امريكيه انتي او اوربيه ................اصحي تكوني امريكيه

[اتعلم]

الموضوع باين من عنوانه

اذاترتيبك لبيتك بالطريقه الامريكيه فانتي مهما تنظفي للاسف ماراح يبين عشان هم يعتمدون على تجميع كم كبير من الاغراض وترى يبنات حنا تقريبا نشبه لهم لاننا اذاشفنا رخيص نشتري واذا السوق الفلاني فيه تخفيض نقوم نسوي خطط لبوالشباب عشان التخفيظات وهات ياتجميع بعدين بامرديننا نستحرم نرمي شي

بس انا مااقول ارمو لاتصدقو عندك زيادة بطانيه الحين شتاء تصدقي فيه ودفيلك فقير

وانتي الكسبانه =بيت نظيف من غير تعب

وترى لامريكان عنهم اغراض كثير بس ماعندهم اطفال كثير يعني تخف الحوسه وبعدين عندهم مافيه وساخه اذاالاطفال في جووسخ يحاسبهم القانون يعني الابوين يقاضون عشان اولادهم


نجي للنظام الاوربي


هذا هو الاجمل اغراظهم قليله=نظافه

وتعتمد اغراضهم على الخطوط المستقيمه يعني مساحات اوسع
وهذا يعتمدوه عشان بيوتهم صغيره

وسلامتكم​

ترى انا كاتبته في منتدى ثاني بس بمعرف ثاني

يعني لاتقولون لي منقول

 

[دلوعه ممنوعه]

شكرا لك وياليتك دعمتي الموضوع بصور عشان تتوضح الطريقه اكثر او على الاقل يكون فيه نماذج ,,

بالنسبه للامريكين والاوروبيين ,, هل انتي بالفعل عاشرتيهم حقيقتا وشفتي هالشئ بشكل واقعي او من خلال وسائل الاعلام..؟

عشان تتوضح الصوره بشكل اكبر ,,


بالنسبه لي التخزين في بيتي مالي مفر منه وخصوصا لان احنا بالخليج يصير بيننا زيارات عائليه وما الى ذلك فمحتاجه للتخزين من نواحي كثيييييييييييره سواء بالمطبخ من اغراض وتقديم ....الخ

اوو ملابس ومتحضرات تجميل وعطورات ....الخ

او شراشف ومفارش وووو............الخ


وظروفنا عااااامة غير ظروف الغرب من جميع النواحي ..

هذي كانت وجهة نظري وشكرا

 

[سراااب]

الف شكر لك على هذا الموضوع المفيد

جزاك الله الجنه

 

[اتعلم]

لا طبعا انا ما عاشرت احد ولا رحت الى للقليل من الدول الخليجيه لكن من وسائل الاعلام والقراءه والاسواق وترى انا كنت اول انواع التخزين عشان الضيوف واحيانا استخسر اطلع الحاجه بس تعبت نفسيا وشفت ان بعض الاشياء اجلس

سنه كامله وانا مااستخدمتها بس مضيقه في المكان وعزمت اني اتخلص من كل شي يمر عليه وقت كثير مااستخدمه

ورتحت مع انه اول مره كانه اطلع قلبي بس بديت اعزي نفسي اني اتصدق فيهم وسبحان الله كنت اتصدق بالفلوس وعادي لكن الاغراض صعب لاني ماتعودت وبعد عشان تعبانه ومختارتها بنفسي من الاسواق او تكون

هديه


والحين كل شهر اطلع عدة اشياء وعادي مااحس انها خساره عشان اذا طلعت بطانيه اقول في نفسي اذا تغطى احد فيها بيدعي لي

واذا طلعت صحن اقول فيه فقير ياكل بصحن انا طلعته وكان مضيق علي واخذ مكان من المطبخ من غير فايده

واذا كان لبس صغير نفس الافكار

واذا لعبه اوفرشه يجرجرونه اولادي في كل مكان وكل مادخلت غرفه الاقيها تستقبلني وتقول مهما تنظفين انا

لك بالمرصاد

والحين وش رايكم تتخلصون من الكركبه وتقرون كتاب عبودية الكركبه عشان تتشجعون مثلي وتدعون لي تكفون

ان الله يشفين انا وولادي وامي وزوجي كل واحد عنده شي متعبه والحمد لله على كل حال

وسلامتكم

 

[دمووع المها]

والله يا اختي الدنيا بخير في كثير منننا اروربيات

والله يعين الجميع على تكدس الاغراض وتجمعها


مشكوره يا الغلا ويازج الله الف خير على هذي المعلومات الطيبه

 

[خ ـدود فوـشيا]

يعطيك العافية
فعلا كلامك صحيح

 

[لمسات انثى]

اي والله حبيبتي كلامتس صحيح مانشوف التخفيضات الاشدينا لها الرحال وهاتك ياتجميع الاغراض لين تتكدس وماندري وين نوديها والمصيبه يتقطع قلبتس ماودتس تصرفينهااوتتخلصي منها

 

[zahrt alkoon]

اي والله صدقتي يختي

 

[اتعلم]

دموع
خدود
لمسات
زهرة الكون

شكرا على المرور وبعد نبي همه كل وحده تطلع حاجه وترجع تقولنا وش طلعت ونتفاعل

وتذكرو احتساب الاجر وطلعو حتى الاشياء الجديده اذا مر عليها عام كامل بدون استخدام