والناس كلهم خطا..
والله توترنا وتعبنا منها..الله يهديها وماتحب التفاهم واذا جيت ابتفاهم معها تدعي علي اني ما اتوفق بالحياة لاني اتدخل بينها وبين اولادها..صرت اكره اروح لهم..لكن ارحم اخواتي ودايم انا مع اخواني وضدها..وكذا مره تحاول تخنق نفسها عشان اخواتي مايسيرون على كيفها وتقول ابموت وارتاح منكم..يالله نفكها..
وتسوي علاقات مع الناس اللي عندها قروش..من اقاربها والعيال اللي ينفعون من اقاربها تمدحهم وااللي ماعنده قروش تحطم فيه ولا تحبه..ودايم تحقر الناس امامهم ودايم تفشلنا قدام الناس وتبصق بوجهنا ..
ورافضه تزور طبيب نفسي..تقول علاجهم من اثاره السكته القلبيه..
تعبتنا صرنا نكره حتلى المدارس..ملينا ماقدرنا نقنعها..حتى تكلمت مع ناس تاخذ رايهم من شان يقنعوها ورافضه بتاتا..وش الحل اتمنى تساعديني لو بالقليل يادكتوره..

 

[الأستاذة/أمل]

أعانكم الله بما بلاكم ,,, والدتكم تعاني من أمراض نفسية وليس مرض نفسي ,, نستطيع أن نطلق عليها متسلطة ,,:idea:
فمن خلال ما كتبتيه تبين لي بأنها تعاني من الوسواس القهري أيضا ,,وتشتت الأفكار ,, وتعاني من تعشعش الأفكار السلبية في رأسها,,,
:fish:
عزيزتي لابد أتن توقفوها عند حدها ,, اعلم بأنها والدتك ,, لكن ماذنب أخوك ؟؟ عليه ان يقوي شخصيته ( لا يقويها عليها ) بل يقوي شخصيته لنفسه فقط ,,, الآن أصبح كبير فلا بد ان تزرعوا فيه الثقة بالنفس حتى سن الزواج لا تتركي أخاك عزيزتي,,
:idea:
المتسلطة لها أثرها السئ على أسرتها لابد أن تجدوا حلولا لتوقفوا تسلطها وتبقون أفكارها محبوسة فهي إمرأة كبيرة ولا تستمع لنصيحة ,, فسارعوا بتقليص تسلطها على الأقل ولا تجعلوها تأثر على أخوكم.. وأعانكم الله على ذلك وعليك عليك بالدعاء المصاحب لليقين .​