الي يفهم بالشعر يدخل بلييز

[نور العاصمه]

السلام عليكم ورحمة الله وبركاته
مرحبا صباايا
كيفكم ان شاء الله منااح
المهم انا هذا اول موضوع اكتبه ف المنتدى وشفتكم متعاونين مع بعض قلت ان شاء الله يساعدوني
هذا قصيدة قصيرة مرسلها لي زوجي من تاليفه
انا احب الشعر بس ماافهم كل معانيه ابيكم تفهمونيها
القصيده هي

من زمن حبك مع الايام زاهر
في عيون اللي له الولهان عّمر
من جزيل الحرف اصداف وجواهر
اروع الابيات حين الشوق جّمر
هيه ياللي تدري ان البعد قاهر
طاري الفرقا عن الذرعان شمّر
اذرف دموعك ماهي حزة مظاهر
لا تكابر وانت خفاقك تدمّر
لحظة التوديع فيك الحزن ظاهر
يفضحك كفا على كفي تسّمر
والله ان حبك على النكران طاهر
مير حط عينك بعيني لا تذمّر
كيف ابي اقدر للوصل والوقت شاهر
في وجيه القوم سيفه ويتأمّر



بانتظار تحليلاتكم

 

[نور العاصمه]

هلا خواتي وينكم يابعدي
والله ع اعصابي بعرف معنى كل بيت

 

[نفسي كذا]

هل زوج مسافر او انتي بعيده عنه

 

[كيكا وحلاوه]

والله عادي مااشوف له مغزى شعر يتكلم عن الفرقا والحب بس لااكثر

الله يرد لك كل بعيد وحبيب

 

[نور العاصمه]

ايه هو مسافر
وتونا متزوجين صار لي شهر

 

[نور العاصمه]

وينكم ياحلوين

 

[الأميره الناعسه]

الابيات رررررهيبه ويعبرلك عن شوقه لك ومدى تأثره بفرقاك

 

[هذا رأيي]

السلام عليكم

عادي ياعسل..عريس وبعيد عن عروسته

وش ممكن يكتب يعني..غير مشاعر الشوق والحب وترجمها بأبيات رائعه


الله يخليكم لبعض ولا يغير عليكم...ويديم الود والمحبه


ويصلح بيوت المسلمين...

آمييييين​

 

[البشاريه]

للاسف ماافهم ف الشعر

 

[عاشقة الشروق]

بشكل عام فهمت انه يبيج تعبرين عن شوقج وحزنج على فراقه لانه اهو حاس فيج بس انتي ماتبينين اللي بقلبج

 

[حيرني آمرگ]

فديتك انا بفهمك اياها ببساطه مع ان الكلام جزل ماشاء الله
انه الحين من زمن حبك (انتي) اللي بالنسبه له زاهر
ومن عيووونه اللي ملاها الوله وعمر فيها
ومن احلى الشعر اللي انكتب بروعه الاصداف وجمال الجواهر
كتب شوقه لك اللي وصل حده
وبعدين يوجه الخطاب لك ** ويقولك انتي عارفه ان الفراق يقهر
وان حزه الفرقا خلاص قربت
كان يبغى يشوف دموعك ع فراقه
لانك مهما خبيتي هوه عارف ان قلبك متدمر من فراقه
والدليل يدك اللي بيده تسمرت
ويقولك ان حبك مابينكره انشالله
وهو وده بالوصل بس ظروف الوقت هيه اللي اجبرته ع الفرقا
وسلاااااامتك ياقلبي
والله يوفقكم ويزيدكم حب وسعاده

 

[رازيا]

يعبر عن شوقه وحبه لك

 

[الامل 2099]

الرجال متلهف .................
حاولي تعالجيه ؟؟؟؟؟؟؟؟؟؟؟؟

 

[وقع الالم]

الاخت حيرني امرك ماقصرت والله يجمعكم على خير وادا كنت تقدري لاتخلي زوجك في مكان وانت في مكان لاني غلطت هدي الغلطه وللحين ادفع الثمن
اتمنى لكي حياه سعيده

 

[عبودي دنيتي]

الله يخليكم لبعض تدلعي ياعروسه مين قدك كلللللللللللللللللللوش

 

[مدام فلمبان]

عادي المعنا انه هو مشتاقلك وانه انتي لحظه الفراق كنتي زعلانه وان هالشي كان باين عليكي ولا تكابرين
انتوا متزاعلين ؟؟؟؟

 

[نور العاصمه]

مشكورين حبيباتي ع ردودكم
الله يسعد كم
هو مو متزاعلين بس صاير خلاف بسيط بيننا
هو بعيد بحكم ظروف العمل

 

[نفسي كذا]

خخخخخخ يا الله ورينا شطارتك وردي عليه ,,, الاخوات ماقصرن كفن و وفن

 

[نور العاصمه]

طيب خواتي ابي رد عليه من تقدر تقولي << وحده لزقه
ادري ماانعطى وجه

 

[الأميره الناعسه]

سلام يا رمش **ر باهي الخد ** سلام .. يا ذابح القلوب الخلية



ما بي ظمأ .. لا شك بي روح عطشان ** وما ني عليل وأن بدى سقم حالي



يا ليت ربي ما خلق .. حب وفراق ** وإلا خلق حب على غير فرقا

أنت العذاب وكيف أنا بك اعذبك ** يامن جرحت القلب .. جرحك علاجي



كل يعاتب بعض الاحيان غاليه ** والحب يبقى فوق كل الجروحي



با متع عيوني .. بشوفة عيونك ** اخاف من يوم اجي فيه ما لقاك

والله ما غيرك بقلبي يوازيك ** أغلى من الدنيا ..على الخد ما طاك



إلا العيون ابخل بها ما قدر اعطيك ** وش فايدة دنياي من دون شوفك ​