الي ما تعرف تتدلع .... تعالي شوي تعلمي

[سلة فواكه]

مرحبا
طبعا شدني هالقسم لكن مع الاسف مافيه مواضيع
يالله بقولكم خبرتي في حركات الدلع
وهالله هالله بالتطبيق
وادعووولي لاتنسون

عندي عده حركات
1- لما تقعدين من النوم ( تمغطي ) يعني شفتي الطفل شلون يرفع ايده ويتثاوب بدلع ,, سوي جذي بدلع ودلال بتحسين روحج طفله ....

2- اذا كنتي تقرين كتاب او تذاكرين او تكتبين شي حاولي تسوين هالحركه جدام زوجج وهي انج تنبطحين على بطنج وترفعين ريلج وتحركينها مثل اليهال ترا الريال يموووت بالهالحركات ...

3- وانتي تمشين امشي مشيه القطه الي هي ريل جدام وريل ورا ترا هاي مشيه عارضات الازياء بس هااا لا تمشينها بالشارع .....

4- وانتي تتكلمين مع زوجج لعبي بخصل شعرج يعني اخذي خصله بصبعج ولفيها وانتي تتكلمين ..

5- لما تتكلمين معاه وتحاولين توصفين شي نوعي في حركات عينج يعني مره غمضيها برقه ومره وديها فوق وشوفي الزاويه بدلع نعومه .....

6- طبعا اللبس يعكس البنت الدلوعه من البنت الدفشه ,, لبسي الون حلوه ولبسي قصير بكل ثقه ولا تقولين كاني وماني على قولتهم , يعني حلاتها الوحده دلووعه وحلوه ...

7- رفعي شعرج مره ... ومره سويته عنقوصتين مثل اليهال ومره حطي كليبسات ملونه وحلوه ولا تستحين ...

8- تعلكي جدام ريلج بس هااا مو تطلعين بالعلج بعدين يتكلمون الناس عنج وتقولين كله من سله فواكه ... وحاولي تحطين حلاوه مصاص جذي بس لزوم الدلع ...

9- حاولي تحطين جدامج الوان واوراق وترسمين وتسوين روحج مندمجه ترا الريال يحب ساعات يحس انج طفله وعندج ميول مو دايما بالمطبخ والعيال ....

10- وانتي تتكلمين بالتلفون حاولي تلعبين بواير التلفون بس هااااااا لا تقصينه ...

11- اذا زعلج في شي بسيط حاولي تسوين فمج قوس يعني مثل اليهال اقصد مثل هالصوره:sad_1:

12- اذا ارتكبتي غلط بسيط يعني مو غلط فادح راح يخليه يعصب ,, يعني غلط صغييير حطي صبعج على فمج مثل اليهال وطالعي تحت ترا بيحسج بيبي وبيقوم يحضنج




هذي خلاصه اليوم
اذا عجبكم الموضوع راح انزل لكم اجزاء ثانيه منه
وسلامتكم

 

[أثير الحب]

7elwa kteeeer ya salloool yeslamoooo

 

[سلة فواكه]

يسلمج ربي حبيبتي
نورتي موضوعي

 

[oga]

جزاك الله خيرا موضوع رائع
فى انتظار المزيد

 

[أم وؤمة العسل]

موضوع رائع منتظرين الباقي

 

[شموخ عـزي]

أفكار حلوووووووووة

وماتجي الا من الحلوين

 

[غروب القمر]

موضوع حلو وااااااااااايد

كملي حبيبتي سلة فواكه نحن في الإنتظار

الله يجزيج كل خير

 

[أطياف]

يسلموووووووووووووو

والله أفكارك لذيذه مثل أسمك

أذا عندك كمان أفكار لاتبخلي على أخواتك

 

[* نفس تواقه *]

سلة فواكه ...

أنت رااااااااااااااااااائعة

 

[لحن الوداع]

رائع جزاك ربي الجنه

عسى ربي يسعدك

 

[دانه الامارات]

جزاك الله خير يا عسوله افكارج وااااااااااو قمه في الدلع

 

[دلوعه ممنوعه]

زيدييييييييييييييييييني دلع(ن).....


لآلآ..

 

[ام القمره]

مشكوره على الموضوع الفري نايس
دمتي بخير

 

[الجمال المستحيل]

تسلمي على االافكار الله لا يحرمنا منك

 

[تل الحلي]

الله يعطيك العافيه

 

[غالية النفس]

روووووووووعة زيدي الجرعة

 

[وجدان]

يعطيج العافية على الافكار الحلوة

 

[سلة فواكه]

مشكورين يا قلبي على التفاعل
بس بقولكم شي مو تصيرون مثلي
اول ما تزوجت اتدلع في كل شي حتى المواقف الي تتطلب جديه وهالشي خلاه يفكر اني وحده دلوعه حيل وما اتحمل المسؤوليه والى هذا اليوم شايل هالفكره بباله
يعني تدلعي بس في وقت الي مزاجه رايق ووقت الي يكون الوضع يسمح
مو مثلي ساعات يكون معصب او عنده مصيبه وانا ايي بكل ثقه اتدلع واحصل لي زف خخخخخخ


شكرا مره ثانيه

 

[الخل الوفي]

يا سلام يعطيك العافيه
نصائح جميلة
:icon30::icon30::icon30:

وخاصه
:icon1366:​

 

[سلة فواكه]

حياج الله يا الخل الوفي
مشكوره عالرد وتسلمين